Unicode
လွန်ခဲ့သော ၅နှစ်ခန့်က>>>
" ဘာ!!! "
အခန်းထဲ အော်သံသည် စူးခနဲ !
ထိုက်စံသည် လက်ထဲက စာရွက်စာတမ်းတွေအား
ကြမ်းပြင်ပေါ်သို့ လွှင့်ပစ်လိုက်သည် ။
" လူတစ်ယောက်လုံး ပျောက်သွားတာတောင်
တာဝန်ရှိသူတွေက ဘာမှမစုံစမ်းဘူးလားဟမ်! "
" ရှာတယ်ပြောပေမယ့်..."
" စောက်အဓိပ္ပါယ်မရှိလိုက်တဲ့ စကား!
အဲ့ရထားပေါ် ပါမသွားတာရော
ဟိုကောင်မသိဘူးလား ။ ရှာတယ်သာပြောတယ်
ဘယ်လောက်ကြာပြီလဲဟမ်...လုံးဝကို
အဆက်အသွယ်ပြတ်သွားတာတောင်
ဘာမှမဟုတ်သလို နေ,နေကြတာ ၊
တောက်စ်...ဒေါသထွက်စရာတွေကြီး..."
ပြောလည်းပြော တရှူးထိုးထိုးဖြင့် ဒေါသထွက်
နေသူသည် လက်သီးကို ခပ်တင်းတင်းဆုပ်ကာ
ခုံအား တထုထုနှင့် ။
တကယ်ဆို လူတစ်ယောက်လုံး ယုတ္တိမရှိ
ပျောက်သွားတာကို သက်ဆိုင်တဲ့တာဝန်ခံတွေက
တွေ့အောင်ရှာရမှာမလား ။ခုတော့ ရထားပေါ်
ပါသွားလား ၊ မပါလားတောင် မသိ ။
လူကပျောက်နေသည်မှာ ရက်ကြာပြီ ။
စပြီး သတင်းကြားကတည်းက လူဟာဒေါသတွေ
တနုတ်နုတ် ။
ဘာတဲ့...
နေ့စွဲညှို့က သူ့ကောင်လေးနောက် လိုက်သွားတာတဲ့ !
မဖြစ်နိုင်သည့်စကား ။ ယုတ္တိမရှိလိုက်သည့် စကား ။
ဟို ဆက်ခွန်နတ္တရဆိုတဲ့ ကောင်ကရော ဘာကိစ္စ
ကောင်လေးအား မရှာပဲ တန်းပြန်သွားတာလဲ ။
သူချိုးလိုက်သည့် အချိုးက သိပ်ကိုအချိုးမပြေ ။
သူ ကောင်လေးအား လိုက်နေသည်
ဆိုတဲ့စကားကြောင့် ကိုယ့်မှာထိုကောင်လေးအား
တစ်ထစ်လျှော့ကာ နောက်ဆုတ်ပေးနေခြင်း ။
လုယူလို့ ရတာတောင် မလုယူခဲ့တာကို...။
ဒါကို...ဒါကို ဒီကောင်က!
" ဘယ်တော့မှ စေတနာနဲ့ မထိုက်တန်တဲ့ကောင်! "
>>>>
အဲ့နေ့ကစပြီး သူကိုယ်တိုင်ပဲ နေ့စွဲညှို့အား
တွေ့အောင်ရှာသည် ။ နေရာအနှံ့ မြန်မာပြည်ပါ
မကျန် နီးစပ်တဲ့နေရာ မှန်သမျှ သူအကုန်ရှာသည် ။
သူကိုယ်တိုင်လည်း ရှာသလို ၊ လူငှားပြီးလည်းရှာခဲ့တယ် ။
သို့ပေမယ့် မတွေ့ခဲ့ ။ သတင်းမရခဲ့ ။
YOU ARE READING
🖤SWEL'🖤( စွဲ~စြဲ ) ~completed~
Romanceမောင့်ကြောင့်ကျတဲ့ မျက်ရည်တွေကို မောင့်အသက်နဲ့ လဲလိုက်ချင်သလား အချစ်🖤 ေမာင့္ေၾကာင့္က်တဲ့ မ်က္ရည္ေတြကို ေမာင့္အသက္နဲ႔ လဲလိုက္ခ်င္သလား အခ်စ္🖤 7.10.2022🖤 17.3.2023🖤
