Unicode
" ဒါက ဘယ်သူ့ကုတင်လည်း ကိုကို
အကုန်ပန်းရောင်တွေကြီး...မင်မင်က
အနက်ရောင်ပဲ ကြိုက်တာ ၊ ဒီလိုနူးနူးညံ့ညံ့
အရောင်တွေကို ကြိုက်လို့ကိုမရဘူး "
" ငါမေးတာပဲဖြေစမ်းပါ ၊ မင်း ဘာကိစ္စ
အိမ်ပေါ်က ဆင်းလာတာလဲ "
ဆက်ခွန်ကမေးတော့ မင်မင်သည် စွဲရဲ့
ကုတင်ပေါ် ပစ်လှဲလိုက်ကာ စွဲရဲ့ ခေါင်းအုံးလေးအား
ရှိုက်၍ရှူလိုက်သည် ။ ပြီးမှ ဆက်ခွန်ဘက်ကို
လှည့်လိုက်ရင်း_
" ပြင်းလို့..."
အဆုံးသတ်လိုက်သည့်စကား... ။
ဆက်ခွန် ဘာစကားတောင်ဘယ်လို ဆက်ပြောရမည်မသိ
တော့ပါ ။ နောက်ပြီး တစ်သက်နဲ့တစ်ကိုယ် ပြင်းလို့
အိမ်ပေါ်က ဆင်းတယ်ဆိုတဲ့စကား သူ့ဘ၀တွင်မကြားဖူးခဲ့ ။
တကယ် ဒီကလေးနှင့်တွေ့မှ အထူးအဆန်း ။
နောက်ပြီး...
နေစမ်းပါအုံး...ဒီကောင်!
ဆက်ခွန်သည် ကုတင်ပေါ်က ဂျစ်တူးကောင်ကို
ကြည့်ကာ မျက်မှောင်ကျုံ့လိုက်ရင်း_
" မင်းအဲတာ ဘာလုပ်နေတာလဲ "
ခေါင်းအုံးကို တရှုံ့ရှုံ့နမ်းနေသူ မင်မင်သည်
ခေါင်းအုံးလေးအား ထိုးပြကာ_
" ဒီခေါင်းအုံးလေးက တော်တော်မွှေးတာပဲကိုကို ၊
သူက ဘယ်သူလဲ "
မင်မင်သည် ခေါင်းအုံးလေးအားချလိုက်ကာ
ဆက်ခွန်အား ကြည့်လိုက်တော့ သူ့အား
မျက်မှောင်ကုပ်ကာ ကြည့်နေသူ ဆက်ခွန်ရဲ့အကြည့်နှင့်
ဆုံလေသည် ။ အကြည့်တို့သည် လူအားဝါးစားမတတ် ။
မင်မင် ကြက်သီးမွှေးညင်းလေးတွေပင် ထချင်လာသည် ။
တစ်ဆက်တည်း မင်မင်သည် ဟိုကြည့်ဒီကြည့်
ကြည့်ကာ အမှတ်တမဲ့ ဆက်ခွန်ရဲ့လက်မောင်းက
ပလာစတာကပ်ထားတာကို မြင်လိုက်ရ၍
စူးစမ်းလိုစိတ်ရှိသွားကာ_
" နေပါဦး...ကိုကို့လက်က ဘာဖြစ်တာလဲ "
" မင်းသာ အဲ့ကုတင်ပေါ်က အရင်ဆင်းလာခဲ့စမ်းပါ "
လက်ယက်ကာခေါ်နေသူသည် ပြေးမဆွဲရုံတမယ်
လူအားပြူးကြည့်ကာ ခေါ်နေတာကြောင့် မင်မင်သည်
လက်ကို ဟန်ပါပါပိုက်လိုက်ရင်း_
YOU ARE READING
🖤SWEL'🖤( စွဲ~စြဲ ) ~completed~
Romanceမောင့်ကြောင့်ကျတဲ့ မျက်ရည်တွေကို မောင့်အသက်နဲ့ လဲလိုက်ချင်သလား အချစ်🖤 ေမာင့္ေၾကာင့္က်တဲ့ မ်က္ရည္ေတြကို ေမာင့္အသက္နဲ႔ လဲလိုက္ခ်င္သလား အခ်စ္🖤 7.10.2022🖤 17.3.2023🖤
