Unicode
Main လမ်းမကြီးတစ်လျှောက် တဖွားဖွားဖြင့်
ကျနေသည့် မိုးရေစက်လေးများ ။
စိမ်းစိုနေသည့် သစ်ရွက်လေးတွေကနေ
တစ်ဆင့်ပြီး တစ်ဆင့် သူ့ထက်ငါ အပြိုင်အဆိုင်
ကျနေသည့်နှယ် တစ်ပေါက်ပေါက်နှင့်
ကျနေသည့်အသံမှာ မိုးရာသီကို ကြိုလင့်နေသလို ။
ကျောင်းဆောင်တွေရဲ့ဘေးတွင်လည်း မြင့်ရာမှ
နိမ့်ရာသို့ စီးကျနေသည့် မိုးရေတွေဟာလည်း
တူးဖော်ထားသည့် မြောင်းအတွင်းသို့
တသွင်သွင် စီးဆင်းလို့နေသည့် အသံမှာ
တဝေါဝေါနှင့်ပင် ။
" ဟူး...."
စွဲ သက်ပြင်းရှည်ကြီးတစ်ချက် ဆွဲချလိုက်မိသည် ။
ခြေလှမ်းတွေလည်း လေးလံသလိုခံစားလာ၏ ။
မိုးရွာနေသည်မှာ ဒီနေ့နဲ့ဆို သုံးရက်ဆက်တိုက်
ရှိခဲ့ပြီ ။ ဒီနေ့သည် ပိတ်ရက်လေးဖြစ်သည်မို့
စွဲ လိုအပ်တာလေးတွေဝယ်ရန်
ဈေးကို သွားဖို့လုပ်နေတုန်း
တဖွဲဖွဲဖြင့် မစဲတော့သည့်မိုးကြောင့်
သွားဖို့ရန် ခက်နေမိသည် ။ စွဲ မိုးရေထဲ
လမ်းလျှောက်ရတာ မကြိုက်သလို မိုးရာသီကိုလည်း
လုံးဝ မနှစ်သက်ပါ ။ ဘာလို့မနှစ်သက်တာလဲ
ဆိုသည့်အဖြေ စွဲမှာမရှိ ။
သေချာတာကတော့ စွဲ ညတိုင်းမက်သည့်
အိပ်မက်ကြောင့်လို့တော့ ထင်သည် ။
အိပ်မက်...အင်း ဘယ်တော့မှ အဖြေရှာလို့မရသည့်
ထိုအိပ်မက် ၊ စွဲ ထိုအိပ်မက်ကို ဆက်မမက်ချင်တော့ပါ ။
မမက်ချင်ဘူးဆိုတာထက် ထိုအိပ်မက်က စွဲ စိတ်ကို
ကစဉ့်ကလျားဖြစ်စေသည်ထိ ပြောင်းလဲသွားစေပြီး
ရင်တစ်ခုလုံး နင့်နင့်သီးသီး နာကျင်စေ၍ပင်ဖြစ်သည် ။
" ဒီမှာ..."
စွဲ သူ့အကြောင်းသူတွေးနေခိုက် မျက်စိရှေ့သို့
ရောက်ရှိလာသည့် ပန်းရောင်ထီးကလေးတစ်ချောင်း ။
ကမ်းပေးလာသည့် လက်ပိုင်ရှင်အား စွဲ အမှတ်မထင်
လှစ်ခနဲ ကြည့်မိတော့ သူ့အားပါးခြိုက်နက်လေးတွေ
ပေါ်သည်ထိ ပြုံးပြလာသည့်သူ ။
အင်း 'သူ'ဆိုတာ...
" မိုးရွာထဲ လမ်းလျှောက်ရတာမကြိုက်ရင်
အခန်းထဲမှာပဲနေလေကွာ ။ ဘာလို့ အပြင်
ထွက်လာတာလဲ ။ ငါသာမလာရင်
မင်းဒီနေရာမှာ ဘယ်အချိန်ထိ ငူငူငိုင်ငိုင်ကြီး
ရပ်နေအုံးမှာလဲ နေ့စွဲ..."
ANDA SEDANG MEMBACA
🖤SWEL'🖤( စွဲ~စြဲ ) ~completed~
Cintaမောင့်ကြောင့်ကျတဲ့ မျက်ရည်တွေကို မောင့်အသက်နဲ့ လဲလိုက်ချင်သလား အချစ်🖤 ေမာင့္ေၾကာင့္က်တဲ့ မ်က္ရည္ေတြကို ေမာင့္အသက္နဲ႔ လဲလိုက္ခ်င္သလား အခ်စ္🖤 7.10.2022🖤 17.3.2023🖤
