لتمر عدة أيام وتوافق لارا علي الارتباط بساهر ويتم عمل حفل خطبة عائلي وتم تحديد موعد زفاف تمارا وقصي وأسمي وقاسم ولارا وساهر بعد شهر….
مكث البنات ووالدتهم بفيلا عاصم التي اشتراها في الإسكندرية فقد قرر أن يمكث باقي حياته في مسقط رأسه بالإسكندرية وأيضا أسر وزوجته عادوا معهم……
ومرت الأجواء بسعادة بين الشباب في تجهيزات الزفاف وشراء لوازم العرس تحت إشراف عليا وأميرة….
….….
يوم الزفاف.
كان الحفل علي شاطئ البحر بناء علي رغبة تمارا…
ويجلس كل عروسين في مكان مخصص لهم وعلي جانب آخر يجلس قصي وسامر مع المأذون يقومون بكتب كتاب لارا وساهر…
لينتهي المأذون من مراسم كتب الكتاب ويطلق عبارته الشهيرة "بارك الله لكم وبارك عليكما وجمع بينكم في خير"
انطلقت الزغاريد ونهض ساهر يضم قصي بأخوة ويتجه لشقيقه يضمها بحب وبعدها يتجه لزوجته ويقبل جبينها برقة: مبروك يا قلبي.
لارا بخجل:الله يبارك فيك.
ليضمها بحب ويدور بها وسط تصفيق حار من المدعوين لينزلها أخيرا ويجلس جوار المأذون مرة آخري.
ليردد أسر بتساؤل:أيه يا عريس هتتجوز تاني ولا أيه؟
ساهر بمكر:لا بس هيبقي وكيل العروسة.
سيرين بعدم فهم : عروسة مين؟
أنتي قالها أمجد الذي ظهر فجأة من العدم لتردد يبرود:ومين قالك اني موافقة ؟
ليركع أمجد علي أحدي قدميه ويحمل باقة ورود حمراء فوقها خاتم ماسي ويردد بحب:قلبي إلي قالي عارف أني غلط و جر*حتك بس كل الي أقدر اقوله ليكي أني بحبك اوي ومش هقدر أعيش من غيرك لو قبلتي هبقي أسعد واحد في الدنيا كلها ولو رفضتي هبقي أتعس راجل وأوعدك همشي ومش هتشوفي وشي تاني.
لتنظر له سيرين بحيرة وبعدها تبدل نظرها لشقيقها ليومئ لها بإيجاب لتنظر له بتوتر وتمد يدها تأخذ باقة الورد من يده لينهض بلهفة:أوعدك إنك مش هتندمي أبدا يا روحي.
ليتجه بعدها المأذون ويتم عقد القرآن ويتجه كل عريس لعروسه يعيشه مع بعضهم اجمل اوقات حياتهم ليتجه قصي لمسؤول الحفل ويطلب منه شئ.
…… …
عند قاسم وأسمي تتحدث أسمي بت*ذمر:ممكن أفهم أنت ليه رفضت اني البس اللنسيز حاسة الناس بتتفرج عليا.
قاسم برفض:هما مش بيتفرجوا عليكي هما بيشوفوا جمالك يا قلب قاسم بيحسدوني عليه أسمي أنا عايزك كده وبحبك كده وعايز أشوفك كده أنسي إلي فات وخلينا نبدأ من جديد.
أسمي بحب:ربنا يخليك ليا يا حبيبي.
قاسم بحب:ويخليكي ليا يا قلب قاسم.
…………..
عند ساهر ولارا.
لارا بفرحة:بجد مش مصدقه أننا أتجوزنا.
ساهر بحب:ولا أنا كنت خايف أتقدم ليكي ومتقبليش أنا حبيتك من آول مرة شوفتك فيها يوم الكيك والشاي بالنعناع.
لارا بحب:وأنا مش عارفه حبيتك إمتي وأزاي كل الي اعرفه أني عمري محبيت قبلك ولا هحب بعدك.
ساهر بحب:ربنا يخليكي ليا تعرفي أنا نفسي في أيه.
لارا بفضول:أيه ؟
ساهر بمزاح:شاي بالنعناع.
لارا بضحك:مج*نون ..
…………..
عند سيرين وأمجد.
أمجد.بعتاب:أه كان قلبي هيقف لو رفضتي؟
سيرين بحيرة:بس ازاي بتحبني وكنت بتحب ساندي؟
أمجد بهدوء:أنا مكنتش بحب ساندي؟
سيرين بحيرة:ازاي مش فاهمة مش كنت بتنت.قم من سامر عشانها؟
أمجد ببساطة : عشان قصي مش أكتر و لو حبيت ساندي مكنتش هحبك يا حبيبتي…
…………
عند قصي يتجه لزوجته ويساعدها علي النهوض لتتحدث تمارا بفضول أنت نزلتني ليه ؟
قصي بغمزة:هنرقص.
ثواني وأرتفع أصوات المسجل بأغنية "شط إسكندرية " وبدأ يتمايل قصي وتمارا علي أنغامها ليتحدث قصي بهمس في أذنها:تعرفي أن آول مرة شوفتك فيها كانت هنا علي البحر وكنت بتغني الأغنية دي.
لتنظر له بعدم تصديق ليومئ بتأكيد أيوة وبقيت اجي استناكي وكنت فاكرك حورية بحر لما اختفيتي.
تمارا بعدم تصديق:يعني أنت كنت تعرفني من قبل ما اشتغل عندك؟
قصي بتصحيح:قصدك بحبك يا حوريتي الجميلة أنتي هتفضلي طول عمرك حورية البحر بتاعتي وشط إسكندرية هيفضل شاطئ الحب والهوي إلي جمعني بيكي من غير ميعاد لتعلن الأغنية عن الإنتهاء ليحملها قصي بلهفة ويدور بها بسعادة…
تمت بحمد الله
بقلم زينب سعيد القاضي.
BẠN ĐANG ĐỌC
رواية شاطئ الحب والهوى.
Bí ẩn / Thrillerلا تدري من أين يأتي الحب ولا كيف يأتيك تخيل أن تجد من تحب صدفة علي شاطئ البحر وتظن نفسك تتوهم فماذا ستفعل هل ستترك حبك ؟ أم ستبحث عنه ؟إذا نبض قلبك فتمسك به وأبذل قصاري جهدك للبحث عنه لأن الحب لأ يأتي سوي مرة واحدة بالعمر . البداية ٢٤/٩/٢٠٢٢
