عذراء بالمزاد 💫مكتملة💫

الجزء 6 💫

نور الراضي بنت مازال يالله قالت بسم الله فالحياة ... بنت زوينة عندها عشرين عام .. لقات راسها بين صباح وعشية يتيمة من بعد ما كانت يتيمة الام وهي فسن 15 لعام لقات راسها هي لي كاتربي ختها وبصيغة خرا ولات هي الام تانية ديال ختها الصغيرة لي خلاتها مها عندها عام... باهم كان ليهم هو الظهر هو كلشي ، ولكن عمرها ضربات حساب لنهار لي مول الامانة ايدي امانتو ..
من بعد ماشدات الباك كانت دخلات للكلية مستواها التعليمي كان متوسط غادة على الحيط بشوية عليها ... ولاااكن مع الموت ديال باها المفاجئ هاهي دابا خرجات من القراية باش تلقا ماتاكل هي وختها .. وعاد حالة ختها وصحتها للي نهار على نهار كترجع اللور .. مابغاتهاش حتا هي تموووووت وتخليها ..
ماكانتش ضاربة حساب لحتا حاجة من قبل ..

قبل ايام :
كانت واقفة قدام الطبيب وهو كيقول بللي ختها الصغيرة آية مريضة بالقلب وخصها عملية فأقرب وقت ممكن .. و العملية دايرة كتر من 12 مليون ..
الدنيا كحالت فعينيها كيفاش اتقدر تعتق ختها .. ماعندهاش حتى عشا ليلة .. والبيت للي عايشين فيه غير الناس للي كيخلصو لهم الكرا .. حد ماغايقدر يسلفها وماعندها منين تردهم ... واخا تخدم حتى تعيا ماغاتقدرش تخلص حتى الربع دهاد التمان ... ماقدراتش تحبس دموعها ،،، ماتقدرش تتخيل شي حاجة خايبة توقع لختها تقدر تعطيها روحها باش تعيش هيا
اية ماشي غير ختها وصافي ... اية بنتها هي لي رباتها واخا كانت باقة صغيرة هي لي كبراتها و ماتقدرش تتخيل مكروه صغير واقع لها ..
مسحات دموعها ودخلات عند ختها كتحاول تحبسهم كتر ... كانت ناعسة على السرير الطبي و ضاحكة ... رسمات نور حتى هيا ضحكة على وجهها باش ماتبين حتا حاجة لختها وعطاتها واحد المونيكة ديالها كانت هازاها معاها قبل اية ماتشدها كريز ..
آية... " شافت فمونيكتها بفرحة " سااااااااارة
نور... " قربات لها و باستها" شتي حتى سارة ماخلاتكش بوحدك
اية ..."عنقات سارة بجهد وهزات عويناتها لي كانو بحال عوينات نور "... علاش كاتبكي ؟ واش غادي نخرج من هنا ؟
نور ماكانتش حاسة بدموعها نزلو يهبطو قاصت حناكها لقاتهم فازگين ضحكات و هي باغا تدوخها  ..
نور .. هههههه لا لا هير دخلات ليا شي حاجة لعيني .. اجي نفخي عليهم .. "عناقتها" وقريب غانرجعو للدار ..
حنات عندها و آية نفخات لها فعينيها ..خداتها كاتبوسها حتى قاطعهم صوت الطبيب ...
طبيب .  آية، كيف بقيتي ؟
اية ..." ضحكات وحنيكاتها حمارو  " لاباس .. بغيت نمشي بحالي ..
نور ..." وقفات ومشات حدا الطبيب " تقدر تخرج ياك ؟
طبيب ... اه تقدر حالتها مستقرة دابا ..ولاكن .. "شاف فيها وهز راسو بلا مايكمل كلامو وهيا فهمات قصدو "
خرجات نور هي وآية من بعد ما خلصات و مشاو لدار ... نهار كامل و هي كاتخمم شنو غادي دير فهاد المشكل لي نزل عليها .. حتا الفلوس داكشي لي كان عند باها مابقاش بزاف شي فلوس قليلة يالاه يقدوها لشهر واحد وخصها تخرج تخدم ..  المشكل الكبير ان واليديها مقطوعين من شجرة ماكاتعرفش شي حد من عائلتها فقط هي و مها وباها و ختها لا غير .. وماعندها حتى ديبلوم ولا معرفة باش تعاونها ...