كاانت غادي طييح كون ما درعانو لي شدوهاا .. شافت فييه لقاتو عليي خو ياسر الصغيير .. وقفها و هي بعدات منو بالزربة و دارت كتتأكد نيت واش تابعها لاخر .. فيقها غا صوتو
علي .. كتقلبي علا شي حد ؟؟
نور "تالفة "ها.. !!
علي "كيعاود هضرتو بتقالة و مزاح " وااش كتقلبيي علاا شيي حد؟؟ شفتك كدووري ورااك حتاا مارديتييش ليا الباال انا گااع بهاد الطولة كلهاا ..
نور "باحراج" سمحلياا امم .. ماشفتكتش ..
علي "ابتسم و غمزها " نسمح ليك بشرط .. تخلصيي التمن
تصدماات منو و شهقت بلا ماتحس .. كيفاش كيطلب منها بهاد الوقاحة هكا .. مال هاد العائلة كلها كيطلبو التمن واش متافقين عليها .. حطات يديها على فمها و الدمووع لي كانت حابساهم ولاو عمرو فعينييها .. بغات ترجع للورر تهرب ولكن تعكلاات فكسوتها كانت غاادي طييح كون ما شدها علي عااوتاني ..
علي "كيهدنها" غا بشوية عليك ضحكت معااك و صافي علاش الدمووع ،،، ؟صافي سمحي ليا مايصحابنيش كتقلقي .. صافي صافي تكالماي .. اجي معايا نعطيك تشربي
شافت فيه و حسات بالامان لي كتحس بيه فاش كتشوف فعبد الله .. بلعات ريقها وشدات فدرااعو لي كان مادها ليها .. حيت بصح كتحس بقلبها غاادي يسكت و رجليها خوااو مابقاوش قادرين يهزوها .. تمشاات معااه لوااحد الطبلة و عطاها الماا شربات منو شوية و حطااتو كتاخد نفس طويييل تعمر بيه صدرها من الخنقة لي تخنقاات ..
علي .. شوية دابا ؟
نور .. ااه شكرا ..
علي "بمزااح كيحاول يضحكها" كنتي على شوية تسخفي ليا تما خلعتيني تا قلت صافي داابا غتموت ليا بين يدي مشاا شبابي اندوزو فالحبس على وحدا بغيت غاا نضحك معاها .. خايبة حتا للمعاودة
شافت فيه و ضحكات من طريقتو فالهضراا .. بقاو هكاك هو كيحاول يضحكها حتا نساات انها كانت خاارجة هرباانة باش تمشي بحاالها .. و ياريييتها مانساات
بعدما كانت كتضحك مع عليي و تتحاوب معااه ولات كاتستناه غا ايمتا يسكت بااش تهرب منو .. حااولت ما مرة ما جوج تغفلو و تهرب لييه لاكن هو مصرر علييها مامخلييهااش تحيد من قداامو ..
كانت وااقفة كتسمع في علي كيعااود على مغاامرااتو لي ماسمعاات والو منها كتحرك لييه راسها غا ب آآه .. حتى فجأة تسمع صوت عبد الله من الميكرو .. و الكل داار و كيشوفو فييه مركزيين معاه .. كاان واقف على المنصة و على يميينو شااب ماكيشبهش ليه بزااف ولكن باين ولدوو و من الوردة على صدرو و الضحكة العرييضة المرسوومة على وجهو بااين هو العرييس .. و على شمالو كان يااسر .. وااقف مخنزرر داير يدييه فجياابو كتحس بييه بحالا بااغي ينقز يضرب شي حد .. و باينة فيه واقف بزز ... ادا ضرب شي حد ماغادييش تستغرب حيت قااست عنفو و عارفااه شنو يقدر يديير ..
علي حتى هو عيط لييه عبد الله استاذن منهاا و مشا طلع حدااه مع خوتوو .. فرحاات و ارتاحت اخييرا مشا من حداها شافت يمين و شماال لقات الكل مدور علييه و مركزين معاه يعني حد ماغادي يرد ليها الباال فاش تهرب .. يالاه هزات كسوتها و صاكها حتا حسات بنضرات ثاااقبة متوجهين ليهاا .. قلبها حس بدوك النضراات ،،، حس بمولااهم الشي لي خلاها دور بلا ماتحس .. حتا كتتصدم بعينيه متربصيينهاا كيف الصقر .. كيشووف فيها بحلا هي فريستو و قرييب ينقض عليها ..
الشوفات ديالو خلاو رجليها يتحفرو فالارض مابقااتش قادرة تتحرك لا يمين و لا شماال .. حلقها نشفف فخطرا و قلبهاا من قوة دقاتو خافت لايكونو وصلووه صوتهم .. ما قاطع حرب النضرات هير صوت عبد الله و هو كيهضر ..
عبد الله ... اعزائي المدعويين مرحباا بيكم عندي اليوم ففرح ولدي احمد .. كان ليا الشرف بحضووركم و كنشركوم حيت لبيتو رغبتي و جيتو تفرحو معايا .. لاكن اليووم الفرحة فرحتيين .. و بغيتكم كيفما شاركتوني بفرحة زواج احمد بغيت نعلن على خبر تاني .. خطوبة ولدي البكر ياسر ...
حركات عينيها بزز للبنت صاحبت ياسر لي كانت كتنقز فرحاانة و كلشي كيبارك لها .. بلا ماتحس رجعات عينيها ليااسر لي كانت شوفتو باقا تاابتة عليها .. ماقدرااتش تفهم عينييه شنو كيبغيو يقولو بالضبط .. ملامحو غاامضين ماعاطيينها حتا فكرة شنوو ضاير ليه فرااسو .. لكن دغياا ما توقف تفكيرها منين سمعاات صدمة العمر ..
عبد الله شير جيهتها ضااحك و كلشي داار كيشووف جيهتها ب استغرااب كامل ..
عبد الله .. خطووبة ولدي يااسر بعروستو نوور بنتي ..
YOU ARE READING
عذراء بالمزاد 💫مكتملة💫
Romance💎مكتملة💎 ❌حصريا على الواتباد ❌ #قراو_حتى_للاخير كتابة : شيماء سيداهي 💃 قصتي عنوانها : #عذراء_بالمزاد 🔥🔥💥🔞 سيداتي انساتي وجدو راسكم تسافرو معايا لعالم اخر ورحلة مش حتقدر تغمض عينك 🔥 عالم غادي دوقو فيه الواقع المر اللي باقين كيعيشوه البنات م...
