عذراء بالمزاد 💫مكتملة💫

الجزء 75 💫

من بعد ماااقادو امورهم كااان ياسر كيتسناها قدام الباب ،،، نزلو بجوووج ،،، كاتبااان حدااااه بحال شي كاس صغير حدا قرعة د كوكا كبيييرة ههه ... كااانت حشمااانة ومااقدارتش تشوف فيه ماااقادراش تيق راسها انها تبعاتو للبيرو ديالو ووقع لي وقع .. عمرها تخايلت راسها بهاااد الجرأة .. ولاكن مشاعرها تحكمو فيها ...ماعمرهاا تخييلات انهااا شي نهااار تقدر ديير علاقة فالبيرو ... و شنووو مع يااااسر ..
كااان هو شاااد فيديهااا بحاالا كيقول ليهم راها معااه وحتاا حد ما من حقو يشوف فيهااا .. غير هو بوحدو ....
غير وصلو لبلاصة دياال الحفلة ... وقف و شاااف في آسيااا ..

ياسر .. اتمشي حدا آسيا .. هاد المرة ماتحركييش .. اتريييحي حداها .. سمعتي ؟حسات به كيعتملها بحال شي درية صغيرة قوساااات شنااايفهاا و هزات راسها بي آه .. تنترااات منو و مشااات حدااا اسيا منفخة .. شاافتها آسيا و بانت عليييها مخلوعة
آسيا .. نااااري اصاحبتي .. وا غير علميني حساااب ليااا غا مشيتي ... وقلت معاا راسي قفرتهاا من عند ياسر .. وعاد ملي مابانش ليا تشطنت علييك ...
نور .. " هزات العصيير لي جابت ليها اسيا " كنت غير معاه ...
اسيا ..." فرنسات وغمزاتها " اممم داكشي لي بان ليا .. هضرتو علا هدى ... ؟
نور .. "عقدت غوباشتها". هدى ؟ اواا صافي داكشي لي بقااااا .. ماكاتهمنيش ديك السيدة .. نتي قلتيها بي فمك غير حمقة .. وماغانديش عليييها ..
شربات من الكاس د العصير واسيا بقااات كتشوف فيها ..
اسيا .. والله غييير حمقة عمرني شفت شي مريضة و حمقة قدهاا ،، الدل و قلة النفس كون كان بنادم هههه ..
نور .. عندك الصح ..
اسيا .. اواا ..
نور .. من عندك الالااا ..
اسيا .. "قلبات عينيها وعضات على شنايفها" واخا الوقت ماشي مناسب .. عرفتي غانقوولها لييك شاكة فراااسي حاملة ..
نور .. لا لا غير كضحكي ..
اسيا .. " دورات وجهها كتضحك" لا والله حتى كنهضر بصح ....
ضحكات نووور .. وبدات شادة على فمها ..
نور .. ناري ماتصووريش شحال فرحتيني ... " تغرغرو عينيها" والله حتى فرحت لييك من قلبي ...
شافت اسيا في احمد لي واقف بعيييد ورجعات شافت في نوور ..
اسيا .. ماتقوليش لياا غاتبكييي...
نوور .. "حطات يديها على وجهها "غيير وليييت حساسة كتر من القياس ...
رجعااات ضحكااات وعضااات علاا شنايفهاا ونيشان شافت في ياسر لي واقف مع وااحد الرجل حتاا هو عينيه ماااحيديوش من علييها .. بلعااات ريقها ورجعااات ركزااات مع اسيااا ملي سمعات سؤالهااا ...
اسيا ... ونتي ماناوياش زعما !
نور .. " هزات راسها" انا حياتي معقدة وعاد نزيدها بالحمالة ... باراكا علييا غير اية ..
اسيا .. " قرناات حجبانها " نعلي الشيطان ياختي .. اي وحدة كتزوج كتبغيييي تحمل ويكونو عندها ولادهاا .. وعاد نتي باقي صغيييرة الحلاوة د الامومة هي يكون باقي فيك الجهد ..
تنهدااات نور ورجعااات شافت في ياسر عاااد هضرات بشرود ..
نور .. ماتنسايش الولاد كيحتاجو التفاهم والواليدين يكونو متافقين مع بعضياتهم .. "تنهدات " والحب حتااا هو ...
اسيا .. "هزات راسها ب اه " وشنو زعما نتي ماتقدريش تبغي ياااسر .. بعدا هوو كنشوفو كيف كيشووف فييك وتيقي بيا والله العظيم عمري شفتو كيشوف فشي حد بديك الطرييقة ها انا قلتها لييك وعقلي علييهاا ياسر ماشي غير كيبغييك كايكل عليك الجوانط غير نتي ماحاااساش حتااا هو ماااباغيش يبين لييك ..
ماعرفاتش نور علاش دق قلبها بالجهد والريق نشف من حلقها .. غوبشااات ..
نور .. ياسر ماكيبغينش .. كيحسب فراسو شراني وصااافي ..
اسيا .. نتي غالطة وباقي فدار غفلووون .. هادي هي الفكرة ديالك .. حيت نتي كتقنعي راسك بهادشي ... علاش جابك هنا في نضرك ؟ ومابغاش يخلييك مع علي فالدار ....
نور .. حيت ماكيتيقش فيا نبقى معاا علي ...
اسيا .. " هزات حاجبها " يا الحبيبة ياااسر كيغيير .. سوليني انا لي عارفة احمد وحافضاه وراهم طينة وحدة.. ماشي ماتايقش فييك ولكن مااايحملش يشوفك مع خووه حيت كيغير .. كوون كان ماكيتيقش فييك ولا ماكيبغييكش ماكانش غايبقى مزوج بييك من شحال هادي ..
نور .. غير كيجيب لييك الله ..
اسيا .. ونتي لي غير كيجيب لييك الله .. غير حلي عييينك غاتلقايه هاد الليلة كلها وعينيه ماطاحوش من علييك .. شوفيه واش كيشوف فشي وحدة اخرى هنا ؟
علااات نور عينيهاا تلقائيا كتأكد من هضرة اسيا وداااكشي لي كان ... كااان كيشوف فيه واخا مركز مع شي رجاال ولاكن عينيه كيرجعو لجيهتها تفكرات داااكشي لي وقع بيناااتهم وحمااار وجهها ...
اسيا .. تأكدتي ولا مازال باغيا تأكدي ؟
نور .. نتي غير كتخربقي ..
اسيا .. ونتي لي غير كتخربقي الحبيبة .. وجدي راسك وتحلوني علييه وطيري لييه العقل وتشوفي لا ماخرجاااتش من فمو كلمة كنبغيييك .. راه نتي كلما عاندتي كلما هو باغي يهرس لييك راسك ... حني الراس وانا متأكدة من هنا واحد الشهر اتجي تبداي علييا عتقينيي ولييت كنبغي ياسر ....
ضحكااات بالجهد ونور حتااا هياا ضحكااات بزز منهااا .. كااانت مركزة كتسمع ل اسيا وهضرتها كتقنغها شوية بشوية .. شي مرات حتاا هي كتحس باحاااسيس في شكل اتجاه ياسر واخا كتغلفهااا بي الكره .. ماتقدرش تنكر انو كياثر فيها وخلاص ملي كتفكر هدى كتشعل العافية في قلبها ...
اسيا .. ""شدات لها فكتافها وفيقاتها" غانجيب شي عصير اخور ونرجع .. وفكري في الهضرة لي قلت لك مزياااان ... الراجل ماشي كيشدوه الولاد ولاكن انا متأكدة ياسر الااا حملتي غايقدر يعرف بقيييمتك كتررر .. هو كيبغيييك خصك غير نتي تحركي هاد القلب دياالك .. وطلقينا للفراجة ...
مشات اسيااا تجيب مشرووب اخور ... ونور بقاااو نضراااتها علااا ياسر ... مااا حساتش حتاا لقات هدى وقفااات علييها ...