عذراء بالمزاد 💫مكتملة💫

الجزء 54 💫

قلبهااا بحاالا انفجر .... بدا كيييزدح كيييزدح ... بجهدددد .. شافت في عمهااا .. بحااالا كاتستنجد بيه ..
عبد الله .. معااامن كانهضرو حنا ؟
ياسر ... " قرن حواجبو كتر وعض على فمو " مااشي شغلك مراتي هادي... ونتا من النهار لول لي بغيتي تلوي ليا دراعي بيها " تبسم بمكر " انا دابا لي غنلويلك دراعك ... الا ماخرجتيش سوقنا ... بان ليا هاد بنت خوك عزيزة عليك بزاف ... ههه كان خصك تفكر جوج مرات قبل ماتزوجها ليا .. ودابا شووف شكون يفكها من عندي ..
عبد الله .. " غوت بالجهد" ياسر ...
ياسر ..." ماتسوقش لباه و هز صبعووو كيشير للباب " .. نتي ،،، يالاه .. قدامي هضرت معاك .. ماغانزيدش ندوي ..
نور مشات كاتجري و تخبات قدام مور عمها ..
نور... لاااا لا ... ماغانمشييييش معااااه عافاك،، عاافاك ا عمي دير شي حااااجة الله يخليك ... ايقتلييييي اهئ اهئئ اهئ ...
عبد الله ... " شاف في نور وشاف فيه كيحاول يفك الجرة " ولدي الله يرضي عليك ..صااافي .. سمح ليا انا لي غلطت و غانصلح غلطي .. ماااكانش خصني نلويلك دراعك ونزوجهااا لك.. غي طلقها .. وخليها برا هااااد السوق ..
ياسر ... " مازال كاتبان فيه مهدن " الواليييد ... مشى الحال .. "بان التصميم فعينو" بنت خوك مااغانطلقهاش .. وغانعاودهااا خطي سوقنا .. ياك من اللول كنتي غاتموت باش نتزوجها ؟؟ ... ونتي " وقف كلامو شاف فيها " انحسب حد تلاتة .. يا غاتجي ولا غانجي انا ...
شافت في عبد الله .. و دموعها كيهبطو ...
نور ... والله حتا نهرب ... والله حتا نهرب الا قربتي ليا ..
كانت كاتسمعو كيحسب قبل مايكمل ... تحركات كااااتجري باغا تهرب ... جوج خطوااات كانو كافيييلين يوصلوه ليييها هزها دااك ساع بي كل سهوووولة بحالا هاز شي ريييشة ... و دارها فوق كتافو .. خرج بيها و نااازل بيها في الدروووج بزززربة .. و هي تاضرب فضهرو و كاتبكييي .. ماهضر ماتكلم غير وصل لطوموبيل ديالو لاحها لور و سد الطوموبيل ... مشا جاب الشنطة ديالها و لاحها فالكوفر و هي مازال كاتغوت ..
نور ... طلقنيييييييييييييي و بعد مننييييييييييي ماتسوقش لها و رجع دخل لفيلا بانت لي زينب رئيسة الخدم و هضر معاها ..
ياسر ... اية فينها ؟
زينب .. معا لالة آسيا ..
طلع بزربة للبيت د آسيا و دق .. حلات ليه ... وو شاف آية جالسة عندها ...
آسيا ... ا،، ياسر .. !
دخل داك الساع وو هز آية ..
آية ... اهئ ... طاطا آسيا ...
آسيا .. "بغات توقف ليه فوجهو". ياسر فين غادي بالبنت ؟؟؟
ياسر ..." ضار عند آسيا بتهديد " آخيييييييير مرة تدخلي بيني و بيها ... هانا علمتك.. المرة جايا غانسا راك مرات خاي..
خلاها حالا فمها بصدمة .. ونزل و هو هاز آية لي كانت كاتبكي ليه فيديه ..
آية ... اهئ بغيت ختي ... بغيت نوووووور ...
ياسر ... "مابغاش يبين معصب قدامها" صافي ها حنا غاديين عندها ... بلا بكا ..
غير وصل ركبها حداا ختها ... نور غير شاافت اية عنقاااتها و بداات كاتمسح لها دموعهااا قلع يااااسر .. و الطريق كااااملة و هو كيشوف في نور بلاا مايهضر معاااها ... غير كيخنزر فيهااا من المرايا .. عارفة تخنزيرو شنو غايتبعو ....
وصلو ونزل جبد لها الشنطة و حل ليها الباب ... نزلات و الخلعاااا شاداااها ... شافتو مادار حتاا حاجة ...
ياسر ... حوايجك رديهم فين كانو .. غانجي غانلقاهم رجعو لبلاصتهم ...
شافت فيه بنص عين و جراتها ... بان ايها بعد كيهضر مع الحرس لي عندو ... و كيشير بي صبعو ... بعدهاا هو هز طوموبيلتو و خرج ....
قدرات تنفس بي رااااحة منين خرج و منين ماااادار وااالو ... توقعات بلي هادشي لي دارت حرك فيه شي حاااجة و ماغاديش يعاااود يضربها مرة اخراااا .. دوزاات نهار تمااك و رجعااات الحوايج فين كانو ...

بقاات النهاار كامل كتفكر فشي حل مااالقات والو شنو غادير ! وكيفاش غاتفك منو ... غاتخلي الامور تهدن شوية عاد تلقى شي حل ..
حطات اية تنعس في بلاصتها ووقفات جهة الشرجم كتطل برا ... الدموع كيهبطو على وجهها بحال الشلاااااال عيات بالقهرة والذل ومالقات تا حل .. حتااا تناصف الليل عااد بانت ليييهااا طموبيييل ياسر دااخلة ..
الرعدة والسخانة شداتها بقات كتطل غير بنص عيين .. حتاا نزل مشات دغيا تخشات مع اية غادير راسها ناعسة ولي ليها ليها ...