عذراء بالمزاد 💫مكتملة💫

الجزء 43 💫

زيرااات نووور حتاا هي علااا اية ،،، و ماقدراتش مازال تتزيد تهضر ،،، ايداا تزايدات بالهضرة معاا ياسر ايوليو فشي مشكل كبير و ختهاا اتزيد تخلع ... جرااتها و مشاو بجوج للبيت ... نور بدات تتجبد في حوايجهاا و حوايج ختها و كاديرهم في الباليزا بزربة
آية ... فين غاديين ؟ واش ماغانبقاوش هنا ... ؟
نور ..."حبسات ونزلااات لمستوى ختهااا " حبوبة ديالي ،،، لاء ماغانبقاوش .. دابا .. "دورات عينيها كاتفكر شنوو تقوول لييهاا" انمشيو... انمشيو مع هاداك.. هاداك راجلي ،، هاديك اتكون هي دارناا ،،، حيت تزوجت بيه خاصني نسكن معاه
آية ..."ضربات برجليها " لاااء انا مابغيتش نمشي
نور .... آية ...
آية ... مابغيتش نمشييي هاداك كيخلعني .. وهناا دار زوييينة و كاينة طاطا اسيااا و كاين علي ... كيلعبو معايا و ايدا مشينا لتماك ماغايكونوش
نور ... " حكات شعرها بي حيرة " .. ولاكن هاديك اتكوون دارناا.. ماعندنا مانديرو ...
آية ... " غوبشات " نتي كدبتي عليا " ربعات يديها بي تذمر " قلتي ليا هادي هيااا دارنا جديييدة ...
نور ..." شداتها البكية " حتاا انا حساب ليا انعيشو هنا .. حتاا تماك اتكون دار زوييينة و كبيرة ... و غايكون عندك بيتك بوحدك .. اندير لك فيه لي بغيتي
آية ..." تخنقاات بالبكااا " مااابغييييتش مااابغيتش اهيئ اهيئ
دارت نور صباعهااا علا عينيها مزييييرة عليييهم حابسة حتاا هي البكيااا ... طبع آية نهار علا نهاار كيصعااب تعامولها ... و ماعارفاش كيفاش اتقدر تساايرها من هناااا لقداام ... شافتها تلاحت علا الفرااش دافنااا وجههاااا فييييديها و كاتبكي بجهد ... قربات لها نوور تتجرها

نور ... آية ... باراكا من البكا نتي مريضة واش تبغي يحرقك قلبك تاني ؟؟؟ واش باغا تبقاي هنا و تخليني انا نمشي بوحدي ..؟
اية ... " ناضت كاتمسح دموعها " اتخليني بوحدي ؟؟؟
نور ... نتي لي باغا تخلي ختك بوحدها. و ماباغاش تمشي معاها .... " حاولات ترفع من معنوياتها " زعما نتي بنيتة كبيرة و بعقلهااا ... البنات الكبار ماتيديروش هااكا ..
اية هزات كتافها و ماقالت والو ... رجعات نور تتجمع حواايجهم ... و غير سالات شافت فيها ...
نور. .. آية يالاه ...
ناضت اية نافخة شنايفها مربعة يديها ماحاملاش تمشي .... تبعات ختها حتاا نزلوو لتحت ... كان ياسر كيكمي ... غير شافهم لاح الگارو و سحقو برجليه ... شاف فنور و هو مخنزر
ياسر ... لا كون غا زدتي شويااا ،،، ماعندي مايداار انا ؟؟
نور حسات بختها زيرات عليها ... و هي تشوف فياسر و حتى هي غوبشااات
اية ... ماتغووتش علااا ختي ..
نزل ياسر عينيه كيشوف فآية ... و نور شافت في آية و خرجااات فيها عييينيها
نور ... آية ... شششش
ياسر سكت و مابغاش يدير شي حاجة ماشي هي هاديك قدام البنت الصغيرة .... و توجه للسيارة كانو الخدم هزو الفاليز د نور و داروها في الكوفر .... نور حلات الباب لوراني و ركبات ختها و كانت اتركب حداها ...
ياسر ..." ضرب علا سطح الطوموبيل " هييييه ... " هزات نور راسها قبل ماتركب " القدااام .. ماخدامش شيفور عندك
زمات شناايفها بعصبية و مابغاتش تزيد تهضر ركبات حداه .. و دارت الحزام ....
كان ياااسر باقي كيهضر معاا باااه و مع طوموبيل مسدودة ماتسمعاتش الهضرة ... شافت في آية من المراياااا
نور ... ماتعاوديش تقولي هضرة بحال هاكاك ...
اية ..."مازاال مربعة يديها و شافت في نور " علاش ؟؟
نور ... حيت حشومة ... كبير عليك خصك تحتارميه ... و ماتقلليش الاحترام .. ماشي هاكا ربانا بابا ...
اية ... " تتهز كتافها " وهوو تايغووت عليييك ..
نور ... داكشي بيني و بينو .. نتي غير احتارميه و احتارميني تانا حيت شفتك هاد الايام ا آية مابقيتي كاتحتارمي حد ... حتاا قلنا مابقيتيش اديري البسالة و ضربتي كلشي فالصفر اليوم...
الصمت هو لي جاها من عند ختها ...
طلع ياااسر و قلع .... الطريق كاملة تقريبا وهو ساااكت حتاا شاف في اية من المرااية ... حاول يبتسم بزز و يرطب حلقو ... حس براسو كيخلعها و مابغاش يدخلها فهاد المعماعة داكشي بينو و بين ختها ... هي مجرد طفلة صغيرة لا ذنب لها في هادشي كااامل
ياسر ... سميتك ؟
شافت فيه اية و شافت فنور لي كانت كاتهز ليها حجبانها باش تجاوبو .... بقات عاقداهم و جاوباتو
آية .... آية
ياسر .... "تبسم " متشرفيين ،،، انا ياسر ..