عذراء بالمزاد 💫مكتملة💫

الجزء 23 💫

غير وصلو للداخل نترات يديها نور منو بالجهد دموعها بداو يطيحووو في الحييين ... هزات يديها ومسحات دموعها .. لأول مرة غاتشوف نيشان فعينين عبد الله وتغوت بحال هاااكااا
نور .. بغيت نفهم داااباااا شنو هاد المسرحية لي درتي براااا دابا .. بغيتي فلوووسك انردهم لك ..
عبد الله... "بغا يقرب منها " غانفهمك ..
نور ... " بعداات منو " بعد علياااا ،،، شنوو غاتفهمني شنوو ؟ واش كنبان لك لعبة تلعب بها ... ؟؟ ولا غير حيت قبلت وجيت لعرس ولدك ولا غير حيتاش عاونتيني اتلعب بحياتي كيف بغيتي ..
شاف عبد الله برا بانو ليه الناس ملهين زاد جرها بزز الفوق ... ماقدراتش تقاوم كانو رجليها ضارينها وعاد مافاهمة والو وعقلها كيغلي وهضرة ياسر ماباغاش تفارق بالها ...
نور .. طلق طلق مني غانمشي بحااالي .... انا غانمشي صاااافي .. مابقييت باغيا منكووم والو عطيوني التيسااع ...
بان ليهم ياسر كيييمشي ويجي ... وغايقلع شعروو من بلاصتو بالقوة الاعصاب ... قرب لباااه .. وعينيه شاعليين .. هضر بالريفية ..
ياسر ... " وتزمرذ اطكذ مانايا نش ومجكخشي سثاني .. ارا شوش اتزنز اخفينيس ...ثاني غير ذ الق **
بمعنى " ماتقدرش ديييير هادشي .. انا ماغانتزوجش بهااادي .. كانت باغيا تبيع راسها... هااادي غيييير ق**** "
عبد الله " خرج عييييينه فياسر و غوت " ياااااااسر ... حدددك تم ..
جمدات نور بلاصتها كاتشوف فيييه ... واحد المدة ماقدرااتش تدير والو ... حتى اندفعت فدقة وحدة ناحية ياسر و ضرباااتو بجهد لصدرو واخا ماتحركش ومابانش عليييك گاع انو تقصح
نور ... " كاتغوت بجهد " نش بزاف خك... " انا بزاف عليك " الا سكت لكم يسحاب لييك صافي غاتلعبو بيا ..
ماتململش هوو من بلاااصتو .. شد يديها قدام وجه باه وهبطها .. زير عليها حتى تطراساو صباعت فلحمها .. بقا مزير عليها وكيهضر تحت سنانو ...
ياسر .. عاوديها غير مرة اخرى وغاتشوفي شنو غاندير فيييك ..
بغا يحيد ليه عبد الله يديها من يديو ولكن ماقدرش ... غوت بالجهد حيت عارف تا حد ماغايسمعهم مع الموسيقى لتحت ..
عبد الله ... حتاا هي ريفية و كاتفهم ...
نور ... " بغات دفعو و لاكن كان جمع لييها يديها بجهد و واخا هاكاك بدات كاتعافر وتغوتت " انااا بزاااااف علييييك ،،، اناااا اشرف منك ،،، ايدااا بعت رااااسي غير حيت كنت محتاااجة الفلوس .. على ود ختي ياكنا يسحاب لك كنتي غانبيييع راسي لواااحد بحااالك حيت شايط عليا رااااسي
ياسر ..." يد كان شاد ليها بيها يديها بزوج و وحدا دارها فوجهها حتى قطع فيها النفس " انخبط مكككك سكتيييي ..
عبد الله ..." جر نور بالجهد حتى فكها ووقف بيناتهم " ياااااسر ... حباااااس هادشي ... اخييير مرة نشووفك كاااتمد عليييها يدييييك ..
بعد ياسر هو كينهج ... و عرووقو باينين ...
ياسر ... الااا سكت و ماهضرتش لهيه .. باش مانحشمكش .. ماتختبرش صبري ا الواليد .. ماشي حيت كانحتارمك اتتمدى معايااا .. هادي ماغانتزوجش بها واخا تبقا اخيير وحدة فهاد الدنيا ...
عبد الله. .." تكلم بي هدوء " كلامي تقال .. وماكتعاود غير الصلاة على النبي ... منين نقول نتا ونور غادي تزوجو هي غاتزوجو .. ماتزيدش تجادلني أ ياسر ..
نور .." ضحكات بالجهد ".و معااامن نتا تشاورتي ؟؟ معامن ؟ شكون قالك انا باغا نتزوج ؟؟،،، و وواخا نعرررف نمووت .. واخا تقتلني .. ماغانتزوج بهاد الوحش " شافت فيه " حيت مستحيييل يكون هادا بنااادم ..
ياسر " عض علا فموو حتا كاان ايطييير شنااايفووو " نااااااري غانفرع مهاا ..
عبد الله ... " شااف فيها " ياك باغا تخلصي الدين دياالك ؟ ها الخلاص ديالو ..
نور سكتات كاتنهج و ياسر صغر عينيه بي شك فيهم بجوج ..
ياسر ... شمن دييين كاتهضرو عليهم نتوما ..
عبد الله ... ماشي شي حاجة كاتخصك هادشي بيني و بين نور ..
ياسر " قرب لباه و حنا عندو شوية وهضر بكلام مقطع " حتا انا.. ماغانتزوجش بيها .. " عطاه بالظهر و كان خارج بحاالو ..
عبد الله ... الا خالفتي كلامي عمرك تحلم تكون ولدي ... و ماغاتشم حتى سنتيم من الفلوس ديالي ...
ياسر ..." وقف فبلاصتو شحال عاد دار و كان كيضحك " ... ونتا االواليد .. كيحساب لك انا غانحتاح فلوسك ؟؟؟
عبد الله ..." تبسم " لا ... ولاكن كاينة طريقة اتخليك محتاجني و محتاج فلوسي بزاف ...
ياسر ... " خنزر فيه و الشرار بدا يتطاير من عينيه " علاش داوي ا الواليد ... هضر لا عندك شي حاجة ...
عبد الله ... راك غالط ايدا كنتي كظن بلي ماكانعرف عليك حتاا حاجة ...
قرب ياسر ناحيتو و هضر بالهولاندية الشي لي خلا نور ماتفهم حتاا كلمة من كيقولو ... كاتشوف غييير ياااسر معصب كيهضر معصب و عبد الله كيرد عليه بشوية بحالا لقا اليد منين يشدو ..
غير بغات تبعد كان عبد الله شاف فيها ورجع يهضر بالعربية ...
عبد الله .. لا ماتزوجتيهاش نتا غانزوجها ل علي .. وهادا اخيير كلاام عندي ...