دازو الاياام و المدة لي خاص دوزها آية فالمشفى تسالات .. رجعو بحالهم لداارهم فرحانين بعدما تيسرت لنوور خدمة فمطعم .. هاد الاياام لي دازو كولهم و هي كدور و تقلب حتى يأست و جاب لها ربي الخبر لي فرحها .. بداات الخدمة تما كتخدم من الصباح حتا للعشية دييما كتنووض بكريي بااش توجد ل آية الماكلة لي غاادي تاكلها فنهاارها و ترتب لهاا دوااها بااش تااخدو فوقتو.. مرتااحة نور فخدمتهاا واخا المدخول ماشي كتيير ولكن قاانعة بييه و حامدة الله عليه .. كتقوول اللهم فلوس قلاال و حلاال احسن من الحاالة لي كاانت غادي تكوون فيها ..ويمكن كانت تنجرف كتر وتولي فشي حاجة ماشي هي هاديك.. و فيووم كبااقي اياامها كدوور فوسط المطعم و تقدم الطلبياات حتا ناداها شي وااحد من طااولة بعييدة .. وصلاات عندو و تبسمات .. نور .. سمحليا ا سيدي انا مامكلفاس بهااد الج... " لونها تخطف " السي عبد الله !!! شكدير هنا؟؟ تصدمات فاش شافتو هو بابتسامتو لي ديما راسمها على وجهوو .. عبد الله ... جيت ناكل بحالي بحال الناس بقاات كتشوف فييه و لساانها تبلع مالقاات ماتقوول .. عبد الله .. لباس عليك ابنتي ؟ نور .. "تفافات " هاه .. اه اه الحمد لله بيخير " دارت شعرها ورا ودنيها " شكرا... عبد الله .. و ديك الصغيورة كيف بقات؟ نور .. بيخير بيخير نحمدو ربي ونشكروه .. امم .. شنو كدير هنا؟؟ عبد الله .. قلت ليك جيت نااكل هههه زاد خربقها بضحكتو و دمو البارد .. مااعرفاتش علااش ولاكن واخا معاملتو ليها لي مزيانة و الوقفة لي وقف معاها ولاكن ماقادراش تيق فيه او نقولو ماقادراش تيق انو كيدير هادشي لله في سبيل الله .. باقا لدابا ماعرفاتش علااش ظرييف معاها هكاا و كيعاملها مزيان و حتا مع ختها .. ماقدراش تيق ان فهاد المجتمع كاينين نااس كيدييرو الخيير غا هكااك بدون مقابل و خااصة من وااحد لولا رحمة الله كاان غاادي يدووز علييها عذااب السعيير .. فيقها من تفكيرها غا تحنحيينتو .. هو ... خدامة هنا اذن ! غير راسها لي تحرك ب " آه " ،،، حتا هو هز راسو ليها مكمل كلامو عبد الله ... إوا ؟ قولي ليا .. كيجاتك الخدمة هنا ؟ نور ... بيخير مزيانة الحمد لله .. عبد الله ... و مرتاحة فيها ؟ يعني كافياك للمصروف و الدار .. الدوا ديال ختك .. نور .. " بغات تكذب و تقول ااه ولكن ماقدراتش " الصراحة شوية صافي .. كنحاول ننقص من شي حااجات و نزيدهم ل آية حيت دواها غالي .. و فنفس الوقت مانقدرش نحرمها من شي حاجة .. بقا ساكت بزااف و ماتكدبش شاافت فوجهو الحنية و العطف فااش سمعها كتهضر .. عبد الله .. "بعد صمت" و شنو بان ليك تخدمي معايا؟؟ نور ... ن..نخدم معاك ؟ تفكيرهاا مشاا شماال و خنزراات فيه داك الساعة نور ..." تعصباات و حااولت ما امكن تخلي صووتها هاابط" راه ماشي حييييت وقع دااااكشي غااادي يحساااب لك اناا بنت الزنقة .. دااكشي كاامل لي درتو، درتووو هير على قبل ختي ،،، كلشي علا قبلهااا حيييت هي لي بقاات لياا و ماغانقدرش نستحمل شيي حااجة خايبة توقع لها ،، الحمد الله ربي جااا من جيهتي و مااوقعش دااكشي وحطك في طريقي فديك السااعة ولاكن ماشي باش تتمادى معايا حتا الهاد الدرجة و تطلب مني ... سكتات جامعة شنايفها و معصبةةة ... اما هو فكااان كيشوف فيها و هو مبرد ... غير سكتااات و هو يجااوبها بي كل هدوء عبد الله ... عقلك مشى بعيييييد نتي ممكن تكووني قد الصغير فولادي يعني مستحيل مستحييييل نفكر بشي حااجا ناقصة ،،، بغيت غير نعااونك و حيت عرفتك مربية ، وحسيييت بداكشي لي درتيه ماشي لخاطرك ... هاادي خدمة ديااال بصح ...
تبدلو ملاامح وجه نوور ووجهها ولا احمممر وحساات بالاحراااج من الكلااام لي قاالتو و الاندفااع لي داارتو ،،، مااخصهاش تنساا انو داااير فيييها خير وكون ماااكانش هوو مااااعندها منييين غتجييب دوك الفلوووس عبد الله ... شنو قلتي دابا !! تخدمي ؟ بقات ساكتة كتفكرر .. دوراات عينيها فالمطعم وشاافت وفبدلتهاا وولاات شافت فييه .. ماعارفااش وااش تقدرر تييق فييه و تخررج من الخدمة لي شحاال و هي تقلب عليها .. خاافت تندم على هااد الخطوة لي كيحفزهاا دييرها .. عبد الله .. و الخلاص ديالك غادي يكون حسن من هدا ببزااف .. بيه تقدري تشري الحاجات د الدار و دوا ختك و تفششيها گااع .. استمر صمتها ،،، كان كيشوفها كاتحرك عينيها بتفكير ،، حتى شافت فيه.. نور .. واخا .. انا موافقة .. ولاكن عندي شروطي .. عبد الله ... "ابتسم لها بحال لا حقق هدف " وااخا ا لالة دكساع نتفاهمو ..ولاكن قبل ماتبداي خصك تحضري لواحد الحفل ايكون عندي ... نور ... و علاش ؟ عبد الله .. حتى تجي وتعرفي هزات راسها بي موافقة بلا ماتفكر جوج مرات ... حاليا هادا عرض مغري و ماتقدرش ترفضو .. واخا الصراحة ماقادراش تميز واش صحيح ولا غلط مشات فيه عمية .. هو لعب ليها على الوتر الحساس لي هو ختها و لي تقدر دير على قبلهاا اي حاجة
Oups ! Cette image n'est pas conforme à nos directives de contenu. Afin de continuer la publication, veuillez la retirer ou télécharger une autre image.
