حسات نور بي قلبها طاح حدا رجليها، مجرد الفكرة كاتخليها تخلع كتر وكتر وصلاتها صفاء عند امينة فبلاصة راقية كانت فيلا خارج المدينة .. فالاول خافت عندك يدبحوها ومايجيب حد خبارها .. ولا يتعداو عليها ويصدقو كيلعبو عليها من اللول .. ولكن غير شافت التراء للي عايشة فيه امينة شكوكها طارو ...
خرجات صفاء وخلاتهم بجوج ... يابنة مولفة تجيب لها البنات العدروات وكتبيعهم والربح كايكون للطرفين بجوج ..كانت امينة كاتهضر فالتلفون وعاطيا نور بالضهر غير سالات دارت وشاف فنور قيماتها بعينيها .. ماقدراتش تخبي إعجابها .. تحركات جيهتها خطواتها كانو متناسقين ومتناغمين ، كانت كادور على نور و تشوفها مزيان .. صيد تمين بالنسبة ليها وضربتها غاتكون صحيحة هاد المرة .. ماتقدرش تفرط فيها ..
امينة.. "ضيقات عينيها" شنو لي خلاك تبغي تجي هنا ؟
نور ... "صوتها خرج ضعيف " محتاجة الفلوس ..
امينة .. شحال ؟
نور .." حنات عينيها" بزاف ..
امينة ..." بدات تفقد صبرها " ياربي صبرني .. شحال بزاف ؟ شحال محتاجة باش نعرف شنو نديرو بيك .. واش نافعة ليا ولا لا ..
نور ... " بتلعتم " ختي .. ختي مريض خصني ندير لها عملية محتاجة كتر من 12 مليون .. "شعرها طاح على وجهها ورداتو بصبعانها" عارفا بزاف ولاكن ماعندي منين نجيبهم ولا شكون يسلفهم ليا ..
حلات امينة عينيها بصدمة من الرقم لي قالت ليها نور ..
امينة ... بزاف .. بزاف .. ماكاين شكون يعطي هاد الفلوس كلهم علا ليلة وحدة ... " قلبات عينيها وتمشات برشاقة " واخا نضبر لك ليلة ... لا طرتي يعطيني فيك عشرالاف درهم...
نور ..." عينينها عمرو بدموع " .. ماكاينش حل ؟ ختي غادي تموت لامادارتش العملية اهئ اهئ ..
غوبشات امينة و مشات جلسات على مكتبها باينة فيها كاتفكر بقات ساكتا عاد هضرات
امينة ... حيدي حوايجك
صدمة بانت بي شكل وااااااضح على وجه نور ومن وجهها فهمات امينة انها ماغاتحيدهمش
امينة ..." ناضت من بلاتها عند نور " الزين .. سمعيني مزيان، منين قرتي دخلي من داك الباب دونك اتكوني نسيتي شي حاجة سميتها الحشمة والعفة حيت هنا جيتي تبيعي لحمك ماكيهمنيش السبب، كيهمني غير نتي سلعة قدامي و خصني نبيعك ... " هزات لها وجهها بيديها " و اي تاجر كيبغي يشوف سلعتو واش مليحة ولا لا .. " ضحكات " وعاد الفلوس للي محتاجاهم ماشي قلالين ..
كتمت نور بكيتها بزز و هزات راسها ب"آه"
امينة .. غاتزولي دابا حوايجك باش نعرفك واش تستاهلي هداكشي لي فبالي ولالا
نور .. " بطاعة" وخا .. وخا ..
غمضات عينيها و بدات كاتحيد ملابسها كاتحس باحساس خايب فهاد اللحظة عمرها تعرات قدام شي حد مها منين كانت نور بلغات عطاتها مساحتها الخاصة وخلاتها تبدا تدوش وحدها وماتدخلش عليها منين تبغي تدوش ، ودابا ها هي كاتعرا قدام وحدة ماكاتعرفهاش... حتى راسها كتحشم تشوف فيهم...
شافت امينة فجسدها بإعجاب وانبهار،
امينة ... عندك فورمة واعرة .. داكشي ليكايعحب الرجال .. " سكتات شوية مازال كاتشوف فيها بتشكيك " باقة بنت ياك !
نور مازال مغمضة عينيها و حركات راسها ب "اه " مرة اخرا حتى سمعات امينة كتدوي ..
امينة ... تقدري تلبسي حوايجك ..
ماعرفاتش كيفاش لبساتهم بسرعة فائقة ...
امينة ... كاين حل ... غادي نبيعو العذرية ديالك فالمزاد العلني .. يلا وقف معك زهر .. غاتشدي داكشي للي باغيا وكتر .
نور ..."حلات فمها" كيفاش مزاد علني ؟
امينة... نتي زوينة ... و فورمتك زوينة .. و هاد المزاد ماغايكونوش فيه المغاربة... الحاجة ماحد كيكبر لها الشان كيكتر عليها الاقبال .. غادي نفتحو المزاد ب 15 مليون.. نتي غادي تاخدي داكشي للي غاتحتاجي للعملية ديال ختك ... ولي بقا ديالي .. متافقين ؟
عضات على شنايفها وهزات لها راسها بي الموافقة ..
امينة .. "عيطات بالجهد " صفااء .. صفااء ..
دخلات صفاء .. ووقفات حدا نور ..
امينة .. " شافت جهة صفاء" كيفما مولفة ديما ..
صفاء .. " جرات نور " صافي غاتكون ناضية ..
مافهمات نور والو قبل مايخرجو مع الباب لحقات عليهم امينة... وشدات نور من كتافها ..
امينة .. "صفاء غاتعلمك ب للي باقي .. وهادشي مانبغيه يوصل لحد ..
نور .. " هزات راسها ب اه "
صفاء .. " غمزات امينة" كوني هانية غانفهمها كلشي ..
ضحكات امينة بانتصار .. غير خرجو مع الباب نترات نور يديها من يدين صفاء .. ودارتهم ف جيبها ...
نور .. شنو غاتشرحي ليا وشنو للي غايكون واجد ؟
صفاء .. بعدا هادشي للي وقع هنا ماخصو يوصل لحد .. الهضرة كادور .. والا امينة غاتغبر لنا الاتر لا انا لا نتي ... وزيدي انا غانقول لك لي بقا .. صفاء بقات كتشرح لها علا كيفاش تهتم براسها .. وفين غايتلقاو ... حتى فاتت سيمانا عاد علماتها بللي المزاد العلني قرب يتدار ولقاو شكون يشري عدريتها ....
فديك اللحضة نور كانت خدات القرار لي غادي يقلب حياتها رأس علا عقب، وداكشي لي كان كيتسناها ف المستقبل ماكان على بالها ولا على بال شي حد آخور ..
VOCÊ ESTÁ LENDO
عذراء بالمزاد 💫مكتملة💫
Romance💎مكتملة💎 ❌حصريا على الواتباد ❌ #قراو_حتى_للاخير كتابة : شيماء سيداهي 💃 قصتي عنوانها : #عذراء_بالمزاد 🔥🔥💥🔞 سيداتي انساتي وجدو راسكم تسافرو معايا لعالم اخر ورحلة مش حتقدر تغمض عينك 🔥 عالم غادي دوقو فيه الواقع المر اللي باقين كيعيشوه البنات م...
