ليّت اللِذي خَلق العُيون السُود ... خَلق القُلوب الخَافقات حَديد

البارت الحادي عشر

انهار عقاب لكن م كان انهيار شهق وبكى كان بس كاتمها ودموعه تنزل بحضن اخته اللي كانت اسوء منه تبكي وتشاهق وتشّد عليه واسر يطالع فيهم ويرجف برعب من هول المنظر اللي شافه وسمعه كان ميت ولا يحس بشيء ..
" في سيارة ابو تركي "
الميلا بصراخ : انتت كييف تسسممي نفسسك اخ !! كييف صدقت بولد اخووك ! وكييف..
انصفقت الميلا من تركي وصرخ عليها وقال بحدة : مالتس شغلل بيين امور الرجال انطممي !!
ابو تركي كان يدري زين ان قلبه ماهو راضي عن الشيء ذا لكن عقله م كان مصدق انه ممكن يغدر عقاب فيهم وكان محتار بين بنته واخوه وكان ساكت طول الطريق ويشّد ع الدركسون ويطالع فالمراية للجود اللي كانت جسد بلا روح
لفت الميلا لأختها وقالت بحدة : تكلمميي انتي بعد !!
الجود لفت بقوة للميلا وقالت : وش تبيني اقول ؟
الميلا توسعت عيونها وقالت : انتي مصدقة فعقاب صح ؟
الجود نزلت دموعها وم كانت قادرة تتنفس وبدأ وجهها يصفر وخافت الميلا عليها وقالت : يمه يمه جوود !
وقف ابوها السيارة علطول ونزلوا كلهم فنص الطريق وفتح باب الجود ونزلوها والميلا جنبها م تركتها وشوي وشهقت وحست ان روحها طلعت وصرخت وقالت وهي تشاهق وتبكي وتضرب بيدينها التراب : زووجتووننيي عقاااب غصبب عننيي وااوول م صصررت اعررفه واتعوود ع وجوودده تخللونيي اترككه بالطرريقة البششعة ذيي !! عقاااب بريء والله لو تطلعوون كل ادلتكمم م بصددق فيييه عقاااب يبه جااني يرككض يبي يووضح لي بسس م سمحتووا له اااه يعقاااب !!
طاحت ع رجول الميلا وكانت تبكي بشكل مفجع والميلا تنزل دموعها بهدوء حزن ع اختها ولفت لأبوها وقالت : الصدق يبه مدري وش خليت للغريب الناس كلهم قلبوا ضد اخوانكم وانت رحت كذا باردة مبردة شلوون م احترق كبدك ع عماني انتت مانت ابووي اللي انا اعرفه والله م انت راشد بن مساعد مسستحييل ابوي يخلي عمي عايض بعد كل وقفات عمي معه مستحيييل !!
ابو تركي صد بحرقة ودموعه خذت مجراها وقال بكل قسوة ونكران جميل لأخوه عايض : معاد بيني وبينه شيء ولعاد اسمع وحدة منكم تجيب طاري الديار ذيك لي سامعين ! والحين اركبوا ولعاد اشوف دموع التماسيح ذي تراكم بناتي واعرفكم كلها اسبوع بالكثير وترجع جود لعيشة المدن وانتي يالميلا صعبة شوي لكن اعطيتس شهر يالله امشوا !
الميلا قامت ورفعت الجود معها وقالت : يبه ؟ كذا تبيها انت
ابو تركي بحدة : اييه امشي ولعاد تلاسنين ابوتس جعل لسانتس القص !
الجود كانت في حالة انهيار ولا احد قدر يثبتها ويجمع لها شتاتها اللي توقفت روحها عند ركضة عقاب لها وركضتها له ولكن الوقت كان اقسى عليهم ولا نوى يجمعهم ركبوها بكل قوة واجبروها تنسى حبيب روحها وزوجها وراها فالديرة ومشوا للرياض اللي تبعد فوق ثلاث مية كيلو ...
" فالعصر في بيت ابو فهد "
[ كان البيت خالي من الحياة ولا فيه حس ابدًا كان ابو فهد ماخذ حبوبه وناوي ينسى وينام لكن الكل يعرف ان عايض مستحيل ينام وصدره يحترق .. ]
[ وبالنسبة لأم فهد كانت ميته حرق وكسر للي صار في ولدها ولا هي قادرة تطلع له وتواجهه بأنكسارها خوف انها تزيد عليه وكانوا البندري وحصة وغالية وسحاب حولها يواسونها ويلتفتون لبعضهم ويكملون مواساة لبعض .. ]
" عند عقاب "
طلع شنطته وحط عفش يكفيه لمدة شهر في حال زانت الامور رجع وان انتكست للاسوء بيعيش طول عمره نكرة خاين اسود وجه وحقير مشى وشاف كتابها المفضل ع الطاولة ابتسم وقال : ليتني سحبتتس منهم وضميتتس لصدري لعل قلبي وخفوقي يوصل لتس حقيقة اللي صار ليتني قدرت اقولتس لو كلمة وحدة
مسك نفسه بكل صعوبة وكمل وهو يقول : الدنيا نيتها تكسرني لكن انا عقاب اللي بعاقب كل شخص له يد فالموضوع ومتستر عليه والله لا اقلب الدنيا ذي كلها عليهم انتظروني بس
مشى بكل قوته وعقاب لا قال شيء نفذه بكل سهولة طلع ببدلته وحطها فالشنطه ولبس حزامه وسلاحه ع ثوبه في حال تدخل احد عليه يقدر يواجهة مشى ووصل للبوابة وكانوا اسر وضحى وناصر قاعدين يحللون اللي صار وفزوا اول م شافوه جايهم
ضحى بكت علطول وقالت : لااا لااا تكففون ععقاااب لاتررووح عقييب كييف تخلييننيي وتخليي خواتي وامي واخوواني !!
عقاب ابتسم وتغورقت عيونه ومشى لها وحضنها وقال بكل خشونة : انا موجود فالعزبة بجلس فيها لين تزيين الامور وانتي واسر وناصر زوروني هناك ولاتقطعوني وتنسووني
اسر ابتسم ونزلت دموعه وقال بصوته المهزوز : افا علييك يعقيب نساااك موتك م نسيناك
ناصر قام وحضن عقاب بكل قوته وقال : خلك قوي وانا اخوك ولا تنكسر من شيء صح انه قوي علينا وعلى ابوي لكن والله م نسكت واوعدك لا اخليهم من صغيرهم لكبيرهم يجوون عند باب بيت عايض بن مساعد ال مقبل يعتذرون والله لا اخلييهم
عقاب شّد ع ناصر وقال : ابد يخوي والله م انكسر لوحدة م خافت ربها في نفسها وطلعت كاشفة نفسها عشاني م خذيتها وخذيت جود..
سكت عقاب اول م قال اسمها وجاته الغصة شهق بقوة وزفره بحرقة كبد وكمل وهو يقول : خلونا نجتمع كل ليلة فالعزبة ونخطط وندور عن حل تم ؟
ناصر وضحى واسر قالوا بصوت واحد : تمم
ووصلهم صوت من وراهم قال : تم
لفوا له وكان ثامر ابتسم وتقدم لهم وقال : عمي انا عطلت معاد عندي مدرسة وخلاص بدخل الجامعة خلني اخاويك
عقاب ابتسم وحضنه وقال : اييه شاطر ولدنا لكن مالي خلق اتهاوش مع احلام
ضحى ضحكت وهي تبكي وقالت : اييه والله صادق
اسر تقدم وقال : مشينا ؟
عقاب : لا اجلس ماني ضامن حماية اهلي وانت معي خلك عيني الثانية وذراعي اليمين فالبيت
اسر هز راسه بنعم وهو معاد وده يضغط ع عقاب وقال : ابشر يعقيب ابشر
عقاب ابتسم له وقال : تبشر بالجنة يعين اخوك
طلع عقاب وشاف اهل الحارة رجعوا لنمط حياتهم الكئيب ومحد له شغل فالثاني والمنظر اللي شافه يحلف انه ماهو نفس اللي كانوا عليه فالصباح شّد بقبضته ع عصا شنطته وقال بحدة : ايييه تدورون الزلة عليينا غيير ربي م يخلي حق عبد والله لا تندمون كلكم واحد واحد من كبيركم لصغيركم !
مشى وركب الونيت ولف جنبه وشاف اسوارتها ع المرتبة ابتسم وخذها وحطها عند خشمه واستنشقها بكل شوق وقال : يالله اني استودعتك قلبها من كل حزن يارب عطني حزنها كله والله اني لا اخذه وانا ابتسم واضحك يارب لا تعبس ملامحه الزييين عشاني يارب وداعتك قلب جودي
مشى بسيارته ووصل بعد نص ساعة ونزل وفرش فرشته وشب ناره وحط براد الشاهي حقه وجهز له شاهي وانسدح وفتح جواله وارسل للي اعلى منه منصب انه جاهز وبيرجع يداوم وكذلك اسر اخوه وبعد عشر دقايق وصله صوت رسالة رفع عقاب جواله وفتحه وكان من احد العساكر وكان يقول :
حضرة العقيد عقاب دوامك انت والنقيب اسر فالرياض
فز عقاب من سدحته وقال : ايش ؟!
العسكري : هذا كلام حضرة العقيد
عقاب ابتسم برضى وقال : تمام
طلع ودق ع اسر علطول ووصله صوته وهو يقول : ارحب عقاب
عقاب بفرحة تشابه فرحة العيد قال : الحمدلله يااارب الحمدلله اسر دوامي انا وانت فالرياض !!
اسر طارت عيونه وقال : سألتك بالله !!!
عقاب : والله العظيييم
اسر بفرحة كبيرة قال : الحمدلله اجل خلاص بدت تنحل اعطيك اسبوع وهي منتهية
عقاب بثقة كبيرة قال : يرجااال نص اسبوع اربع ايام وانا مجرجرهم برا الديرة
اسر شااش راسه وقال : ححححيي ععيينك يعقااااب
عقاب ابتسم وقال : حيي نبااااك يالشيييخ
اسر : اسمع انا بشتغل ع ابوي ليين يلين وغالية معي وتعرف ابوي م يقوى عليها معلييك ازهلنا
عقاب : م تقصرون جعلني م اتبدل فيكم
سكر اسر ونزل عقاب جواله وقال : يعني بكرا ورانا مسراح للرياض
قام ودخل الشبك وعطاهم اكلهم وكانوا الناقات والبعران يحبون عقاب ويلتفون عليه بكل حب ابتسم وحضن راس احد البكار وقال : عوضيني فقد خّلي تكفين
ضحك وطلع وسكر الشبك ورجع لجلسته ..
" في حايل "
صحى ماهر وفتح جواله وكان مقفل ابتسم وشغله وحطه في جيبه ومشى لدورة المياة واخذ دش سريع وتوضئ وطلع وصلى م فاته ومشى برا فالحوش وقال : صبحهم وربحهم
ام ماهر ابتسمت وقالت : يالله انك تصبحوه بالرضى والنعيم تعال
ولفت لسابر وقالت : انفهق عن اخوك
سابر وخر شوي لماهر وجلس وبدأ يفطر ويسولف لأهله وخواته عن اللي صار بس تجنب طاري دانه لف لسابر وقال : انا بنهج للاسطبل الفرسان لأني كلمتهم البارح واليوم اغديه سباق ضد اسطبل ولزوم اكون موجود عندوه
ام ماهر : اييه زين زين اكل ولاحقن عليه
عبير : ماهر
ماهر لف لها وقال : لبيه ؟
عبير ابتسمت وقالت : انا ومزون نبي ننهج لخوالي وسابر رافض ياخذنا
ماهر ضربه بخفه وقال : ازهليه
مزون ابتسمت واشرت له بلغة الاشارة [ شكرًا م تقصر ]
ماهر ابتسم وتقدم وباس راسها واشر لها [ م سويت شيء ]
عبير : ماهر متى ؟
ماهر : والله مدري بكيفتس لكن انكسي قبل الساعة عشر الليل
عبير قامت بفرحة ومزون معها وقالت : اززهلوووه
مشت وقامت امها معها وقالت : وانا بنهج معهم
ماهر : الله يستر عليكم
لبسوا خواته وامه وطلعوا ومشى وشال الصحون مع سابر ودخلوها للشغالة داخل وطلعوا اثنينهم ماهر مشى للأسطبل وسابر راح للأستراحة عند اخوياه ..
" فالرياض تحديدًا بيت ابو تركي "
دخلوا ونزلوا كلهم وقال ابو تركي : تركي تراك بتنزل للديرة بعد بكره تجيب باقي عفشنا وعفش اختك من غرفة اسود الوجه ذاك
الجود صرخت في وجه ابوها وقالت : عقاااب ماهوو اسووود الوجه اسوود الوجه هو فعللتكم فيييهم !!
وانفجعوا كلهن اول م انصفقت الجود من ابوها وسحبها مع شعرها وهو يصارخ ويسحبها لداخل البيت تحت صراخها وعزوتها بأسمه وهي عارفه زيين انه لو كان موجود بيحرقهم كلهم ع فعلتهم كانت زي المجنونة تبكي وتقول : ععقااب تكففى يعقاااب والله ان ثقتتيي فيييك كبييرة واني مصدقتك ياارب ترجع لي ياارب
ابو تركي رماها ع الارض بكل قسوة وقال بصراخ : بكرراا اورراق الطلاااق عنندده اصلاً تحسبيين بنتظظره يبرر لو كان صادق كان وقف في وجه غامد يوم ضربه وكان تكلم اول م سألوه اخوانه مذنب وقليل حيا وحلى لكن انا اوريتس وطبه عندي !
طلع ابو تركي وترك الجود وراه والميلا وامها تواسيها وتحاول تنسيها فكرة عقاب والحياة معه لكن الجود كانت رافضة ومتعلقة فيه وصرخت وقالت : شفيييكم انتووا زوجتووني غصصب وتبوني اتطلق غصصب والله م اخليي عقاااب والله وان كاان خليتوني اوقع انا عارفة عقيب زيين مستحييل يوافق يوقع !
ام تركي بحزن ودموعها اخذت مجراها قالت : بس يبنتي بس اصلاً كان واضح من البداية انه ماهو كفو
الميلا بحدة : لا بالله ؟ وشلون كان واضح تلعبون ع مين انتوا م فييه ارجل من عقاااب وبعدين طلع للصلاة وطلعوا مع بعضهم كييف امداه يتحرش فيها بنت الستين كلب ذيك !!؟
الجود بحدة : اييه ايه صدق شلوون امداه ؟
ام تركي : والله مدري لا تسألوني عن شيء مالي خبر فيه
الميلا انفجرت تضحك وقالت : يراسي ما انتوا بصاحيين والله الحين ركزي معي طلعوا يصلون..
وسكتت وقالت بصوتها المرتفع : تررركي تعااال يالرخمة !!
تركي دخل وقال : خيير ؟
الميلا اشرت له بشراسة وقالت : اججلسس !
جلس تركي برعب وهو اول مره يشوف الميلا كذا بدأت تتكلم وقالت : شفها في ذمتك اذا كذبت بحرف واحد تذكر الجود وحياتها وبيتها اللي جالسين تسعون انكم تهدمونه !
تركي انصاغ لها وقال : اسلمي
الميلا : اشرح لي كل شيء صار ووين كان عقاب وقتها من بداية الخطبة للنهاية الصلاة
تركي تنحنح وقال : عقاب كان معنا فالخطبة وشفته يستغفر وصلى صلاة تحية المسجد حتى مع ناصر اخوه وجلس للصلاة الجمعة وكان جنبي انا وناصر وطلعنا من المسجد وكان وراي وقلت له يعطيني موية من اللي معه ومد لي علبة وتعمقنا داخل السوق ولفيت له وشفته متقرف ومعصب وتغيرت ملامحه ومشى بكل كره ودخل حوش ابو الهنوف وكنا انا واسر نطالع فيه وحتى انه لف علينا واشر له اسر يجي لكن م اتوقع انه انتبه لنا ودخل وشوي طلعت الهنوف..
الجود قاطعته وقالت : بسس وقف كم جلس ؟
تركي وقف وادرك انه صدق مستحيل يمدي عقاب يكون سوا شيء وشهق وقال : نص دقيقة !
الميلا صرخت بفرحة وقالت وهي تنط : قللت لكم والله م يسويها والهنوف ملعونة من بدايتها اصلاً !!
الجود وقفت بحماس وهي تحس بشعلة امل داخلها وقالت : طيب وكيف طلع عقاب كيف كانت ردة فعله ؟
تركي تحمس فالموضوع وقال : طلع منلخم ومصدوم
الجود جلست ومسكت قلبها وقالت : الله يجعل كل اللي اوجعه بضلوعي
الميلا ابتسمت بحنية وقالت : يحلوكم يجودي الله يجمعكم ع خيير يارب
الجود ابتسمت لها وقالت : اميين يارب
ام تركي : بس شلون الهنوف سوت كذا ؟
الميلا بحقد قالت : سسهلة لأنها ملعونة اصل
تركي انفجر يضحك بصوت عالي وقال : انشهد بالله
الجود : تركي عطني جوالك
تركي لف لها وقال : تشوفين نفستس جاهزة تسمعينه ؟
الجود هزت راسها بنعم ومد تركي جواله لها وطلعت غرفتها وبحثت عن اسمه وطلع لها " ابو عقيب " ابتسمت ودقت ووصلها صوته وهو يقول : هلا ؟
الجود علطول شهقت وبكت وقالت بصوتها المهزوز : عقاااب
عقاب فز من مكانه وقال بربكة : جوود !!
الجود زاد بكائها وقالت : لبييه يعقاب لبييه
عقاب ابتسم بضيق وقال : لبيتس يعيون عقاب ليه الدموع وليه الزعل والضيق لييه ؟
الجود كانت روحها تتجدد بصوته واكتفت بالصمت ابتسم وقال : اسمعيني زين تكفين يجودي انتي الوحيدة اللي من حقها تعرف الحقيقة
الجود ابتسمت ومسحت دموعها وقالت : والله اني مصدقتكك والله اني عارفه ان مالك ذنب والله حتى لا تتعب نفسك فالكلام لكن ان كانها بخاطرك والله لا اسمعك بكل حواسي
الجود كانت تننظر رد منه وسحبت الجوال وكان متقفل شهقت ونزلت دموعها بحرقة وقالت : لاااا م سسمعننيي ولاا عررف انني مصدققته !!!
ركضت للدور الاول وقالت : ترركي جوالك طفى
تركي ابتسم وقال : ادري قلت لتس تشحنين م سمعتيني ؟
الجود جلست بزعل وقالت : لااا !
انفجر تركي يضحك والميلا معه وقالوا : ععششننااا
الجود : وش ؟
الميلا : مسرع طار قلبتس ؟
تركي : خلينا م نلومها
الميلا ابتسمت وقالت : صدز والله
الجود : يع تقرفون ترا ولا ميتين عشاني اصغر وحدة وتزوجت قبلكم
تركي طارت عيونه بصدمة وقال : توونني استوعععب !!
الميلا طاحت تضحك وقالت : الله يوفقتس وش نقول ؟
تركي : يمه ابي اعرس
ام تركي توسعت عيونها وقالت : بسم الله الرحمن الرحيم !!
انفجرت الجود تضحك عليه وقالت : مييين اللي بتقبل فيك حدك بنات خالاتي
تركي ابتسم وقال : يالبييييه هذا اللي انا ابيه اصلاً
الميلا مثّلت انها بتستفرغ وقالت : وووععووه حااامت كبددي
الجود بضحك : ليه ليه ؟
تركي لف للميلا اللي قالت : الله يمغصكم لوعتوا كبدي
طلعت وام تركي تضحك وقالت : وهي صادقة م بزوجك احد بنات خواتي
تركي بزعل : لاا يمه تكفين اجل اخذ من الديرة !!
ام تركي : محد قالك تاخذ من الديرة لكن بنات خالاتك م فييه لو تنطبق السماء ع الارض
تركي : ايه راضي بس بنات عماني والديرة فكيني منهم
الجود قامت وقالت : امسك جوالك وبنات الناس ماهم ميتين عليك
تركي بنرجسية قال : دكتور ومزيون ؟ وش يبون اكثر
طلعت الجود ورا الميلا اللي صرخت وقالت : غزززلي
غزيل ابتسمت وقالت : يجعلها ترحب ملايين يميلو
الميلا اشرت للجود تجي ودخلت الجود وسكرت الباب وفتحوا السبيكر وجلست غزيل وضحى معها وقالت ضحى : بنات تعرفون بوصية عمتي نوره الله يرحمها ؟
الميلا والجود قالوا بصوت واحد : لا
ضحى : طيب قررنا زواج ناصر وغزيل يوم السبت الجاي وعمي بيجي غصب وانتوا معه وبنحل كل شيء قدامه
الميلا صرخت بحماس وقالت : غززييل وناصصر !!
غزيل ضحكت وقالت : وصية وصية لاتفكرين بشيء ثاني
الميلا انفجرت تضحك وقالت : وضوح تفكرين باللي افكر فيه
ضحى ضحكت وقالت : ايييه افكر بالشيء نفسه اللي افكر فيه اذا شفتتس انتي واسر
الجود ضحكت وقالت : جوووي
ضحى ابتسمت بضيق وقالت : جودي كيفتس الحين ؟
الجود : لا حمدلله بخيير بتنحل ان شاءالله بس وحشني عقيب
ضحى : والله وحشنا كلنا
الميلا : ليه عسى م شر ماهو عندكم ؟
ضحى : لا يقلبي ابوي طرده جعله العافية وراح فالعزبة
غزيل : المهم يبنات نقابلكم بعد اسبوع ان شاءالله
الميلا : ع خيير نكشخ ؟
غزيل شهقت وقالت : اوووييهه ايييه تكشخيين غصب زواجي ذا !
الميلا انفجرت تضحك وقالت : ابشري ابشري
سكرت ولفت الميلا للجود وقالت : حمدلله فييه عرس يغير جوونا الكئيب ذا
الجود ابتسمت وقالت : اييه والله الحمدلله
علطول نزلوا وقالوا لأمهم وفزت بفرح وهي تحب غزيل وبدأت التجهيزات لعرس ناصر وغزيل بالسر وبدون محد يدري ..
" في بيت ابو فهد "
دخل ناصر للمجلس وقال : يبه انا جاهز انفذ وصية عمتي نوره الله يرحمها ويغفر لها
ابو فهد فز اول م تذكر الوصية والهم اللي عليه ابتسم بضيق وقال : هذا والله العشم فيك يولدي
ناصر : وحددت معها يوم السبت يكون العرس وخير البر عاجله
ابو فهد هز راسه بموافقة وقال : اييه يالله خلني اعزم الناس والجماعة
ناصر بحدة قاطع ابوه وقال : مالك لوا يبه ! خلهم يشوفون فرحتكم فيني ويجوون غصبب عنهم !
ابو فهد : بس ذي ماهي سلومنا !
اسر دخل وقال بحدة : العن ابوها من سلوم محد عاين في وجيهنا قبل ساعات وولدنا مظلوم !!
فهد دخل وقال : وانت يبه مالك حق في طردك لعقاب والله لو اني موجود اني لا امنعك ! عقاب معنا طول اليوم شلون امداه يسويها معليش يبه حدث العاقل بما يعقل !
دخل ثامر يركض وقاطع حديثهم وقال : يبببهه يججدي !!
فزوا العيال وشافوا الاوراق اللي ثامر ماسكها بيده تقدم فهد وسحبها وقال : ووش العللمم !!
ثامر : عامل جدي راشد عطاني الاوراق ذي !
اسر سحبها وقرأ عنوانها وكان " اتفاق الطلاق بالتراضي " ومكتوبة كل معلومات الجود وتوقيعها والشيخ موقع كل شيء وبقى توقيع من عقاب وتنتهي قصة حياته مع الجود فز اسر وقال بحدة : خخيييرر وشش عنندده ذاااا مشتتطط ع ععققاااب !!!
ابو فهد بحدة : معلييه يولدي والله ان يندم راشد ع فعايله
ناصر لف بصدمة وقال : يبه كيف عرفت المكتوب ؟
ابو فهد : ايه عشاني طلقت امكم مرتين
انفجروا العيال يضحكون ع ابوهم وثامر معهم وانصعقوا بضربه لهم وصرخ وقال : قلاال حيا وقلاال تربية ادعوا عقاب يرجع ونوريه الورقة لازم ومن حقه يعرف
اسر اشر بأصبعه ع خشمه وقال : ع ذا الخشم يابه
طلع يركض مع ناصر وركبوا السيارة ومشوا للعزبة وهم مروقين ولا كأن اللي بين احضان اسر ورقة طلاق اخوه ..
" فالعزبة "
وصلوا ونزلوا ركض وكان عقاب معشي البل وطالع من عندهم ويقفل الشبك ولف ع صوت اسر وهو يقول : يعقيب
عقاب ابتسم وقال : اررحب امداكم تشتاقون
ناصر : ليت انه عن الشوق تعال شوف
جلسوا وتقدم عقاب وهو يمسح الغبار اللي بيدينه في ثوبه وجلس وقال : اسلموا
اسر مد له الورقة وسحبها عقاب وقرأها وانصعق من الخبر وهو من بعد المكالمة كان شاك انها سكرت بعد م تأكدت انه يخونها رفع عيونه لآسر وقال : لااا يعيااال
ناصر : وش م اعجبتك !
اسر : غريب والله
عقاب قطب وقال : عندكم علم ولا ؟
اسر سحب الورقة وحطها فالضو تحترق قدامهم وقال : بس م اعجبتك سوو كذا
عقاب انفجر يضحك وقال : حاااااي يعيييال وش الروقااان ذا
ناصر : عشاني بعرس
عقاب لف بكل قوته وقال : اسألك بالله !
ناصر : اييه يوم السبت الجاي وبدينا تجهيزات وابوي يقول ..
قاطعه اسر اللي وقف وقال : دقيقة انا بقولك
لف عقاب وهو تغيير موده مع اخوانه وانفجر يضحك بصوته الثقييل اللي طلع صداه بين الجبال اول م بدأ اسر يقلد ابوه وقال : رجععووا ليي عقاااب محد يفهمني الا هوو مقدرر بدونه بمووت بمووت رجعووا ولديي
ناصر رمى عليه تراب وقال : يييحييوووااان بس !
اسر طاح يضحك وقال : يالله سرينا ؟
عقاب ابتسم وكان يكح اثر الضحك وقال : لا والله خلونا شوي الجلسة م ينمل منها
اسر : دامها بخاطر الشيخ عقاب بن عايض بن مساعد بن عبدالعزيز ال مقبل والله ان يبششر
عقاب ابتسم وقال : تبشرون بالجنة يحباني
ناصر : طيب لازم ندور دليل قطعي ان مالك فالحادثة يد
اسر : سهلة انت ليه لحقت الهنوف ؟ انا شفتها معك وهي تأشر لك عشان كذا اشرت لك تجي وتسحب عليها لكن ماشاءالله عليك يخوي دبشة صدق
عقاب م طرأت عليه الورقة بثوبه الوسخ في سلة الغسيل بغرفته هو والجود وقال : مدري يخوي والله اني دبشة صدق وماهي اول مره تستغفلني !
ناصر : شلون م تدري حمار انت بنت م تحل لك تمشي وراها ؟
عقاب كان ناسي مرره وقال : ايه بالله مدري
اسر عض ع اصبع عقاب وصرخ عقاب آلم وقال : تستاهل انت لازم تنلدغ من الجحر عشان تتوب وربي م فيك ايمان !!
ناصر ضحك وقال : اححسسن تستاهل !
عقاب بآلم قال : يحميير تضربون واحد اطول واعرض منكم
ناصر : اكبر منك المسني واعلم ابوي
عقاب ابتسم وفز وطاروا اسر وناصر ركض وهو وراهم ومسكهم وطاح فيهم ضرب وهم يضحكون ويحاولون يدافعون عن انفسهم وانتهى المطاف فيهم فالسيارة راجعين ويشوفون ونيت عقاب الاحمر وراهم ضحك اسر وهو اللي يسوق وقال : يالبييييه يالجو ليت الميلا معي بدال م انت معي يبو وجه اقشر
ناصر رفسه في جنبه وشهق اسر بآلم وقال : وتستاهل انت بعد اخووك انا وشتبي بالميلا !
اسر بآلم : اجمل منك يخوي خلني اكحل عيوني فيها
ناصر ضحك وقال : والله اذا م مشت الامور اشهد لك انك بتودع الميلا للأبد
اسر استحقره وقال : ويضحك بعد ! يجعله بلا سنون ولا عشان يالمخنز بتعرس !؟
ناصر انسدح وقال : طبعًا ضمنت حياتي خلاص
اسر انفجر يضحك وقال : ييوووه يشييينك ينويصصر
غمض ناصر عيونه وهو يتخيل حياته مع غزيل ضحك بهمس وكتمها واسر مركز بالطريق وعقاب عينه دقيقة ع الطريق ودقيقة ع جواله ينتظر مكالمة من تركي ..
" في اسطبل الخيل الاصيل "
احد اكبر الميادين للخيول كانوا فرسان وفارسات اسطبل الصقلاوية يتجهزون للسباق الضخم ودانه احد المشاركين لكن ع فرس ثانية اسمها البطلة ركبت دانه ولفت بعيونها وطاحت عينها ع اللطيم وماهر اللي كانوا بالطرف الثاني مع فرسان اسطبل الفرسان ابتسمت وقالت : ماهر !
هتان لف بكل قوته وقال : اي والله ماهر !!
قاطع حديثهم صوت مسدس السباق اللي انطلق وبدأ منه السباق وكانت دانه مركزه وتسوي نفس الحركات اللي تسويها مع المهرة وفعلاً كانت البطلة تجاري دانه وتركض بكل قوتها وهي تضرب وكأنها تشق البيداء تحتها وقربوا من خط النهاية ولفت دانه بكل هدوء وشافت ماهر واللطيم هم اللي صملوا وتعدوها بكل سهولة ضربت دانه بكل قوتها وطارت البطلة فيها وتعادلوا بصعوبة ابتسمت دانه وقالت بصوت مرتفع : شريكي السابق
ماهر نزل من اللطيم وقال : مين ؟
دانه ضحكت وهي توقعت م يعرفها عشان البطلة نزلت من البطلة وخلعت خوذتها وقالت : دانه ال سليمان
ماهر توسعت عيونه بصدمة وقال : دااانه ؟!
دانه مشت ومشى وراها ماهر وقالت : ايه دانه
ماهر : غريب والله انتس شاركتي وبدون مهرتتس
دانه ابتسمت وقالت : البركة فاللي كسرها
ماهر ابتسم بضيق وقال : للحين م انتي ناوية تفهميني المهم برجع انا ومبروك المركز الثاني
دانه لفت له وقالت : ماهر ترا ماني زعلانه منك وكلامي قبل يومين اعتذر منك وربي م كنت اقصده ولا كان من خاطر
ماهر ابتسم وقال : اييه ازيين انتس علمتيني
دانه تقدمت ووصلت جنبه وقالت : يعني رضيت ؟
ماهر ابتسم وقال : م شليت بخاطري عليتس اصلاً
دانه مسكت كتوفه وقالت : انزل يالطويل !
ماهر طار قلبه من الفرحة وصار ينبض بكل حب ونزل لها وتساوى بطولها وقال : سم..سمي ؟
دانه قربت منه وقالت بهمس : عطني جوالك
ماهر مد لها جواله وسحبته دانه وسجلت رقم ابوها وقالت : ادري خاطرك فيني ولا بردك وهذا رقم ابوي وكلامك معه
سلمته جواله ولحقها علطول وقال : دانه يعني موافقة انتي ؟؟
دانه ابتسمت وغمزت له وقالت وهي تركب البطلة : نشوفك بعدين في مجلس ابوي اذا انت قدها وصامل
ضربت البطلة وانطلقت فيها وكان ماهر يقرص نفسه وقال : ذا حلم ولا علم !!
مشى وطلع يركض بكل قوته واتصل ع امه وقالها كل شيء وابتسمت وقالت : عسى الله ينور دربك يوليدي وتجتمع باللي تحبوه وتحبك
ماهر بكل حب قال : اللهم امييين
سكر علطول واتصل ع رقم ابو دانه ووصله صوته وهو يقول : ارحب
ماهر بكل توتر وربكة قال : سلام عليكم يعمي وشلونك ؟
ابو دانه قطب وقال : وعليكم السلام يهلا بخير من معي ؟
ماهر تنفس بكل هدوء وقال : معك ماهر بن طلال الفيصل
ابو دانه : هلا والله امرني يولدي
ماهر بتوتر قال : مقدر اكلمك بالموضوع ذا ع الجوال تسمح لي ازورك !
ابو دانه : ابد متى م ناسبك تعال برسل لك موقعي
ماهر ابتسم وقال : ابشر
سكر ابو دانه وفعلاً ارسل لماهر الموقع وكان ينط بفرحة وضربت يده فباب السيارة وسحبها بآلم وقال : ماهر وشنوحك اختبصت !! امسك عمرك لا تتكسر قبل تتمم
ركب سيارته ورجع لبيته وهو في قمة سعادته ..
" بعد ست ايام بدون اي احداث مهمة تحديدًا يوم الجمعة "
بعد الحادثة بأسبوع كامل كان عقاب متغيير جذريًا وبدأ ينسى الجود ورجع لنمط حياته السابق من الدوام للبيت ومن البيت للعزبة وعلى ذا الحال وبالمثل عند الجود اللي م نقدر نقول انها نست منه لكن مثل م قال ابوها قدرت في اسبوع تتعود ع المدينة واعجبتها من جديد وعند اسر بالمثل بدأ يداوم مع عقاب ويرجع ع المغرب ويشيك ع شغل العامل بالبقالة ولا قدروا يعرفون موقع بيت عمهم عشان كذا م راحوا في فترة تواجدهم فالرياض ..
ثامر دخل يركض واستوقفه صوت جده وهو يقول : وولد وولد صببي !
ثامر لف وهو مستعجل وقال : لبييه يجدي
ابو فهد : شل كل الثياب اللي فالغرف وودها لعايد ولد ابو عايدة يغسلها الان
ثامر عبس بوجهه وقال : بس جد..
قاطعه ابو فهد وهو يصارخ عليه ويقول : اعججل يصبي العرس بكره !!
ثامر مشى بقلة حيلة ودخل المقلط وشاف السلة حقت عمانه ناصر واسر واخذها وطلع ركض ورا الحوش لغرفة عمه عقاب ودخل وفتح باب الحمام وحصل ثيابه وفستان للجود وقميص لها ابتسم وقال : رحلت وبقي اثرها
انفجر يضحك مع نفسه وصرخ اول م انمسك من عمه وقال عقاب بحدة : تضحك بعد ؟
ثامر برعب : يعم والله م اقصد
عقاب : وش جابك ؟
ثامر : بروح للغسال عشان يغسل الثياب بتعرف بكره العرس
عقاب مسكه مع ياقته وطلعه وكان عقاب بدون تيشرت ولابس بنطلون بدلته وهو تووه جاي من الدوام وكان يفسخ وقال بحدة : اذا قررت تدخل مره ثانية دق الباب !
ثامر ابتسم وقال : ابشر وشكلك نسيت اني رجال
عقاب : سر امها بس
سكر الباب وطلع ثامر يركض واستوقفه صراخ اسر وهو يقول : ثووووبي الاسووود وينهه !!
ثامر رفع صوته وقال : يعم اسرر عنندي ثوبك
طلع اسر وعيونه تطلع شرار وكان شكله مرعب ولا هو اسر اللي الكل تعودوا عليه سحب الثوب وطلع العقد وقال : خيير ان شاءالله ويين ذالف ؟!
ثامر : يمه شفيكم انتوا ؟
مشى ثامر يركض للمغسلة قبل تسكر بحكم ان اذان المغرب قرب ووصل لها وقال : عااايد
عايد : هلا ثامر ؟
ثامر : امسك ثيابنا غسلها غسيل وكوي مستعجل
عايد اخذها وطلع فواتير من جيب عقاب ومن بينها ورقة الهنوف وقال : هذي فواتير تبونها ؟
ثامر حس بشيء وتقدم وقال : وخر اشوف
سحب الاوراق كلها وفعلاً كانت فواتير غير مهمة لكن طاحت عينه ع ورقة لونها يختلف وكأنه منعكس عليها حبر سحبها وفتحها وقرأ كل شيء وشهق ورفع طرف ثوبه وركض بكل سرعته وهو يصارخ ويقول بأعلى صوت عنده : عميي عقاااب مظللوووم عمميي عقاااب بريييء عمميي عقاااب ماله دخخل فيي فعللة الهنوف !!!
وكل اهل الديرة طلعوا يركضون ويسمعون ثامر وهو يرمي شماغه فالسماء بفرحة وقال : يااااا اهليييي
طلعوا اهل عايض بن مساعد كلهم واستقبلوت حفيدهم وقال ابو فهد : ووراك انت !!
ثامر فتح الورقة قدامهم وتوسعت عيونه بصدمة وقال : اييييه نسييييت منها
اسر ضرب ظهر عقاب بكل قوته وقال : حسيييتت وييين حصلتها ؟؟
ثامر : في ثوبه
اسر ركض وثامر وراه وناصر وعقاب وفهد لحقوهم واهل الديرة تحمسوا وركضوا معهم ووصل اسر وقال بكل قوته : عااايد طللع ليي الكاميرات حقتك وش سجلت !
عايد طارت عيونه بصدمة وقال : تستهبل انت !
اسر مسك رقبته وقال بحدة وهو يحس ان جنون الارض فوق راسه : ماااني استهببل ولا اني حقييير عشان اعدد جميلي في بطنك انت وابوك وطلعها لا اطلع رووحك !
عايد تفشل وسحب التسجيلات كلها وشغلوها قدام اهل الحارة كلها واسر واقف وفلاح جنبه والكل بعيونهم شهدوا وشافوا الهنوف وهي تنادي عقاب وكيف كان الاستنفار والقرف من جهة عقاب وقف اسر التسجيل وقال : يالله شوفوا لكم طريقة تغفر ذنبكم وذنب الظليمة !
عقاب ابتسم وقال : اسيير بخاطري شيء
اسر ابتسم بفخر وهو حس ان اكبر هم انزاح قال : اقدم يخوي واضرب فيهم الارض ولاتسمي والله ان اخوانك وعيال عمك وراك !
عقاب تقدم وسحب يده ورجعها وراه وضرب وجه غامد بكل قوته وقال : ايييه يزبالة قبل تشكك بتربية الخلق شوف تربية الكلبة اللي عندك !!
ابو فهد بحدة : والله م اسامح واحد منكم الا بكرامة وخروف لي ولعيالي وحفيدي غيرها والله م بيني وبينه شيء
كل اهل الديرة تقدموا وصاروا يعزمون ويذبحون ويكرمون واسر يطالع فيهم بسخرية ابتسم وقال : باقي الجزء الخفيف عمي راشد
مشى وشاف فلاح رايح يركض دقق وشاف تركي جاي لحاله فزوا له العيال وسلموا عليه وقال قبل يسلم ع عقاب : عقيب ادري انك شايل بخاطرك علي لكن غلبني ابوي يخوي ولا تعرفني مستحيل ابعدها عنك
عقاب ابتسم وسلم عليه وقال : شدعوة قد نسينا يخوي حتى اهل الديرة متزاحمين ع ابوي وابد اشياء تصير وتنحل وانا ولد عايض
فزوا عيال عمه واخوانه وطيروا شماغاتهم فالسماء وقال ثامر بصوت عالي : اااطللقق حججاااجك يعمميي
عقاب ابتسم وقال : حييي والله عييينكم
تركي ضحك وقال : امشوا يالله
فلاح : دقيقة بس تالين تبيني عيال احد يجي معي
لف لهم فلاح وكانوا يمشون وسحبوا عليه ضحك تركي وقال : امش بجي معك
فلاح ابتسم وقال : كفو هذا والله العشم فيك يولد عمي
تركي ابتسم وقال : احتزم اعنبو غييرك
فلاح ركض وقال بصوت عالي : تركي انتظرني هنا
تركي رد عليه وقال : طييب
مسك جواله ودق ع الميلا ووصله صوتها وهي تقول : هلا تروك
تركي : وين جودي ؟
الميلا : جنبي ليه ؟
تركي : عطيني ياها
الجود تقدمت بعد م نادتها الميلا واخذت الجوال وقالت : هلا
تركي : يووه يجودي عقاب تغيير في اسبوع نااحف وحلاقة جديدة مستحيل انه نفس الشخص
الجود ابتسمت وقالت : اهم شيء انه طيب ؟
تركي : اييه ايه م عليه خلاف
الجود بحب وشوق قالت : قرت عيينك بشوفة عقابي
تركي ابتسم وقال : بكره وانتي عنده
الجود : ع خيير يارب
سكر تركي ولف وانصعق اول م شاف فلاح منطعن في جنبه وصرخ بأعلى صوته وقال : تتتككففى يووللد عمميي
تركي حس ان دمه احتر بعد عزوة فلاح فيه وركض بكل سرعته وقال بصراخ : فلاااح !!!؟
فلاح اشر وراه وقال : تالين لا يجون تالين
تركي لف وراه وقال بصوته الثقييل : ووولددد !!
ركضوا اثنين وصرخ تركي وقال : ييععييااللل عممييي
لفوا عيال عايض وقال ناصر : صوت تركي !؟
عقاب ركض علطول واخوانه واخوان فلاح ركضوا وراه ووصلوا وعلطول من نظرة وحدة عرفوا وش الوضع وفزعوا وم قصروا وطار تركي لتالين وشافها تدافع عن نفسها بصعوبة سحب حجره من الارض وضرب راسه وسحبه بكل شراسة ورماه ع الارض وطاح تركي فيه ضرب وانفلت منه بعد الضرب وركض تركي وراه وم قدر يمسكه بس حس انه برد حرته ورجع لتالين ودخل عليها ومسك كتوفها ووقفها ع رجولها وقال : جاتس شيء سوا لتس شيء ؟
تالين كانت مرعوبة ولا تدري وش تقول اكتفت بأنها تهز راسها بنفي ابتسم تركي بآلم من جمالها وغطاها بشماغه وقال : ولا تخافين يبنت عمي وانتي معي والله م يلمسونتس
تالين بتوتر ورعب ودموعها اخذت مجراها قالت : م تقصرون وين فلاح ؟
تركي مشى وقال : وخروا خلوني امارس مهنتي عليه
فلاح ضحك بآلم وقال : لحد يوجعني ووين تالين ؟
صقر وهيثم فزوا علطول لأختهم وابتسم تركي وهمس لفلاح وقال : اخ يفليح ليتني انطعنت بدالك ولا شفتها
فلاح طارت عيونه وفز وقال : اععققبب
عقاب بحدة : ووششفييه بعد !!
فلاح : شاف اختي اللي م يستحي !!
اسر : تستهبل انت ؟ موصيه عليها اكيد بيشوفها
تركي جلس وسحب القلم بكل سرعته وغطاها بشاش وقال : دكتور ناصر باشر بدالي
فلاح صرخ بآلم وقال : يككلبب
تركي اخذ نفس عميق وقال : يويلي اول مره اضرب احد بالدرجة هذي
عقاب : كله من عزوته فيك
اسر ابتسم وقال : تركي شكلك م تدري اننا في ضرب وملعنة مترس كل يوم
عقاب ضحك وقال : هو بخير صح ؟
تركي : اييه بس قلبي ماهو بخير
عقاب رفع حاجبة وقال : وليه ان شاءالله ؟
تركي : تالين سرقته مني
فلاح مسك الحجارة الصغيرة ورماها ع تركي وقال بآلم عشان ناصر : سكتوووه ملعووون الثثثوى !
طاحوا اسر وعقاب يضحكون ع فلاح وقال تركي : شفيك انت تراني اسعفتك وانقذتها مفروض تشكرني وتعطيني اختك زوجة لي
فلاح صرخ اول م ضغط ناصر ع الجرح وهو يضحك مع اخوانه وقال : يملعوون لعااد تقوول اسمها !!!
صقر جاء من الصراخ وقال : خيير خير عسى م شر ؟
تركي وهو يضحك وحالف يستفز فلاح واخوانه قال : اييه صح صقير انت اخوها من امها وابوها زوجني تالين
صقر طارت عيونه وقال : ووللممهه هييييه صااااحي انت !!
فلاح قام وفز ع تركي وخنقه وقال : ويمين بالله اذا م سكتت ان اجرم فيك !
تركي نغز فلاح من جنبه وتألم وفز من عليه وضحك وقال : ايه لا تهايط وانت بالحال ذي
صقر ابتسم ومسك اذن تركي وخلاه يوقف غصب وقال : وانت لا تهايط وانت ناسي ان وراه اثنين
تركي عبس بوجهه وقال : ماش ناكرين للجميل
عقاب كان يدخن ويتأملهم وهم يتهاوشون وناصر واسر ميتين ضحك عنده دفن سيجارته وقال : بس عاد مشينا
قاموا العيال ومشوا رايحين لمجلس ابو فهد..
" في الرياض "
ابو دانه فتح الباب لماهر وقال : ارحب يولدي
ماهر سلم عليه وقال : ابقه سلام عليكم شحالك يعمي ؟
ابو دانه ناظر وراه وشاف اهل ماهر واخوه سابر وراه
*تعريف بسيط*
ابو ماهر ( طلال )
متوفي من ومزون عمرها سنتين
ام ماهر ( حليمة )
كانت الام والاب لعيالها وم عمرها زعلتهم او ضيقت عليهم وتحبهم حبًا جمًا واللي يمسهم بشر كأنه يمسها
ماهر ( البكر )
ماهر شخصيته حلوة لكن الشين فيه يعصب ويولع بسهولة لكن تغلبه طيبته خيال معروف بأسم " لطيم الفيصل " محب للشعر ومتذوق له ويحب اخوانه طويل وعريض اثر ممارسة الرياضة والفروسية عمره " ٢٩ "
سابر
شخص مسالم حاله حال نفسه لسانه طويل ويحب المشاكل ويفتعلها ويطلع منها عمره " ٢٦ "
عبير
صاحبة القلب الابيض والحنون لأخوانها جات بعد سابر بعشر اشهر بس واثنيهم يتهاوشون دايم عمرها " ٢٥ "
مزون
اخر العنقود صماء بكماء اصابت بالمرض هذا بعد وفاة والدها اثر حادث صار لها وهي بعمر السنتين عمرها " ٢٢ "
...
قلطوا الرجال فالمجلس وقال ماهر : يعمي ادري اني جيت مستعجل لكن جايك متقدم لبنتك دانه ع سنة الله ورسوله
ابو دانه : ومن وين عرفت بنتي ؟
ماهر : في اسطبل الصقلاوية تجمعنا هناك والله اني م نويتها شر واني جيتك وتعنيت من حايل واهلي معي عشان اخطبها
ابو دانه : وشايبكم وينه يماهر ؟
ماهر ابتسم بحزن وقال : الشايب عطاك عمره قبل عشرين سنة
ابو دانه : الله يرحمه يارب وابد سألت عنك ورجال ماشاءالله والرأي رأي بنتي ووحيدتي
توسعت عيون ماهر وهو عرف ان دانه وحيدة امها وابوها ابتسم وقال : الله يخليها لكم يارب ويجمعنا ع خير
ابو دانه : اييه م عرفتني ع اخوك
سابر ابتسم وقال : انا سابر اخوه الصغير
ابو دانه : والله ونعم وابشروا بكل علمن طيب نتعشى وناخذ علوم بعض وم بيصير الا اللي يطيب خطرنا
ابتسم ماهر وهو يحس بأمل كبييير ويشعر بقربها منه
وبالنسبة لأهل ماهر دخلوا مع الباب اللي ورا واستقبلتهم دانه بكل حب ورحابة صدر وكأنهم اهلها وام ماهر انعجبت بملامح دانه الاخاذة وقالت : بسم الله عليتس يبنيتي مزييونة
دانه ابتسمت وقالت : من زينتس يخالتي
عبير ابتسمت وقالت : واااي بسم الله عليها مزييون يمه مزييونه
دانه لفت بخجل وصارت تقدم لهم القهوة واشرت لديم تجي تساعدها وكان فرق الملامح بين دانه وديم كبير
عبير همست لأمها وقالت : يمه هقوتتس انهم خوات ؟
ام ماهر : والله مدري م تشبه لوه
عبير ضحكت وقالت : جماهوو [ يعني صح ؟ ]
ام ماهر توسعت عيونها وقالت : وي وراتس انتي اقطعي صوتتس
ام دانه ابتسمت وقالت : يالله انك تحييهم
ام ماهر ابتسمت لها وقالت : ي بعد حّيي والله
ام دانه توسعت عيونها وقالت : من حايل !؟
ام ماهر : الوكاد محد يحتسي كذا الا اهل حايل
ام دانه ضحكت وقالت : انا انشدتس عشاني من حايل بس م سكنت فيها والله
ام ماهر : يهلا والله ببنيتنا
ام دانه : الله يحيتس
ام ماهر : والله مالتس فالطويلة جينا نخطب دانه لولدنا ماهر
ام دانه ابتسمت وقالت : والله الساعة المباركة لكن لازم نسأل يأم ماهر والوكاد ان ولدتس رجال عن الف رجال
دانه ابتسمت وغمزت لديم اللي كانت مصدومة وقالت بهمس : يحييوانه !؟ ماهر الفيصل
دانه بهمس : بشحمه ولحمه
ديم كتمت صرختها وقالت : يالبييييه لايقيييين
ام دانه : ماهو عن شيء لكن بنيتي ووحيدتي
ام ماهر : ولا اقاطعتس بس من ذي بنتوه ؟
ام دانه ابتسمت وقالت : هذي صاحبة دانه من وهم صغار
عبير ضحكت وقالت : هقيت اصلاً م تشبهوه
ديم ابتسمت وقالت : لهجتكم تجنن !
ام دانه اشرت ع مزون وقالت : عرفونا ع المزيونه ولا تستحي ؟
عبير ابتسمت بضيق وقالت : لا يخالتي مزون م تحتسي ولا تسمع
دانه ابتسمت واشرت لها بلغة الاشارة وقالت [ شلونك ؟ ]
مزون ابتسمت براحة واشرت [ بخير ]
عبير : وتعرفين لوه يحظنا والله
دانه ابتسمت وقالت : شدعوة م سويت شيء
ام ماهر ابتسمت وقالت : انا حليمة ام ماهر وهذي عبير وهذي مزون
ام دانه ابتسمت وقالت : وانا هيلة وهذي بنتي دنو وروحها الثانية وبنتي الثانية ديم
رحبوا ببعض وتعرفوا زين وتعشوا ورجعوا لحايل ..
" فاليوم الثاني يوم السبت عرس ناصر وغزيل "
كانوا الكل في بيت ابو فهد مستنفرين وناس طالعين وناس داخلين والعيال ركض للمخيم وركض راجعين للبيت وعلى ذا الحال فالساعات الاولى من الصباح من اذان الفجر للآذان الظهر وجلسوا بتعب فالمجلس
عقاب : الحضور منهم ؟
ابو فهد ابتسم وكتم ضحكته وقال : كل كلاب الحارة والديرة اللي غلطوا علينا جاايين
انفجروا العيال كلهم يضحكون ع رد ابوهم وقال اسر : وربي انك تفهم يبه
ثامر وهو ميت ضحك : جدي طلعت تعرف تنكت ؟
ابو فهد وهو يضحك : شفيك ماني عاجبك
عقاب وهو يضحك بكل قوته قال : وربي حتى انا م توقعتها
ناصر : يالله يعيال امشوا للحلاق
عقاب : اييه والله مشينا صرت اقرف من الدقن خلوني احلقه
ابو فهد : افا يعقيب والله ان شكلك ازين فيه وانك تصير مرتب
عقاب ابتسم وباس راس ابوه وقال : والله ان ودي اخليه يقعد لعيونك لكن يبه مقدر عليه
مشى عقاب بعد م سمع رد ابوه وهو : ع راحتك
طلعوا العيال يغنون ويرقصون وعقاب يضحك وركب الونيت وركبوا كلهم معه وقال تركي : توزعوا الكبار فالغمارة والورعان فالصندوق
اسر ركب فالصندوق وقال : لنا الله
وعقاب وتركي وناصر وفهد وفلاح فالغمارة وصقر وهيثم وثامر واسر فالصندوق مشوا وقابلتهم سيارة عمهم راشد واشر له فهد بمعنى " سلام عليك " ورد عمه ووقف وقال : عليكم السلام
فهد : مالنا معك كلام يعم كلامك مع ابوي وتدل مجلسه
اسر دقق بالسيارة وشافه لحاله وقال : جيت بدون اهلك ؟
ابو تركي بحدة : مانتوا تقولون مالكم كلام معي
مشى وضرب اسر التنده وقال : فهد ياليت لو تكرمنا بسكوتك !!
ثامر انفجر يضحك وقال : بسكوتك ولا عصيرك
طاحوا العيال يضحكون واسر ميت من السماجة وقال : اه يارب فوق غثى فهد ولده معي يارب اني اسألك حسن الخاتمة
صد عنهم ومروا من بيت ابو تركي وشاف اسر الميلا تطلع كيس الزبالة وتدخل ابتسم وقال بصوته الرخّيم :
ارحبي عقب البطا والمشاكل والظروف
‏يمرحبا ياحي شوفتتس عقب الشوق
‏دوريني عقب عيونتس بين تنهيته وخوف
‏استهيم بجيتتس ياللي ساكنه الخفوق
-
فلاح ابتسم وقال : شافها
عقاب وهو يضحك قال : اييه
تركي بشك : منهي ؟
فلاح بربكة : شسمها الم..
قاطعه صراخ عقاب وهو يقول : المخرج من الديرة المخرررج
تركي : ايه اشتاق للمدينة يعني
عقاب قبص فلاح وفز بآلم وقال : اييه اشتاق
تركي ابتسم وصد علطول وفلاح شهق بآلم وقال بحدة : الله يكسر اصبعك يملعون
عقاب : مابه مشكلة قد انكسر
مشوا واسر في قمة سعادته وماهو مصدق انه لمح عيونها السود بعد اسبوع كان طويل بالنسبة له ولأهله ..
:::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم ❤️
( ارحبوا يحباااااني رجعنا ببارت جديد ، وحشتوني مع انه توو نزلت امس بس ممكن يصير التنزيل يومي لأني خلصت المنهج صح عندي كويزات لكن ان شاءالله نقدر 🫣 ، عطونني رايكم بكل شيء ، اشوفكم ع خيير ببارت جديد يحبه قلبكم ولاتنسون النجمة 🫡 )