ليّت اللِذي خَلق العُيون السُود ... خَلق القُلوب الخَافقات حَديد

البارت السابع والثلاثين

" فالديرة "
الكل مجتمعين لعرس ضحى وسهم بعد اسبوع والفرحة تعجّ فالبيت ، مشت تشيل بطنها اللي بدأ يثقل ونطقت بتعب : ميلو تعالي ساعديني !
الميلا قامت ومشت لها وسرعان م حسّت بدوخة وغثيان وشهقت تركض للحمام ، فزّت الجود تركض بهدوء ورا اختها ودخلت معها تمسح ع ظهرها ونطقت : حامل صح ؟
الميلا اللي كملت شهرين تحسّ بالتعب والغثيان بس صار عندها رعب من التحاليل ولا ودّها تحمل بعيدة عنه ، هزت راسها بنفي مرارًا وتكرارًا ونطقت : لا ان شاءالله !
توسعت عيونها بصدمة وقالت : ميلو !! وش الكلام ذا ؟ غزيل وحملت وصارت فالشهر الثالث وتالين حامل من شهرين وامال توو بشرتنا قبل اسبوع !؟ متى يجي دورتس !! ترا ادري ان الدورة م تجيتس !
رفعت راسها ونطقت برعب : م ابي ادري بجيّة احد وهو ماهو بحوّلي ولا جنبي يواسيني ويحتضني ليه ما تحسين فيني ولا عشان عقاب اقرب لتس من هدّب عينتس ؟
الجود نزلت لمستوى اختها وضمّتها ونطقت : اقّلها فرحيه اذا جاء بالسلامة
الميلا بربكة : لا م ابي !
وفزّت برعب من شهقت الجود والمويات نزلت ، الميلا صرخت بأعلى صوتها وقالت : عقااااب !
فزّ من بين الرجال فالحوش هو وناصر ، يعرفون ان الاسر مأمنهم ع الاهل ومقصده الميلا اللي تكون كل اهله ، رفعوا اطراف ثيابهم وركضوا داخل ، ناصر بحدة : ميلا فيتس شيء !
الميلا رفعت شيلتها ع وجهها وطلعت ونطقت : عقاااب
عقاب بعقّدة حواجبه نطق بحدة : انطقي !!
الميلا : الجود بتولد !!!
شهق ناصر وضرب عقاب يدفعه ، مشى ودخل الحمام وطلعت الميلا ولفت عليه وقالت وهي تتعرق : الله ياخذك !
عقاب ابتسم وقال : امين بس تعالي ي جودي تعالي
مسكت يده وصرخت بآلم ، مسكها من فخوذها وشالها ع كتفه يركض فيها وغزيل وراه ووصلت قدامه وغطتها بعبايتها ، ابتسم وقال : لا خلا ولا عدم يبنت عبدالملك
الجود بحدة : فاااضي !! تميّم بيطططلعع !!
ضحك وقال : حّي عييينه ولد ابوه
فتح باب الجيب وركبها ورا وطاروا الميلا وضحى وغزيل معهم والبندري ورا ، مشى ناصر وركب جنبه وركض عقاب يركب قدام ولف لأمه وابوه اللي واقفين ونطقت : انتبه لها يأمي
اشر عقاب بأصبعه ع خشمه وقال : ع خشمي
سكر الباب وانطلقوا ومن صراخ الجود وتهدئة البنات لها بعد مسافة وصلوا ، نزل يركض وصرخ فالطاقم الطبي وقال : زوجتي بتولد !!!
مشوا كلهم معه وشالوها ع الكرسي ودخلوا قسم الولادة علطول ، ضحى بحدة : يالسلقة امشي نشوف وش عّلتتس
ناصر لف عليهم وقال : حبيبتي ام الكيرلي وينها ؟
غزيل تمسكت بذراعه من وراه وقالت : هنا ي ابوي انت
ناصر همس لها وقال : الميلا وش فيها وعلميني بالصدز اسيّر مستأمنها عندنا !
غزيل همست وقالت : سلقة م تبي تكشف وتحلل انها حامل
ناصر ابتسم وقال : اكشف عليها ؟
غزيل وهي تناظر الميلا حطت عيونها بعيون ناصر وقالت : وثواني وبيطلع لك اسر من تحت الارض ويدفنك حي لا شكرًا
ضحك وقال : م ظنتي فيه احد مفتوح بس اضبطكم
مشى وقال : حَرم اسيّر تعالي معي ي بنتي تعالي
مشت الميلا تلحق خطوات ناصر وضحى وغزيل وراهم ، وصلوا لسيب وسأل ناصر ومثل م توقع كانوا الكل في اجازة ومحد موجود ، سحب بطاقته وعلقها بجيب ثوبه ونطق للممرضة : افتحي لي غرفة الان !
الممرضة ابتسمت وقالت : تمام دكتور !!
مشت ودخلت احد الغرف ومشى ناصر معها ، جهزوا الغرفة ونطق بصوته : ميلا تعالي
دخلت الميلا وقالت بربكة : ناصر انت اللي بتكشف علي ؟
ناصر هز راسه بنعم وقال : انسي اني اقرب لتس بس ضروري نعرف وش فيتس
هزت راسها بنعم وقالت ببكي : بس خلك ورا وجيب معك وحدة تساعدك
ناصر ابتسم وقال : ارتاحي ابشري
ابتسمت له وجلست ع السرير ومشت لها احد النيرسز الموجودين وسحبت الستارة وكانت فيها فتحة صغيرة دخل ناصر يده منها ، ابتسم وقال : Ready nurse ?
*جاهزين حضرة النيرس ؟*
الممرضة نطقت بعد م انتهت من دهن الجّل ع بطن الميلا : Yeah doctor u can start now !
*اجل دكتور يمكنك البدء الان !*
مد يده وساعدته الممرضة تحطه ع بطن الميلا ، وبخبرة من ناصر قدر يشوف كنوز وعرف جنسها بعد ، ضحك وقال : ماشاءالله ي اسيّر ي كثر م دعيت ربي يرزقك بجيّة كنوز وجات كنوز
شهقت الميلا تبكي بفرحة وقالت : حامل ببنت ؟
ناصر ابتعد ونطق : ايه وتوو دخلتي بالشهر الرابع
الميلا انهارت تبكي وضمّتها الممرضة وهي تضحك لفرحة الميلا الواضحة ، مسحت بطنها وغطته ونزلت الميلا ومشت وبغت تتعثر بس تمسكت بذراع ناصر ، ابتسم يناظر فيها وقال : بسم الله عليتس ي ام كنوز
ضحكت بخجل وقالت : شكرًا ي ابو محسن !
ضحك وقال : صدز خليني اشوف هو محسن ولا نوره !!
ضحكت وسكت شوي ونطق : بشوف
طلعت الميلا وفزّوا البنات لها ، غزيل برعب : بشري !!
الميلا بكت علطول وقالت : حامل وببنت !!
صرخوا كلهم وتحاضّنوا ، عقاب توسعت عيونه بعصبية وقال بحدة : وجع والصوت !!!
ضحى ضحكت وقالت : عقاااب كنوز بنت اسر جايية !!
ارتخت ملامحه ونزل يسجد قدامهم ، بكت الميلا من فرحة اخوان اسر فيها وفي بنتها ولفت تشوف دموع ناصر متحجرة بعيونه ، مسحت دموعها وقالت : الله يطمنك يبو تميّم
ابتسم وقال : ابد اطلقي حجاجتس يبنت العم اطلبي وم بتلاقين الا سمّي وامري وابشري ! اعتبرينا اسر جنبتس ولا يضيق لتس خاطر ترا العضيد موصيّ توصايه !
ابتسمت وقالت : م ازعل وانتوا وراي !
تركي دخل يركض ومعه ام تركي ونطق : عييال وش صار وين جودي ؟؟
عقاب بحدة وهو يهمس : انتظرني انفرد فيك واعلمك وين جودك !!
ضحك وقال : عقاب جد وينها ؟
عقاب : ابد قالوا لي مجرد طلق وبيشوفون اذا بتولد فالسابع ولا بتستمر للتاسع
ناصر بجدية : مين اللي قالك كذا ؟ نزلت مويتها
عقاب هز راسه بنعم وكمل ناصر يقول : اجل ولادة م فيها يمين يسار بس يمكن السنتيمترات م وصلت !
عقاب : انت ابخّص يبو محسن
ناصر اشر بعيونه لغزيل اللي تسوي نفسها مجنونة وم تشوف تلميحاته ، مشى وسحبها ودخل الغرفة وسكر الباب وراه وقال : مسويه لا اسمع لا ارى لا اتكلم ؟
غزيل ابتسمت بصدمة وقالت : لأني حامل بمحسن ونوره !
توسعت عيونه بصدمة وسكت لثواني وسرعان م سحبها وكشف عليها وهي تضحك وتصور ، ابتسم وقال : تؤام !!!
غزيل : ادري طيب
ضحك بصوت عالي وتقدم يحتضّنها وحاوطته وهي تصور كل لحظة ، ضحك وبكى بحضّنها وبكت غزيل معه ، ناصر بفرحة شابهت العيد نطق : يعني سألت ربي بالقمر وجاب لي نجمتين ! وطلبته ولد وجاب لي الجنسين !!
غزيل ضحكت وباست كتفه وقالت : للحين م ندري يمكن ولد وولد وبنت وبنت
ناصر انفجر يضحك وقال : طالع لي يعسولتي ي ام الكيرلي انتي طالع لي الجنس ولد وبنت
غزيل ضحكت وسط دموعها وقالت : اجل كل واحد يمسك تربية واحد انا علي نوره وانت محسن
ناصر ابتسم وقال : تم ! ابي اشوفها بالكيرلي تكفين اذبحيني فيتس وفيها وغرقيني بعشقتس وبشبيهتتس لا تقصرين !
ابتسمت وقالت : يويلك منها ومن دلعها وجمالها
ناصر وهو يمسح الجّل : اي دلع الله يرحمني بشوفها بعد كم سنة تتضارب وتفزع لمحسن
غزيل انفجرت تضحك وقالت : حيّ عينها تطلع لأمها والرخمة يطلع ع ابوه
ناصر : الله كريم
ضحك من ضحكها وساعدها تنزل ومشت تطلع ، وقاموا كلهم وقالت بفرحة وهي تدور : انا دبل حامل بتوأم
تركي انفجر يضحك بصوت عالي وقال : حييّ ينويصصر دبلتها بجلسة وحدة !!
ناصر غمز له وقال : تشوف لعبتها صح
عقاب ابتسم بخبث وقال : فحل يبو محسن ونوره فحل !!
ضرب كتف عقاب بخفه وقال : معلييك زود !
الميلا بصدمة : حمدلله ان اسر مو موجود ولا استلموني
غزيل بصدمة : تسلاب عليها ثياب !
ضحى ضحكت وقالت : وهم صادزين
ناصر انفجر يضحك وقال : يبون ضحى عّون جاتهم فرعون
عقاب ضرب كفوفه ونطق : تربيتي وضيحي نفدا خشمها !!
البنات تقدموا يضربونها وضحكت تركض لعقاب اللي ابتسم يحطها ورا ظهره وحاوطت بيدينها ظهره من وراه وقالت : اتحداكم تجوني الحين
عقاب بتحدّي : يعقبون يبنت عايض يعقبون والله !
غزيل بحدة : تعرف اني بدعسك انت واختك بس صرت اشيل روحين مالي خلقكم
الميلا : وانا والله مو ناقصة ولا تعرفنا وضيحي ع قولتك وش نسوي اذا فزعنا لبعض انا وغزلي !
غزيل ضحكت وقالت : نخبز اللي قدامنا خبز
عقاب : اللي قدامكم عقاب !
غزيل طلعت صوت يضحك من منطوقها ونطقت : والله والتبن يعقاب
مشت وضحك عقاب يلحقها ولفت عليه ووقف بمحله ، ضحكت وقالت : ولا تفكر حتى نويصر وراك !
لف وشاف ناصر وراه بالضبط وضحك ولفّوا كلهم ع الممرضة اللي جات تركض وقالت : الجود بتولد وين رجلها ؟
عقاب تقدم وقال : وينها ؟
الممرضة : الحقني
مشت ولحقها عقاب وام تركي قامت من عند الميلا وركضت وراه ، وصلوا للقسم وهم يسمعون صراخها من عند الباب نطقت ام تركي بحزن : ياربي الطف بها يارب !
عقاب طّق رقبته بغضّب وهو يغار ، يحترق ع صوتها وكل صرخة كانت تشعل اللهيب بصدره ، زفر بحرقة ونطق : مشينا
ام تركي ببكي : لا يعقيب مقدر اتحمل انت ادخل
عقاب مشى يدخل بعد م لبسوه ، شافته وصرخت بأسمه وهي تقول : تكفى يعقاااب !
عقاب تقدم وسرعان م تمسكت بذراعه ، ابتسم وباس راسها وقال : بالهداوة يبنتي بالهداوة تكفين حرقتي قلبي !
رفعت يدينها تحاوط رقبته وتغرز اظافرها بكتوفه ، صرخت وعضّته بكل قوتها وهو منحني عليها ولا كانت منه اي ردة فعل ، ارتفع صوت بكاء تميّم واعلنوا الطاقم الطبي قدومه للدنيا ، ضحك عقاب بآلم من ارتخت بحضّنه ومسك خصرها يثبتها ونطق : اخيرًا شرف ولد ابوه ! حيّ الله تميّم
الدكتورة ابتسمت وقالت : الحمدلله ع السلامة بننظفه وننقله للحضانة يعتبر كبير ع جنين بعمر السبع اشهر ماشاءالله عليه والمدام بننقلها للقسم
عقاب ابتسم وباس راسها وقال : طمنيني وقوّي نفستس بعقاب ! وولد عقاب
مشت الممرضة وحطته ع صدرها وسرعان م ضمّته الجود وهي تبكي وباست راسه وشالوه عشان م يتعبها ويتعب ، مشى يطلع ولفّوا تميّم ومدته لعقاب اللي اخذه من الممرضة وابتسم يبوس راسه الصغير ، كان ساكت لكن انطلقت صرخات بكائه الصغيرة من نطق ابوه بأذنه وقال : الله اكبر الله اكبر ..
انتهى من الاذان وباس خشمه وقال : وانت اعجل علينا لا تعجبك الحضانة تكفى ي تميّم بوديك للأبل تتونس فالتراب هناك !
ضحك بصوت عالي وبصدمة من ابتسم تميّم بخفه وقال بضحك : جازت لك يبن عقاب ؟
مشى وطلع وصرخوا من شافوا عقاب وبيده ولده ، الكل كان موجود وفرحانين فيه من ابو فهد واعمام عقاب وحريم عمانه والباقين كل اللي بالبيت كانوا موجودين ، حصة ضحكت وقالت : يعم عيب م تروح به لثويمر فالمستشفى
عقاب ابتسم لها وتقدم يعطي تميّم لأبوه ، بكى ابو فهد يشوف اول ذرية ولده عقاب وباس راسه وقال : مبروك الجيّة يولدي شرف الدنيا بقدومه والله ينتبه نبات حسن وصالح ويرزقكم برّه يارب
عقاب باس راس ابوه وقال : امين يتاج راسي
ام فهد ابتسمت تاخذه بيدين راجفة مليانه بالتجاعيد ، وبكت علطول وصارت تسميّ عليه وقالت برفع صوتها : حيّ الله تميّم بِن عقّاب !
عقاب ابتسم وباس راسها بقوة وقال : الله يحييتس يميمتي
مشى يشيله ونطق ناصر : نشوفه بعدين يالعضيد
فهد ابتسم وقال : ايه والله بعدين الولد جاي بدري وده لهم
عقاب ابتسم وقال : حق علي تشوفه خالته وخاله
تركي والميلا تقدموا من بينهم وهم يضحكون ، الميلا نطقت بدموعها : يشبه عيون جودتي والله !!
تركي ابتسم وقال : بس حواجب عقاب وعقّدتها شوفيها
ضحكوا كلهم ونطقت : الله يرزقكم برّه يارب
تركي : ولد صالح بأذن الله يبن عايض
عقاب ابتسم وقال : بإذن الله
ضيدان دخل هو ودالين وقال : طوييل العمر !
عقاب لف وضحك وهرّول لضيدان اللي استقبله يضمّه وتميّم بينهم ، ضحك ناصر ومشى ياخذه وقال : انت مطول جيب الصبّي !
ضحك عقاب ومدّ تميّم لعمه ناصر ، ودخل ناصر واخذوا تميّم وطلع ومن سلام وتباريك مشوا كلهم لمستشفى ثامر يطمنونه ان جاه ولد عم ، حصة حاوطت ذراع ابوها وقالت : يبه مره بيفرح
فهد ابتسم وقال : ادري ي ابوي ادري
مشى وهو ماسك يد سديم وحصة ، حلف فهد م يتزوج ويشيلهم ع راسه ولا يقصر معهم وفعلاً قبل شهرين..
" قبل شهرين "
تحديدًا بعد عرس تالين وتركي بأسبوعين ، دخل بغضّب وتوسدت يدينه معكازه ونطق بحدة : احفااادي يجون الحين !
فهد فزّ وقال : يبه بعزا..
ابو فهد نطق بحدة : بعزاء الساحرة الكافرة واهل الساحرة !! الان تمشي وتجيبهم لي لا يروحون احفادي طردتك معهم !
فهد ابتسم بخوف وباس راس ابوه ومشى يركض ماشي لبيت اهل احلام يجيب حصة وسديم ، ابو فهد ع قسوته الا انه م يرضى ع الشوكة اللي تدّق بأحفاده وتوجعهم ، احفاده بطرف والدنيا وم فيها بطرف ثاني ، لا يمسّهم شيء وهو حيّ احرق الدنيا والعربان لأجل عيونهم ، وفعلاً جات حصة وهي م تحملت ضغط اهل امها عليها وسحبوا جوالها ولا قدرت تشكي وتكلم ابوها ومن حسن حظها ان جدها فكر فيها ورجعوهم لبيته علطول ..
" في بيت ضيدان "
دخل وهو معصب ومشت وراه بهدوء ، لف عليها وقال : تعالي وراي
مشت تنزل عبايتها وجلست وقالت : هلا ؟
ضيدان : كله عشان صقر صح ؟
دالين قطّبت حواجبها وقالت : هاه ؟
ضيدان نطق بغضّب : ثلاث اشهر وانتي ببيتي ولا نمت معك ليلة وحدة !!
دالين رفعت شعرها ورا اذنها وقالت : وشدخل صقر ؟
ضيدان : عشانك كلمتيني اتنازل عنه ورفضت
دالين : طيب ؟
ضيدان بحدة : دالين !! لا تنرفزيني تراني ماسك نفسي عن ابسط حقوقي وشيء واجب عليك اصلاً !
دالين زفرت بملل وقالت : مو واجب وصقر ماله شغل انت بررت لي وقلت انك خايف منه وم تبيه يبعدني عنك وانا تفهمت ولا عاد فتحت الموضوع معك وبالنسبة للنوم نمت طول عمرك بدوني وش جاك ؟
مسك راسه بصدمة وضحك بسخرية وقال : اذنيك تسمع الحكيّ اللي يطلع من منطوقك ؟
دالين تقدمت وجلست جنبه وقالت : انا م تعودت ! م ابيك تغصبني صدقني لو تنتظر شوي بجيك طواعية !!
ضيدان قام علطول حارمها قُربه ونطق : هذيك حَرم فلاح جاتها فوبيا بعد السالفة اللي صارت لهم وشوفيها حامل الحين ؟
دالين قامت وقالت : يعني بفهم مستعجل ع الضنى ليه ؟
ضيدان نطق بحدة : ماهم مسألة ! انا رجال عايش مع زوجتي وكملنا ثلاث اشهر ببيت واحد وللحين م تبيني اقرب منها ولا حتى انام معها !!
دالين مشت تبعد ومسكها يسحبها لحضّنه ، ارتطمت بصدره العريض ونطق بضيق : الحين لا تحرميني !
دالين هزت راسها بنفي بقوة وقالت : م ابي اقولك !!
ضيدان مسح ع راسها وقال : والله بس بنام م بجيك
مشى معها للكنب نفسه اللي تنام دالين فيه اخر ثلاث اشهر ، حاوط خصرها ورفعها بحيث وجهه يقابل صدرها ، نزلت عيونها تشوف وجهه وسرعان م شّدها ودفن وجهه ، تصّلبت بمكانها تحسّ بأنفاسه تضرب صدرها ضرب ، نبضات قلبها اصبح من السهل سماعها ، تحسّ بشنبه ومنطوقه يبوسها بهدوء ، اخذت نفس عميق وزفرته وخلخلت اصابعها بشعره تشّده لها وانحنت براسها تضمّه ، ابتسم يرفع راسه وباسها بكل قوته وطبع املاكه ع ترقوتها ، ابتسمت وهي ترجف ويحسّ برجفتها خلاها ترتاح وتتعود وسرعان م قلبّها ، ضحكت وقالت : حسيت يكلب انك كذاب !
ضيدان ابتسم وقال : الكلب ذا له من يوم طاح لك ينتظر هاللحظة ! اللحظة ذي بتصيرين فيني ومني ي فاتنتي !
انحنى لها يقّبلها وم كان من دالين الا المبادلة ، انكتبت لضيدان زوجة واختلط الدم بالدم ، صارت لأبن حثلين صارت منه وفيه وله لوحده وو..
" فالسجن "
دخلوا العساكر وصاروا يطالعون بالسجناء وصقر اللي صار عريض مهُيب بمنظره ، صار الكل يعرفه وتقربوا منه كلهم وشكَل عصابته الخاصه
العسكري بحدة : صقر بن سالم بن مساعد ؟
صقر قام وقال : سمّ يطويل العمر ؟
العسكري : افراج
وقف الدم بجسده ، وقف شعر راسه من سمع الكلمة اللي كان يحلم فيها اخر اربع اشهر ، ضحك وقال : الله يبشرك !
رفع عيونه من نطق هيثم : صقيّر !
صقر ابتسم وقال : ارررحب !!!
ركض وضمّوا بعض ولفّوا اول م صرخ فايز وطعن صقر ولا اكتفى صار يسحب سكينته ويرجع يغرزها ، صرخ هيثم وطاروا العساكر يكهربونه وسقط ع الارض ، ارتخى صقر بيدين هيثم اللي صرخ فيهم وشالوه كلهم ينقلونه للمستشفى ، وطرحوا فايز ع الارض وطلعوا ، مشى ابو شيمة له وقال : كفو يولدي كفو ! م خليته وانتظرت ولا راح انتظارك هباء منثورًا !
فايز وهو طايح ابتسم بهدوء ..
" فالمستشفى "
نقلوا صقر علطول ومشى هيثم وقال : صقر شّد يخوي ترا عبدالهادي خطب ووافقوا عليه مبدئيًا لا تروح علييك !
صقر وهو يوّن بآلم نطق : من هي ؟
هيثم بهمس : البندري !!
صقر قال بغضّب : يعقب !
ارتخى بعد كلمته وفك هيثم يدينه من السرير ، يشوفوهم قدامه ينقلون اخوه للطوارئ ، سحب جواله وارسل رسالة يبلغ الاهل فيها ان صقر طلع وضيدان تنازل اليوم وهم فالمستشفى وقالهم كل شيء صار ..
" فالمستشفى عند الجود "
كانوا طالعين كلهم ، ابتسم وقال : ثواني نسيت اعبي البيانات
ناصر ابتسم وقال : يمديك بعدين ترا مو شرط الحين
عقاب : لا اسبقوني
الميلا تقدمت وقالت : عقاب عادي اجلس عن جوجو ؟
عقاب رفع كتوفه بعدم معرفة وقال : والله مدري اذا بيمديتس ولا لا لأنه م نقلوها للقسم باقي
الميلا : بجي معك ونشوف
عقاب ابتسم وقال : تعالي ي ام كنوز
مشت وراه وطلعوا الاهل متوجهين لثامر ولصقر اللي بالصدفة كانوا بنفس المستشفى ، مشت وبعد صراع مع نفسها وهي تشوفه قدامها يوقع ويكتب بيانات بكّره تميّم ، زفرت بتوتر وقالت : ابو تميّم
لف عقاب وقال : سمّي ؟
الميلا تقدمت وقالت : متى اخر مره وصلك علم من اسر ؟
عقاب ضحك وقال : والله اني قليل ادب بس بقولتس وش اسوي انا
الميلا مسكت يدينها وقالت : ان شاءالله م فيه شيء
عقاب : والله اني م اعلم انا م اشغل نفسي بأخواني وش يسوون بأختصار انا عكس اسر اللي يسأل عني فالمهمات
الميلا همست : يشينك !
عقاب ضحك بصوت عالي وقال : يجي منتس اكثر ي حَرم العضيييد
الميلا توسعت عيونها وقالت : م اقصد بس ليه م تروح عنده وانت منصب ورتبة محد بيقولك شيء !!
عقاب مشى ولحقته وهو يقول : لأني م ابيه يتعود ع وجودي ويصعب عليه وداعي
الميلا : مو شرط ! يمكن يحتاجك الحين
عقاب لف عليها وقال : اعترفي تبين تروحين لآسر ؟
الميلا هزت راسها بنعم وقالت : اكيييد !!
عقاب سحب جواله واتصل ع رقم وشوي وتكلم : سلام عليكم ، بخير نحمد الله ، عطني اسر ع الخط ، ايه ضروري ودي ابشره بحاجه ، معك الفريق اول عقاب بن عايض بن مساعد ، معليك زود ، ايه النقيب اسر بن عايض ، ماهو موجود ؟ ، ايه معليك بجلس فالخط بس ضروري اكلمه الان تعرف م ودي اجيكم واحوسكم ، طيب !
لف عليها وجلس وقال : اجلسي
جلست وبينهم مسافة وقلبها يدق بشكل مرعب ، لها ثلاث اشهر م سمعت صوته وبدأ يتغيير بمخها وبدأت تنسى اوتاره الصوتية ، لكنه يسكُن اعماق قلبها بصوته واشعّاره واغانيه ، فزّت من نطق اسر : ارحب يبو تميّم !
عقاب ابتسم وقال : البقى انت اللي ارحب يالعضيد
اسر ابتسم وقال : واحشني يحيوان والله مره واحشني !!
عقاب : م يوحشك غالي جعلني قبلك وش وقعك ؟ انت طيب ناقصك شيء ؟!
اسر تكى ع الجدار يشوف المعسكر قدامه ونطق : لا سلامتك لبى عيونك بخيير وانتوا وش وقعكم بشروني ؟
عقاب ابتسم وقال : اووه ي اسيّر به بشايرً واجد !
اسر ابتسم بوسع ثغره وقال : غرد يبو تميّم
عقاب : تميّم وصل
اسر فزّ ونطق بفرحة : الله يحيّيه رمش عيين عمه !!
عقاب ابتسم وقال : الله يبقيي عمه
اسر ضحك وقال : عقاااب قدك اب يكلب !!
عقاب ضحك معه وقال : ابشرك
اسر ابتسم ومسح دموعه وقال : ليتني معكم الله ينبته نبات حسن ويرزقكم برّه انت وجويّد سلمني عليها السلام الواجد !
عقاب ابتسم وقال : امين يبو كنوز ويوصل وترا به خّلن يبي يحاكيك
اسر ابتسم بضيق وقال : عطني ياها جعلني م افقد حسّها
ابتسم عقاب من لف وشافها تبكي ، ضحك وقال : افا ي ام كنوز !
الميلا همست : م قلت له ليه ؟
عقاب : وشدخلني بشّريه انتي
سحبت الجوال وقام عقاب واشر لها تطلع عند الباب اللي يطلّ ع الحديقة الخلفية للمستشفى ، مشت ورفعت الجوال لأذنها ونطقت : حبيبي !
اسر مسك قلبه وتنهد من انقّبض وقال : لبيه يابو عيوون وساع م غيرتس احدٍ البّي له !
بكت وتنهد وضحك بخفه ونطق : ميالتي ؟
الميلا ابتسمت وسط دموعها وقالت : لبيه يابو مبسم عذبّ والله م غيرك احدٍ البّي له !!
ضحك بصوت عالي وقال : صح منطوقتس يالدنيييا ! بشريني تكفين والله ان لي ليالي احلم بـ كنوز !
ابتسمت وقالت بصوت زائف : يبعد الدنيا ي حبيبي بس للحين م فيه شيء
اسر تضايق بس م وده ينكد عليها ابتسم وقال : يجيب الله مطر ي ميالتي !
الميلا ابتسمت وقالت : وعساني اشوفك مع نزول الرعّدية !
اسر ضحك وقال : يوسخه وش الكلام المعسول ذا ؟
الميلا : تعرف قد قلت لك من يعاشر اسر كذا يصير له
اسر ابتسم وقال : محد مقصّر معتس ؟
الميلا : توصياتك يبو كنوز !
اسر ضحك وقال : الله يجيب كنوز
اجابت لدعوته بأنفاسها تلفظ " امين " ونطقت : احبك احبك مره وحشتني مرره مو قادرة انتظر تكفى حاول تجي
اسر ابتسم وقال : لا تصعبيّنها ع شخص م يداني الشوق والهجر والبعاد تكفين انا في وجه الله يابو عيونٍ سود لا تزيدين نيران شوقي حطب وبنزين !
ابتسمت وقالت : بسم الله عليك تهون يحبيبي
اسر : لبى المنطوق اللي يقول حبيبي سعّد حظ م عيّد عليه
ضحكت وقالت : صح عاد عيد الضحية بشوفتك
اسر ابتسم وقال : صعبة م بقى الا اربع ايام ع العيد وعيّدي بعيدٍ مني
الميلا : بتقدر تطول بعد م شبعت ؟
اسر لف يشوف العقيد يأشر ع ساعته بمعنى انه طول ، ابتسم وقال : بقفل الحين وبرجع يوم العيد ادق واعايدتس انتبهي لتس يمال الغناة
الميلا تنهدت وقالت : ودعتك ربي الذي لا تضيع ودائعه
اسر ابتسم وقال :
ي ميالتي الشاعر اللي حبتس بشريانه
‏امنياته يشبك إيده في يدتس و يضمتس
استوى له دربه وهجرتس و جر ألحانه
‏المشاعر كل ابوها مستديره يمتس
يقطع العد الظما للعالم الظميانه
‏ولا انا قطعة ظماي وشربتي من منطوقتس !
-
ابتسمت وقالت : انا منك ولك وفيك وبضلوعك والله اني حرام لغيرك لا تطول وصح منطوقك ي حبيبها !
اسر ابتسم وقال : يالله انا جّارك من الشوق !!
سكر علطول وتنهدت تمسح دموعها وتحاول تسيطر ع رجفتها ، مسكت بطنها البارز بشكل كبير وقالت : كنوزي بابا يموت شوق لنا يبنتي وباقي له اربعطعش شهر عشان يطلع بيجي بابا وانتي عمرتس احدعشر شهر يماما !
اخذت نفس عميق من الغصّة اللي داهمتها وقالت بنفسها " م قلت لك خوفي تنشغل فينا وتتعب من الشوق وانت عارف اني شايلة روحٍ منك فيني " مشت ترجع وشافت عقاب متلطم ومغمض عيونه ، ضحكت ومشت له وقالت : عقاب !
فتح عيونه بسرعة وهو موسعّها ، فزّت برعب وقالت : بسم الله !!
عقاب فك اللطمة وقال : خلصتوا يطيور الحُب ؟
الميلا : انقلع بس
ضحك وقال : سددي رصيد جوالي ولا يكثر
مشى وهي تضحك معه ، لف عليها وقال : علمتيه ؟
الميلا هزت راسها بنفي وقالت : ولحد يقوله في راسي شيء ابي اسويه
عقاب ابتسم ودق تحية بشكل مهُيب وقال : حقتس السمع والطاعة اوامر من الآسر م نقولتس لا !
الميلا انفجرت تضحك وقالت : فظيييع وانت مطيع تدري ؟
عقاب همس بقهر وقال : والله اللي عقّبت يعقاب !
مشى ووصلوا لمدخل خاص ، دخلت الميلا معه ولف عليها وقال : جودي هنا وتميّم بكره بيجيبونه قولي لها لاتشغل نفسها فيه ومتى م ريحت دقوا علي اجيكم
الميلا دقّت تحية ونطقت : اي شيء ثاني يالفريق ؟
عقاب ابتسم يمسك كتفها من فوق العباية ونطق : انفسكم يبنات راشد انتبهوا لها يحريّم رجال عايض
طلع وابتسمت ، م كانت تتوقع بيوم من الايام بتصير قريبة من عقاب زي كذا ، تكون اخت زوجته وزوجة اخوه ، ابتسمت ودخلت ونطقت : جووودي !!
الجود ابتسمت بآلم وقالت : مييلو تعالي طمنيني عليتس
تقدمت الميلا وباست راس اختها وضمّتها وقالت : جودي انا حامل !
الجود ضحكت بخفه وقالت : اوكييه الله يعينكم شفت الموت بعيوني !
الميلا شهقت وقالت : وقسم بالله انتس ورعه !!
ضحكت الجود وونّت بآلم وقالت : والله م الورع الا الرجال يخلصون بليلة وحنّ نلقم تسع اشهر وبعدها لنا لقاء مع الموت
الميلا بحدة : جوود !! عمى يتبن حامل انا م تساعديني ترا
ضحكت بصوت عالي وقالت : اسفه والله ييسر لتس كلمتي اسر وبشرتيه ؟
الميلا جلست ورفعت بطنها وصرخت الجود ونطقت : ينونو بطنتس !!
الميلا : شكلتس نسيتي انتس كنتي الظهر اليوم بالشكل ذا ؟
الجود ابتسمت وقالت : وين تميّم ؟
الميلا ابتسمت وقالت : اول شيء بجاوب م قلت له م ودي ينشغل
الجود ميّلت راسها وقالت : يحظ اسر يشيخ !
الميلا فّلت شعرها تلعب به ونطقت : الجمال ذا شايل بنته ؟ اشوف انه محظوظ اللعنة !
ضحكت الجود وضحكت الميلا ونطقت : جوووي ميلو !!
الميلا : المهم تميّم فالحضانة
الجود برعب : حتى هو كبير وهو فالسابع كويس طلع !!
انصرعت الميلا تضحك ونطقت الجود : اصلاً كنت يوم وبدخل الثامن حمدلله اللي يسّرها
الميلا مسحت دموعها وقالت : والله لا يسمعتس عقيب
الجود بحدة : جعله م يسمع الرعد وانا استغفر ربي !! تراه فاقع مرارتي خليني انفرد فيه بس
الميلا : اف اف بدايتها مشاكل ي ام تميّم ؟
الجود رفعت نفسها تقعد وقالت : تخيلي انه اول م دخل وانا اولد قالي بالهداوة وحسيت اني فوق بعدها استوعبت انه يقصد صوتي وانا اصارخ !!!!
غصّت الميلا بالموية وطرطشت ع الجود اللي انصرعت معها تضحك ودخلوا بنوبة ضحك مرعبة ، الجود مسحت دموعها وقالت : يختي قهرنني !!
الميلا انفجرت تضحك وقالت : اااه جوود بسس !!!
الجود بضحك : خلاص انطمي لا تسقطين ويدحدر علي اسر
الميلا : صعدتها بنت راشد !! مين يسقط من ضحك
الجود ضحكت وقالت : اسكتي وبس
الميلا ابتسمت وقالت : صقر طلع
الجود : كويس حمدلله يارب يخطب البندري بسرعه..
سدت فمها بصدمة من تذكرت ان البندري م قالت لأحد غيرها ، قطّبت الميلا حواجبها بصدمة وقالت : ايش ؟
الجود ابتسمت بربكة وقالت : يويلتس يطلع !
الميلا : لحظة لحظة !! البندري تحب صقر ؟؟
الجود بهمس : اص !! خوفي عقيب واقف عند الباب
قامت الميلا وفتحت باب الغرفة بسرعة وم كان احد موجود ، سكرته ورجعت تجلس وقالت : انطقي !!
ابتسمت الجود وبدأت تحكّي السالفة من بدايتها وقت شافت البندري صقر وهو جاي ياخذ سلاحه وحزامه من المجلس وكانت تحسبه فلاح .. لنهايتها يوم العيد وكيف كان ردها البارد المتصنع ، الميلا مسكت راسها وقالت : وعبود ؟
الجود تقرفت وقالت : يعووه ابو عيون زايغه ؟!
الميلا بصدمة : وش صاير بعد ؟
الجود م انتبهت لقدوم عقاب اللي نسى يعطيهم جواله عشان يتصل عليهم من عند ناصر ، ونطقت بقرف : تذكرين سالفة السباق ؟ وقبلها بعد كان يحاول يتقرب مني وهو يدري اني متزوجة وصار بيني وبين عقاب مواقف وتقرب ونمنا مع بعض !!
الميلا نطقت بقرف : هذا عبدالهادي !؟؟
الجود بحدة : اييه هو مقرف مرره كويس عقاب م حسّ ولا..
نطق عقاب بحدة : ولا وش ؟!
شهقت الميلا وسحبت الستارة تغطي نفسها وراها ، صرخت الجود برعب وقالت : بسسم الله !!!!
مشى وقال بصوته الغاضّب : تستهبلين انتي ؟!
الجود ضحكت بسخرية وقالت : وين الورد والحمدلله ع سلامتي ؟! ولا عجّل ع الامور اللي ممكن تتسبب بضرر لنا ؟!!
عقاب تقدم ونطق بحدة : بذبحه ! تسمعين بذبحه !!!
الجود رفعت نفسها وقالت بحدة : فاللعنة وبعدها تدخل السجن ويحكم عليك قصاص ؟ وتميّم يجلس بدون ابو والله ونعم يبو تميّم !
عقاب مسك راسه وضحك بخفه ونطق وهو يصّر ع اسنانه : يحكم ع اللي يشوف حَرم عقاب النيران اللي تحرق عيونه سامعة ؟!
الجود : عاش وبعده ؟
عقاب : لا تجننيني جوود !! راضية باللي صار وساكته !
الجود بحدة : لحظة ! شلون راضية ؟!
عقاب نطق بحدة : ساااكته ! والسكوت علامة الرضا !!
الجود ضحكت وقالت : تمام اجل اطلع برا
عقاب ابتسم ع جنب وقال : احرقي قلبي غيرة واحرق لتس اللي كان سبب حرايق القلب والله احرقه ولا يرّف لي رمش !
الجود : برا قلت ولا اشوفك يالغيور بتخرب اللي بيننا بالغيرة سلامات صدق !
عقاب فتّل شواربه ونطق : سلوم عايض بن مساعد ربّانا ع الغيرة وقاعدة فالحياة اللي م يغار ع حَرم بيته خيخه ولا حوله رجولة !
الجود ضحكت وقالت : تمام برا حتى ع صراخي وانا اصارع الموت تغار ؟ ونعم يبن عايض !
عقاب ابتسم وقال : قولتي للهداوة عشان قلبي تقطّع آلم بكل مره صرختي وانتي تصارعين الموت تمنيت اني اخذ اوجاعتس واعطيتس راحة بالي يالجود لكن ونعم يبنت راشد !
رمى جواله ع السرير وطلع وسكر الباب بكل قوته ، سحبت الميلا الستارة ونطقت : يكلبة ! وش الاسلوب ذا ؟
الجود رفعت عيونها للسماء تمنع الدموع تاخذ مجراها ، عضّت شفايفها لثواني ونطقت بدقن راجف : خليه يحسّ فيني شوي !
الميلا : م بيحسّ عقاب جلّف ومحد يشوف بينه وبين الجدار اللي وراه فرق ولمَا كسبتي قلبه وخذيتيه بصفتس كذا تسوين !؟
الجود بحدة : بنام تعبانه
الميلا : لا نامي نامي ولا تتعبين نفستس حتى جاء يعطينا جواله عشان يطمن عليتس وانتي حكمتي انه قالتس بالهداوة مقصده غيرة !!
انسدحت الجود وغطّت نفسها ، صدّت الميلا وانسدحت ع الكنب المقابل للجود وناموا ..
" فالمستشفى ، عند بكّر فهد "
الكل دخلوا ومشوا للقسم اللي يتواجد ثامر فيه ، دخلوا وبدأ السلام ونطقت حصة بحماس : ثويمر عمي عقاب جاه ولد !!
ثامر ضحك وقال : حييّ الله تميّم !
فهد ضحك بسخرية وقال : حصة م هجدت من جات تبي تقولك
ابتسم ثامر واحتضّنها وقال : جعلني م انحرم من اختي !
حصة ابتسمت تحاوطه وقالت : ولا منك يحبيبي الا متى بتمشي ؟
ثامر تنهد وقال : سويمي تكلم
سامي كان يتأملها بحُضن ثامر وساهي ، الكل طالعوا فيه ونطق ثامر : ورع !!
فزّ سامي وقال : ارحب !
حصة ضحكت وقالت : خرشته المسكين
ابتسم سامي وقال : عم فهد
فهد ابتسم وقال : سمّ يبن هادي ؟
سامي : الدكتور مو قاعد يفيد ثامر ابدًا واقترحت اسافر انا وياه لتايلند حصلت فيها علاج طبيعي ومنها يمشي اسرع
فهد ابتسم وقال : ابد خذ راحتك واطلق حجاجك !
سامي ابتسم وقال : بس بنمشي بكره وم بنلحق العيد
ابو فهد نطق : سهلة ع ولدنا اهم شيء صحته بس انت واهلك ؟
سامي : لا يجدي والله عادي وبكلمهم اصلاً محد يهتم
ضحكوا كلهم وقال ثامر وهو يضحك وغمزّ لسامي : ابد يورعي الزين انا اهتم فيك !
سامي مسح وجهه وشنبه وقال : يورع تراني اكبر منك !
كان بيتكلم ثامر بس صقعت عصا عايض براسه ونطق بحدة : عيب عليك احمد ربك محد يطالع بوجهك الا هو !
سامي ضحك بصوت عالي وقال : عاااش جدي ابو فهد !!
ضحكوا كلهم ونطق ثامر بشكل درامي : تضربووني وانا فالمستشفى والله مقدر اعيش بمووت !! والله بمو..
انضرب مره ثانية ونطق ابو فهد بحدة : ترا كلنا عرفنا انك تمثل ها تمرجل لا اكسر عصاتي ع راسك اخليك تعّدي ع رجولك !
ثامر بلع ريقه وقال : سمّ ي جد !
حصة قامت وقالت : وبما اني مستحيل امسك سديم لحالي وابوي يسافر معكم بجي !
سامي ابتسم وهو يحكّ شاربه ويطالع فيها نظرة مهتّوي وعاشق وهمس : حيّ اللي بيجي والله ان م اسعك المحل احطك بحضني ويوسّع !
فهد ابتسم وقال : لا يبنتي صعبة خليني اروح انا
حصة لفت لثامر وقالت : انا ولا ابوي ؟
قربت من ثامر وهمست بأذنه : اذا اخترته بعلمه انك تدخن
ثامر ضحك برعب وقال : شدعوة يبه حصيص اكيد !!
فهد ضحك بسخرية وقال : جاكم الحب الحين
ام فهد ضحكت وقالت : الله يديمه
ابو فهد : اجل اختك تحطها فعيونك !
ثامر اشر بأصبعه ع خشمه وقال : ابشر ع خشمي ذا !
ناصر : مشينا عشان م نطول ومنها حصة تجهز اغراضها
حصة ابتسمت وقالت : مشينا والاهل فالسيارة بعد
مشوا طالعين من عندهم وتنهد سامي ونطق : يويل حالي !
ثامر : البخ بنخمد
سامي : حتى انا وراي احلام وردية !
ناموا اثنينهم وراهم رحلة لتايلند يتعالج ثامر هناك ..
::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم ❤️
(ارحبوا يحباااااني رجعنا ببارت جديد يحبه قلبكم ، عطوها حقها ولاتقصرون فالنجمة ، اشوفكم ع خير ببارت جديد 😝❤️‍🔥 )