ليّت اللِذي خَلق العُيون السُود ... خَلق القُلوب الخَافقات حَديد

البارت الثامن عشر

سحب الكيس من يدها وركضت داخل رماه ورا البيت بالحاوية ورجع وهو يزفر نيران ملتهبة ، دخل البيت ولف بعيونه اللي تطلع شرار وشاف الميلا ، كانت واقفة عند باب المطبخ الخارجي تنثر شعرها ويلاعبه الريح ، يسمعها تسولف وتضحك لكن م يدري مع مين ، لفت اول م حسّت بأسهم تغرز قفى رقبتها شافته وراها ابتسمت له صد بكل قوته ومشى للرجال ، ملامح الصدمة والاستغراب اعتلت ملامحها صدت مثله ودخلت وهي تفكر اذا فيه شيء ولا لا ..
" فالحّد "
دخل للغرفة حقته وشاف سلاحه ع الكنب تقدم ومّد يده اليمين وفز آلم منها ، احتضنها لجسمه وهو عاضّ شفايفه السُفلية ، دخل ضيدان وقال : طويل العمر ؟
عقاب بآلم همهم له وقال : همم
ضيدان تقدم له ومسك كتفه وقال : عقاب فيك شيء ؟
عقاب بحدة وعيونه حّادة : لا
ضيدان لف عقاب له ومسك يده اللي كان عقاب محتضّنها له ، ابتسم بخفه وقال : كيف بتدرب الجنود بيد مكسورة ؟
عقاب : يرجال !؟ ماهي مكسورة
كان عقاب ينكّر ع انه يعرف شعور الكسر واللي يحس فيه الحين هو كسر لا مجال لعذر ثاني ، ضيدان سحب يده بسرعة وشهق عقاب بآلم كان الضعف يأكل عقاب اكل لكن وين يستسلم له وهو ولد عايض بن مساعد ، دخل الفريق اول مهُاب ولفوا ضيدان وعقاب له ، دق ضيدان تحية واستراح بعد م سمع الامر ، مهُاب نطق بحدة وقال : حضرة الفريق عقاب عسى م شر ليه م تدق تحية ؟
عقاب نزل راسه بآلم وضعف شديد ، ضيدان ابتسم وقال : طويل العمر مكسورة يده
مهُاب فز وقال : نعمم !؟؟
تقدم ومسك فك عقاب ورفع راسه وقال : حفيد الفريق اول مساعد م ينحني ولا ينزل راسه !
عقاب ابتسم بسخرية وقال : لا تجيب طاريه !
ضيدان مسك مهُاب ومشى معه اول م جلس عقاب ع كرسيه ، مهُاب : يعني طلعت قصة الفريق اول مساعد حقيقة ؟
ضيدان : ايه نعم طال عمرك ترك عياله بدون بيت او محل يأويهم ومشى للرياض ومات فالحّد قبل عشر سنين وكانوا اهله حاضرين عزاه فوق الفعايل اللي سواها
مهُاب : معليه وصل لعقاب يرجع للديار
ضيدان ابتسم وقال : والجنود ؟
مهُاب : حضرة الفريق راضي بيمسك بداله وانت امش معه
ضيدان : ابشر
دق تحية واستراح ودخل ركض وقال : طويل العمر ورانا خط مشينا
عقاب قام وهو يحس بدوخة ولا هو قادر يتكلم او يقاوم كان الآلم فضيييع ، طلعوا ودقوا التحية وشكروه ع الجهود اللي سواها ودعوات له يوصل بالسلامة ، ركب مع ضيدان وانطلقوا راجعين للديار ..
" بعد كم ساعة "
فضى بيت ابو فهد من الناس والكل سروا لبيوتهم ، دخلت غرفتها هي وعقاب ومشت للسرير ، شغلت اللمبة الصغيرة اللي جنب السرير وسحبت روايتها ، نثرت شعرها ورا ظهرها وانسدحت ع بطنها ، فتحت الرواية وصارت تقرأ بكل حماس..
" عند البوابة "
ودع عقاب ضيدان اللي كان طاير وماشي ميتين ، دخل للبيت خلع البريهه مع ع راسه وفتح ازرار جاكيته العسكري اللي مليان شارات ، يده مجّبرة دليل واضح انها مكسورة ، مشى ورا البيت وهو يخلخل اصابع يده في شعره ويحركه بهدوء مشى وفتح الباب ، كانت تصارخ لسبب ان بطل روايتها قتل الشرير وانتهى الشر فيها ، بحماسها تنط ع السرير جاهلة اللي فتح الباب ودخل ، مشى ووقف ع المدخل يشوف طفلة عطاها من العمر سنتين تناقز من الفرحة كان هو يجهل سببها ، مشى بهدوء لها شافها تعبت وانسدحت ع ظهرها وهي تضحك بخفه ومغمضه عيونها اثر الدوخة اللي اجتاحت راسها ، قرب واعتلاها بهدوء وقال بصوته الثقييل : جودي
شهقت برعب وصرخت بأعلى صوتها وهو من عوايدها ، غطى منطوقها بيده اليسار ناسي انه مثبت نفسه عليها ، طاح ولامس جسدها بجسده العريض والضخم ، ابتسم وهي ابتسمت بخنقة حاوطت رقبته ببراءة وقالت : حمدلله ع سلامتك متى جيت ؟
عقاب ابتسم بخفه وقال : م يهم اتركي يدي مجّبرة
الجود تركته علطول وقالت : يمه اسفه خوفي اني اوجعتك !
عقاب انسدح جنبها وهو تأكد ان الجود صغيرة وجدًا الا وشهي جنبه ؟ ابتسم وقال بهمس سمعته فيه : راضي بالوجع اذا بيجي منتس
الجود لفت براسها ولف عقاب براسه وقال بحدة : سلامات والصراخ ؟ طفلة انتي طفلة !
الجود غطت وجهها بيدينها وقالت : سمعت شيء ؟
عقاب رفع حاجبة وقال : ايه بس وش المفروض اني اسمع !
طبعًا لا عقاب سمع ولا الجود توقعت انه يكذب ويستدرجها بالحكي ، عدلت جلستها بحماس وخجل وقالت : كنت اقرأ روايتي واحس البطل يشبهك عشان كذا اسميك بطلي
عقاب قطب وقال : وشهي الرواية ؟
الجود رفعت كتابها وقالت : ذي
عقاب عدل جلسته معها وقال : لا زين مثقفة
الجود تخصرت وقالت : خير ؟ وشقصدك !
عقاب استلطف حركاتها ابتسم بخفه ومسك فكها يثبت وجهها له ، طبع شفايفه ع شفايفها بهدوء وابعد لكن كان بينهم تلامس وقال : وحشتيني
رجع يملىء لهفته لها ، كان يطبع قبلاته بكل انش في وجهها ، ابعدته بكل قسوة منها وقالت وهي ترجف : عقاب ! بس لا تتهور
عقاب سحبها له واعتلاها وقال بحدة : زوجتي ليه م اتهور ؟
بدأت تحس ان اللي يصير بينهم بيميّل لمنحنى خطير ، صارت ترافس وتحاول تبعّد هالعملاق من عليها ، صرخت برعب وقالت : عقققااااب ابببععدد !!
عقاب تحت انفاسه الغير منتظمة ابدًا نطق وقال : اقصري حستس ! ولمتى بجلس ابعد !؟
شهقت اول م لامست يده فخذها اثر الفستان المخملي الابيض اللي لعّب بموازين عقاب ، هي متأكدة انها لمحت طيف التعب ع ملامحه ، شلون قوّى كذا ! صرخت وهي تبكي وقالت : اببعد لااا تكففى يعقاااب لا تكرهنني فيييك !!
عقاب مسّك عنقها وصرخ فيها وهو يقول : خليييني اتهنى ! جاي من مسافة بعييدة ولا سلمت ع امي وانا داري انها صاحية بديّتتس عن العالم كله !
الجود بترجي وهي منهارة وتشاهق : لاا لاا ابعد اببععد
عقاب كان مصّر عليها وهي ترجف وتبكي وتحاول تبعده ، فهمت مقصّد الميلا متأخر جدًا ، وصارت تحاول قد م تقدر تبعده ، فز بآلم اول م مسكت يده اليمين ولفتها ، قامت وهي ترجع فستانها ع فخوذها وسيقانها كانت ميته خوف وهي تشوف نظراته اللي تحلف انها تطلع شرار يحرقها ، مسكت المزهرية اللي توسطت الغرفة وقالت بصراخ : ااببععد ولا اوجعتتك !!
عقاب تقدم وقال : ابعدي الزفت من وجهي
كانت تصارخ ورمتها بكل قوتها وخوفها منه ، ارتطمت بجسده وصد من اعتلى صرخاتها ، طلع من الغرفة وانصعق اول م ضربه ابوه بعصاه ع كتفه ، عقاب فز وباس راس ابوه وقال : لبيه يبه ؟
ابو فهد بحدة : الحقني !
مشى عقاب ورا ابوه وهو يدعي انه م سمع الجود تصارخ وتترجاه يبتعد لأنه اذا سمع بيحلل الوضع ولا هو غبي ع الامور ذي ، دخلوا المجلس وسكر عقاب الباب وراه اول م سمع ابوه يأمره يقفله ، جلسوا وقال ابو فهد بحدة : الصوت ذا كله ليه ؟
عقاب بغباء وهو فاهم : اي صوت ؟
ابو فهد بحدة وصراخ : تطلع من بيتي من بكره تصرف انت م احترمت انك مع اهلك فالبيت اجل تجبر بنت عمك عليك !
عقاب بحدة : بنت عمي ؟ ماهو انت اللي زوجتني الجود اجبارًا وقهرًا لي ولها ؟ ليه تتكلم الحين وهي ع ذمتي وزوجتي وحلاااالي م يحق لك تنطق بحرف !
ابو فهد توسدت عصاه بطن عقاب اللي كح آلم وقال بحدة : يحيييوااان م تجببررها ع الوصل !! سااامع
عقاب ابتسم بسخرية وقال : الدين اولاً سامح لي اجبرها اذا اشتهيتها وهي م تبي ! ثانيًا عاداتنا وتقاليدنا تساعدني انا م تساعدها هي تركتها عشان الصوت ارتفع ولا والله م تطلع من تحتي !
ابو فهد كان راسه مصدع وزاده عقاب بكلامه اللي مية بالمية صحيح ! صد وقال : اطلع انت وياها من بيتي
عقاب : تطردني يبه ؟
ابو فهد : اييه !
عقاب مشى وهو ع اعصابه تمنى انه م جاء البيت ابدًا ، طلع من البيت وركب الونيت متجهة لبيته فالرياض اللي محد يدري عنه ..
" في بيت ابو تركي "
ام تركي ابتسمت وقالت : يعني ريما ؟
تركي وهو منسدح ع الكنب بنعاس : ايه
ام تركي : اجل بكره بنروح اميره وتستاهلك يالامير م نبيها تطير من يدينا
تركي صد وتفكيره كله يدور ويرجع لتالين زفر بعصبية وقال بنفسه ( اه يالقهر وتاليني وطارت من يديني ) غمض عيونه مستسلم للنوم ، هي م طارت لكن تركي بيدينه وافعاله قطع السُبل بينهم تمامًا ، مشت ام تركي وطلعت للميلا اللي للحين تغني بصوتها الشجي ، ابتسمت وقالت : وانتي متى ليلة الحنا ؟
الميلا بحماس وهي تشوف النقشات : قبل الزواج بأسبوع
ام تركي : يعني ؟
الميلا بفرحة شابهت العيد وهي مو مصدقة اللي يصير وانها بتتزوج من اسر ابتسمت وقالت : بعد ثلاث ليالي
ام تركي : والزواج بعد عشر ايام ؟
الميلا : ايه سمعت اسر يكلم ابوي وعمي اما بالنسبة لليلة الحنا هذي مني انا ينقلعون العيال وبنتجمع ببيت عمي سالم اتفقت مع عمة خديجة وتالين ووافقوا
ام تركي : الله ييسر لتس يبنتي
الميلا بأبتسامة عريضة : اميين يارب
طلعت ام تركي بعد م تأكدت ان الميلا نامت واتجهت لغرفتها ونامت هي بعد ..
" فالصباح تحديدًا صلاة الجمعة "
صحوا العيال كلهم وبعد فطور وتجهيز للصلاة مشوا للمسجد ، كانت عيونه تدور ع عقاب هو عرف انه جاء من سوالف ابوه لكن وينه ؟ مشى ومسك ذراع ابوه وقال : يبه وين عقيب ؟
ابو فهد بعصبية : مدري عنه العاقب ! لي ساعتين ادق
اسر بخوف : ساق الموتر وهو تعبان ؟
ناصر بحدة : ايه ومكسوره يده بعد تخييل !
اسر شهق وانضرب من ابوه اللي قال : لعاد تشهق !
اسر بآلم وهو يفرك مكان الضربة : يبه الله يهديك ذلحين العضيد صار له شيء وحن م ندري عن هوا داره !
فهد : لا ان شاءالله خيير !
ثامر برعب : يمكنه ميت الحين
اسر وناصر ضربوه بالوقت نفسه وشهق وهو يضحك بعد دعاويهم عليه من : جعلك تلحقه ، جعلك قبله ..
ثامر بضحك : استغفروا يعماني اليوم جمعة
اسر برعب من كلام ثامر : اليوم بخلص عليك !
مشوا بعد م صرخ ابو فهد فيهم ودخلوا للمسجد يصلون ..
" فالرياض تحديدًا بيت عقاب "
دخل القصور الخاصة بجده مساعد وقفوا الخدم ومن هم تحت خدمته له ، تقدم حسين وقال : طويل العمر غريب جيت ؟
عقاب بحدة : لا اسمع نفس !!
مشى والكل دخلوا بعد دخوله ، طلع الدرج لغرفته بين السبعين غرفة ، كانت ثلاث قصور بينها بيبان وممرات تفتحها ع بعضها ، من الطراز العتيق والفخم ، كيف لـ آل مقّبل قصور كذا م يدرون عنها او بالاصح عقاب ساكت عنها ، كان القصر الرئيسي يعُج بالخدم والخادمات شيء صادم عن اللي فالديرة ، بيت مُتهالك من الطين ! وهذا طوب يرصّ عليه طوب ، الديرة بيبانها حديد اكلها الصدى وهنا بيبان خشب الماني بيضاء وقبضة باب سوداء من الحديد الاسترالي الفخم ، كان شيء مهُول وصادم لو يعرف عايض بن مساعد ، سالم بن مساعد وراشد بن مساعد ولا ننسى وحيدتهم اختهم ام عبدالعزيز سعاد عن البيت ! او ممكن من الصح انهم م يعرفون عنه ..
" فالديرة تحديدًا السوق "
اسر وفلاح تاكين وقدامهم صقر يدندن بالعّود ، ابتسم اسر وقال بكل حب :
يا دعوتي باوّل وتالي صلاتي
ويانيّتي ما دام بالحب نيّه
ياحلم صحواتي وغفوة مباتي
ويارغبتي من بين كل البريّه
أحاول اجمع في غيابتس شتاتي
بعضي معتس عيّا يفارق خويّه
أرواحنا بالحب متعانقات ِ
وقلوبنا بالشوق والوجد حيّه
وشلون تقوى سيف زينتس عصاتي
يا بو عيونٍ سودٍ كلها جاذبيّه
خذ من حبيبتس كل عمري وهات ِ
بلسم جروحي يا حبيبي عطيّه
-
ضحك فلاح وقال : صح لسسسانك ي شاعرنا !
اسر : شدعوة شاعركم ؟ شكلك م تدري ان جدي مساعد اكبر شاعر فالقبيلة والنسل والموهبة جاتنا منه
فلاح : والله ي حضرة الفريق اول ذا وراه بلاوي
صقر وقف عزف وقال : اي بلاوي ؟ كان شخص متحفظ وطلب جدتي القشرا تروح معه ورفضت وتركها وتركنا وراه
اسر ابتسم وقال : استغفر وادع لها بالرحمة
صقر : اني صادق بس الله يرحمها عيشتنا عيشة كلاب !
هيثم جلس وقال : وش الموضوع ؟
اسر : ليه تحسب ان جدك وراه قصور ؟
فلاح انفجر يضحك بصوت عالي وقال : منجدك ؟ م وراه الا الضعوي !
صقر ابتسم وقال : مدري بس اللي سمعته انه فعلاً عنده قصور وشخص مسكها بعده ومحد يدري منهو للحين شخص مرعب رتبته فريق ومن نسل مساعد بن محمد ال مقّبل !
هيثم بحماس : ومنهو الشخص ؟
اسر انفجر يضحك وقال : خييااال وخرااافااات مشيينا للدكة الشاهي
قاموا العيال وصقر يضحك وهو ساقها عليهم لكنه فعلاً كان صادق ولاهو يدري ولحد يدري ..
" في بيت ابو فلاح "
البنات منتشرين بكل زاوية فيه يجهزون ويعلقون الورد بكل مكان ، ابتسمت الميلا وهي تساعدهم وقالت : اول ليلة حنا صدقوني بتعجبكم تاليني
تالين وهي شاردة الفكر وكل تفكيرها تركي اللي مشى مع امه وابوه للرياض يطلبون يد بنت خالته ريما ، الميلا قربت وقالت بصوت عالي : تاليييين !
تالين صحت من شرودها وقالت برعب : وشفيتس !
الميلا بحدة : علة م تسمعين قومي جيبي الورد اللي برا
وقفت تالين ومشت واستوقفها دخول امال وهي تقول : اناااا قييييتت يقدعااااان
البنات فزوا لبنت عمتهم وهم يشوفون الين وبيسان وعمتهم سعّاد وراهم ، سلموا ومن سؤال عن الحال دخلوا فالمود وطاروا يساعدون بعض وام عبدالعزيز طلعت للقعدة مع الامهات فالحوش ..
*تعريف بسيط*
ابو عبدالعزيز ( مقرن ) رجل اعمال بحت ، يدير اعماله فالرياض وبالمنطقة الشرقية انسان معروف جدًا بين الناس يكون ولد عم ابو فهد وابو فلاح وابو تركي
ام عبدالعزيز ( سعاد ) الاخت الوحيدة واخر عنقود مساعد ولجين ، تزوجت من ولد عمها وخلفّت منه خمسة تحبهم حبًا جمًا
عبدالعزيز ( البكر )
طيّار مدني يعشق الطيران من صغره اول من حقق هدفه بعد تركي اللي صار طبيب وعقاب اللي صار فريق يبلغ من العمر " ٢٩ "
عبدالهادي
ثاني الاولاد طالب هندسة للحين م تخرج يعرف الجود ويعرف حُبها للهندسة ويدعي انها تكمل لكن بعد زواجها نسى منها ، انسان هاديء حاله حال نفسه يبلغ من العمر " ٢٥ "
آمال
اول البنات والفرحة الاولى في بيت ابو عبدالعزيز يعشق بنته ولا يرضى عليها شيء ، خريجة دبلوم فن وتصميم عشيقة الورد والحياة والالوان تبلغ من العمر " ٢٢ "
توأمنا الين وبيسان
اهبل ثنتين بعد حصيص اللي تماشيهم واذا اجتمعوا معاد يسلم شيء منهم يبلغون من العمر " ١٦ "
-
كانت اصوات غناء البنات عالية ومليانة مشاعر لجميلتهم الميلا وكانت افواههم تنطق وتقول :
يـا عيـن ماليـه ** يـا عيـن مالّـيـه
أنتِ سبب علتي ** سمـره وحضاريـه..
جيته على المنظره ** أبقلب أبخنصـره..
يابو الحسن انظـره ** سـرّ وعلانيـة..
جيته علـى التينـه ** ويعـد خواتيمـه..
يابو الحسـن عينـه ** سـرّ وعلانيـة..
واقف على الطوفه ** وامحنيـه اكفوفـه..
يابو الحسـن شوفـه ** يحـرق افاديـه..
واقف على البيبان ** وجنه غصن ريحان..
ياطرقـه النعسـان ** تسحـر معانيـه..
لمحتـه بعيونـي ** والنـاس شافونـي..
مكتوب في جفوني ** هـذا القمـر ليّـه..
" من الاغاني القديمة فالزواجات "
ضحكوا ولعبوا ورقصوا والفرح بيفجر قلوبهم ..
" فالرياض تحديدًا بيت ابو الريم "
دخلوا ومن سلام وكلام دخلوا بصّلب الموضوع وقال ابو تركي : شاهر مالك فالطويلة جايين بنتك ريما لولدنا تركي
ابو الريم ابتسم وقال : الساعة المبارك ويستاهل تروك ولد خالتها واقرب لها
تركي ابتسم غصّب وقال : معلييك زود يعم
مشى ابو الريم وكلم ريما تجي بدلع وغنج بكاسات عصير تقدمها لأبو تركي وتركي ، فعلاً طبقت ريما طلب ابوها ودخلت بهدوء وصوت كعبها يدّق بقلب تركي اللي صاد عنها ع انه شاف تالين كثير ولا صد عنها ليش يصد من وحده بيوقع عليها وتصير حلاله هو نفسه م يدري ، تقدمت ومدت لأبو تركي اللي كان يستغفر بعصبية وهو م يحب الحركات ذي ابدًا ، مشت لتركي وسحب الكاسه بدون م يتعب نفسه ويرفع عينه لها ، جلست قدامه هي نفسها قرفانه من كل شيء بنت مدينة متفتحة جدًا م ودها ينتهي فيها تتزوج وهي عشرينية وبينها وبين تركي فوق العشر سنين ! ابو الريم ابتسم وقال : هاه وش قولك يبنتي موافقة ؟
ريما بكل قوة اشرت بيدها ع تركي وقالت بقرف : ع ذا ؟
ابو الريم بحدة وهو يهمس : اييه ونزلي يدك !!
ريما بتغنج : لا بابا م ابيه
تركي طارت عيونه بصدمة وقال : م تبيني ؟ عسسااااها م بغت قم يبه
ابو تركي بحدة : وشذا الاسلوب ي شاهر !؟
ابو الريم بخوف : لا ي راشد استهد بالله !
تركي وهو يبي يصعّد الامور عشان يطير من يدهم ويرجع لتالين : اايشش هذي معااد فيها شيء مششينا يبه !!
ابو تركي طلع بحدة وقال : يمررره ي صبااااح
ام تركي طلعت بخوف وقالت : يمه وش العلم ؟!؟ شفييكم ؟
ابو تركي بعصبية : راجعين للديرة امشي !
تركي كان كاتم الضحكة وطلع وانفجر يضحك وابوه يضحك معه ، ابو تركي وهو ماسك ولده ويضحك معه : كيف بس ؟
تركي بضحك : حرام يبه حرم الدم انك محزززم !
ام تركي برعب : الله يخلف شكلك يوليدي بتقعد عالّة ع صدري لين اموت !
مشت وركبت السيارة وتركي وابو تركي ميتين ضحك ركبوا ومشوا راجعين للديرة ، حسافة المسافة الي قطعوها ، مشوا ومرّوا ع قصور انكتب ع الحجر بالبوابة الرئيسية " قصُور وامّلاك مسّاعد بِن محمَد آل مقّبل " تركي فعلاً قرأ الاسم وانتابه الفضول وقال : يبه جدي وش اسمه كامل ؟
ابو تركي بحدة : اعنبو ابليسك م تعرف ! اسمك اسمك !
تركي بعجلة : يبه عجل !
ابو تركي استنكر عّجلة تركي لكن نطق وقال : اسمك تركي بن راشد بن مساعد بن محمد بن ماجد آل مقبل
تركي اشر باصبعه وقال : يعني القصور ذيك لجدي ؟
ابو تركي لف بعيونه و م شاف الا النخل اللي يحّف اسوار وجدران القصور ابتسم وقال : اي قصور يولدي ؟
ام تركي بحدة : من الضحك قام يهلوس !
تركي انسدح ع المرتبة وهو يضحك وقال : يمه وراتس زعلانة ابد عندي البنت الزييينة الذربة السنعّة اللي يحبها قلبتس
ام تركي بحماس : عساك صادز ؟
تركي غمض عيونه ونام علطول تارك امه بدون اجابة صريحة ولا عطاها اسم وريح قلبه ونطّق بـ تالين ..
" فالرياض تحديدًا قصور مساعد آل مقّبل "
صحى عقاب بصعوبة وهو ميت تعب وارهاق ، ضّم يده اليمين لصدره وهو عاضّ ع شفته السُفلية بآلم ، ابتسم بهدوء وقال : اه يجودي اول مره بحياتي احس ان الآلم لذيييذ !
كانت يده توجّعه اضعاف من الجود اول م لفّتها ، سمع صوت طرق ع باب الجناح حقه رفع صوته وقال : ادخل !
دخل حسين رئيس الخَدم ، مشى لعنده وقال : طويل العمر فطورك تحت وفيه شخص من معارف معالي سيدي مساعد
عقاب قطب وقال وهو يسكر ازرار ثوبه : منهو ؟
حسين تقدم وصار يساعد عقاب يلبس ، ابتسم بهدوء وقال : تشبهه ي عقاب !
عقاب بحدة وهو رافع حاجبة : اشبه من ؟
حسين : معالي سيدي
عقاب ابتسم بسخرية وقال : حفيده وش تنتظر ؟ مشينا
طلعوا وسكر حسين الباب الخاص بجناح عقاب وراه ، نزلوا للصالة وافطر عقاب قدام اطلالة مُذهلة ! مسبح كبير جدًا تحفه الاشجار والورود والنخل من كل اتجاه ، لف لحسين اللي واقف ع يمينه وقال : جبتوا الخيول ؟
حسين هز راسه بنعم وقال : ايه نعم طال عمرك كلها الخوصاء والادهم والمرتجز ضفناها لخيولنا الاصيلة فالاسطبل تحت
عقاب بهدوء وهو يأكل : بطلع الاعب المرتجز وبعدها بمشي للدوام جهزوا بدلتي
حسين بكسرة خاطر نزل راسه وقال : عقاب متى بتجيب آل مساعد بن محمد واحفاده للبيت وتفرحنا ؟
عقاب بحدة : كل شيء بوقته حلو !
قام ومسح شفايفه ورمى المنديل وطلع من القصر ، اشر حسين للخادمات اللي ركضوا يخلصون طلبات عقاب ويجهزون بدلته ..
" فالديرة "
الميلا وهي ميته ضحك لفت لضحى وقالت : بنات وين جودي ؟
البندري وهي تاكل حلا : ايه نسيت اقولكم جيتها الصبح اصحيها للفطور وردت علي وقالت عليها عذر شرعي اول يوم وميته آلم وم بتجي !
بحكم ان الميلا تعرف اختها ، اربعة وعشرين عام ! تعرف انها تنهار آلم وتطيح ، قامت وقالت : مين تجي معي نجيبها ؟
غزيل قامت وضحى معها وقالوا : مشينا
طلعوا الثُلاثي من بيت ابو فلاح ، واستوقفهم صوت ام تالين وهي تقول : حلوات ع وين ؟
الميلا : عمة بنروح نجيب جودي ونجي لا تقولين لأحد م يحتاج يخافون هذا هو بيت عمي قدامنا
ام تالين ضحكت بسخرية وقالت : وشدخلني اقول انتبهوا رجالكم لايشوفونكم ي غزل وميلو
دخلت داخل وضحكوا وطلعوا من البيت ، ضحى برعب : يويلي من اخواني اذا شافوني !
الميلا ابتسمت وقالت : شفيكم مكبرين الموضوع ؟
غزيل بتوتر : الزفت وضيحي اذا م انطمت لعنت خامسها !
ضحى ضحكت وقالت : اسفين آنسة الناصر
غزيل ضحكت وقالت بصوت هامس : وشذا بعد !
مشوا وشهقت الميلا اول م شافت تركي واسر وفلاح عند سيارة ناصر مع بعض ، رجعت وضربت بالبنات وفزوا وهم بنص الطريق م فيه شيء يتحمون فيه منهم او يتخبون ع الاقل ! ضحكت ضحى برعب اول م مشى اسر وهو يباعد بين خطواته ومستعجل جدًا وناصر والعيال وراه ، قالت بخوف : الله ينكبتس ي ميلو ! الحيين تخرفنينه خليه كلب وراتس لا يتعرضنا لعنت شكلتس !
غزيل بحدة : بسسسرعة تغنجي تدلعّي سووي اي شيء !
الميلا لفت بهدوء وحطت يدينها ع صدر اسر وقالت : اهدا شفييك ؟
اسر بحدة : خييير ان شاءالله طالعييين بدون ولي ولا والي !
ناصر ابتسم بحدة وقال : ماشاءالله تبارك الرحمن وضيح وغزيل !!
الميلا برعب من اطوالهم لفت وقالت : تركي ي اخوي انا في وجهك !
تركي ابتسم وقال : والله محد يتعرضها !
مشت وراه ، ضحك بسخرية وقال : ميالتي !
الميلا بهدوء : قلبها ؟
اسر بحدة : تعالي قدامي الان
الميلا : ي اسّري
اسر لف لها بعيونه وقال : قلبه ؟
الميلا بتحدي : امسكني اذا انت ع رجال !
رفعت طرف جلابيتها وركضت بكل سرعتها وهي قبل تسوي ذا غمزت للبنات وركضوا قبلها ، كانت تضحك وهي عارفه انه تووه خارج من عملية مستحيل يركض ، وصلوا للبيت ودخلوا وسكروا باب البوابة ع اللي برا ، الميلا وهي تلهث : يويلي منه
غزيل انفجرت تضحك وقالت : وش ؟ هو اللي يويل قلبه من الحُب اللي ملئ عيونه !
ضحى وهي تضحك وتتنفس بصعوبة : عزتي له حبيبي هو
الميلا بحدة وهي تضحك : هييه بنت ! وش حبيبي حبتّس برص !
ضحى انفجرت تضحك وقالت : علتبن اسر اول حبيب لي انقلعي
مشوا والميلا تجلد بضحى ، تفرقوا عند باب المطبخ راحت الميلا للجود وغزيل وضحى دخلوا داخل البيت ، مشت ودقت الباب وسمعتها ترد بصوت يزعل سامعه ، مسكت قلبها وقالت بنفسها ( الله حسيبك ي عقاب ! ) رفعت صوتها وهي تقول : جوودي !
الجود فزت وركضت وفتحت الباب ، طارت بحضن الميلا ولا سمحت لها تستوعب ، ابتسمت بحنّية وقالت : من مزعل دنيتي ؟
الجود وهي تشاهق ودموعها اخذت مجراها وتمّردت ع القوة اللي الجود مصطنعتها قالت بصوت باكي ومهزوز : عقابي !
الميلا ضحكت بهدوء وقالت وهي تشّد ع اختها : وباقي تدلعينه ! منك لله ي عقابها !
دخلوا داخل وجلسوا ع الكنب وكانت الجود جالسة ع فخوذ الميلا اللي محاوطتها وتمسح ع شعرها بهدوء ، ابتسمت وقالت : بتعلميني وش صار ؟
الجود هزت راسها بنعم وقالت : انتظري شوي
بعد دقايق هدت الجود وابعدت وجلست مقابل الميلا وحكّت لها كل اللي صار وقالت وهي تبكي : م قصدي ابعده لكن عقاب قالي انه م يحبني ! وانا عطيت م وراي ودوني عشانه ليه الحين طلب القرب والوصل ليييه !؟
الميلا بصدمة : العن ابوه صدق هذا ويده مكسورة !! اجل لو انه سليم كان الله يلهمنا الصبر والسلوان !
الجود ابتسمت وسط بكائها وقالت : كان ميت تعب وربي شفت التعب بعيونه وفجأة استقوى وتنشط !
الميلا بخبث : الرغبة فيتس وم تفعل
الجود بخجل وملامحها اشتعلت نيران : مييلو !!
الميلا انفجرت تضحك وقالت : طيب اسمعيني انتي غلطانة انك رديتيه ممكن عقاب يلين بعد الوصل ويصير يحبتس اضعاف مضاعفة حبتس له ! وهو غلطان انه جاي من الباب ومع الدريشة ويطلب الوصل سلامات !! روقنا ي حضرة الفريق الصدق م اقول الا الله يقويتس عليه
الجود بقرف من تفكير اجتاح عقلها : معليش وش يحبني بعد الوصل يعني م يهمه الا جسمي !؟
الميلا بسخرية : ممكن م تدرين هو وينه السلقة ؟
الجود مثّلت انها بتستفرغ وقالت : يع كرهته ! يع يع ان شاءالله معاد يرجع يارب
الميلا : بسم الله شفيها ذي ! امزح يحبيبي مستحيل عقاب يفكر فيتس تسذا واخرتها انتي زوجته يمكن كان يبي الوصل ويبي يجيب منتس نجوم تنّور حياته وحياتتس وبعدين بسلامته ان شاءالله محد ناقصتس تبكبكين عنده وتقولين زوجي مات !
الجود انفجرت تضحك وقالت : يكلبة ! المهم استغفر الله اصلاً م كانت الدعوة من قلب ؟ هو يدري انه القلب وم تنبض شراييني وخفوقي الا له !
الميلا : الله الله ! صدق وينه ؟
الجود رفعت كتوفها بمعنى " مدري " وقالت : والله علمي علمتس عمي صرخ عليه وتهاوشوا وطلع وسمعت صوت الونيت حقه واختفى من امس
الميلا بأبتسامة عريضة : طيب خلاص انسي منه ومشينا نجهزتس لليلة الحنا ولا نسيتي انتس اخت العروس ؟
الجود بحماس وهي تبتسم : يلااااا !
قاموا وطلعوا بعد م تجهزوا وقابلوا البنات اللي سألوا الجود عن حالها وتحمدوا لها بالسلامة ، طلعوا ولقموا من اسر اللي وصلهم لبيت عمه سالم وهو ماسك ضحى بيدها والميلا مع اذنها ! , دخلوا البنات ولفت ضحى قبل تدخل ودها تكلم اسر وشهقت اول م طاحت عينها بعين سهم اللي تاكي ع سيارة اسر وهو جايبها بعد م غسلها فالرياض وضبطها ، كانت عيونها مكذبة اللي تشوفه حتى غمز لها وقال بصوت عالي : الله قرّب الوقت الي اقولك فيه و اخيرًا شفتك !
اسر ابتسم وقال : ي مرحبا ي شيخ ال طالب !
سهم ابتسم وقرب وسلم ع اسر وقال : وهذي شيختك وجبناها
اسر : م تقصر جعلني فداك
سهم احتدت نظرته وقال : افا مجار لبى قلبك ! م بيننا يبو عايض
لف بعيونه وكانت ضحى ميته غيّض كيف قاعد يلعب بأحاسيسها بنظراته ، هي م تنكر ان عيون السهّم كانت اجمل عيون شافتها بحياتها بعد عيون الميلا لكن شلون قاعد يضربها بالسهّام بدون اي مجهود ، رفعت صوتها وهي تقول : اسر امي تبيك
اسر لف لها وطارت عيونه وهو يأشر لها تدخل ، ركض لها وقال بحدة : امشي داااخل
ضحى بأستغباء : خير ! م فيه الا انت
اسر دخلها ودخل وقال : والرجال اللي معي !
ضحى : روقنا يالغيور م شفته
اسر مشى لأمه وزوجات عمانه هو قال : يوولد
وتغطت ام تالين ودخل وشاف عمته سعاد وسلم عليها ومن سلام وسوالف نسى من ضحى ، مشت ومدت يدها لقُفل الباب تقفله لكنه صدمها اول م طلع قدام الباب وهو يقول : بس ابي اعرف اسمك تكفين !
ضحى بخرشة صفقت الباب بوجهه وقالت : الله يخرررششكك !!! رووعتتنيي
سهم ابتسم اول م سمع صوتها من قريب وقال : بتعلميني ؟
ضحى بحدة : خيير ؟ لا طبعًا م اعرفك استح ع وجهك
سهم بهدوء : اسمي سهم بن سلطان ال طالب
ضحى مسكت قلبها وهي تضحك بهدوء وقالت بنفسها ( ولك من اسمك نصيب يالسهم ! ) م وصله ردها وصد وجلس ع عتبة الباب يتأمل الديرة ، ابتسمت اول م سمعت صوت غزيل تقول : ي ضحى !
ضحى مشت داخل وهي تقول بصوت عالي : يعييوني
سهم ابتسم وقال : ضحى اجل ؟
ضحى دخلت تركض وتركت الابتسامة العريضة مرسومة ع ملامح سهم ..
" فالرياض تحديدًا بيت ابو دانه "
قرأت الاعلان وصرخت بصدمة وقالت : فيييه سباق عالمي فالرياض كل العالم بيشاركون فيه وانا المركز الثاني !!!
ديم بفخر دقت تحية لدانه وقالت : حيّها بنتي ! من الاولى !؟
دانه قرأت الاسم وقالت : سيلين من روسيا
ديم بضحك : بس ؟ بنجلد امها الوردية !
انفجرت تضحك معها وهم متحمسين ، رفعت جوالها ودقت عليه تعلمه هي م قرأت قائمة العيال اللي كان ماهر الاول فيها والثاني وبكل جدارة " الآسّر بِن عَايض بِن مسّاعد " ، وصلها صوته وهو يقول : ي مرحبا ي ملّي وكل اهلي !
دانه بصراخ : من يرححب يبقى ماااهري انا الثاااانية بسباااق الخيول العربية الاصيلة العالمي فالرياض !!!
ماهر ابتسم وقال : حيي عينتس ي قلب ماهرتس وانا الاول اذا م تدرين
دانه شهقت وقالت : سألتك بالله !!!
ماهر ضحك بسخرية وقال : اجل الروسية عليتس ؟
دانه تنرفزت وقالت : اوريك انت والروسية
سكرت وانفجر ماهر يضحك رجع يدق وهو م يقوى زعلها لكن عطته مشغول وهي تدق ع الميلا ، م ردت وارسلت لها الدعوة وقالت لها تجي هي والجود وضروري تشوفهم فالرياض ..
" في مربّط مساعد آل مقّبل للخيول "
عقاب ع المرتجز اللي يصهّل بأعلى صوته ويضرب البيداء ويشقها بحوافره ، ضحك بأعلى صوته وقال : حاااااااااي ي المرتجززز
وقّف ع خلفيته من تعزيز سيّده ، مسح ع راسه وسحب اللجام وقّاد خيله للغرفة حقته نزل ومسكوا المرتجز المسؤولين عن الخيول ، طلع وهو يسحب القفازات الجلد من يدينه ، مشى للقصر وهو يتأمل كل زاوية فيه م يبي اي نقص فالشغل هو مجهز لعرس آسر فالقصور ذي بدون علم احد حتى العريس نفسه م يعرف ، مشى للجناح حقه لبس بدلته العسكرية ضبط الشارات ع يده اليمين وابتلش باليسار حسّ بحركة وراه حط يده ورا خصره وسحب سلاحه وبسرعة رفع السلاح ع احد الخادمات اللي شهقت برعب وقالت : بسم الله !!
عقاب بحدة : حسيييين !!
حسين دخل يركض وعقاب موصّية م تدخل انثى عليه وهو فالجناح ، طردها بسرعة وقال : اسف ي طويل العمر اسمعني فيه واحد تحت اسمه ضيدان..
قاطعه عقاب وهو يقول : دخله وضيفه وش منتظر ؟
حسين : امرك
نزل وبأوامر من حسين دخلوا ضيدان ، ضحك وقال : يكلب تستمتع بالنعيم لحالك ؟
عقاب ابتسم وباسوا خشوم بعض " سلام الرجال " وقال : معليه كله فترة واجيبهم
ضيدان مد اوراق لعقاب وقال : امسك
عقاب سحبها وقال : وش ذي ؟
ضيدان جلس بجلسة فنص الحوش الكبير ، جلس عقاب وقال : حسافة اللبس اخرتها اجازة اسبوعين عشان الكسر
ضيدان : شف يرفس النعمة بلعن شكلك ترا
عقاب ابتسم بسخرية وقال : جرب حظك !
ضيدان انسدح واستنشق الهواء وقال : يزييين هواء ربي ! اييه علمني القصة
عقاب عدل جلسته ورجع بالأحداث قبل سنة وستة اشهر ..
-
نهار صيف طويل تحت الشمس ، حضرة العقيد عقاب يدرب الجنود ، لف لضيدان اللي جاه وقال : طويل العمر فيه شايب ينتظرك فالمكتب م افصح عن هويته ويقول عقاب اذا شافني بيعرفني !
عقاب بصوته العالي : ي عسسسسسكر ارجع من اربعين !
انهارت يدينهم من تمرين الضغط ، وتحت الشمس يتصبب عرقهم كأنه نهر جاري ، شهقوا وبدأ العد من اربعين ، لف عقاب وقبل يدخل للمكتب صرخ وقال : استررررريح
طاحوا عشر الاف عسكري ع الارض مرتاحين ، مشى للمكتب ودخل وقال : هلا عمي سمّ ؟
الشايب ابتسم واستهل وجه بعد شوفة عقاب وقال : يالبييييه ي ملامح مساعد اي والله يالبيه !
عقاب جلس وقال : مساعد ؟
ابو مقرن : ايه جدك ولا ؟
عقاب : ابد وصلت خير جدي لكن وش عرفك فيه
ابو مقرن ابتسم وقال : معك حضرة الفريق اول عايض بن محمد آل مقّبل
عقاب توسعت عيونه وقال : ارررحب
سلم عليه السلام الواجد وسأله عن حاله ، م كان للجد عايض اخو مساعد الا ولد واحد وهو مقرن ابو عبدالعزيز ، عقاب استراح ع الكرسي وقال : امرني ي جد ؟
ابو سياف وهو يكح والتعب طغى عليه مد ورقة لعقاب ويده تنتفض ابتسم وقال : جاء الوقت اللي اعطيك كل شيء ي عقاب
ابتسم بخفه واستلمها منه وفتحها وكانت وصيّة جده مساعد ! فيها كلام كثير مختصرة " الورث كله بأسم حفيدي عقاب " وبعض التفاصيل اللي جذّبت عقاب وكان جده يقول فيها " حفيدي عقاب نظرتي لك من اول يوم لك فالمهد لعُمر الاثنين والعشرين عام م خيبت ظني دخلت السلك وبديت تشتغل والكل صار يهابك وصلت مقدم وانت بعمرك الصغير ، وانا متأكد يبن عايض انك بتحقق الفريق بعمر الاثنين والثلاثين يعني بعد عشر سنين بمجهودك انت مستحيل اتوسط لك م اداني الكذب والظلم ! " ابتسم عقاب وقال : ورث ؟
ابو مقرن مد له مفاتيح القصور وحكى له حسين والخدم وكل شيء يحتاج عقاب يعرفه داخل اسوار القصر ، مشى وقابل حسين وتعرف عليه وعطاه ابو مقرن تاريخ مسمى بأسم " زواج اسر بن عايض " تجيب الاهل للقصور وتعيشون بسلام ، توفى ابو مقرن بعد الحادثة بشهر كامل..
-
" نرجع للحاضر "
ضيدان قام ودق تحية لعقاب وقال : حرام بالله انك رجال عن مليون رجال اشههد بالله ان عايض خلّف رجاااال !!
عقاب ابتسم وقال : معليييييك زووود اعنبو غييرك !!
ضيدان جلس وقال : طيب متى عرس الشيخ ؟
عقاب : بعد اسبوع
ضيدان : وبتجلس هنا لين يجوون ؟
عقاب هز راسه بنفي وقال : برجع بكره
ضيدان ابتسم وقال : سهم فالديرة شكلي بمشي معك بكره
عقاب : الله يحييك والله وعز الخوي ي ضيد
ضيدان : تسلم ي عقيب
جلسوا واخذتهم السوالف لنص الليل من اكل ومشروبات تجيهم وعرف عقاب ضيدان للقصر لكن م تطرق للغرف والأدوار اللي داخل بس من برا ، طلع ضيدان لبيته اللي بنفس الحي وهو الوحيد بدون اهل بحكم انه لقيط لكن عقاب كان عايلة كاملة بالنسبة لذراعه اليمين ضيدان ..
" في بيت ابو فلاح "
الميلا فتحت رسالة دانه وردت عليها بإيجاب وهي تبي تغيير من نفسية الجود وقالت لها وبحماس كان ردها : داااانتتتيي اكيييد بروووح !
الميلا بهمس : اهدا يبنتي ! كلمي تركي وروحي معه لا يدري احد حتى خوات عقاب لا يعرفون
احلام ضحكت بخفه من وراهم وهي عرفت وين الجود ناوية عليه ، دخلت داخل البيت وجلست بهدوء تنتظر اللحظة اللي تقول فيها عن وجهة الجود ..
" عند العيال برا "
اسر بهدوء : عزوز
عبدالعزيز لف له وقال : ارحب ؟
اسر : بتحضرون العرس صح ؟
عبدالعزيز ابتسم وقال : طبعًا ! اصلاً م تشوفني طايير من الفرحة عشان بنجلس فالديرة لليوم الجمعة اللي هو عرسك !
اسر ابتسم وقال : وانت ي السهم ؟
سهم : ابد والله بحضر لكن برجع اليوم وراي دوام طلعت اليوم باستئذان لا يدري عنه العقيد شق حلقي
فلاح ابتسم وقال : الله يعينكم حمدلله م اني عسكري
سهم : الا صدق فلييح وش وظيفتك ؟
اسر وهو يرسم بعصا ع التراب قال : شفيييك فلاح فوووق واحنا تحت
سهم ضحك وقال : اف اف وش ؟
فلاح : مهندس بترول
سهم توسعت عيونه بصدمة وقال : بسم الله ماشاءالله الله يبارك لك يخوي
فلاح ابتسم وقال : الله يبارك فيك
سهم : كم راتبكم ؟
فلاح : اربع وعشرين الف
سهم مسك راسه وانفجر اسر يضحك عليه وقال بحسرة : اه ي اسّييير وحن نلقم تحت الشمس وم نأخذ الا خمسطعش !
اسر بضحك : عشاننا نقباء درجة خمسطعش وبعدين نعمة ترا !
سهم : اي والله صادز والحين عقيب كم ياخذ ؟
اسر : اربعين وشيء
سهم : ماشاءالله تبارك الرحمن
تركي : اوف يالسالفة البيض اصه !
عبدالهادي ضحك ومشى داخل يجيب براد الشاهي ، دخل يركض ولفت الجود وضربت فيه ، صد علطول وهو يقول : اسف !!
الجود بخرشة : عادي م صار شيء
مشت من جنبه وسمع امال اخته تناديها وهي تقول : جودي الفناجيل جبتيها ؟
عبدالهادي عضّ شفته السُفلية ، ابتسم وقال : يحظك ي عقاب
مشى بعد م خذا البراد وهو ماسكه بقماش يقّي يده من حرارة البراد ، طلع للعيال وضحك اسر وقال : عبود لو تدري اننا نشيله بدون القماشة !
عبدالهادي : بايعينها بتبن انتوا !
ناصر ابتسم وقال : عيال عايض اما نوردها مواريد الابطال ولا نستريح ونخلي المراجل لأهلها !
اسر رمى شماغه ع ناصر وقال : حاااااااي يالعضضضيد !!!
صقر جاء يركض وقال وهو يلهث : يعيييال الخييول ماهي موجودة !!!
فلاح : طيب ؟ عقاب خذاها معه كلم اسر وعلمه
صقر انسدح ع هيثم وقال : الله ياخذكم انتوا وعقيب والله اني جاي اعدي !
غريب ابتسم وقال : محد قالك
صقر : غريب سد حلقك تكفى !
غريب : سم
اسر فتح جواله وشهق اول م قرأ اسمه بالمركز الثاني هذا وهو اثبت نفسه مره وحدة ، فلاح بحدة : اعلم عمي ! لعاد تشهق يكلب
اسر مد الجوال لفلاح وقرأه هو وسهم وعبدالعزيز وصرخوا وقالوا : وننعمممم !!!
اسر ابتسم وقال : معليكم زود بعد كم ؟
فلاح : بعد ثلاث اسابيع تقريبًا
ونزلت عينه وصرخ وقال : اسسسميي بالمركز الخامس !!!
اسر ضحك وقال : اجل زهّب عمرك يولد العم بنشقهم شق واولهم ماهر الفيصل
سهم ابتسم وقال : والله اللي ونعم !
ردوا كلهم بـ " معليك زود " وكملوا سواليف ، بينما البنات انهوا كل تجهيزاتهم لليلة الحنا اللي بتكون بكره ..
::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم ❤️
( ارحبوا يحباااااني رجعنا ببارت جديد ، وحشتوووني عطلت وخلصت اختباراتي تنزيلنا فالانستا بعدها اجيكم عشان الحقوق فاللي م يتحمل يجي ويقرأ معنا ، لاتنسون النجمة احبكم ونلاقيكم ببارت جديد 🧡 )