ليّت اللِذي خَلق العُيون السُود ... خَلق القُلوب الخَافقات حَديد

البارت الواحد والثلاثين

تحسّ ان دموعها عادلت قطرات المطر اللي نزلت ، هي غسلت روحها وقت طلعت للسطح وبكّت ودعت له ولها ، لكن رجعت للضيقة بعد الحلم ، ابتسمت وقالت : اكيد انه بخير !
طلعت علطول من الحمام بعد م انتهت من الوضوء ، فرشت سجادتها وصّلت العشاء وبعدها الوتر واطالت فيها تلحّ بالدعاء ، تتذكر ان ربها يحُب السائِل اللحّوح ..
" في ميونيخ المانيا "
طلعت من مبنى شقّتها وابتسمت وهي تشوفه تحت ، مشت تطلع ونطقت : هتان ! وش الصدفة ذي ؟
هتان رفع حاجبة وقال : اخلصي السباق بيبدأ وانتي مسوية مصدومة ولا كأننا جايين مع بعض وبعدين كاشفة وجهتس ؟
هتان وهيّ تفرك يدينها اثر البرد : وش اسوي بعد ! تعرف الشعب الالماني والتعنّصر اللي فيه !!
هتام زفر بغضّب يشوف الدخان يطلع من فمه ، صدّ ونطق : مشينا بس !
مشوا وكان ظرف ديم الطارئ منافسة قفز الحواجز في المانيا واسمها واسم هتام من ضمن القائمة المشاركة ، وصلوا بعد مدة طويلة لمنتصَف الغابات ، اسوار ضخمة من اشجار الصنوبر تحّف اسوار المربّط ، دخلوا مع البوابات ونطقت احد الموظفين : sorry sir can I see ur ID !
*عذرًا سيدي هل بأمكاني رؤية معلوماتك الشخصية*
هتان فتح شنطتها اللي ورا ظهرها ، لفت له وابتسمت وقالت : جاي بدون شنطة كذا يصير فيك !
هتان طلع اغراضه وبالتحديد البّوك حقه ، رفع بطاقته ونزلت نظرها للسجل وحطّت علامة ع اسمه ونطقت : u can enter now
*تستطيع الدخول الان*
طّلع لسانه يحسّر بديم ودخل ، مشت تلحقه تخاف تجلس لوحدها ، نطق السكيورتي بصوته الجهورّي : sorry mam !!
*عذرًا سيدتي !!*
ديم توسعت عيونها وقالت : miss !! I'm a miss
*انسه !! انا انسه*
طلعت بطاقتها وسجلّوا دخولها ودخلت تزفر النيران وتحّلف بهتان اللي من لحظة دخوله اختفى عن الانظار ..
" فالديرة تحديدًا بيت ابو فهد "
محدّ سرى من آل مقّبل بالعكس قفلوا البوابات وشغلوا لمبات الحوش الخافته وجالسين بينّ بعضهم ، تحتويهم شبة النار ويعشقونها ، من شيبانهم وعجزّهم ، ومن عيالهم وبناتهم ، وحتى احفادهم ، محد ناقص فالجلسة ذي ابدًا ، نطق اسر وهو مبتسم ابتسامة عريضة : حيّ جلستن فيها حسّك يبو تميّم !
لفّوا كلهم لعقاب اللي ابتسم ونطق : جعلني فداك يالعضييد
اسر : عيال اسمعوا ربع ساعة ونطمّر كلنا نلعب طايرة !
الكل ردّوا بالإيجاب وبدؤوا تقسيّم الفرق ، امال بحماس وهي تشّد ع ذراع عبدالعزيز : عزيز بلعب تكفى !! بلعب
عبدالعزيز زفر بقرف وقال : ورعة !! تراتس فالديرة م انتي فالرياض !
امال توسعت عيونها وقالت : وشدخل بفهم !!
خزّته ولفت لفلاح وقالت : فلووحي !
فزّوا العيال كلهم مصروعين ضحك ، وفلاح ميت حرّج ويناظر فيها بصدمة ، اسر وهو ميت ويضرب في ظهر ناصر اللي اسوء منه نطق وقال : اخرر عمرري اسمع فلاح ينقال له فلوحي
ناصر انفجر يضحك زيادة لدرجة الدموع ، ونطق بخبث وهو مصروع : فلوحي فحولي م تفرق ترا !؟
اسر بخبث انصرع وهو يقول : وفحولي احلى !
فلاح توسعت عيونه من شاف صدمة البنات ونظراتهم ، ضحك بصدمة ونطق : اصه الله ياخذ عمرك اصه البنات هنا امسكوا لسانه !! تكفى يعقاب انت اعقلهم
عقاب نزل بيالته ولف لآسر وناصر اللي ميتين ووراهم صقر وهيثم وعبدالعزيز وعبدالهادي وغريب وعمر ،..
*تعريف بسيط*
ابو غريب ( ناجي )
متوفي ..
ام غريب ( حبيبة )
اخت ام فهد بعد وفاة زوجها تزوجت عبدالله وانجبت منه عمر وتطلّقوا ..
غريب ( البكر )
شخص هادي حاله حال نفسه ، له صلة بالسلك العسكري رتبته عقيد عمره " ٣٣ "
نجوى
اخت غريب وعمر الوحيدة ، متزوجة ولا تجي للديرة مع اهلها كثير .. عمرها " ٣٠ "
عمر
اخر العنقود صغير جاء من اب ثاني وعلاقته بغريب قوية وكأنهم اشقاء ، شرطي عسكري عمره " ٢٩ "
-
عقاب ميّل عُصبته ع راسه ونطق : اعقلوا يعيال اعقلوا !
اسر انفجر يضحك زيادة وقال : مقدددرر !!!
الميلا توسعت عيونها وهي تضحك ونطقت : يمه بسم الله عليك خلاص !
اسر تقدم يمشي ع ركبّه ويدينه لها ، توسّد راسه حضّنها وضحكت وضمته وقالت : بسم الله تنفس !
ام عبدالعزيز ضحكت بخجل وقالت : انا اقول يخواني ودكم نقوم نمسّي فالمجلس ؟
ابو فلاح ابتسم بربكة ونطق : انا..
لف لأم تالين اللي تناظر فيه وكمل كلمته : انا ماشي البيت
ام تالين بتعب : ايه والله مشينا الوقت تأخر
ابو تركي لف لصباح ونطق : نسّري ؟
ام تركي : اللي ودك
ابو تركي ابتسم وقال : ودي ارقد جنب سعّاد دام مقرن ماهو بفيه
ضحك ابو فهد وقال : بنتي وش تبي بها وخر هناك
ام عبدالعزيز ضحكت بسخرية وقالت : وانا م ابيكم بنخمد لحالي بس ترا عادني اخاف حدّوني واحد ع يميني والثاني ع يساري
ضحكوا العيال مع الشيبان اللي قاموا مع اختهم للمجلس ، وقامت ام فهد وام تركي يدخلون للغرفة ام فهد ، فهد قام وتشمّر وقال : طايرة ؟ فريقين بنات ضدنا يالعيال قوموا
فلاح مسك راسه بصدمة وقال : ذا فهد يعيال ؟
امال بحماس : فهد فخررري ! يعييششوون !
ضحكوا البنات ونطقت ضحى : تم وانا اخت فهد !!
غزيل بتحدّي : بنخبزهم خبز يبووي ؟!
الجود قامت وقالت : ياليت م نهايط شايفين فرق الطول انتوا ؟
عبدالهادي ابتسم وقال : وانا اقول تسمعون كلام الجود
عقاب بحدة : وانا اقول تلايّط ولعاد تقول اسمها
فلاح واسر بصوت واحد : اووووه يغاااار الفرييق اول
لفّوا لبعضهم وطاحوا يضحكون ، عقاب فتّل شاربه ومشى بكل هيبة وسحبها مع خصرها وشّدها عليه وقال : نلعب بفريق واحد ولا م بلعب
اسر ابتسم وقال : جووي يالله ! ميالتي
لفت عليه وقالت : اذا كذا تم تصير الاطوال متساوية بس علمونا القواعد
عقاب : وضيحي تعرفها
ضحى ضربت ع صدرها ونطقت : احتزموا يبنات
البندري : وش نحتزم انتي بعد !!
صقر ابتسم وقال : نسّت اننا بنلعب افرقة مع بعض
لفت البندري وقالت : منجد !
لف عليها وتلاقت عيونهم وصّدوا علطول ، عقاب لف عليها وقال : جويّد !
لفت عليه وقالت : لبيه ؟
عقاب : خليتس وراي عشان م تضربتس الكوره
الجود تركته وقالت : لا بروح ورا تركي
تركي ابتسم وقال : تعالي يالغناة تعالي يروح اخوتس
مشت له وركضت الميلا وهي تحسّ بالغيرة ، ابعدت الجود وقالت : خير تركي لي انا وبس
تالين تخصّرت وقالت : ماشاءالله !!! وقدامي بعد
عقاب ابتسم وقال : عليتس فيهم يبنت العم !
تالين لفت لعقاب وهمست : يمه ! ابشر
مشت لهم وابعدتهم وسحّبت تركي لها وقالت : لا لتس ولا لها زوووجي حلاالي وخروا !!
الميلا توسعت عيونها وقالت : جودي تشوفين كيف باعنا !!
الجود ضحكت وقالت : ايييه !!!
عقاب وهو يرّبط الشبكة بين الملعبين نطق : مرّد الهذا لصاحبه
الجود لفت عليه وقالت : وش الهذا اذا انت ع رجال قولها !
عقاب عضّ شفايفه بخفه وهو يضبط الشبكة ، لف لآسر وقال : خلصت يالعضيد ؟
اسر ابتسم من الجهة المقابلة ونطق : اييه !
الجود بحدة : ايه رخمة م تقولها وتخسى بعد !!
الميلا برعب : يمه شلون تقولين له كذا !!!!
البندري بصدمة : والله اللي عقّبت يعقاب !
عقاب رفع طرف ثوبه ومشى لها ، مسك فكها من تحت برقعها ونطق بحدة وعيونه متوسعة بشكل مرعب : مرد الكلب لصاحبه
ضربته بكل قوتها وقالت : انت الكلب يكلب !!
ضحك عقاب بعلّو صوته وقال : الكلب يعني القلب بس بالعراقي وشفيتس انتي ؟
الجود مشت له وضمّها له وهو يضحك ، اسر ابتسم وقال : تغيير عقيب بعدها !
ناصر ابتسم وقال : الله يكتب اجرها بنت راشد
غزيل من وراهم : يالسلق معاد بنلعب معكم !
عقاب : من انتي عشان تقررين !
غزيل بصدمة : ويييلمهه ؟!
ضحى انفجرت تضحك وقالت : لا لا يغزيل لا !!
عقاب طارت عيونه بصدمة وقال : هااه ؟
ناصر انفجر يضحك وقال : تستاهل كل شيء الا بنتي !!
مشى لها وحضنها ، ابعدته وقالت : وخروا ع اليمين بس !
عقاب مشى لها ورفع صوته وهو يقول : ماني اصغر عيالتس سامعة !!!
غزيل : وش يقالك بتخوفني الحين ؟ اعنبوك انت م تعرفني !؟
عقاب مد يده يبي يضرب راسها بس منعّه ناصر وهو ميت ضحك من هواشهم ونطق : خلاص وخر !!
عقاب ابتسم وقال : جعلنا ذخر وسند لتس يبنت نورة !
غزيل تشمّرت وقالت بأبتسامة عريضة : م تقصرون جعلني فداكم وعساني عند الهقوة واعيّن واعاون !
ناصر حاوط كتفها ونطق : م تقصرين ي امي انتي !!
غزيل ابتسمت وقالت بهمس : احبك ي ابوي انت !
ناصر انفجر قلبه وهو يطالع فيها ، تقسّموا البنات وبدأ اللعب وهاك من صقعات الكوره فالبنات وصراخ ودراما ، وضحك مع جهة العيال لدرجة يغشّى عليهم من الضحك ، انتهت المباراة " ٣٤ - ٩ " وجلسوا البنات مصدومين ويهاوشون فالعيال وضرب ومهابد معهم ، الجود بصدمة : غشاشين !!
عقاب : تعالي بس
مشت له وحاوطها تحت ذراعه ونطق : لعاد نلعب ضد بعض
امال بآلم قالت : ضربتوني وفلاح م سووا شيء وضحك علي عزيز كنسلت م ابيه
عبدالعزيز ضحك وقال : ع كيف من ؟
فلاح ابتسم وقال : معليتس تكبرين وتاكلين غيرها
امال صدّت بحزن وفز يضحك ويضمها له ، ابتسمت وقالت : جبتك لي يالهطف !
انفجروا الشمّاته للمره المليون فالليلة ذي ، وباس راسها فلاح ومشى لآسر ورفسّه وقال : اخر واحد ينطق عن الخفةّ انت بنت راشد ماخذتك رايح جاي يالهطف !
اسر سكّت فجأة ونطق : يحق لها م يحق لغيرها
قام وسحب غريب معه وصفّوا ونطق اسر :
ترجيتك تروف بحال من قد له ثلاث سنين
وهو ما بين هم و بين دمع بمحجر ععيونه
-
فزّوا العيال يصفّون ونطق عقاب بعلّو صوته وهو يكملها :
ترفق بي ترى ما عاد بي حيل و طول يدين
على دربـن يقود اللي عليها اقفت به ضعونه
-
صاروا يتمايلون بشكل مرتب ، رجولهم تضرب الارض بشكل متناسب ومتناسق ، والبنات ماخذينهم محتوى ويصورون ، البندري بقرف : احلى تخبّال قدام النسوان !!
انفجروا البنات يضحكون عليها ، وضحكت معهم وهي تقول : امزح اللي بيتحسس مقصود !
عقاب ابتسم وقال : انتي حددتينا كلنا وكلنا تحسسنا يالورعه !
البندري بضحك : شدعووووة ابو تميّم ؟! وبعدين م اقصد ترجع منفّس بس اول مره ترجع من دورة وانت فرحان ومستانس فيك شيء ؟
عقاب فز من بين الصفوف طايح ع ركبه ، ماسك راسه ، داهمه صداع فضيع من نطقت البندري بتساؤل ، اسر نقز من بينهم يركض له ونطق برعب : اخو عقااب !!
مسكوه العيال وابعدهم بعنّف ونطق بآلم : يرجال م فيني شيء !
اسر شّد ع ذراعه وقال : عقييب !!!
عقاب ابتسم بخفه وقال : لبى روحك يالعضيد م فيني شيء
فهد : ادخل ارتاح اصلاً بنسّري كلنا
الجود بخوف وهي واقفة بعيد منهم ، شافها وتوجه لها مشى معها ودخلوا غرفتهم وتفرقوا جميع ..
" في بيت ابو فلاح "
طلعت من غرفتها تشّد الروب ع جسدها ، رفعت الجوال لأذنها ونطقت : احلام ! قاعدة تتهورين ترا وش الاشياء اللي تسوينها عيالي يحسبون اني ساحرة كله منتس !!!
احلام ضحكت بسخرية وقالت : يغبية ! لا تستضعفين نفستس الحين ! حطيتي الكيس بغرفة تالين ؟
ام تالين هزت راسها بصدمة وقالت : ايه !
احلام : خلاص يومين بالكثير وتركي جايكم مهبول ومجنون وطاير عقله ومعه اوراق الطلاق ! طيب وعقاب ؟
ام تالين برعب : حطيت له اللي عطيتيني بالدلّة وشربها وشفته بعد
احلام ضحكت بأنتصار وقالت : ونويصر زوج السلقة !؟
ام تالين وهي ترجف : ايه كلهم كلهم !!
احلام ابتسمت ابتسامة عريضة وقالت : طيب اسمعيني اللي بيصير بجود وعقاب هو من جهتها ! جود ضعيفة وبتنفّر علطول من اسلوب عقاب معها وتغييره ، وناصر بيعشق وحدة حطيت اسمها انا من اخر مره رحت اكذب ع فهد يوديني المستشفى نكشّف المهم بيعشق وبيهوى هواها وبتموت غزيل غيّض وقهر وحسرة ، وبالنسبة للشيء الصادم هو ان ميلا ماهي حامل واليوم شربت شيء بيبطل كل حاجة وبتنزل دورتها قريب اذا مو الليلة بكره
ام تالين بصدمة : شلوون ماهي حامل !!
احلام بضحك : انا اوهمتها وعطيتها حبة تحسسها بآلم الاسابيع الاولى وكلمت الدكتورة اللي راحت لها تكذب عليها ولا لا هي حامل ولا هم يحزنون !!
ام تالين : طيب وبعدها اذا كشفونا وربي لا احط كل شيء فيتس !! سامعة
احلام بشبه حدّة : هييه امنعيني من الشوشرة والرعب والربكة محد بيشّك !!
ام تالين : وبيرجعون طبيعي ؟ اييه ترا رجعت احط الحبوب في عصير فلاح
احلام : ايه بترجع الامور لمجاريها بعدها يبقرة اطلبي من الشايب يسفرتس خارج المملكة اقضّي معه شهر ولا شهرين والامور منقلبة هنا وم ينفك العقّد والسحر الا بوفاتتس ! ولا وفاتي انا وهذا استحالة عشان كذا تطمني بتنقلب الدنيا قبل العيد
ام تالين لفت من سمعت صوت عيالها ونطقت : رجعوا بسكر
احلام : يالله معسلامة
سكرت ام تالين وهي ضحية لخبّث وسحر احلام اللي لعبت براسها وخذتها رهينة عندها ، لعبة بالاصح تسوي الاشياء بدال احلام اللي الكل يشّك فيها ..
" في غرفة اسر "
قامت الميلا بهدوء اثر سائل تحسّ فيه ، شهقت خوفًا من انها سقطّت هي لها اسبوعين م انفكت من آلم كريه يجي ويروح ، دخلت دورة المياه وشهقت بصدمة وقالت : هاااه !!
..
طلعت تركض من باب المطبخ الخلفي ودقّت باب غرفة عقاب ، فتح ونطق : ميلا ؟
الميلا بربكة : وين جودي ؟!
الجود مشت من وراه وقالت : هلا تعالي !
لفت الجود ع عقاب اللي زفّر بغضّب ونطق : صايرة تتأمرين وتسيطرين اهجدي لا اهجدتس !!
مشى يطلع ويقفل الباب وراه بقوة ، الجود زفرت بملل وقالت : فيه شيء مو طبيعي والله يستر ! انتي وشبلاتس ؟
الميلا برعب انهارت تبكي بحرقة ، تشاهق وفزّعت الجود رعب ونطقت : ميلوو !! فيتس شيء تكفيين لا تخوفيني
الميلا رفعت وجهها الاحمر اثر الدموع وقالت : جاتني دورتي ! انا ماني حامل !!! وشلون اقولهم الحيين ؟! كيف اقول لآسر !!
الجود طارت عيونها وقالت : كنتي تكذبين !؟!
الميلا بكت علطول وقالت : لاا !! ليش فكرتي كذا علطول م ابي يحسبوني نفس احلام بس والله قالت الدكتورة اني حامل والله قالته !! لييه جات الدورة !!!
الجود ضمّتها وقالت بحزن : يمكن نزيف مو دورة ؟
الميلا : كنت شاكه من اول انها الآم الدورة وكنت خايفه تجيني واقول ياربي وش الآلم ذا وانا حامل شلون كذا وطلعت فعلاً هي !
الجود : ياربي وشذا ياربي !!
الميلا لفت لها ونطقت : انتي متأكدة ؟
ضحكت بخفه وقالت : عقاب من اول مره حطّها صح وحملت لي شهر ونص م جاتني الدورة وغير كذا اخذ حبوب عشان تميّم الزفت
ضحكت الميلا وقالت : شكل تميّم بيجي قبل كنوزي
الجود بكت علطول وباست راس اختها وقالت : الله يعوضكم يحبيبي الله يعوضكم
الميلا مسحت دموعها بحرقة وقالت : امين يارب
الجود شابكت يدينها بأختها وقالت بحدة : يويلتس تخجلين تقولين لآسر هو اللي مفروض يسمع اول شخص ترا بيزعل لو يعرف انتس جيتيني قبله عقاب م يهتم لو يعرف اخر واحد م تفرق معه بس اسر حساس ويحب من قلبه ولطيف لازم يكون عنده خبر تمام ؟
هزت راسها بنعم وقالت ببكي : تمام
الجود : روحي ارتاحي
قامت الميلا تمشّي جسد بلا روح ، تركت نفسها من عرفت بفقدان بنتها اللي م حمّلتها اصلاً ، شلون بعد دموع اسر وفرحته تهدمها وتقوله انا م كنت حامل اصلاً ، انهارت وهي تمشي تحاول تستنشق الهواء وكل م اخذت نفس ، ضّاق صدرها بشكل اكبر ، دخلت وهي تبكي تبكي بجزّع وهي خايفه تجّزع ، دخلت الغرفة وسكرت الباب ، شافته نايم بهدوء مشت جنبه وحطت بينهم مسافة وبينهم وسادتها ، وطاحت ع المفرش تبكي ليّن داخت ونامت ..
" في بيت ابو تركي "
دخل تركي يحسّ بضيقة مو طبيعية ، دخل غرفته وركض للحمام ، استفرغ دمّ وشهق وهو يمسحه ويطالع ، حالته نفس حالة عقاب بس تركي ضعيف م يتحمّل وبنيته الجسدية اضعف من عقاب ، قام وغسل وجهه ودخل للغرفة ونام علطول تارك كل شيء وراه ولا يبي يفكر بهالشيء اللي صار له حتى
" عند عقاب "
كان ماسك راسه عند مدخل البيت يدخّن ، طالع للسماء ونطق بهدوء : وش اخر شيء شربته ؟!
صار يفكر ويفكر وبدون جدوى عجز عقاب يعرف وش هالشيء اللي مسبب له الآلم ذا كله ، ليه بعد الفرحة واللعب انتكس ، هو حسّ وقت طاح بعد سؤال البندري بحرارة ونيران
تجتاح دماغه وتشّب فيه لهيب ، وضغطّ ع نفسه م ينكد عليهم وانكر وقال م فيه شيء ، رمى زقارته ومشى للجيب حقه ركب وشيّك ع اغراضه داخله ومفاتيح القصر وكل شيء عشان الممشى بكره وبعدها مشى يدخل داخل البيت ..
" فالصباح داخل حوش ابو فهد "
ابو فهد بحدة : ي عقااااااب !!
فز عقاب وضرب راسه بباب صندّوق الونيت ، فطس اسر يضحك جنبه وقال : لا اله الا الله ! م انت بمؤمن يعقاب !
عقاب مسح راسه ونطق : سد حلقك !
مشى رايح لأبوه وقال : سم ؟
ابو فهد : خلصتوا الاغراض ؟
عقاب : نركبها للحين ليه ؟
ابو فهد : شف شنطة علاجاتي داخل الغرفة خذها معك فالجيب وحطها بالثلاجة اللي جنب السايق
عقاب ابتسم وقال : حركات يابه وقدك تعرف الثلاجات ؟
ابو فهد رفع حاجبة وقال : رح رح الله يصلحك
مشى عقاب يبتسم ودخل ع امه ، ابتسمت وقالت : حيّ هالشوف لك سنين من دخلت علي يعقيب ! مزعلتك بشّيء ي امك ؟
عقاب تقدم وباس راسها له فترة طويلة من اخر مره دخل فيها غرفة امه ، جلس وتوسد راسه حضنها ، مسحت ع راسه وقالت : فيك شيء ؟
عقاب : مدري يمه مدري ويش هو الشيء اللي فيني
ام فهد : بسم الله عليك يوليدي علمني !
عقاب رفع عيونه لها وقال : يجيني آلم كل م قربت من الجود وكل م شفتها صرت اتصدد منها يذبحني يمه راسي يذبحني !
ام فهد سمّت عليه وبدأت تقرأ بعض الايات اللي تحفظها عن ظهر غيب ، فز وابعد وقال : يمهه يوجعني يمه !!!
قامت ام فهد وحضنته ، حاوطها وغمض عيونه وقال : وشذا تكفين يميمتي ويش هو !!
ام فهد عرّق جبينها بدأ يوضح ، خافت من الفكرة اللي داهمتها ونطقت : يوليدي تعال لي كل ليلة اقرأ عليك وحصن نفسك طيب ؟
عقاب هز راسه بنعم وقال : ي عيّن ي مسحور !
ام فهد شهقت وقالت : لا بسم الله علييك !!
عقاب هز راسه وضحك بخفه وقال : الله يفكنا الشر !
ام فهد : اميين وش جيت عشانه ؟
عقاب : زين ذكرتيني باخذ علاجات ابوي وانتي لاهنتي روحي للجود واشغليها بنمشي انا واسيّيير ونويصر قبلكم
ام فهد بجدية : لا ! خطأ خذها معك واجه الشيء اللي انت خايف منه كذا غلط بتستسلم له علطول
عقاب : يمه خير ان شاءالله بواجهه فالقصور خوفي اضايقها والله
ام فهد مسكت يده بيدينها وقالت : كذا بتضايقها اكثر !!
عقاب : خير ان شاءالله خير
مشى يطلع بالشنطة الصغيرة وسحب مفتاح الجيب ، حطه بالثلاجة وشغل الموتر ورجع يمشي لغرفته ..
" في غرفة اسر "
من صحى م شافها دخل وكانت تجهز شناطها ، ابتسم وتقدم يضمّها له وينطق : ميالتي !
شهقت بخفه ومسحت دموعها بعنّف وقالت : سمّ ؟
اسر فز ولفها عليه وقال : افاا ي ذا العلم !! من مبكيتس اهد الدنيا فوق راسه !!؟
الميلا حضّنته بكل قوتها وقالت بهمس : انا ماني حامل
اسر طاحت ذراعيه من ع ظهرها ونطق : وش تقولين انتي ؟
الميلا بكت علطول وقالت : والله مدري والله !! حتى انا مستوجعه وميته آلم من امس وانا ابكي
اسر مسك راسها وباسه وقال : وخير يطير ؟ ليه الدموع فيتس شيء يوجعتس !؟
الميلا ناظرت بعيونه وقالت : لا تمثل علي وتحسّسني انه عادي !!
اسر ابتسم وباس خشمها وقال : م حملتي من اول ولا سقّطتي ؟
الميلا : م حملت من اول الله ياخذها من دكتورة
اسر ابتسم وقال : بتجي كنوز يعني بتجي وان م جات نفرح بأخوانها ليّن تشرف للدنيا م هي صعبة علي وانا ابن عايض !
الميلا مسكت يدينه اللي محاوطه راسها وقالت : ابي اخذ فترة طويلة ارتاح تمام ؟
اسر ابتسم وقال بخبث : انا م قلت متى اسويها طيب ؟
الميلا توسعت عيونها وقالت : اسر والله انك ورع !!
ابتسم وباس راسها ونطق :
انتي بوجهي لا تخافين دنياتس
‏عن كل ماضي خوّفتس لا تخافين
لو الليالي والظروف والزمان يتحداتس
‏لا يضيق لتس خاطر عسى ما تضيقين
كل الظروف اللي تشوفين تفداتس
‏يالميلا نامي على راحة يدي ولا تبالين
لا يبين خافيتس ولا يطلع اقصاتس
‏وانا معتس عمري اعيشه بعمرين !
-
الميلا حضّنته وقالت : واقول واعيد قولي انا محظوظة فيك !
اسر ابتسم وقال : بعد ؟ تبين اقول شيء يرضيتس
الميلا ابتسمت بوسع ثغرها ونطقت : م نكرّه !
اسر حط راسها ع صدره وشّد عليها وهو يقول :
عطيني همومتس وافرحي لا تضيقين
والله اني لتس كل شي اهل وقبيلة !
حرام فيتس يالزين خلي الدمع تكفين
‏ويالدمع الله يصيبك لا تجرح عيونٍ كحيلة !!
-
ضحكت بعلّو صوتها وفرحتها من مدح عيونها ، رفعت راسها له وقالت : احبببك تدري ولا م تدري ؟!
اسر ابتسم وقال : لا بالله مدري قوليها اشوف ؟
الميلا قربت من مبسمه ونطقت : اعشقك
اسر فز ع رجوله وقال : اللهم اني صايييم يالله جَارك من الفتن والعيون السود !!
ضحكت وقالت بصوتها الطاغي : امدح عيوني اخر شيء عشان ارضى
اسر وهو يعدّل نسفة شماغه :
ليِت اللذِي خَلق العيُون السُود ؟
خَلق القُلوب الخَافقات حدِيد !!
-
الميلا قامت ومشت له وحاوطته من وراه وقالت : صح لسانك ي شاعري وعاجبني قلبك كذا لا يصير حديد ويقسّى !
اسر لف عليها وضمّ راسها من جديد ونطق : اعنبو غييرتس انتي لو انه حديد ينصهّر الحديد وينكسر عند رمش عينتس يالفاتنة !
باس راسها ومشى يطلع من الغرفة ، مشت لشناطها وسكرتها ، عرفوا انهم بيجلسون للعيّد ولزواج تركي وتالين اللي بيصير هناك ..
" في بيت ابو فلاح "
مشت وفتحت دولابها وطاح الكيس ع الارض ، شهقت وقالت : بسم الله هذا ايش ؟
اخذته ومشت تفتح جوالها ، تالين عاقلة وتحب الاطلاع ع اشياء هي تجهلها ، صورتها لصاحبتها وجاها الرد علطول : يبنت بسم الله هادا ايش ؟
تالين ابتسمت وقالت : وشدراني حصلته عند دولابي تعرفين وشهو ؟
لورا برعب وهي تكتب فالشات : يبنت هادا سحر والعياذ بالله !!
تالين شهقت وقالت : يمممه منجدتس انتي ؟!
لورا : ايوا منجدي عبالك استهبل ؟!
تالين : وش اسوي طيب ؟!
لورا : هوا جوا توه ورقه ؟
تالين : ايه ؟!
لورا : انتظري اقرأ !!
اختفت لدقايق وارسلت : سمّي بالله واحرقيه تالين وحطي عليه مويه وملح واقرأي اذكارك تمام ؟
تالين : ايه اوكيه
طلعت من الواتس وقفلت جوالها ، مشت وسّوت مثل م قالت لورا وفعليًا انفك السحر عنها وعن تركي ، مشت راجعة للغرفة ، اخذت شنطتها وطلعت تمشي للحوش ..
" في بيت ابو تركي "
فز من نومته وكح بكل قوته ، ركض للحمام وكح وطاح شيء اسود من فمه ، صرخ تركي وقال : بسسم الله ياررربي !!!
طلع من الحمام يركض هو عّرف انه افطر بعد الدم اللي طلع منه ، بس حسّ براحة كبيرة ، فتح القرآن وبدأ يقرأ ولا وقف ابدًا ، مشت ام تركي وقالت : يولد !! فاططرر !؟
تركي رفع راسه عيونه حمّر ، عروقه بارزة وجسمه معرّق ، رايح لونه ، ام تركي فزت وركضت له وقالت : يمه وشفيك !؟
تركي حضن امه وقال : من امس يوم كنتي عند عمتي قمراء رجعت هنا واستفرغت دم ! واليوم صحيت وكحيت كحيت ليّن طلع شيء اسود من فمي !!
ام تركي بصدمة : خديجة الله لا يوفقها !!!
علطول ترابطت الاحداث بمخها ، وقت تحلّفت ام تالين فيهم كلهم وهددت ام تركي بتركي ، لف عيونه لأمه وقال من بدأ يفهم : لا عاااد !؟
ام تركي مسحت ع راسه وقالت : الجنية اللي م تخاف ربها تسحّر برمضان واكيد ان معها عواين !!
لفت لتركي وقالت : انت اللي طلع منك هو السحّر وخلاص راح وخطاك الشر يولدي بسم الله عليك بس من اليوم ورايح اذكارك وحصّن نفسك وحصّن تالين من جهل امها الله حسيبها !!
تركي هز راسه بنعم وقال : ابشري !!
مشت ام تركي وقالت : الله يستر مستحيل تكون بس انت هي هددتنا كلنا بسأل قمراء وضروري اعرف من من عيالها مو طبيعين ! يويلي ع بناتي !!
تركي : بنسافر اصلاً وخلينا نجمعهم فالقصر بمكتب عقاب !
ام تركي : يالله مشينا اجل
طلعوا من البيت وشافوا راشد ينتظرهم ، ركبت السيارة وركب تركي سيارته بعد م قفل باب بيتهم ومشوا للرياض تحديدًا قصور مساعد ..
" في غرفة عقاب "
دخل ورفع صوته وهو يقول : ترا العرب مشوا عادتس بتطلعين
الجود رفعت صوتها تناديه : تعال عجزت اختار !
مشى لها وقال : سمّي يعروق قلبي لبيه ؟
الجود لفت له وابتسمت وقالت : لبيت حاج وش الرضى ذا ؟
صدّ عقاب من اجتاحه الصداع من جديد وقال : مشينا ؟
الجود ميّلت راسها ونطقت : انت م انت بخير !! فيك شيء ؟
عقاب هز راسه بنفي وقال : الحقيني برا
الجود : طيب م شفت الفساتين اللي ابي اوريك !
عقاب ابتسم وقال : اعقبي ! وش عرفني فالفساتين ؟؟
الجود ضحكت وقالت : عقوبي ؟ شرايك بس اصير نفس امال لفلاح عشان ترضى ؟
عقاب انفجر يضحك بصوت عالي وقال : لا يرحم والديتس !
الجود ضحكت وقالت : بكيفك بتشّيل كل العفش
عقاب وهو صادّ عنها : اشيله ليه م اشيله
مشت تلبس عبايتها وتطلع ، ابتسم وهو يشوف اغراضها ويشيلها كلها ويطلع من الغرفة ، سكر الباب بالمفتاح وراه ومشى للجيب ، محد موجود واخر الناس هم الجود والبندري وعقاب ، ركبت وقالت : نووني معنا !
البندري فزت من سرحّانها ونطقت : ايه ايه معكم
الجود ابتسمت وقالت : فيتس شيء ؟
البندري هزت راسها بنفي وصدّت ، ركبّ الاغراض بالشنطة ومشى يرفع جواله لأذنه متصل ع فلاح : فلييح
فلاح ابتسم وقال : ارحب يبو تميّم ؟
عقاب : باقي بترفع قضية ع السلقة خديجة ؟
فلاح هز راسه بنعم مدّعي ان عقاب يشوفه ونطق : ايه بالله باقي
عقاب : يولد فيني شيء ماهو بصاحي !!
فلاح شّك وقال : وتركي بعد يقول طلع منه بلاء اسود !
عقاب : لا حول ولا قوة الا بالله !! ابك العلم ويش هو ؟
فلاح : حرام اني م اعلم !! تهقّاها ؟؟
عقاب : مدري بنجتمع فالقصور المحامية وكلمناها
فلاح قطّب وقال : محامية ؟!
عقاب ابتسم وقال : اسر موصّيها توصايه بنشوفها ونتعرف عليها زين بشخصية جديدة لها..
" قبل اسبوع بغرفة اسر "
واقف يشوف جميع اغراضها واوراقها وشهاداتها ، ابتسم وقال : دارسة قانون ؟
الميلا ابتسمت وقالت : وماخذه مرتبة شرف بعد
اسر : وليه وقفتي ؟!
الميلا رفعت كتوفها بعدم معرفة وقالت : م حسيت اني احتاج الوظيفة
اسر بجدية : اذا م تحتاجينها وانا م احتاجها كنوز تحتاجها ويبي لها دبل دخل عشان ندّلعها !
ضحكت وقالت : بتوظفني ؟
اسر : احفر الرياض كلها واوظفتس وان م لقيت بنيت لتس مكتب محاماة لتس وبس !!
ابتسمت وقالت : تم !
اسر اشر بأصبعه ع خشمه وقال : تم وعلى ذا الخشم !!
الميلا : عليه الشحم
ابتسم وهو بيطلع لها رخصة محاماة سواء شائت ام ابتّ ..
" مكالمة عقاب وفلاح "
فلاح : الله يستر عاد اسر بعد الهجة يولد !!
عقاب ضحك وقال : افا عليك بس تسّب العضييد عند ذراعه وحزامه ؟ م تستحي
فلاح ابتسم وقال : الله يخليكم لبعضكم انا والله بديت احسّ بنفس الحالات اللي تجيني اللي يستر من العصير اللي جانا امس يولد معاد صرنا نضمن طبخ اهلنا الله لا يوفقها !
عقاب بحدة : لاا انتبه ! يويلك ترجع للطريق اللي هجرته بعد شّق نفسك !
فلاح ابتسم وقال : معليك صايمين لله وصايميين عن المعاصي والذنوب !
عقاب : اللقاء فالرياض
سكر المكالمة عقاب وسكر باب الشنطة وركب ولف عليهم وقال : توكلنا ع الله
مشوا اخر دفعة من آل مقّبل متوجهين لحياتهم الثانية ، حياة الرفاهية حياة القصور اللي اعتادوا عليها من اول ليلة ، متأهبين لأي حدث بيصير وجاهزين للعيد ولزواج تركي وتالين فالقصور العتيقة والاسوار الضخمة ..
" في ميونيخ المانيا "
الساعة العاشرة مساء ، الثلج يتساقط ، برد قارص محد من اهل السعودية يتحمله اثر تعودهّم ع مناخ شبة الجزيرة الحار ، طلعت وهي مثقلّة لبسها ولفت وشافته ، مشت تركض وقالت : هتاان ويين رحت !!
هتان لف عليها وقال : هلا موجود شفيك ؟
ديم برعب : خوفتني كلهم داخل يسولفون الماني ! م اسامحك سامع !؟
هتان ابتسم وقال : تعالي جنبي طيب
ديم بحدة : انت اللي اختفيت لا تجنني !!
هتان ضحك بسخرية وقال : يحلو حبيبي المعصب !
ديم : اص لا تسمعك حلا ! ماني ناقصة تكتشف انك خطيبي وتسوي سالفة اصلاً هونت اذا رجعنا بنفصخ الخطوبة
هتان حط اصبعه ع خشمه وقال : ابشري ع ذا الخشم يبنت محمد !
ديم حطت يدها ع كتفه وقالت : امزح خلاص !!
ضحك بعلّو صوته وقرب وباس خشمها ونطق بصدمة : اسللم خشمك لييه بارد كذا !؟
ديم عضّت شفايفها السُفلية لثواني ونطقت : برد اصلاً
هتان : معليه باقي شوي اصلاً
لفت ديم ترجع للبنات وشافت صدمة حلا من بوسة هتان لخشم ديم ، صدّت وركبت السمراء وبدأ السباق ، حلا جات متطوعة عشان ديم تقول ان دانه نفسيتها شينة ، وجات حلا بدالها ، ضحكت بسخرية وقالت بصوت هامس : ماشاءالله كل وحدة خذت خويّها ؟ ماهر ودانه والحين ديم وهتان !!
صدّت تمشي للخيول وتساعد المتطوعين من الشباب والشابات السعوديين ..
" في قصور مساعد "
منزمان م تغنّت الاسوار ، وعزفّوا خدم القصر فرح ، منزمان عن ضوضاء سكانها ، وازعاج البزران ، من فترة طويلة م امتلت القصور بمالكينها عيال واحفاد مساعد آل مقّبل ، كانت تجهيزات رمضان بكل مكان ، استعدادًا للعشر الاواخر بأتم الاستعداد ، اليوم الواحد والعشرين واهل مساعد كلهم وصلوا للقصور ، حسين بفرحة : حيّ من عاش وشافكم !
ابو فهد ابتسم وقال : دخلنا ؟
حسين : تفضلوا !! البيت بيتكم والمحل محلكم ي اهل مساعد
ابو فهد ضحك بخفه وقال : انطلقوا
ركضوا البنات يضحكون ويتسابقون للقصر الغربي اللي لطالما عهّد البنات فيه وحسّهم يملأ جدرانه ، ريحتهم وميكاجهم ، كل شيء تلوّن باللون الوردي ، عذبة بفرحة شابهت العيد : رجعتوا ورجعت الحياة !!
ضحكت دالين وركضت داخل مع البنات ، مثل م البنات تسابقوا ، العيال راحوا بخطوات ثابتة رزينّة مليانة ثُقل وهيبة ، كيف لا وهم احفاد الفريق اول مساعد بن محمد آل مقّبل ، دخل جيب عقاب وضحك حسين من شافه وشاف الجود والبندري ، هو يعرفهم كلهم حقّ المعرفة ، كان ع ايام حياة مساعد ، يجلس بالحديقة لحاله ويسولف لحسّين قاله احفاده كلهم وكان شديد المدح بحفيده عقاب ، كان كل سوالف ترجع وتتمحور حول الفريق اول عقاب بن عايض بن مساعد بن محمد آل مقّبل ، نطق بأبتسامة عريضة : ارحب ي فريقنا ! ارحب ي خلّيفه معاليه سيدي !! ارحب ي خلّف جدك !!
نزل عقاب وابتسم بهدوء وقال : البقى ي من رحبّ !
تقدم وسلم ع حسين وسأله وين الباقين وعلمه ، ابتسم وقال : بندري للقصر الغربي
مشى ونطقت الجود : بروح معهم
عقاب بدون م يلف : على م تحبّين !!
مشى متجاهلها وراه ، تمنّت تسمع كلمة " ابيك لا تروحين " منه بس اكتفى بقّوله ومقصده لا تجين ، لفت ومشت ورا البندري للقصر الغربي بخيّبة ، هي تعرف انه ماهو بخير ابدًا وهالشيء مخوفها ، هل هو سبب المهمة ! او فيه شيء هي م تدري فيه ، والجود تعتبر جاهلة بالمواضيع ذي ولا تقّوى تطالع بعيونه وتسأله اذا هو بخير منجد ولا لا ..
" داخل القصر الرئيسي "
فتح المكتب ودخلت ام فهد وام تركي وتركي وفلاح وعقاب واسر وناصر ، ضحك اسر وقال : من بقى ؟
ام تركي بحدة : اصه واسمع الكلام
اسر تنحنح ونطق : سمّي ي عمة
ام تركي بجدية : احد منكم يحسّ انه ماهو بطّيب !!؟
عقاب رفع عينه وقال : يعني عندتس علّم ؟
ام تركي : ايييه بالله عندي !! السلقة ساحرتكم !
ناصر شهق وقال : لا اله الا الله !! انا بخير طلعوني منها
ام تركي بشّك : متأكد ؟
ناصر هز راسه بنعم وقال : ايه بخير م فيني شيء
ام تركي : طيب بحصّنكم انا وامك احتياطًا يعني
عقاب : تحصّنونا واللي شرب السحر وش بتسوون فيه ؟
ام فهد شهقت وقالت : كيف ؟!
عقاب : قريت عن الموضوع وطلعت شارب سحر ! اظن انها الدلة اللي امس والله اعلم ، فيني صوت غريب اذا تنفست وعيوني حمراء ، انفَر من الجود ولا اداني شوفها !!
ام تركي شهقت وقالت : حسبي الله عليتس ي خديجة !!!
ام فهد : فيه حل كلكم الحين بتجلسون بالغرفة تحصنون انفسكم وانا بطلع ادق ع شيخ اعرفه قريب وببلغ الامن..
عقاب ابتسم بآلم من الصداع وقال : انا الامن !
اسر انفجر يضحك وقال : حاااااي !!
ام تركي : اسر وجهك طبيعي حمدلله شكلها م قربتك
اسر : ايه م فيني شيء وامس كله م شربت الا علبة ماء انا اللي فتحتها
ام تركي : وميلو فيها شيء ؟
اسر هز راسه بنفي وقال : م فيها الا العافية بس الله يعوضنا وياكم خير
فزوا كلهم ونطق اسر يهديهم : انضحك علينا انها حامل وبس اهدوا !!
ام تركي برعب : وش صار لها !؟
اسر رفع كتوفه بعدم معرفة وقال : مدري بس تحسبين بسكت بروح للدكتورة واشتكي عليها !
ناصر : اجي معك ؟
ام تركي بحدة : لا ! وجهك يخوف مصّفر والله ان السحر قد هو بين جنوبك انطق ع الارض !!
ناصر استغفر وقال : م فيني الا العافية !!
طلع معصب وهذا طبع بناصر ، م يحبّ انه يوسوس او يصير يفكر بشيء ويهوجس فيه خوفًا من انه يقع ، تركي قام وقال : انا بجي معك
اسر ابتسم وطلع هو وتركي ، سكرت الباب وبدأت جلسة الذكر والتحصّين ، جابوا شيخ وبدأوا دخل الشيخ ، وكان عند ابو فهد وابو تركي وابو فلاح علّم باللي صاير كله ، طلعوا الامهات ، جلس الشيخ وقرأ ع فلاح اللي م كان فيه شيء كثر المخّدر اللي هي حطته ، قام فلاح وجلسوا هيثم وصقر وقرأ عليهم ومشوا ، جلس عقاب وفور م نطق الشيخ بآيات القرآن فز عقاب وطلع منه صوت مرعب ، ابو فهد شّد ع عصاته ونطق : اخوك ي راشد !!
ابو تركي فز هو وابو فلاح وتجّودوا بعقاب ، ماسكينه من كل جهة ، فزوا العيال يساعدونهم ، وكمل يقرأ وعقاب يطير ويوقّع ، بشكل مرعب وصراخ يخوف ، الصعوبة كانت عند عقاب ، اللي يصارخ ويضرب فيهم بشكل مرعب وكأن معه عشرين يضربون ، ابو فهد وابو تركي وابو فلاح وفلاح وصقر وهيثم م قدّروا عليه ، الشيخ برعب : اللي فيه ماهو بسهل !! بنكمل بكره احبسوه لا يطلع من الغرفة وشغلوا القرآن ! واذا هو متزوج لا يشوف حَرمه واذا عند اخو يستند عليه برضو لا يدخل ويشوفه لأنه ممكن يأذيهم بأسوء منظر واسوء طريقة !
طلع الشيخ من القصور وفعلاً سووا اللي قالهم عليه ، ام فهد ببكي : ياربي يحبيبي وش فيه عقيب !
فلاح لف وسكر الباب بالمفتاح وراه ، مشى يركض وضرب الباب براسه ونطق بحدة : افتح فتحوا قبرك !!
فلاح فز وقال : راسك يبو تميّم !!
انتبه عقاب للدمّ اللي طلع يجري من جنب راسه ، فلاح باس راس ام فهد وقال : مشينا يعمة ! جود واسر لا يقربون القصر !!
صقر : بروح اقفل مداخل البنات واجي
مشى صقر يركض ووصل للمدخل ، شافها واقفة عند مراية كبيرة بنصّ الممر ، تقّوس حجم خصرها بيدها ، ضحكت وقالت : كويس م سمنت برمضان !! عاد ماهي عوايدتس يالبندري !
تكى ع الباب وهو يشوفها قدامه ، بفستان حرير خفيف كساه اللون النيّلي ، رفعت شعرها وجلست جلسة القرفصاء ، بشكلها وانحناءها قدامه ، طّير م بقى من عقل عند صقر ، فز وتنحنح ، شهقت وقالت : مييين ؟
سكر الباب وحمد ربه انها م انتبهت له ، سحب المفتاح ومشى وسّلمه لحسين اللي خذا اوامر من فلاح ..
" فالمستشفى "
عند الاستقبال ، مسك راسه بصدمة ونطق : وش اسمها ؟
الدكتورة ببكي : احلام والنبي اسمها احلام !!
تركي ضرب راسه ومسح وجهه وشنبه واستغفر وقال : وتحلف بالنبي ياربي انا وش اسوي !!
اسر بحدة : وانتي شلون توهمين زوجتي انها حامل !!!
الدكتورة : معرفش معرفش !
اسر : اكتبي اسمتس كامل
الدكتورة قطبت ونطقت : ليه بقى ؟
اسر بحدة : خلصيييني !!
كتبت اسمها كامل وسجلها المدني ، سحب الورقة ومشى وجنون الارض المربّطة برمضان طلعت وركبت جنوبه ، اعتلت راسه ، يحترق جوفه وميت عصبية ركب السيارة وصرخ في تركي : اناا !! تستغلني احلام وزوجها السلقة م يدري عنها انا تحرمني فرحتي الاولى !!!
تركي انجلط وهو يشوف عصبية اسر اللي تكلموا عنها العيال ونطق : دامك معصب معصب ترا خديجة هي السبب باللي حنّ فيه والاكيد ان احلام معها وبرضو خديجة هي سبب ادمان فلاح للمخدرات !
اسر عضّ شفايفه لثواني وزفر النيران ونطق : ادري بفلاح !
تركي طّق اصابعه بربكة وقال : يارب م يصير شيء لزواجي وقسم بالله م اني ناقص !!
اسر بعصبية : لا بيصير !!!
تركي زفر بطّلب ورجاء وقال : اسيّر تكفى لاتسوي شيء !
اسر مسح وجهه وشنبه ، مسّك طرف شنبه وقال بحدة وعيونه تطلع شرار : انتف شنبي شعره شعره اذا م طردتها واللي خلفّوها بعد شوي من القصر !! ولا علي بأعرض شاربٍ فيهم !
تركي مسك راسه وقال : اسألك ياربي السلامة !
مشوا للقصور بعد م بلغ اسر فالدكتورة وفي احلام بتهمة السحر والمخدرات اللي يعطونها فلاح ، النقيب عصّب وبيولع الدنيا فيهم ..
" في قصر مساعد الشرقي "
ام تالين مشت وهي تسحبه وراها ، صقر زفر بعصبية وفّلت يده من امه وقال : نعم !! وشفيه
ام تالين بحدة صفقّت وجهه ونطقت : امك يكلب !!
صقر ضحك بصوت عالي وقال : ام وتسوي كذا ؟ سحرت زوج بنتها !! ام وتخرب بين ولدها وحُب حياته ؟! تشوفين نفستس تستحقين كلمة ام !!؟
ام تالين ارتخت ملامحها وقالت بصوت مهزوز : انا اسوي كذا عشان مصلحتكم وبعدين مالي دخل احلام هي راس البلاء !! وبعدين تشوف البندري حُب حياتك ؟ حبيبي صحصح البندري جاها فريق اول يخطبها تستهبل انت !!؟
صقر انلجّم من الصدمة وعجز ينطق ، كملت وهي تقول : كلكم لازم تصحصحون !! من وقت م دخلت الجود حياة عقاب والحب والاوهام منتشرة بعقولكم كلكم ! حتى عقاب اللي خذاها رضى لأبوه طاح ع وجه !! وشوفها حامل الحين بس تحسبون اننا مسوين هالشيء عشان يقدر شيخ من اول مره يفكه ! بينفك ايه بس من مين ؟ فلاح اللي م فيه شيء اصلاً مجرد مخدّر يرجعه للأدمان ماله علاقه فالسحر ! ناصر واكلها واخترناه عشانه صعّب محد يقدر يقنعه حتى حَرمه العوبا ذيك م تقدر !! وعقاب وبيلقم شهرين كاملة الا اذا سّلم من احلام لأنها بتطير عقله ! وتالين الدجاجة كشفت الموضوع قبل يبدأ ولا تركي كان بيروح فيها بس والله لا ارجع واسويها فيها وفي تركي ولا اتوب دامني بأخذكم لجنبي بسوي كل شيء ! والميلا باقي بتشوف الويل بعيونها بحرقهم كلهم !
صقر بصدمة طاحت دموعه ونطق : انتي مانتي امي ! انتي معاد معتس من العقل شيء تجاهرين بالمعصية ولا هي بأي معصية شرك !!! وبرمضان !! وبالليالي الفضيلة انا من اليوم ورايح لا اني ولدتس ولا انتي امس سامعة !!!
مشى يركض لطريق هو يجهله ، اهم شيء يبتعد يبي يبكي ويطلع اللي بخاطره ، اللي تركها وراه يحلّف يمين انها ماهي امه وصار الخطر يحّفه من كل جهة ، يحسّ بالحمل ع عاتقه وانه لازم ينقذهم كلهم ، مشى وشافها بالحديقة ومعها دالين ، ابتسم بخفه ، شوفتها تبِري كل عّلة وتشفي كل مجروح ، الهواء يلاعب شعرها ، الليّل كسى السماء بظلامه وانوار القصور العالية شغاله ، شاف دالين تركض رايحة داخل ومشى لها ، اذن المغرب من نص ساعة ، وعجز يفطر شافها تمشي ولا راحت دليل انها م تصوم بعذر شرعي ، ابتسم ونطق : بندري
لفت من سمعت صوته وهي تاكل فراولة واناناس بصحّن ، شهقت وطاح الصحّن من جنبها وطار الزجاج ع رجولها ، تأوهت بآلم وقالت : رجلي !!
مشى يركض لها ونزل يتساوى مع رجلها ، رفعها هو انفتن من جسد البندري الفاتن ، رجولها وبياضها ، رفع راسه وقال : م جاء شيء كبير لا تخافين
نزلت عيونها له وانحنت تتساوى مع طوله ، حطت يدها ع خده وقالت : تبكي !!
صقر تنهد وقال :
ياقبلة ايام عمري واجمل سنيني
‏سعادتي في عيونك لاتصاغرها
‏تراك تقدر تضحكني وتبكيني
‏لو دمعتي ماتحدر وانت خابرها
‏تدري ليا من ذكرتك وش يجي فيني
‏اعيش حاله غريبة ماتصورها
‏اضحك واسولف بحبك بيني وبيني
واذكر موقف دار بينك وبيني واكررها
-
البندري ميّلت بشفايفها ونطقت : انت اللي بعتني وتركت كل شيء
صقر وعيونه رجعت تتغورق بدمعها : اعقب والله م بعتتس !! اعقب !
البندري : انت قلته بلسانك خلاص !
صقر قرب وسحب يدها يحطها ع صدره ، جهة قلبه وينطق :
يشفع لتس الطهر الإلهي والبراءة و العفاف
‏شرواتس في بنات حوّاء لا سمعت ولاخبرت
ي أول مطافي في محطات الهوى وآخر مطاف
‏آمنت بك محبوبه لي ولقلبي وفي غيرك كفرت
‏تعالي أفرش لتس ضلوعي فرش ويديني لحاف
‏وإن ما كفتك يديّ وضلوعي حضنتتس واعتذرت
-
طالع بعيونها وقرب ، قرب بالحيّل ، تخالطت انفاسهم ودموع صقر ، انهارت من القّرب وبكت نزلت راسها ونطق :
حرام فيني يالبندري بنتن غيرتس حرام
وحرام م يكّتب عليتس لا فريق ولا ملازم
حرام م جاء واستوطن خفوقي غيرتس ملام
وحرام م ناسب غيرتس صدري له مقام !!
-
البندري سحبت يدها وهي ترجف ونطقت : يارب يارب !
قامت ومشت تركض ، قام وسحّب شماغه وتعصّب فيه ركض للجهة الامامية ونطق بعلّو صوته : يمحااازمي !
فلاح قام هو وهيثم ونطّقوا : احتتززرم
صقر بجدية : بدخل اخطب !
فلاح توسعت عيونه بصدمة وقال : اعنبوك في من !!؟
هيثم : الولد طايح ولا جاه شيء !!
صقر : فالبندري
فلاح مسك راسه وقال : تهجد ولا اقوم العن والديك ! وينك من الفطور هاه ؟! العرب خايفين ع عقاب وانت تبي تدخل وتخطب صاحي !! لا تفكر في بنات عمي عايض حتى
صقر بحدة : معاد بقى الا هي والبنت لولد عمها !!!
فلاح مسك فكه ونطق : قسم بالله يوم م تمسح الفكرة من راسك !! البنت م تبيك ! جايها خطاب من عند اخوها عقاب انتهى الموضوع سامع !!
صقر دفّعه وقال : هذي اخرت احتزم ؟
هيثم بجدية : صقر ولا تزعل بس انت وهي حتى بالأحلام م بتجتمعون !!
صقر مسك كتف فلاح وقال بعصبية : مثل م جمعوك مع بنت المدينة ! بيجمعوني مع بنت عمي !! وان م رضوا حرام م تاخذ كلبٍ اجرب مثله سامعيييين !
مشى يطلع من القصور ع احد السيارات اللي مصفوفة ، بأنواع الماركات الشهيرة ، صافينها وحدة جنب للثانية ، فلاح جلس وقال : زيين ان ناصر راح للحمام !! وش ذا الولد عرضة وقسم بالله انه عرضة !!!
هيثم جلس وضحك وقال : اف اف وش اللهجة ذي
فلاح جلس وقال : معي جنوبي فمبنى هندسة البترول
هيثم انفجر يضحك بهدوء وقال : وتوو تنشب ولا وش ؟
فلاح : ترا علقت ع السالفة وبهبدك الحين !!
ناصر جاء ومعه عصير فيمتو ، مشى لهم وقال : عيال انا ماشي
فلاح : ع وين ؟
ناصر : للمستشفى عندي دوام شفتات
فلاح : مو وقته تمسك من المغرب لمتى ؟
ناصر وهو يشرب : مفروض اني ماسك من اربع لـ ١٢ الليل بس عشان الفطور حطوها من سبع لـ ١٢
فلاح ابتسم وقال : الله ييسر امرك
مشى ناصر للمستشفى وللأسف ، الشيء اللي مستدرجه للمستشفى غير نظام الشفتات ، هو شيء بيسّود وجهه قدام حَرمه غزيل بنت عبدالملك ..
" عند بوابات القصر "
دخل اسر والجنون فوق راسه ، ينتفض بشكل مرعب ، يصّر ع اسنانه ، صرخ وقال : فهههد !!!
فزوا الرجال فالمجلس وصوته وصل لهم ، طلع فهد وقال بصدمة : اسر ؟
يتذكرون زين وش يصير اذا عصّب اسر ، يحرق الدنيا واللي فيها ولا يهمه احد ، تقدم ومسك ياقة ثوب فهد وصرخ بوجهه : شااايف حَرمك وش مسوييية حرمتني فرحتي الاولى وعيشتني بوهم !! انتظر بنتي تكبر يوم ورا يوم وهي ماهي موجودة اصلاً !!!!
فهد بصدمة : وش تقول انت..
قاطعه صراخه وهو يقول : ي تذلف انت وياها ي والله م اقعد ثانية وحدة !!
ابو فهد بصدمة : ي اسيّييير ي ابوك ! وش قاعد تقول
اسر لف يمينه ويساره وم شافه ، نطق وقال : وييين عقاااب !
مشى وركض فلاح ومسكه بكل قوته ، فلاح بحدة : ترركي !!
تركي مشى يركض ولف عليهم بصدمة وقال : تمسكوني من عضيدي !! وش تسوون انتوا عقااب وينه وش مسويين فيه
عقاب سمعه وصرخ بعلّو صوته : تكفى يخوي !!! تكفى يالآسر
اسر انفلت من يدينه ومشى يركض ، فلاح بحدة : حّده حّده !!
تركي مسكه وهمس وهو يصّر ع اسنانه : اللي داخل ماهو بعقاب ! والله لا يكفّر فينا ان طلعته !!!
اسر توسعت عيونه بصدمة وقال : وش ؟!
تركي : مسحور اخوك مسحور !!
الجود من وراهم بصدمة نطقت : هاه !
لفوا عليها من شهقت علطول ومسكت بطنها ، فز تركي يركض لها ومسكها من قربت تتساوى بالأرض ، طاحت مغشّي عليها بين يدين تركي اللي عضّ شفايفه بقهر ع حالهم اللي تدهور قبل زواجه وقبل العيد وفرحتهم ببعضهم صارت مأساة ، اسر مشى ومسكه فلاح وقال بحدة : بتفكّ علينا وحش بيقضي عليك اولنا !! اللي داخل ماهو بعقاب والله ماهو بعقاب ولا يمسّه بصله حنّ شفنا شيء انت م شفته ! والحمدلله انك م شفته !!!
اسر بصراخ : احلااااااام
غزيل مشت تنزل مع الدرج ، البنات سألوا عذبة عن المفاتيح وفتحت لهم ، توسعت عيونها تشوف المنظر والجود طايحه همست لتالين : يساتر استر !
تالين شّدت ع ذراع غزيل ونطقت : وش صاير يمه
غزيل رفعت كتوفها بعدم معرفة ومشت ، لحقتهم الميلا وسرعان م ركضت من شافت تركي وام تركي عند الجود ، الميلا برعب : بسم الله وش صاييير ! ممكن احد يشرح
ام تركي رشّت وجهها بالماء وقامت علطول تكح وتشاهق برجفة ، ضمّتها لصدرها وقالت : بسم الله عليتس يمه بسم الله عليتس
الجود صارت تتلفت يمين ويسار ، اخوان عقاب فهد واسر جالسين يتهاوشون بعيد وصوت اسر يهز المكان هز ، الميلا مشت له وقالت : اسر !!
لف عليها ونطق بحدة : على داخل !!!
فهد بسخرية : ذي اللي بغيت تموت عشان تملّك عليها !؟
اسر لف وخنق فهد ، وسرعان م لف وشاف احلام تمشي ومعها سديم ، ضحك بعلّو صوته وهو يرجف من العصبية ونطق : جايبة سديم تحسبين بهجد !!!
مشى وسحب سديم بكل قوته وصرخ : وضيييحي !!
نزلت ضحى تركض ومسكت ذراعه ونطقت : علامك !؟
اسر : امسكي الورعة !
ضحى شالت سديم وركضت فيها وعطتها البندري اللي تشوف الاحداث كلها من فوق ، ورجعت تنزل له علطول ، احلام بصدمة : خير ان شاءالله
اسر بحدة : برا !
توسعت عيونه من وراه وقال : يعم !!
اسر لف لثامر وقال : اص ولا اسمع لك حرف سااامع !
ثامر مشى له وقال : شلون تبي تطرد امي واسكت لك
اسر بحدة : يعني تبي تعرف وش اللي قاعد يصير ؟ امك ساحرة ومساعدتها خديجة !!
ابو فلاح بصدمة : اعقب !!!
اسر بحدة : لحيتك ؟!
لف عليهم كلهم وقال بصراخ : وقسم بالله اذا م وقفتوا هالمصخرة اني لا الجئ للقانون وتعرفوني نقيب واقدر اجرجركم للمحاكم
فهد مشى وسحبها وقال : اللي يقوله صدز !!
احلام بأنكار : لا لا يكذب ويفتري علي
ثامر بصدمة : جدي شوف عمي وش يقول !
اسر بحدة وصراخ : برررااا كللكمم برراا !!!
ابو فهد بقرف : كذا امسكوه ذا !! ازعجنا وانتوا اطلعوا لغرفكم
احلام : سمّ يعم
مشت وطلعت للدرج ، وبالمثل البنات كلهم ، ضحى بحدة : وتبينا نسكت ع اللي يصير ؟
ابو فهد بحدة : امسك لسانتس ذا واقصّه ! ترادين ابوتس ياللي م تنتخين
اسر ضحك وركض وفتح الباب ع عقاب ، طار يركض طالع من الغرفة قدام انظارهم كلهم ، وجهه مليان دم وعيونه تحرق من يلتقي بها ، اسر مسك وجه عقاب وقال : عقيب ! بسم الله عليك يالعضييد
عقاب حضّن اسر بكل قوته وقال : لبيه ي اسر لبيه !!
اسر شّد ع اخوه ونطق : بسم الله عليك بسم الله عليك
ترك اسر وركض لها ، يشوفها ويحسّ بالنيران تحوفه من كل جهة ، لهيب يشتعل براسه ولا يرحمه ثانية وحدة ، نطقت كلمتين وهو مشابك يدينه بيدينها : لا تهّدني للمقادير يعقاب !
ابتسم بآلم وقال :
كيف اهدتس للمقادير وانتي راس مال ؟
راس مال ومال والمال م يعطى سفيه
-
طاح عقاب بحضّنها ، بكت وحاوطته الدم يسيل من راسه وفزوا الشباب كلهم له ..
" فالمستشفى "
جالس بمكتبه ويقّلب بالاوراق عنده ، دخلت شريفة للمكتب وقالت : دكتور ناصر ؟
لف لها وشافها ، ناصر من طبايعه وطبايع الديرة اللي رَبى عليها انه يصّد بس عجز يحسّ فيه شيء يخليه يطالع فيها بشكل مبالغ فيه ، نطق وقال : سمّي ؟
شريفة ابتسمت ابتسامة عريضة ، غمازاتها وشكلها جدًا لطيفة وبريئة لكن السحر م كان يرحم ابدًا ، انسحر فيها وقرر عقله يلعب بالموازين الحين ، يدري لو تشوفه غزيل والله م ترحمه وان تتركه من ساعتها ، تحبّ ايه بس م ترضى الخيانة ابدًا ، مشت وجلست وقالت : الصراحة ابي تفكني من المريضة غلا مقدر اتحملها اكثر من كذا وقالوا لي انك اللي ماسك السجل والحالات
ناصر ابتسم وقال : ابشري
ابتسمت بوسع ثغرها ونطقت : الله يسعدك يارب !!
مشت تطلع وهي طايره فرح ، ردود ناصر المعروفة كانت " انتي جاية هنا ليه ؟ عشان تطفشين من المرضى ع شغلك يالله ! " حتى شريفة م توقعت يرضى علطول ضحكت وقالت : يجنن خفيييف !!
ضحكت ومشت لمكتبها ، صدّ من اجتاحه آلم غريب وهز راسه ينفي الفكرة بأستمرار ونطق : لا يناصر م فيك الا العافية !!
سحب جواله واتصل فيها ، ووصله صوتها وهي تقول : نويصر ؟
حسّ بأذنه تنفجر من الصوت اللي داهمه ، فز ورمى جواله ع المكتب وشهق بكل قوته ، نطقت برعب : بسم الله الرحمن عليك ي ابوي انت !! فيك شيء ؟
كان كل م هو ويزداد يحسّ اذنه بتنفجر ، طاح من الكرسي ع الارض يتصّرع يحاول يخلي الآلم اللي فيه يختفي ، اخذ جواله وسكر علطول وهدأ فجأة ومن لحظتها ، شهق واخذ نفسه وقال : بسم الله يارب وش اللي جاني !!
دقت من جديد ، زفر برعب وربكة وقال : برد واذا جاني نفس الآلم فـ والله انه بين جنوبي ع قولة عمتي صباح !
رد وفزت ونطقت : ناصر..
قاطعها صراخه وسكر علطول ، ضرب راسه فالبلاط بكل قوته هالمره كانت شرسة عليه والآلم اعمّاه وتركه مغشّي عليه فالمكتب ..
" فالقصور "
شهقت وقالت : والله فيه شيء والله !!
الميلا وهي ترجف : فيه شيء ؟ فينا اشياء ي مامي !
غزيل طاحت تبكي ولأول مره يشهَدون ضعفها : اروح لميّن م عندي الا هو !! محد يقرب لي ويحّل لي الا هو وخالي م صدق ولده اسر بيصدقني !!
الميلا ركضت هي وتالين وضمّوها وقالت : والله يبنات فييه شيء !
تالين شّدت عليها وقالت : يارب بكره خيير
ضحى بقلة حيلة وهي تشوفهم قالت : يجيب الله مطر !!
الميلا مشت وقالت : بوقف المهزلة اللي صايرة واجيكم
ضحى قامت وقالت : معتس والله !
مشوا وطلعوا وتركوا تالين ودالين حّول غزيل ، نزلت وقالت : يعم عايض !
لف ابو فهد للميلا ولف اسر معه ، نطقت بحدة وقالت : فقدت حفيدتك كنوز من تحت راس احلام !
ابو فهد قطب حواجبه وقال : منهو ؟
اسر قام وقال : بنتي !
فز ابو فهد ووصلّته الميلا من ذراعه اللي توجعه ، لّوتها وكسرتها بعد ، نطق وقال : حفيدتي !!!
هزت راسها بنعم وفور م صرخ ابو فهد : فهد !!!
فهد فز وقال : يبه خلاص يبه والله باخذها ولو تبي بطلقها بس لا عاد تصارخون قدام عيالي !
ابو فهد ضربه ع ظهره ونطق : انطلق اخفَها من الوجود لعاد تشوفها عيني م حيّيت واحفادي يجلسون تحت انظاري !!
فهد مشى وخذا احلام ، لكن هالمرة روحه بدون رجعة بيطلقها وبيرفع اوراقه للمحاكم ، اسر بخوف : انتي بخير ؟
الميلا تقّلد نبرته : ع داخل !!
ضحك وباس راسها بقوة وقال : يجعلني فدا خطاتس !
حاوطته ونطق ابو فهد وهو يرجف : الله يعوضك يوليدي
اسر : راسك العوض نفداك وتروح ويجي غيرها
لف للميلا وغمّز لها ضحكت وغمّزت له ، شهق وقال : لا لا خطأ والله انه خطأ !!
الميلا ابتسمت وقالت : عقاب وقف نزيفه ؟
اسر ابتسم بوسع ثغره وقال : لا وابشرتس ان اللي يطلع من راسه بلاء اسود شكله السحر وعرف له عقاب
فلاح ضحك وقال : حلوة لا وابشرتس شلون قلت بها انت !؟
اسر انفجر يضحك وقال : يعني منّا منّا م تجي ؟
تركي قام وقال : عقاب م يستجيب !!
الجود رفعت عيونها وهي تعضّ شفايفها بربكة وخوف ، خشمها احمر ودموعها تحَرق وجنتيها ، يدينها تفّرك قفَى يدين عقاب ، نطقت برعب : كيف يعني
تركي : عيال ممكن تخلّون السوالف وتمشون للمستشفى معي !!
مشوا كلهم وطلعوا من القصر ، حسين استعدى سيارة اسعاف وركبوا وطاروا لأقرب مستشفى عشان عقاب ..
" داخل القصر "
تبكي بحرقة بين يدين الميلا ، الجود ببكي : وقسم بالله م ابيه يخليني الله لا يوفقهم شلون فرطّوا فينا !! شلون فرطّوا بتميّم بطني يعورني واحسّ اخاف يجيه شيء
الميلا حاوطت راسها وقالت : لا ! تميّم رجال مثله مثل ابوه لاتقولين كذا وتتفاؤلين عليه !
ام تركي وهي تدور ع رؤوسهم ، نطقت : اتوقع اذا ابتعدت احلام يروح المفعول حق سحرها شوفوا عقاب كيف عرف لمكان الآلم وكأن ربي مقّدره ع هالشيء !
الجود مسحت دموعها بعنّف وقالت : يعني خلاص ؟
ام فهد : ايه اظن شغلوا القرآن فالقصر وين حسين ؟
حسين دخل وقال : سمّي ؟
ام فهد : سمّ الله عدوينك شغل قرآن فالعشر الاواخر كلها
حسين : امرك
مشى وشغلها فالسماعات اللي تحّف القصور الثلاثة ..
" في غرفة العمليات "
عقاب طايح والاجهزة عليه ، تركي وهو يكلم الدكتور ابتسم ومشى وقال : حمدلله م فيه مضاعفات او نزيف ولا حتى غيبوبة شيخنا بيرجع ان شاءالله وين ناصر ؟
اسر ابتسم وحمد ربه ونطق : مدري والله كلمته وقالي جاي بس بيمّر القصور اول
تركي جلس وقال : استريح
جلس اسر وفلاح وتركي قدام بعض ، فلاح : ادري ماهو بوقته بس صقر اليوم قالي يبي يخطب
اسر رفع عيونه وقال : ماشاءالله ؟ بمن !
تركي : شف شف الورعان !! وساكت علمنا يخي نحتاج جرعة روقان
اسر ضحك وقال : اسلم يالقافية ! شاعر ي تركي من ورانا هاه ؟
فلاح : بالبندري
كح اسر بصدمة وضحك تركي وقال : تستهبل ؟
سكتوا لثواني وصرخ تركي : هاااااه !!!
فلاح بخرشة : وجع وجع !!! فالمستشفى يمريض اصه
اسر بصدمة : البندري وصقر ؟!! وشلون قاله ع اي اساس ؟
فلاح رفع حاجبة وقال : وش عرفني !!
تركي : ومهُاب اللي بيهبدنا بعد العيد ؟! يعيال يخوف انا اقول استخيروا وارفضوه !!
اسر ضحك وقال : بنعطيه غالية
فلاح ابتسم وقال : صح !! م فكرنا فيها
اسر هز راسه بنعم وكمل فلاح : وتهقّاها توافق ؟
اسر وهو يمسح ع شنبه : من اول م تطلقت وهي تروح مع امي وتجي معها تدور لها عريس ولا ربي كتب غالية زهقت من الشايب والعيشة معه هي اعرست وهي صغيرة ترا ! قعدت معه ٢١ سنة !! بعدها طلقها بارد الوجه بعد م تزوج عليها
فلاح : الله يعوضها ! وبعدين كأنه يبي لك حلاقه ؟
اسر ابتسم وقال : منهو انا ؟
فلاح هز راسه بنعم وكمل اسر : اني والله ادري بس انتظر العيد يجي واحلق
تركي : حلق شنبك بعد
اسر ضحك وعيونه متوسعة نطق بصدمة : ليه اربّ عقلك معه !؟
تركي ضحك وقال : نسيت انك قول وفعل وطلعتها من البيت
اسر مسح ع شواربه ونطق : شنب ذا م فيه مزح
فلاح : حيي والله عيييينك !
كل واحد سحب جواله ينتظرون عقاب يصحى ويستفيق ..
" في مطار حايل "
نزلت واتصلت ع عبير ووصلها صوتها وهي تقول : يمرحبا يبعد حيّ وميّتي !!
دانه ابتسمت وقالت : جابني الشوق ي عبير !!
عبير ابتسمت بحنّية ونطقت : يالبييييه قولي لي انتس بحايل !!؟
دانه هزت راسها بنعم وقالت : امانه لاتقولين له شيء ارسلي لي الموقع انا اجي
عبير : ابشري
سكرت دانه وفعلاً ارسلت الموقع لدانه اللي سرعان م وصلتها الرسالة انطلقت للوجهة ، بعد مدة طويلة جدًا وصلت ونزلت وشافت بيت منقطّع عن العالم ، بيت منعزل مرعب ، ضحكت بحماس وقالت : والله لا اضّوي بيتك واعيشك عيشة ملك والله م اتركك لو اني بعيش بسجن ! سجني معك حياة ! وقصور ورفاهية !!
مشت ودخلت وضمّتها عبير اللي بكت علطول ، دانه وسط دموعها : يحبيبي ليييه الدموع والله م اخليكم كذا والله ان انتقم لكم وقسم بالله لا اكسر ظهره واحسّره حسره وانا بنت ال سليمان !!
عبير باست خد دانه ونطقت : م تقصرين يبعد حيّي ! تعالي ادخلي بهاه بتحصلينه جالس يقرآ مصحفه !
مشت دانه ونزلت عبايتها ، ضحكت عبير وقالت : مزييوونه ي حَرم الفيصل والله مزيونه !
دانه تركت شعرها وتعطرت ، مشت تدخل وتقفل الباب وراه نطق وقال : عبير واللي يرحم والديتس خليني عشر دقايق لحالي ماهي بحاله كل شوي جايه..
سكت من استنكر ريحة العطر لف بهدوء ، ضحكت وقالت : ماهري !
ماهر قام ع رجوله وركض بكل قوته ، ضمّها بصدره ودخلها ضلوعه ، يستنشق كل م فيها ، م قوّى يبكي هو ميت فرح ودموعه حّرمت عليها النزول ، ضحك وقال : حبيبي انا حبيبي !! ودنيتي وراس مالي يمال الغناة ي لؤلؤة الفيصل وخلّف اهله !!
دانه ابتسمت وقالت : يحبيبي انت !! شخبارك تكفى طمني عليك بس جيت اعرف انك بخير ولا لا !!
ماهر ابعد وباس خشمها وقال : بخير ي دانتي بخيير !
دانه ضحكت ودموعها اختلطت مع ابتسامتها ، ضحك وقال : يالله وشذا يالله !!
دانه ابتسمت وقالت بهمس : وجاية بفكرة ادري انك بتفهمني غلط يالخبيث بس لازم يمسّك زواجنا حمل !! وطفل يحمل اسمك واسمي !
ماهر ابتسم وباس راسها بقوة وقال : خوفي يوجعوني فيتس والله م اقّوى بيهدون حيلي !!
دانه بحدة : يخوي انا راضية !! انا ارضى الوجع عشان عيونك
ماهر ابتسم وباس راسها ، طلع يركض معها ، مشى ودخل غرفته معها ، ابتسم وقال : وين بيتنا بس ! اه يالقهر
دانه انفجرت تضحك وقالت : لا تدري وش بنت القصور والدلع والغنج تقول قبل شوي
ماهر حاوط خصرها وشّدها عليه وقال بصوته الثقييل : وش تقول النونو ؟
دانه حمّرت من نطق بالكلمة وقالت بتخدر : هاه ؟
نزل وباس منطوقها وارتفع بخفه وقال : سمّي يالنونو ؟!
دانه تسارعت نبضات قلبها ، دفعته عنها وضحكت بخجل وقال : ارضى السجون معك !
ماهر سحبها وقال بهمس : ويلوموني ؟ حرام عليهم يلوموني !!
سحبها معه وو..، وفعلاً انكتبت دانه حَرم لماهر ، بدون حفّل رسمي لكنها حلاله شرعًا ..
:::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم ❤️
( ارحبوا يحباااااني رجعنا ببارت جديد يحبه قلبكم !!! ، صح انه يضغط من جهة آل مقّبل بس ماهر ودانه والميلا وآسرها لذييييييذيييين 💍 ! عطوها حقها يحباااااني ولاتنسون النجمة 🤍! )