ငါ့ကိုပွေ့ဖက်ထားနိုင်မလား(ဘာသာပြန်)

Chapter-12,13

Unicode

Chapter-12

ဧကရီ ချွန်ရုံ မေ့လဲသွားတဲ့အချိန်ကတည်းက အသက်အန္တရယ်အတွက် စိုးရိမ်‌နေရတာကြောင့် သူမ လုံးဝပြန်ကောင်းသွားတဲ့အထိ ငါသူမနဲ့အတူတူနေပေးခဲ့တယ်... သူမအသက်ကို အချိန်မီကယ်နိုင်သွားတာ တော်သေးတယ်...

ငါဧကရာဇ်ကို အဲဒီတုန်းက အကြောင်းတွေပြောပြလိုက်တော့ ဧကရာဇ်က ထွက်ပြေးသွားတဲ့အစေခံမိန်းကလေးကို ဖမ်းပြီးစစ်မေးခဲ့ပေမယ့် ထိုအစေခံက ဝန်မခံခဲ့ချေ...

ထိုနောက်မှာတော့ ဧကရီကိုအန္တရယ်ပြုခဲ့တဲ့အတွက် ဧကရာဇ်က သူမအားခေါင်းဖြတ်အပြစ်ပေးခဲ့သည်..တခုခုက မသင်္ကာစရာကောင်းနေတာကြောင့် ဒီကိစ္စကို စုံစမ်းဖို့ ငါ့လူတွေကို အမိန့်ပေးလိုက်တယ်... ဧကရာဇ်ရဲ့ကာကွယ်မှုအောက်မှာ ဧကရီကလုပ်ကြံခံခဲ့ရ‌ပေမဲ့ တရားခံကို‌တော့ အခုထိမမိသေးပေ...

ဒီကိစ္စက ခေါင်းရှုပ်စရာကောင်းပေမယ့် ငါဖြေရှင်းရမယ်... ငါ့လူတွေလဲဘာမှ မသိရဘဲပြန်လာခဲ့ကြသည်... သူတို့နေရာတိုင်းကိုသွားပေမယ့် ဘာသတင်းမှရှာလို့မရဘူး လို့ပြောတယ်... ကြည့်ရတာ ငါထက်ပိုပြီးအကောင်ကြီးတဲ့လူနဲ့ ရင်ဆိုင်နေရပြီထင်တယ်... ဒီအချိန်က ချစ်လှစွာသောအစ်မနဲ့ မမွေးရသေးတဲ့မိသားစုဝင်အသစ်လေးဆီ သွားလည်ဖို့အချိန်ရောက်ပြီလို့ ငါထင်တယ်...

သူမရဲ့အဆောင်ထဲမှာစောင့်နေတုန်း သူမဝင်လာတာကြောင့် ငါဦးညွှတ်ကာ သူမကိုအရိုအသေပေးလိုက်သည်... "မင်းဘာလိုချင်လို့လဲ" သူမက လိုရင်းကို တန်းပြောသည်... မျက်နှာဖုံးနောက်ကွယ်မှာ ငါပြုံးလိုက်ပြီး ကလေးအဝတ်အစားတွေပါတဲ့ ခြင်းတစ်ခြင်းကို သူမဆီလှမ်းပေးလိုက်၏..

"ကျွန်မက မိဖုရားရဲ့ လက်ထပ်ပွဲနဲ့ ကိုယ်ဝန်အတွက် ဂုဏ်ပြုဖို့လာခဲ့တာပါ... ဧကရီကိုပြုစုရင်းအလုပ်များနေတာမလို့ ကျွန်မဂုဏ်ပြုစကားဆိုဖို့ အချိန်မရှိဘူးဖြစ်သွားတယ်" ငါပြောပြီး ထိုင်လိုက်သည်...

သူမက ငါ့ဘေးမှာထိုင်ပြီး အစေခံတွေကတော့ အကွာအဝေးတစ်ခုမှာ ရပ်နေကြ၏... "ဧကရီ့မှာ ဧကရာဇ်ရဲ့ကလေးလွယ်ထားရပြီလို့ ကျွန်မကြားခဲ့တယ်... အဲ့တာက လျှို့ဝှက်ထားတာဆိုပေမဲ့ မိဖုရားလည်း သိသင့်တယ်ထင်လို့ပါ"ငါလိမ်ပြောလိုက်ပေမဲ့ သူမ ယုံသွားက ဒေါသထွက်လာ၏...