جار الضبع

بارت (21)

#جار_الضبع
بارت (21) بقلم يـاسـة

وكــانك وشمت أسمك على جدران قلبي
تعويذة عشقك لا يصبر ولا يعشق سواك

وحدي أعيش الحزن وحدي
وحيرة الدنبوس دوم ايدي ع خدي
ولا تگول أحنه انتهينه
خلها مبتسمه الصور بالك تگلها تفارگينه

🌿🍃🌿🍃🌿🍃🌿🍃

الأمان بس يمه شفته صارلي السند والحظن الدافي الأزيح همي عنده كلشي صعب يهون بكلمه منه صوته وحده يزرع الهدوء بداخلي
جان حاميني وراه ظهره ويعارك بدان ع مودي رغم كل الحزن السببته اله ورغم الكسرة والخذلان المر بيهم بسببي بس ما هان عليه يشوفني انضرب ويسكت

بدان--مُلهم لا تتدخل اگزح لغاد

مُلهم --دحجي بعيوني زين وخلي كلامي ترجيه بــأذنك والخلق محمد إذا تمد ايدك عليها اكسرها
الك واعلكها بركبتك

--حرمتي هاي

باوعت ع مُلهم فتح كف ايده وسده اكثر من مره يحاول يخفف من عصبيته وراها اخذ نفس وزفره ورجع يكمل كلامه

--اعرف حرمتك وانه وهذا المربطني

--انطينياها اريد أدبها

نور-- گول يا الله خويه الوادم عدنا وكلهم يسمعون شيگولون علينه وهي ما عملت شي هسع صعدت مسكينه من الصبح وهي تشتغل

--لا احدددد يدخلللل اطلعو بره

مُلهم لزمني من ايدي ومشى بيه يريد يطلعني من الغرفه بدان ما قبل أطلع وگف بــ الباب مانع مُلهم ياخذني

بدان--وين ما خذها

مُلهم--ازحگ من خلقتي لا تختبر صبري

--ما تطلع عتبه الباب

مُلهم بسرعه جر أيده مني ودفعني عليه بعصبيه وعاط بصوت موتني قهر فوگ قهري

--تماااام هاي عفتها وراح اطلع بس قسماً بالله يا بدان اذا مديت ايدك عليها لو اذيتها ادفنك هين

حجي هيج وطلع من الغرفه سريع
هو طلع واني روحي طلعت وياه متت من البجي بقيت اعيط بصوت عالي
نور اندارت عليه تسكت بيه وبدان راح للكنتور
طلع ملابسه يلبس بيهم
وأني گاعدة بالگاع وابجي حتى صوتي انبح

اخر شي بدان گال النور تطلع يريد هو يحچي وياي نور طلعت وسدت الباب وراها
اجه هو تقدم عليه ولزم ايدي بسرعه جريتها منه

بدان--كافي سكتي ما احاچيچ بعد

جُمان--الله ياخذك يارب اشوفك ميت انكس موته
واكف فوك كبرك اطش چكليت

--ميخالف ادعي عليه براحتج بس سكتي كافي
بجي عيونج راحت

--وخر مني الله ينتقم منك تكتل الميت وتمشي بجنازته