لالي ذنب ولا انت عاصي

6

في بيت بو فراس
الي كان عامر بالاصوات جاء ثامر وهو يفرش الفرشه و يرتب عليها المساند و التكايات
في الطرف الثاني من الحوش كان فراس فوق الشجره وهو يربط مرجيحه للبنات
اما سعد كعادته راجع من البقاله محمل اغراض للبيت و ام فراس الي كانت فوق درج تكلم ولدها حمد وتوصيه ينتبه من الطريق
حمد : ابشري بس علميني تبين شي البنات يبون شي عشان اخذه معي عزيزه تبي شي
ام فراس:استنا يمه بسألها عزيززززه ي عزيزه تعالي يمه
عزيزه :هلا يمه امري
ام فراس:حبيبتي اخوك يقول تبين شيء عليك اغراض ناقصة
عزيزه باحراج :لا يمه هي بس خطبة
ام فراس:متأكده متبين شي
عزيزه:ايي يمه
جتهم هناء مسرعه :يمههههه انااا ،،ضحك ام فراس على شكل هناء الي كانت نص شعرها طاير
هناء :انا يمه ابي اغراض
ام فراس : هاك كلمي اخوك
اخذت هناء الجوال وطلعت ورقه كامل شهقت ام فراس من كبر الورقه :انتي فعقلك ليكون انتي العروس واحنا ما ندري
هناء بمزح :لا ابشرك مني معرسه بس ارتاحي و هذا شي بسيط من طلباتي ،حطت الجوال على اذنها :حمد تسمعني
حمد :لا ما اسمع
هناء :كويس عشان اذا جيت امعط اذانك و فتحها لك كويس
حمد بضحك :شتبين انتي يعني كل ما كلمت امي تنطيلي انتي
هناء:ايي لازم حتى لو تزوجتم اقعد على قلوبكم وتربع اقول اسمع جيبلي .......بعد نص ساعه
حمد : بنت شايفتني الراجحي ولا مول
هناء بضحك :ي بن الحلال اذا جيت نتفاهم
حمد :الله ينصرني فيك
هناء بفزع :استغفرالله العظيم وش سويت لك
حمد بضحك :استغفر الله بس هذي اخر مره عشان خاطر ميمتي
هناء بستهزاء:انننننن ننننننن اقول هك امي بروح انا ابرك لي
اعطت امها الجوال وراحت لفراس
ام فراس:اسمعي ي يمه يمديك تلحقنا الليلة تنامون عندنا
التفتت هناء بقوه :ايششششش صادقه يمه ،طاحت على ركبها وتمثل البكاء وتضرب رجولها :اخخخ ي هناء وش سويتي في حياتك عشان ربي يعاقبك بعيال حمد شاب راسك و باقي بتشيب عيونك اخخخ بس
ضحك فراس:الله يعينك ويكون بعونك ربي استجاب دعوة حمد هههههههههههههههههههههههههههههههههههههههههههههههه
هناء بتمثيل البكاء:اههه نعم الله يعيني و رجعت مسكت رجل فراس الي كان فوق شجرة:تكفى ي فراس تكفى انا اختك الصغيرة تكفى خذ معك فيصل و رائد عاد قمر بزره بكفخاه وبتروح
فراس :هههه الدنيا ما تمشي على كيفك لازم مقابل
هناء بطرف عين : لو تنط عينك ونها فيدك ما تخذ ريال
فراس :اجل معسلامه انا خارج الخدمه
هناء: انتقلع يلاا مالت عليك ،سحبت رجله بمزح على طول تمسك وهربت وهو يتواعد فيها
دخل عليهم حامد و زوجته والكل يرحب ويسلم على نوف الي :كيفك ي عمه عساك طيبه
ام فراس:طيبه ي عمري كيفك انتي و كيف حفيدنا الملقوف
نوف بضحك : اخخ يعمه فقع قلبي ما يجلس ولا يسمع الكلام
ام فراس:الله يهديه تعال تعال نروح نسولف ونتقهوى
نوف :حامد تاخذ رائد معك
حامد :اكيييد الرجال ميقعد الا مع رجاجيل صح
رائد :ثح
وصلو ضيف ام فراس رحبت فيهم و قلطتهم وارتفعت الفرحه في كل مكان ضحك و سوالف بس عاليه كان تبي امها فراحت عند عمتها ام فراس:عمه امي متى بتجي
ام فراس بحنان:بتجي قريب
ام بشاير:يحليها بنت مين هذي
ام فراس:بنت جارنا تركي
ام بشاير:ماشاءالله تبارك الله الله يخليها لهم وين اهلها
ام فراس:بعلمك بعدين خليني اوديها عند البنات تلعب معاهم
ام حمده :يعمري شوفي ي فاطمه اصغر من بشاير وحمده ماشاءالله
طلع ام فراس ومعاها عاليه شافوها البنات واستغرب منهي هذي البنت اول مره يشوفونها وشكلها يقول مو من بنات الديره حتى هناء ومناير اول مره يشوفونها بس عزيزه شافتها و لعبت معاها
ام فراس:عزيزه خذيها معاكم هذي ضيفتكم صغيره
اخذتها عزيزه:تعالي ي عاليه تعالي سولفي معانا
استحت عاليه كانت ساكته بس البنات اخذ يسولفون معاها حتى صارت تاخذ و تعطي معاهم و يطقطقون على بعض من هنا بدأت صداقتهم
..................••..............
كانت الشرطة تحاصر المكان من جميع الجهات و بومازن كان يعبي السلاح و لبسه ينتظر الاشارة من الشرطي عشان يتحرك
الشرطي : اسمع لا تثق في اي واحد الا رجال معه ندبه على وجهه خاصة على عينه هذا جاسوسنا وزيي ما قلت
بومازن :تمام
الشرطي :يلا فزز
تحرك بو مازن بحذر و دخل بدون ما ينتبه عليه احد شاف رجال كثيرين معاهم اسلحة و مخدرات و اطفال واخذ يدور على الرجال الي وصفه الشرطي له يبحث له بعيونه الا ان لقاه ماسك سلاحه على الجدار يراقبهم بصمت وهم يبيعون ويشترون في الاولاد مشى بومازن لرجال بو ندبه ومسكه و رفع اصبعين عرف بو ندبه الاشاره ومسك بو مازن بكتفه و همس في اذنه :دقايق و اجيك
مر الوقت و جاء بو ندبه وعلى جتفه كيس زباله عرف بو مازن اش بطن الكيس واسرعو في الخروج ورفع بومازن يده وهنا هجمت الشرطة ولمح البصر انتشروا في كل مكان :ارفعوا ايديكم وسلموا انفسكم بدون مقاوم فـ انتم محاصرون الشرطة في كل مكان
رموا اسلحتم لما شافوا انهم محاصرين بعدد كبير من الشرطة
الشرطي :خذوا اسلحتم و كلبشوهم بسرعه
وبسرعه اخذوا الاسلحه و كلبشوهم و اخذ الاطفال و بضعتهم
الشرطي:اخذو الاطفال و اتصلوا على كل عايلة فاقده ولدها و اخذ المجرمين لسجن
طلع الشرطي لـ بومازن الي طاير من الفرحه بولده ويبوسه ويحضنه لكن في شيء غريب في مازن انه ما بكى او تكلم بس يرجف رجف مو طبيعي لحظ بومازن ومسكه بومازن وناظره :مازن يبه عرفتني
ناظره مازن و بدون سابق انذار بكى بكاء هستيري وحظن ابوه ابو مازن ماسك دموعه لا تطيح:خلاص ي باب خلاص
الشرطي ما حب يتدخل وراح لـ بو فراس الي طاير من الفرحه لخويه :ي بو فراس تعال انت و بو مازن بكره لي فقسم ابيكم
بو فراس: لا لا بنجيكم بعد شوي لان ابو مازن بيكون مشغول
الشرطي :انتظركم
راح بو فراس لبو مازن قام بو مازن الي عيونه تلمع لمع حطنه بو فراس بفرح :الحمدلله ي بومازن الحمدلله الله يخليه لكم
بومازن بفرح :تعال اعرفه عليك ،،مسكه بو فراس:خلها لبعدين خلنا ذلحين نخلص شغلنا مع شرطة و نروح عشان تبشر مرتك
بومازن :والله إنك صادقه
اخذ بو مازن ولده و راحوا خلصوا شغلهم مع شرطة و راح بو مازن و بو فراس لاقرب مول و شرو له ملابس و العاب و حاول يغيرونه نفسيته شوي بس كل ما شاف ابوه يحاول يسعده يبكي ويحضه ويقول :بابا تكفى لا تتركني بابا تكفى لا تخليني ، حظنه بومازن بقوه ويمسه يده على ظهره ويهديه :والله ما اخليك ي مازن والله ما اتركك سامحني ي مازن سامحني هنا نزلت دموع بو مازن وناس تجمعو عليهم مسح بو مازن دموعه بطرف شماغه ومسك يده :يلاه ي مازن يلاه امك تنتظرنا
ابتسم مازن لأبوه
عند ام عاليه كانت تبكي بشده و تمسك قلبها جت امها وهي تراها تبكي مسكت حظنتها عشان تخفف عليها بس ام عاليه إشتدت بكاها :يمهه خايفه يكون هذيك جثته يمه قلبي والله ما يتحمل والله انتحر
الام:ي بنتي ادحري شيطان قومي يلاه قومي صلي ركعتين و اقري قران ويحلها ربك
قامت ام عاليه توضت و صلت ركعتين تعوذت من ابليس دق الباب مشت عشان تفتح الباب بس توقفت لما سمعت صوت الي لامس قلبها :ماما افتحي لي الباب، ركضت ام عاليه وفتحت الباب بقوة وطاحت على رجولها اول ما شافت مازن قدامها بملابس والعبه بيده اتسعت عيونها ونزلت دموعها اول ما لمست وجهه واخذته بقوه لاحظنها بكت بهستيريه لما حست بو لدها بين يدينها بكى مازن من بكى امه ومن فرحته انه انتهاء كابوس الي ماتوقع انه بيطلع منه بكاء بشده
مر ساعه من المشاعر الفرح
وام عاليه ما تركت مازن تخاف تتركه و يختفي دخل عليها بو مازن و حظن ام عاليه ومسكها :ما ابي تطول اكثر اكيد بنتنا في انتظارنا
ام عاليه بفرح :اكيد يلاه بروح اخذ عبايتي
بومازن :يلاه و انا بدق على بو فراس يجهز نفسه عشان نمره
يتبع 🩶........
لمعرفة موعد نزول البارتات الجاية تابعوني على حسابي بالانستا nn_wrhh