قام فراس من مكانه و بو فراس يراقبه بصمت و هو يركض بسرعه عشان يبعده عنها التيس ،اعترض طريق التيس فراس و كان معاه عصا ضربها التيس على قرونه بقـوه طاح التيس ومسكه ثامر و حمد و ربطوه اما عاليه كانت في حالته رعب اخذتها هناء وهي تضحك عليها و ساعد حامد فراس لانه كان يعرج شوي و راحوا لأبوهم الي كانت يراقب بـهدوء جلسوا وهم يضحكون جلس ثامر وقال :صدقوني وانا اقولها من جــد هذولاء الإثنين لازم نبيعهم في سوق شوفوهم زينهم تيوس أصيله ماشاءالله [يقصد رائد و فيصل]
رائد : هههه وانت الغنمه
ناظره ثامر بنظرات و فيصل ما تحمل وضحكك: بفف هههههههههههههههههههههه شوف ي عم ثامر ترا احنا اذا قمنا قمنا بس التيس كل ما قرب منك تخوفه اكثر منا
حمد : فـيصل
ثامر : اتركه ي حمد انا اوريه ،لف ثامر لبوه :يبه تذكر في عرس عزيزه ان في احد كان على المايك
نط فيصل و رائد واحد يبوس راسه والثاني يده ، فيصل بهمس:تكفى ي عم ثامر ي المطلق تكفى والله ما تتكرر تكفى ان كانك تعز ابوي
صد ثامر ببتسامه مخفيه ومسك وجهه رائد ولفه له :اسمع زين والله اننا نتوب اذا ما خبرته صدقني
ثامر بعناد :لااا [وبعدهم ]يبه ترا رائـ..[و مسك فمه رائد ]بممم بممم
بو فراس بعقد حاجب:وش فيه رائد وش مسوي
رائد وهو يحاول يغير السالفه:ولا شي ي جد تعرف عمي ثامر يحب يبدع لنا
بعد ثامر يده :هم الي كانوا على المايك
بو فراس : رائد و فيصل صح
ثامر ببتسامه عريضة:اييي
قام بو فراس بعصاته ناوي يضرب فيصل و رائد بس فيصل حب ينتقم قبل لا يهربون ،كيفخ ثامر تحت اذنه و هرب و ثامر رغم الضربه الا انه داري ان ابوه بينتقم له ولا قصر بو فراس طرد و ضربهم و رجع وهو يضحك عليهم و جلس و صب له حامد قهوه
حامد ببتسامه :علامك يبه تضحك
بو فراس:اولادكم غبلان يشبهونكم يوم كنتم صغار
حمد:بس احنا كنا اهون منهم هم مره
لف بو فراس لـ فراس عشان يقوله شيء بس لاحظ ان فراس مو معاهم بو فراس:فراس انت لك كم يوم متغيره مره مو فراس الي انا خابره
انتبه له فراس :انا لا طبيعي يبه ما بي شيء
تنهد بو فراس و جاهم فيصل و رائد بصحن فيه كيك و عصير و حطه وقال :الكــيك ي جماعة الخير
بو فراس:بس وخر العبيش ذا عني
حامد:والله طعمه يجنن يبه جربه
ناظر بو فراس و صد ما يبي :بس خذوه أنتم
تجمعوا العيال و اخذوا لهم قهوة و تركوا العصيرات
......
عند البنات
الي كانوا متجمعين ويسولفون بس قمر كانت ساكته ولا تأكل معاهم و الكل ملاحظ ،قامت و دقتها امها :تعالي خذي كيك
قمر :بس يمه مابي وبصوت خافت وبروده : بروح لهذيك الشجره
غدي :لا تعالي اجلسي هنا
قمر:يمه والله ما اروح مكان بعيد و اصلاً قريب
غدي:طيب بس ي ويلك اذا تأخرتي
قمر : طيب
راحت قمر بين الأشجار ولا هي حاسه بنفسها تمشي وكان في شخص يجرها ، بدت الأشجار تكثف و بعدت كثير عن أهلها وكل ما تحاول تسيطر على نفسها ما تقدر،وقفت لا إراديًا على شخص أسود وعيون صفراء يضحك لها ويناظر بشراسه خافت و هو يقرب منها وهي ترجع على ورا اخيراً قدرة تسيطر على نفسها و هربت وهي تبكي وتصراخ لانه يجري وراها مثل الكلب وهي تصارخ بقوه عل وعسى يسمعونها بس هي بعـيده عنهم عشان يسمعونها ، و كائن الغريب كل ما قرب منها تزداد صوت ضحكاته أكثر وهي تبكي و تركض بقوه
اخيراً شافت ابوها وعمانها متجمعين ويضحكون صرخت بقوه :يــــبــه
.......
عند العيال
حامد بمزح :والله ما تفوز
سعد :ي رجال لا تحلف
حمد: ي سعد ترا كل مره تنهزم فيـ...[صوت صراخ ]
صنموا كلهم يبون يتأكدون من الي سمعوه و رجع صوت الصراخ قاموا كلهم و رموا الاوراق راح حمد ينادي على زوجته : ي غدييي
طلع له غدي :هلا
حمد بقلق :قمر عندك
غدي :لا ليه مسويه شيء
حمد:لا والله بس سمعنا صوت صراخ يشبه صوت قمر قلت أتأكد اذا انها عندك
غدي بخوف : لا والله مو موجوده قالت لي بتروح لهذيك الشجره
راح حمد يشوف اذا انها في بس مكان في الا ربطة شعرها مسكها و راح يركض لـ ابوه و فيه ربطه :يبه بنتي يبه مو موجوده
فراس :متاكد مو عند الحريم
بو فراس: طيـ...[رجع صوت صراخ بس بقوه ]
لف حمد للغابه و صراخ بصوت قوي هز المكان:قــمر
وركض بتجاه الغابة و وراه سعد و حامد و ثامر اما فيصل و رائد اخذهم فراس على جنب ،،وهم يركضون في الغابه و يصارخون عل و عسى يشوفونه حمد بصراخ :قمررر
حامد:قـمر
..
قمر الي خلاص معد تقدر تركض زياده بس حين سمعت صوت ابوها يصارخ بسمها هنا بكت زيادة و كملت ركض بس لفت تشوف اذا الكائن باقي يركض وراها و ما شافت وقفت تتلفت يمين ولا يسار اذا انها تشوف ابوها بس حست بيد مثل الثلج يمسك رجولها لفت تشوف ببطء لقته عن رجولها و رافع راسه ويبتسم لها من قوة المنظر البشع صرخة باقوى ما عندها و سحبها للوسط الغابه بس هي تمسكة بجذع شجره وهو يسحبها بقوه و يضربها بقوه وهي لازالت متمسكه بالجذع و تبكي بشده
...
سمعوا صوت الصرخة الاخير وراحوا يركضون بتجاهها و دخلوا بين وسط الغابه وهم يصارخ بأسمها لقيها حمد متمسكه بجذع و شافه على سريع ظل اسود كان يسحبها بس يوم شافهم طاحت من بيدن يدينه و قامت مسرعه لأبوها و حضنته و كانها بتدخل بين ضلوعه من الخوف و رعب الي شافته مسكها حمد و حملها و يهديها بس مافي فايده تبكي بشده و تكرر من شدة الصدمة الي شافتها:يبه يبه يبه يبه
حمد وهو يصحيها من حالته :قمر قمر انا معك
حاول يبعدها عنه بس هي تشد عليه أكثر و أكثر:لا لا لاتفكني لا تفكني يبه بياكلني وهي ترجف بقوه
اخذها وهو يركض لبوه بس وهم يركضون تشوفه يلوح لها من بعيد وهو مبتسم و صاحت :يبــه بسرعـه يـبه تكفى بسرعه وقف حمد وهو يوقفها قدامه ومسكها بكتافها :قمر حبيبتي وش فيك وش قاعد يصير لك
قمر ببكى :يبه في شخص قاعد يبتسم لي و يلوح بكفه لي يبه شكله يخوف
لف حمد عشان يشوف اذا في احد او لا بس مكان فيه الا سعد و حامد، حمد :وينه مشوفه
قمر وهي تأشر بين الأشجار :هناك شوفه يلوح حتى بيده
كان حمد يتلفت ما يشوف شي ابداً نزل نظره لـ قمر الي تبكي وماسكه ثوبه و تناظر بين الأشجار، حمد: قمر لا تناظرينه و تتذكرين الآيات الي درستوها
قمر :اي يبه اتذكرها
حمد:اقريها و سبحي
حملها حمد وهو يركض بسرعه اما سعد و حامد الي متوترين و قلقين على قمر ،طلعوا من الغابه و توجهوا بسرعه عند ابوه الي كان واقف ينتظرهم جلس حمد و اخذ قمر و حطها على الأرض وهي تبكي مسكها بو فراس وهو يناظر حمد :وين لقيتها
حمد:بقول لك بعدين بس يبه إقرأ عليها شوي
بو فراس: طيب بس جيب مويه أغسل وجهها عشان ترتاح شوي و امها لا تدري
راح سعد يجيب مويه ، اعطاهم المويه و غسولو وجهها و شربت شوي و قرأ عليه بو فراس و حطها بحضنه و قال : قمر قولي لي وش شفتي
بلعت قمر ريقها بقوه ثم نطق :جدي شفت شخص يخوف كان يناظرني و يضحك و يلحقني مثل الكلب [ثم بكت ]
بو فراس:طيب انتي وش وداك هناك
قمر وهي تبكي:انا ما رحت بكيفي لا كان في شيء يسحبني لين لقيت ذا الشيء
بو فراس : خلاص خلاص بس خذي [وهو يمد يده لـ ثامر يجيب من الكيك الي معه لها ]هاك خذي من ذا الكيك و انا داري ترا انك ما صرتي تأكلين زيي قبل
قمر :بس
بو فراس بمزح:مافي بس كُلي عشان أعطيك هذاك التيس الي كان يطرده فيصل و عمك ثامر
قمر بستغراب:اي تيس
بو فراس:التيس الي كانوا يطردونه ما شفتيهم
قمر:لاا
بو فراس: عاد حلو نخليه مفاجاة لك
ابتسم قمر بخفه و حضنها بو فراس: تسلم ي جد بس ابوي بيرفض
بو فراس بمزح :لااا علميني بس اذا رفض والله ي هاذي العصا انها تأكل من لحمه
فيصل:ليش ي جدي تحب قمر اكثر مني ومن رائد
بو فراس:لأن الدلع للبنات و شده لرجال
.........••.......
عند عزيزه
كانت في سيارة الشرطة ،وقف سيف عشان يأخذ لها عشاء بس هي مكانة منتبه له كان تناظر الطريق و سرحانه فيه ،جاب لها شبسات و عشاء و عصيرات و مويه على حسابه و طلع من البقاله شاف شباب قاعدين يدخنون ورا المحل راح فتح باب السيارة عشان يدخل الاغراض السيارة و نسي انه ينبها قبل لا يفتح ،فتح شافها وتسعت عيونه بمنظر [ سبحانه من خلقِ وميزك ،كنت المحك وفي لمحتي لك كنتِ جميله بس ما كنت أدري إنك جميلة للحد الي ما قدر عقلي يستوعب ،غمازاتك المحفور كـ كمين لصقر جائع و شفتيكِ المنافسة للون الوردي وتغلبينها بلونها وعيونك أحلى من عيون المها،شفت فيك شيء فتن قلبي ] نزل عيون و تحنحن وحست فيه عزيزه و عدلت طرحتها ،سكر السيارة و فك زر العلوي عشان يقدر يتنفس [كيف أقدر أتنفس بعد الي شفته يالله ] وصل للشباب و اخذ منهم الصقاير و خاصمهم
............••...........
عند بو مازن
وصلوا و فتح بو مازن باب البيت و جلس وجلس جنبه مازن وهو قلقان عليه جت ام عاليه بمويه اعطتها بو مازن و جلست جنبه من الجهه الثاني و قالت :وش فيك ي تركي يوجعك شيء
ناظرها بو مازن بس قام :لا ي غزاله بس برتاح شوي قبل لا نمشي
مازن:يبه ادق على عمي حسين يقول لـ عاليه تجي
بو مازن:عمك مو موجود خلهم حتى و يجون ثم روح جيبها
مازن:طيب
راح بو مازن لغرفة و حط راسه على المخده وهو يفكر بالي قاله له ابوه
...........••.........
عند البنات في العزبه
قاموا وهم صاملين يربطون المرجيحه ،اخذت عاليه الحبل و هناء وراها وهم متوجهين لأكبر شجر وقفوا لفت عاليه لـ هناء : اذا طاحت ومت ولا أوصيك على لوحة مخفية تحت سريري
هناء :لا توصين حريص بس يلا
عاليه: يلا
مسك خصن كان قريب منها و حطت رجلها فـ يدين هناء عشان تطلع و فعل طلعت و مدت يدها لـ هناء : هناء اعطيني الحبل
مدت لها هناء الحبل و اخذته و ربطته و نزل راسها لـ هناء: هاهه جربي
مرجحة هناء : الله زبطـ..[و طاحت ]
ضحكة عاليه عليها و قامت هناء معصبه :الله ياخذك احح
عاليه بضحك : قلت لك جربيها مو ألعبي عليها
هناء بألم: طيب لا تضحكين توجع ترا
عاليه :طيب خلاص اعطيني الحبل
هناء :لا لا انزل بقول لـ فراس يزبطها
عاليه:تمام ياليتك قلتيه من البداية
راحت هناء ثم وقفت ورجعت و عاليه تناظرها بستغراب :وش فيك رجعتي
هناء بعبوس :الرجال مكسور
عاليه:اخخ طيب ثامر
هناء :مستحيل يوافق
عاليه: حامد
هناء: حمد بروح لـ حمد [وراحت وهي تركض بسرعه]
عاليه :طيب بسرعه
.... وصل هناء عندهم ونط جنب حمد والكل مستغرب :حمد
حمد بستغراب:هاهه
هناء بستغلال :حمد حبيبي تعرف انك أكثر واحد من اخواني خلك غلا ومحبه في قلبي
حمد : لا
هناء وهي رافعه حاجبها و بصوت رجولي : اصبر لسا ما كملت
حمد:لاا من الاخير
هناء:تكفى ي حمد والله أني أحتاجك في شيء مهمه تكفى
بو فراس:حمد قوم معها
ناظر حمد ابوه ثم هناء : يبه
بو فراس :انت توحي ولا ما توحي
حمد:اوحي يبه اوحي
و قام معاها حمد وهو نصف مبتسم على هبالها ونصف قلقان على قمر ، حمد وهو يدقها بكتفها :صدقيني انك ساحره
هناء وهي تضحك ضحكة النصر : شكراً
حمد: ولو
وصلوا لشجرة و رفعت هناء اصبعها : أطلع زبط لنا المرجيحه
ناظرها حمد بنظرات جد : انهبلتي انتي
هناء : لا والله بس أطلع
حمد:ي بنت الحلال باقي كم ساعه و نروح وانتي تبغين تمرجحين الحين
هناء :اروح اعلم ابوي
حمد : لا بطلع بطلع ارتحتي
هناء ببتسامه:ايي
طلع حمد و زبط لهم المرجيحه و راح للعيال بس مسكته غدي و اخذته على جنب
غدي بـ قلق :حمد وين قمر
حمد:لا تخافي معانا هناك
غدي:أحلف بالله انها معاكم
حمد وهو يهديها:غدي حبيبتي قمر معنا لا تخافي
غدي : الحمدلله ريحتني
حضنها حمد و راح اما البنات يتسابقون على المرجيحه
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات تابعوني على حسابي الجديد بالانستا
nn_wrhh
YOU ARE READING
لالي ذنب ولا انت عاصي
Romanceلا يعلم ان كان يحبها منذ صغرها ام كان يهتم بها لانها طفلة ،لكن جميع شكوكه سوف تنتهي عندما يأتي ذالك اليوم الذي يراها فيه صدفةً... الكاتبة:حور العتيبي