لالي ذنب ولا انت عاصي

36

في الديره
بعد ما نزل الشمس العصر كانت هناء ماخذه برادي شاي و جالسه برا وشوي و طلعت معاها مناير و عزيزه و جلسوا طفشانين ، هناء :بنات تكفون اتصلوا على خالتي فاطمة ترسل لنا بشاير و تمر على حمديه تأخذها [قصدها حمده]
عزيزه:امي بتكلم بالجوال بس مدري مين بتكلم
هناء : يااليل
مناير:بدل ما ندق عليهم ليه احنا ما نروح لهم و ناخذ لنا اغراض من البقالة و نروح
فز هناء: والله إنك صادق يلا يلاا قبل لا يجي المغرب ما سولفنا معي البنات والله مشتاق لهم حيييل
قاموا البنات اخذوا عبايتهم و استئذنوا وطلعوا من البيت بس وهم طالعي مع الباب الرئيسي دخل ابوهم منه و تصنمو توقعوا يمنعهم
بو فراس بستغراب: ماشاءالله على وين!
هناء:والله ي يبه بنروح عند خالتي فاطمة نسولف مع بشاير زهقنا من البيت اذا سمحت لنا
ابتسم بو فراس: استئذنتم من امكم
مناير:ايي يبه
بو فراس: تمام بس لا يأذن الا و أنتم هنا
عزيزه: من عيوني
هناء :يبه ممكن طلب
بو فراس:أمري
هناء :ما يأمر عليك ظالم بس نبي معاك فلوس
دخل بو فراس يده بجيبه وطلع منها فلوس ما يقارب المئة : من عيوني هذي قبل هذي
مدت هناء يده لانها توقعت بعطيها بس اعطاها عزيزه ،عزيزه:تسلم يبه
ردت هناء يدها وهي ما زالت تبتسم ، تودعوا منه و كملوا طريقهم حتى وصلوا للبقالة و اخذ لهم شبسات و طلعوا مروا حمده اخذوها و وصلوا عند بشاير بس والي فتح لهم الباب طلع ياسر اخو بشاير صد عنهم و دخلوابس طاحت اغراض على مناير وهي داخل ،ياسر [اخو بشاير]بدون ما يحس :أساعدك
مناير:..لا
و اخذتها بسرعه و دخلت اما ياسر ولا أعطى اي اهتمام للموقف ولا حتى مناير كل واحد كمل طريقه ولا كأن ما حصل شيء
يوم دخلوا البنات شافوا عند خالتهم ضيوف سلموا و أخذتهم بشاير معاها لغرفتها
و الحريم يناظرونهم حتى راحوا ،واحده من الحريم : ماشاءالله تبارك الرحمن ي بنات اختك نوير يأخذ العقل
...: صدقتي سبحان الله كل وحده منهم تسحر
ام بشاير: الله معاهم
...: حتى البنت الي معاهم اتوقع انها بنت صيته بسم الله عليها
...: البنت الكبيره تجنن بحاول في ولد اذا انه يبي زواج بعطيه إياه
...: ماشاءالله عليك حتى كنت افكر اعطي ولدي وحده منهم
ام بشاير الي مبسوط بمدحهم لبنات اخواتها بس تسمي عليهم كل ما تكلموا تخاف عليهم من العين و الحسد
.........••.......
في المستشفى
صحى فراس وهو يحاول ياخذ نفس بصعوبه وهو يتكلم بس بصعوبه : ويـ..ـن .. عاليه ويننن
سعود مسكه و يرجعه على سريرها بس فراس يبعده يبي يطلع يشوفه اذا انها باقي موجوده
سعود : راحت ي فراس راحت
فراس:فكني بروح ...لهاا
سعود قرر يقوله عشان يهدأ :ي فراس خلاص هي بترجع لبوها خلاص بتتطلق من زوجها
وقف فراس ثم ناظر سعود:قول والله إنك صادق لا تمزح ي سعود
سعود:والله العظيم هذا بقولها لـ نايف بعد ما اغمى عليك
ضحك فراس بفرح و بعد سعود و ركع و حمد ربي و شكره انها بترجع له :يااااا رب لك الحمدلله و الشكر ياااارب
ثم اذأن صلاة المغرب : الله اكبر الله اكبر الله اكبر
أبتسم سعود ثم قومه و مسكه بكتافه : يلاا نصلي عشان نمر على دكتور اذا يمديدك تطلع عشان نروح لـ أمك ما وقفت أتصل من يوم ما سمعت إنك في المستشفى
فراس ببتسامه : طيب بس قول للممرضة تجي تبعد ذا الأسلاك عني
ضحك سعود ثم راح نادا للممرضه
بعد ما خصلوا صلاة وطلعوا متجهين للمستشفى لقيوا نايف يكلم شخص بس بعد ما قربوا منه طلع سيف
سعود بستغراب: سيف
لف له سيف و نايف ، سيف : سعود كنت ادور عليك
سعود: سم
فراس: احنا بنسبقك ي سعود
اخذ نايف فراس و راحوا للمسجد اما سيف فقال وهو يطلع جواله  :ي سعود امي تبيك تكلمك
سعود طيب بس تعال نجلس هناك ، جلسوا وفي نفس الوقت ردت ام سيف بس توقعت انه سيف
ام سيف : هلا يمه
سعود: كيفك ي عمه
استغربت ام سيف في البداية من الصوت ثم حين عرفته نزلت دموعها وهي تشهق : سـ..ـعـود
سعود : هلا ي عمه
ام سيف بصوت باكي : شلونك ي روحي عمتك شلونك ي بعدهم
سعود وهو يمسك نفس : لا تسأليني ي عمه انا معد احس انا بخير ولا مريض معد فيني أحساس
ام سيف: ي سعود ارجع عندي ي سعود ..ارجع خلني ابسوك و اشم ريحتك ي يمه تعال عند ولا احد بيمد لسانه عليك يمه
سعود: اعذريني ي عمه اعذريني والله ماني بجاين عنده بس سامحيني
ام سيف ببكى شديد: مو بيته ي سعود هذا بيتي انا ماله دخل بالي يجي عندي بس تعال يمه تكفى خلني اشوفك قبل لا أموت
سعود:خلاص يعمه خلاص لا عاد تبكين و ان بشوف
ام سيف : والله لنتظرك والله لستناك عند الباب
سعود: ي عمه ما احد يبيني لا قبيله ولا اب ولا ام شلون تبيني اجيك وهم اذا شافوني يرمون بالحجران سامحيني ي عمه والله مقدر اجيك
ما قدرت ام سيف تكمل كلامها من كثير ما تبكي عليه و قلب سعود يحترق كل ما سمعها تشهق اخذ نفس و قال : ي عمه
ام سيف : هلا يمه
سعود : انا بجيك بس مو بالنهار بجيك أخر الليل عشان الناس نيلم
ام سيف مو مصدق: قول والله
سعود :ما بقد احلف ي عمه لاني مدري وش باقي مخبيه لي الدنيا بس لا تقولين لأحد حتى وجيك انا و سيف
ام سيف بفرح :ابشر يمه من عيوني بس متى بجي
سعود: يمكن اليومين هذي
ام سيف كنت بتموت من الفرحه وهي حييل مشتاق له
..........••........
عند باب المستشفى
كان نايف و فراس يراقبون سعود من بعيد يحاولون يعرون من الشخص الي معه  ، فراس :وش كان يبي منك يوم مسكك
نايف : اقولك ي رجال يقول اء الا و أنتم معنا
فراس: قول والله
نايف :ورعع تكذبني
فراس:لاا استغفر الله انت ما تكذب انت طول عمرك صريح
نايف: اخخ بس اخخ ..والله اني صادق بس جاء وسلم ولا امداه يقول الي يبه الا وأنتم عند أذني
فراس وهو يراقب :طيب وش تتوقع يبي بـ سعود وسؤال الي حيرني وش علاقته بسعود
نايف :بسم لله الرحمن الرحيم وش فيكك هدأ يمكن واحد من خوياه او من معارفه احنا مالانا دخل يلا مروح قبل لا يكشفنا
رفع فراس رأسه:والله إنك صادق يلاا يلا
أبتسم نايف : فراسوو
فراس:سم ي طويل العمر
نايف: حبيبي وش فيكك فرحان
فراس: ليه باين
نايف فرحان من فرحته : مرره و رجعت فراس القديم
فراس :اهه ي نايف كيف مكون فرحان و لولي قريب و ترجع لي
نايف بتعجب:مين قالك !
فراس ببتسامه عريضة: سبقك سعود
نايف: ي ربيي كنت ابي اقولك انا بس عاد يلاا نمشيها لسعود
شوي و يجيهم سعود :هاهه ي شباب رحتم عند الدكتور
نايف: لا باقيي ننتظرك
سعود : تمام يلاا
.............••..........
بيت بو فراس
كانوا البنات في المطبخ يسوون العشاء مع غدي وهم يشتغلون كانوا البنات ملاحظين هدوءها و سرحانها قربت منها عزيزه عشان تسألها اذا هي تمام
بس حين مسكت كتفها انتفزت و تقول بسرعه : قمر فيها شيء في شيء
عزيزه وهي تمسكها :بسم لله عليك لاا قمر بخير
حطت يدها على قلبها و تحاول تستجمع انفأسها ، مناير : غدي حبيبتي وش فيك كذا حتى مصرتي تتكلمين معنا تعبانه شيء
غدي مقدر تمسك دموعها: لا ي مناير لا بس بنتي بنتي فيهاا شيء
حضنتها عزيزه و جابت لها هناء مويه ، شربت منها و هديت شوي ثم ناظرت البنات و قالت : اسفه ي بنات اقلقتكم
عزيزه : صراحه اقلقتينا عليك وش فيك قولي لنا وش فيها قمر عسى ما شر
قالت لهم غدي عن كل شيء في قمر و البنات خافوا على قمر و على حالة غدي الي باين فيها القلق و خوف و الارهاق
مناير: شوفي احتمال الي بقوله لك الحين يكون صدق الي في قمر
غدي بقلق: وش تكلمي
مناير: احمتال متلبسها جني
غدي بصدمه: منجدك
عزيزه: بس احمتال تكون غلطانه لا تتفاولين ... وش رايك ي غدي نقول لـ ابوي او تقولين لـ حمد يقول له
غدي : والله مدري وش اسوي انا خلاص ابي بس ترجعلي بنتي
ناظرت عزيزه لـ مناير ثم لفوا لـ هناء الي كانت بعيــده عنهم و تراقب بصمت
طنشوا هناء ثم بعدا ما هديت غدي رجعوا على أشغالهم
...........••........
في الطريق
بعد موافق الدكتور على خروج فراس توجهوا العيال لديرة وهم سوالفهم و ضحوكهم و يطقطقون على نايف ، لف فراس يناظر مع شباك سياره لف النتباهه نياق على الخط و بدأ الجوا ينقط بقطرات المطر و قال :
" ادل الزين دياره وراي بديارة الغالين
دياراً لو يشح بها المطر خضراً
مراعيها ..وفاه مقيداً شوفي
و انا وافي و من وافين
و غلاه يعن روحي لا تلفت
صوب داعيها .. يباريني
خياله و استحي منه و اصدالعين
اداري خاطره و اصد عيني عن مشاهيا
مثل ما براقعوا طير الهداد الحر و الشاهين
انا برقعت قلبي و المحبه سجن راعيها "
نايف:صح لسانك
سعود:والله ماك بهين ي شاعرنا الحزين
أبتسم فراس: ايييه ....
سكتوا شوي قال سعود : هذا طريق ديرتكم
نايف:ايي
سعود: ماشاءالله طلع ما بين احنا و أنتم إلا وأدي
فراس:يعني ديرتك بعد هذاك الوادي
سعود وهو يناظر الوادي : ايي بعد هذا الوادي ...
" من يشتري قلباً همومه ملايــين
...ويبيع لي قلباً من الهم خالي
عجزت اعدل مايلات الموازين
وليا اعتدل ميزان ..ميزان مالي "
نايف: سعود قلنا قصتك
سعود:اعذرني ي نايف..قصتي شبيه باليتيم المحروم
فراس: ي سعود احنا اخوانك قول لنا نشاركك في احزانك
سعود:...... امي و ابوي بعد ما انجبوني كبرت بينهم مشاكل كانوا اذا شلفني اي واحد منهم يقول : انت السبب
حتى اليوم الي تطلقو فيه قال القاضي فيه لأمي: تعطين الولد لبوه مقابل الفلوس
قال امي : وكم الفلوس
كان القاضي متعجب : 30 الف
رد امي عليه بوافق مع اني كنت أصيح و ابكي عند رجولها عشان ما تتركني بس رمنتي و مشت مع اهلها ولا تعنت تلف تشوفني ، اخذني ابوي عنده و ياليته تركني ولا اخذني
نايف : ليه وش سوا
سعود وهو يناظر الطريق : حطني ورا بيته و اعطاني ملابس و قال لي : هذا بيتك
و هو يناظرني بعيونه الي كارهتني التقوا عياله من حرمته الثانية وهو يحظنهم و يبوسهم وياخذهم معاله لبيته ولا كان يعني لا ماء ولا أكل
كنت مره آكل وأسبوع ما اكل الوحيده الي كانت تعطيني الآكل بدس هي عمتي زوجة ابوي كانت اذا أظلمت و الناس ناموا تجي عند و تعطني سراج و بعض الاحيان اذا راحت السوق تشتري لي مع عيالها مع ان امي الي من لحمي و دمي ما سويت سواتها ابد .....
بس ابوي اذا مر وشافني بملابس نظيفه و حلو يقوم يضربني و يمسك أذاني و يقطعها و يقول لي :من وين سرقتها
وفي يوم اعطتني عمتي جواله عشان أكلم امي فيه ردت عليه وهي تخاصمني وتقول لي كلام ما ينقال لطفل وانا ابكي و اقولها :ي ماما خذيني معاك ي ماما ارجعي لي بس شافني ابوي وكمل الناقص اخذ الجوال و كسره و يضربني حتى تخدرت معد احس بجسم انا حي ولا ميت بعد ما خلص مني اخذ الجوال و راح لعمتي يتفاهم معاها
كانت عمتي الوحيد الي قلبها يحن علي مع طفل مثلي منبوذ حتى من الناس الجماعه الي حلونا ...
و لما كبرت و صار عمري 15 قررت إني أشتغل عشان لقمة العيش و لقيت لي شغل مع باكستاني كنت اساعد بتنزيل الأسمنت ومكان يقصر كان يعطيني فلوس و يزد عليها ولما كنت امر على ابوي أسلم عليه كان ينفي اني ولده ويحرجني قدام الناس الي معه مع اني كنت اكرهه بس ما نزلت من أحترام كنت أحترمه لآخر لحظه شفته فيها
،بعد ما كنت اخذ فلوس العمل كنت اخذلي وجبه واحد في اليوم و الباقي اجمعها كنت اقول ماني لازم اجمع يمكن احتاجها قرب شيء
وفي مره كنت راجع في المغرب شافي رجال و نادا لي وانا من حسن نيتي رحت له بس مكنت أدري انه خربان ،اعطاني كيس كان فيه مثل الطحين أبيض قال لي وصله عند رجال يسكن بـ الحي عندكم
اخذته و وصلته عند الشخص الي وصفه لي بس نسيت صفات الي وصفها لي ووصلتها لشخص دمر لي حياتي كلها كان رجال حول الاربعين من عمره
مسكني ولا فكني أتصل على شرطه و اخذتني و ابوي يناظر فيني ولا كانه يعرفني
جلست في السجن مده و طلعت رجعت لديره عشان اقول لبوي الحقيقة بس ابوي بذيك الليله كان عازم فيها القبيلة كامل بمناسبة اول مولوده تجي
يوم شافني مسكني بيدي و طلعني برا مجلسه و تفل بوجهي وقال لي الفاظ تجرح بس انا ما أستسلم رجعت له و إنا اترجاه انه يصدقني و كان سيف معي و يقول و يساعدني بالاثباتات و تحاليل بس ابوي ما صدق و مسكها علي
و الناس تناظرني و تتهامس و اسمعهم يقولن عني " سكران .. حباب .. مدمن ..اكيد عشان كذا متبري منه.. والله ما الوم ابوه فيه .. ي خساره "
ذيك الحظه ابوي قال لي كلام و انحفرت كلامه بقلبي ولا نسيه قال : انت منت بولدي تفهم كم مره اقولك وانت ترجع عندي افهم و فكني من بلاويك حيل عني ي حباب ..انت ما تساوي شعره منا انا غلطتي يوم تزوجت امك و جيت على هذي الدنيا انت و امك غلطه تفهم غــلـطـه ما ابيك و الباب مفتوح اطلع منه و عيني هاذي لا عاد تشوفك مرةً ثانية استغفر الله العظيم
قلت و انا بي غصه كاتمها:اافاا ي يبه ..ما دام ما كنت ما تبيني ليه ما ذبحتني ..ليه تتركني انت و امي كذا في الهوى حطيتوني بين نارين لا انت تبيني ولا هي تبيني ..ليه بدل ما تذوقني مررارتي شيء انا ما لي ذنب فيه ....
بو سعود : اقول لا تطولها وهي قصيره الباب وراك ارجع معه يلاااه
سيف :يبهه هذا ولدك من لحمك و دمك شلون تسوي
قاطعه بو سعود بسرعه : يخس يكون ولديي تفهم هذا الخسيس الحباب مو ولديي
سيف : يبه سعود أصلًا ما اخذ له شيء عشان تقول حباب سعود نظيف
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات تابعوني على حسابي بالانستا
nn_wrhh