في مركز شرطة
كانت عزيزه جالسه بعبايتها و تهوجس بالي بيصر فيها اذا أنهم تركوا ناصر بس فز بخوف لما دخل عليها الشرطي ،زبطت طرحتها و رجعت مكانها وهي منزله راسها وهو مره يسرق نظر لها و مره يغض ما يقدر يقاوم جمـاله الفاتن شد على نفس و طلع ورقه و ناظرها و قال :ممكن تعطيني اسمك لو سمحتي
عزيزه بصوت خافت: عزيزه بنت حسين ال سعود
الشرطي :ونعم ، طيب صحيح ان الشخص الي اعتداء عليك بالضرب أمام العامه هو زوجك
عزيزه بحزن : ايي زوجي
ناظرها الشرطي وهو يشوف عيونها الي كانها تقول له عن معاناتها معه و قال في نفسه [ والله ما تطلع ي ناصر ] رجع للاوراق ثم قال :طيب ما اتصلتي على اهلك بلغتيهم بوضعك
عزيزه بغصه : مـ. ما قدرت كسر جوالي في اول يوم من زواج
الشرطي :كم عمرك
عزيزه: 25
الشرطي وهو يعض شفايفه من القهر: حافظه الرقم امك ،ابوك ، اخوك ،اي احد من معارفك
هزت عزيزه راسها بـ[لا]
الشرطي:لا تهتمي بدبر لك طريق تتوصلين بها مع أهلك و بروح الحين للقسم ابلغهم عن حالتك ، راح الشرطي [ سيف ] للرئيس القسم و بلغه بحالتها وافق انهم يستاجرون لها غرفه بـ فندق ، بعد موافقة الرئيس رجع سيف لـ عزيزه عشان يوصلها للفندق الي حجزوه ،سكع في الباب و فتحه شوي و قال : لو سمحتي استعدي بنوديك فندق ترتاحين فيه حتى نتوصل مع أهلك لان زوجك تم الحكم عليه بـ سجن سنه و غرامة ماليه
أبتسم عزيزه بينها وبين نفسها : طيب
أحست أخيرًا بالانتصار على ناصر قدرة تحبسه زي ما حبسها ويتعذب زي ما عذبها و التحطيم كبرياء وغروره لفت طرحتها على وجهها و طلعت له غض البصر و مشى وهي وراه
...........••.........
عند بو مازن
بعد ما ارتاح عاليه شوي اخذ شور و جهزت نفسها و راحت لأبوها الي كان يشرب موية بالمطبخ ولا كان حاس بيها وراه ، شافته هي بس تركته و راحت لـ مازن الي كان يتعطر دخل عليه مبتسم و قالت :مازنووو انت بتروح عشاء مو موعد غرام عشان تخلص العطر عليك
مازن بغمزه : يمكن القى بنت مزيونه
عاليه :وعع المشكله فيك أنت
رفع مازن حاجبه بمزح : لا والله
عاليه بمزح : ايي والله بس أنتبه
قرصها بيدها مسكتها و تناظره بصدمه :الله ياخذك اححح
مازن :احسن المره الجاي تكلمي زين معي
عاليه: صدقني انك مقرود [و هرب مسرعه لابوها ]:بااااباااا
طلع بو مازن مفزوع :هااااه
جته عاليه مسرعه و وراها مازن ،مسكت يد ابوها :يبه مازن بيقرصني
مناظر بو مازن عاليه:ليه يقرصك
مازن:يبه تقول اني مقرود [و كتف يدينه وهو وأثق ان ابوه بيوقف معه]
بو مازن بمزح : وهي صادقه
لف له مازن بقوه :اناااا يبه مقرود
بو مازن بضحك:ههههههههههههههههههههههههههههههههههههههههههههههههههههههههههههههههههههه لا انت غير بس يلا نروح عشان نرجع بدري
عاليه:يبه ابي اروح معاكم ابي اشوف وبال والله اني مشتاقه
بو مازن:اسموحه ي بنتي بس المره الجاي بس روحي مع عمك حسين و خذي اغراضك ترا عمك بيروحون للعزبه و عشان تلاقينا هنا تمامم
عاليه وهي منزل راسها :ابشر يبه
رفع بو مازن راسها :لاا بنت تركي ما تنزل راسها
رفعت عاليه راسها بفخر :ونعم بـ تركي
بو مازن:ما عليك زود
راحت عاليه تناد امها ، جت ام عاليه مسرعه :اسفه تاخرت
بو مازن بتغزل :ي الله شذا زين كله
ناظرته ام عاليه : تــركي
مازن :هيي ترا مسح تتغزولون راعوا مشاعر العزابين
بو مازن:مالي شغل زوجتي بتغزل فيها
ام عاليه بإحراج:يلااا تاخرنا ،راحت عاليه مسرعه تاخذ عبايتها و طلع معاهم و راحت لبيت بو فراس و هي مبتسمه
...........••........
بيت بو فراس
راح بو فراس و ثامر للعزبه و حمد و حامد يجهزون سيارات عشان الاغراض و الحريم
سيارة حمد / معاه ام فراس و غدي و العيال و نوف و رائد ورند الصغيره
حامد/ معاه فراس و مناير و هناء و عاليه و الاغراض
،سكعت عاليه الباب و فتحت لها مناير و رحبت فيها بفرح و دخلتها سلمت على البنات و ام فراس و راحت تجهز معاهم بفرح
حمد : يمه خلصتم
ام فراس:شوي شوي
راحت ام فراس مسرعه للبنات :ي مناير ركبي الاغراض لا تنسينها و اهاك المفاتيح اذا طلعتي سكري الباب معاك
مناير: طيب يمه
راحت ام فراس بقي هناء و عاليه و مناير وحامد و فراس ،ركبت مناير الاغراض ثم جت بعدها هناء محمله اغراض
فراس: هناء جهزتم
هناء:لا لسا
فراس:وش معاكم معد في مكان في سياره
حامد :ي رجال شكلهم اخذوا عفش البيت كله ما دريو انها بس للمغرب وبنروح
فراس:هههههههه شكلها واصله معاك
حامد: تلومني راحوا العجايز ما بقي الا ذول
فراس: اصبر بروح أشوف اش معاهم و أجيك
حامد وهو يمسككتف فراس: لا لا ريح بنت العم تركي هناك
فراس بصدمه:اماا متى جت
حامد:قبل نص ساعه
فراس:اشوا انك نبهتني قبل لا ادرعم عليها
و اخيراً جهزوا البنات و ركبوا وهم مبسوطات انهم جهزوا جسله لهم
هناء بهمس :ي بناتتت ريحتها تشهي
ضربتها عاليه بخف :بنت اصبري
مناير بهمس : هناء تكفينن لا تطيحينها وانتي تهتزين اذا ما بتقدرين اعطيني اياها
هناء بهمس : لا لا ما عليس بمسكها
عاليه:اني فوجه الله
دفت هناء عاليه بكتفها و ناظرتها عاليه بصدمه : بنت الكيكه لا تطيحيها
مناير: عاليه شوفيها ليكون انعبشت
طالعت عاليه بس الحمدلله باقي بزينتها رجعت لـ مناير ببتسامه: لا لا الحمدلله مكانها
مناير:اشوا كنت كسرت هناء
هناء : ي ربي صبرك
..........••.........
بيت بو متعب
وصل بو مازن و اهله و راح هو ومازن من جهه و ام عاليه من جهة الحريم ، و بين ما كانوا يمشون شافوا باسم يخاصم و راح من جنبهم لا سلام ولا كلام بس يخاصم بقوه طنشه بو مازن و كمل طريقه و دخل الجلسه سلام على ابوه و اخوانه و جلسوا ، بو متعب كان واصله معاه و في اي لحظه بينفجر بس ماسك على اعصابه كان بو مازن ملاحظ عليه و عارف ليش هوا كذا ،صب طلال قهوه لـ بو مازن و مازن و جلس جنب ابوه
بو متعب وهو معصب :تركي كنت تدري ان فايز بيتزوج
بو مازن بدون اي ردة فعل:ايي يبه كنت ادري
بو متعب بعصبيه : طيب ليش ما قلت لي هاههه ليه انت و راشد يعني تستغبون بي أقسم بالله العظيم إنك تندم [و قام و فيده العقال ] اسمعني زين
بو مازن: سامعك يبه بس هد شوي بيرتفع ظغطك
بو متعب بستهزاء:ههه بيرتفع ظغطي توك تتذكر ان عندك اب ي تركي توك اشغلتك مشاريعك و شركاتك هاهه نسيــت ان عندك اب
بو مازن: لا والله يبه ما نسيتك بس تعرف الواحد اذا مسك شغله ما يفكها حتى ينهيها
بو متعب وهو يبتسم بستهزاء: قول والله لااا عاد معرفتك ي تركي اول كنت تطرد و را حرمتك حتى تزوجتها وثاني ولدك والحين مشاريعك ماشاءالله تبارك الرحمن
بو مازن: يبه انا وش سويت فيك عشان تقلل من قيمتي تو اخواني و ولدي سويت لك شيء
بو متعب:ايي سويت ناظرني زين و قول بكل وضوح مـين منكم [يقصد بو مازن و راشد=بو فايز ]الي كان المخطط يمنع هذا زواج
تورط بو مازن وهو يناظر ابوه بس ما يبي يخرب زواج ولد راشد ولا يبي يسوي فتنه بينهم فـ قال : انـا يبه الي خطط لكل شي
صفق بو متعب وهو يناظره يصفق بقوه قام طلال و ياسر مسكوا ابوهم و رجعوه لورا لانهم اذا شافوا ابوهم بذا الحال يعني بيهجم على تركي وفعل هجم عليه بس ياسر و طلال يحاول يبعدونه عنه ما ،ياسر:يبه أدحر شيطان يبه
بو متعب:والله لكسر خشمك ي خسيس طلعت الرأس المدبر ورا ذا
بو مازن وهو يقرب من ابوه عشان يبوس فوق راسه:يبه الله يرضي عليك انـ..
كان بـ يكفخ بو متعب تركي بس جت بوجه مازن الي صدها عن ابوه و ناظر جده :صح انك جدي بس ما أسمح لك تمد يدك عند أبوي
سحبه بو مازن و رجعه وراه عن ابوه لانه بيفرمه بس بو متعب بعد الي قاله له مازن وقف وهو يشد على العصأ الي بيده و قال بصوت حــاد :خلك ساكت هذا ولدي وبمد يدي عليه مثل ما هو بـ أبوك
مازن بـ حده : أنت ما تستاهل يكون ابوي ولدك
بو متعب بصراخ : مــازن
بو مازن: مازن أطلع برا حتى اجيك
مازن:طيب يبه
راح مازن وهو معصب على جدك متجه للحديقه الخلفية ،لف بو مازن لـ ابوه بس كفخ بو متعب تركي و ناظره بكل اشمئزاز :لا انا عرفت اربيك ولا انت عرفت تربي ولدك ي حسافه ي حسافه
طلال:يبه هد و تعوذ من الشيطان [رفع طلال راسه لـ ياسر ]ياسر قول لحرمتك تعطيك الادوية حقت ابوي
ياسر:طيب
دقايق و جاء ياسر بالأدوية ،اخذ بو متعب ادويته و اخذ له نفس و رجع لـ بو مازن و قال وهو يركز عليه : ما دام انك كنت ورا ذا الخطه بتحمل مسؤولية
بو مازن وهو كان يحاول ياخذ رضا ابوه وهو منزل رأسه : ابشر يبه أتحمل كل شيء بس أبيك تسامحني يبه والله انها آخر مرة تتكرر
بو متعب:اسامحك لااا هذا بشرط ي تركي اذا تبيني أرضا عليك و اسامحك دنيا و آخره
بو مازن بدون تفكير:تم يبه تم اي شيء تقوله تك
بو متعب:متأكد ي تركي انا معد ابي خذلان من وراي
بو مازن:لا والله معد تتكرر بس سموحه
أبتسم بو متعب برضى وقال :أجل اسمعني وفتح اذانك زين ولا آبي أعترض
بو مازن:أبشر يبه
بو متعب ببتسامه:ابي زواج عــالـيه و يـاسر بعد شهر
رفع بو مازن رأسه و قام وهو مصــدوم وعيونه توسعت:ز.و.اج عاليه
بو متعب بطرف عين :ايي عندك اعتراض ي تركـي
بو مازن وهو راكع عند ابوه :يبه اي شيء لا عاليه يبه اي شي يبه هاذي وحيدتي ما ابي أجبرها
بو متعب وهو رافع رأسه: اجل لا انت ولدي ولا انا ابوك
بو مازن:لاااا يبه تكفى لا تحطني بين نارين يبه تكفى [وهو يبوس رجول ابوه ] يبه تكفى الا عـاليه يبه الا بنتي
رفعه ياسر وهو داري ان ياسر داشر ومستحيل يتحمل مسؤولية عاليه كـ زوجه و تورط بشيء ما له فيه دخل
بو مازن وهو يرفعه ياسر :يبه تكفى مستحيل اقدر اقولها لها مستحيل
قام بو متعب ووقف قدامه :ليههه ما تقدر انت رجال ولا حرمه عشان ما تقدر [وهو يدقه بصدره ]اذا ما بتقدر تقوله لها جيبها لي و انا بقول لها طاح بو مازن على ركبه اما بو متعب طلع وهو مبتسم بفرح و كانه انتصر على عدوه و شاف مازن متكتف عند سياره و قال بصوت من بعــيد :روح لـ ابوك
أستغرب مازن من أبتسم جده و راح مسرعه لـ ابوه شافه راكع على الارض ناظر عمه طلال كان حتى هو حزين على اخوه و لف عمه ياسر شافه يمسح وجهه بيدينه و قال بستغراب :وش صار
ياسر:ولا شي بس ابوك تعبان شوي
ركض مازن لـ ابوه وراح يتفكد وجهه و بدنه بس مكان فيه شي الا انه سرحان هزه مازن يخوف :يــبــه
رفع بو مازن رأسه وهو يناظر مازن الي خايف عليه صد عنه وهو يقول بصوت محطم :يلا ي مازن بروح لسياره و انت ازهم امك
مازن بقلق:يبه فيك شيء يوجعك شيء اجيب لك مويه
بو مازن:لا لا يبه بس يلا نروح
ناظره مازن وهو مستغرب انكسار ، ساعده يقوم و راح به وهو كل ما مشى به يـ لف يناظر عمانه الي صادين عنه
ركب مازن بعد ما اخذ امه و ركب ابوه و مشوا
..........••........
في العصر بالعزبه
كانوا البنات يجهزون الحبال عشان يسوون لهم مرجيحة بس حاول يربطونها ما قدروا تركوها و راحوا للأغنام لقيوا حامد و ثامر هناك قالت لهم هناء يجيبون لهم غنمه صغيره بس مكان فيه كلها كبار
عاليه:طيب ذا شكله صغير شوي
هناء :صح بس احسه شكله ينطح
عاليه:ما أتوقع
ثامر:تبون تجربون
عاليه بحماس :ايي اعطني اياه
ثامر:متأكد
عاليه:ايي ابي المسه بس هته
طلعه فراس لها و كان كل شوي يحاول يطلع رأسه مع الحبل الي يمسك فراس
مناير : يالله يجنن شكله
هناء :لا بالعكس مو الشكل الطعم شكل طعمه يجنن
ثامر:يالله شكلك ما أكلت شيء
هناء :ايي والله وش دراك
ثامر:الاحاسة السادسة
لفت هناء تناظر عاليه بس انصدمت لما شافتها بعـيده عن اتيس
هناء:يعمري عليس توك تقولين تبين تلمسينه
عاليه بضحكه :بطلت
هناء :هههههههه ي ليت انه يـطردك
عاليه:استغفر الله
جاهم فيصل و رائد و قمر مسرعين و يرمون التراب على بعض ،رمت قمر التراب على فيصل و راحت جري لـ ثامر و رمى فيصل ضربت فوجهه ثامر فك ثامر حبل التيس و هرب التيس و ثامر يمسح وجهه صرخ رائد بقوه : ي عم ثامر هرب التيس
ثامر وهو يمسح وجهه و معصب :امسكوهه الله يلعنكم
راح رائد يطردون التيس بس كل ما قربوا يمسكون ينطحهم ويخافون شافهم بو فراس و صرخ عليهم :امسكوه ي ضعيف انت و هو
شافهم حمد من جنبه و راح يطرد معاهم و جاهم ثامر و حامد بس التيس كل قربو منه نطح ي فيصل او رائد لان واضح الخوف في وجيههم
وهم يحاصرونه قال حمد :امسكوه ولا والله ادوسكم معاه [يقصد فيصل و رائد ]
قربوا منه بس هرب من بين رجول حمد و راح التيس متجه لـ هناء و عاليه الي كانوا يراقبون الاغنام الباقي،ولا كانوا يدرون الا بصوت فراس من بعيد:اهربوا ي بناتت
لف عاليه بقوه حين شافته مسرع بتجاههم مسكت يد هناء الي ما كانت منتبه وسحبها يركضون
هناء وهي تركض:وش فيك تركضين
عاليه :التيس وراك
هناء:هاهعع
لفت شافته يركض وراهم صرخة بقوه و عاليه ماسكه نفسها لا تصيح ، عاليه وهي تركض :خلينا نتفرق
هناء:يلااا
فكت عاليه يد هناء ولف تشوف اذا باقي يركض وراها بس للأسف كان وراهاا و هناء صرخت من قلب
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات تابعوني على حسابي بالانستا
nn_wrhh
YOU ARE READING
لالي ذنب ولا انت عاصي
Romanceلا يعلم ان كان يحبها منذ صغرها ام كان يهتم بها لانها طفلة ،لكن جميع شكوكه سوف تنتهي عندما يأتي ذالك اليوم الذي يراها فيه صدفةً... الكاتبة:حور العتيبي