لالي ذنب ولا انت عاصي

35

في الديره
و تحديداً بيت بو فراس ،بعد ما رجع معصب و واصله معاه ،جته ام فراس مسرعه تبي تطمن على ولدها ،ام فراس :ي حسين تكفى شلون فراس طمني ي حسين شلون ولدي
بو فراس بعصبيه :ولدك معد فراسه عقل ابداً طار عقله مع الحادث
ام فراس:كيف ما فهمتك ي حسين فراس صاير له شيء
بو فراس :لا .. و ابشرك صحى من الغيبوبة وبخير بس
بكت ام فراس من الفرح :بس وش
بو فراس: راح مع واحد ولا قالي ولا شيء ماشي على هواه
ام فراس: كيف وشلون
بو فراس:مدري ي نوير مدري بس نايف قالي ان الرجال الي اخذه موثوق فيه واخذ رقمه
جتهم هناء و عزيزه و مناير سلموا عليه و جالسين حول أبوهم ،عزيزه:يبه شلون فراس
مناير: ايي يبه طمنا
بو فراس:طيب طيب وابشركم صحى من الغيبوبة
فرحوا البنات و قامت هناء مسرعه بتروح تبشر عاليه بس وقفها صوت ابوها : هناء
رجع له هناء :سم يبه
ناظرها بو فراس ثم قال : حمد جاء
هناء : ايي يبه
بر فراس: ناد له ابيه
راحت هناء لشقة الخارجه لـحمد ودقت الباب : ي حمد
حمد: وش تبين
هناء من برا :افتح و اقولك
حمد: معد فيني اقوم
هناء:قم لا قام الله حظك قم
أبتسم حمد ثم قام و فتح الباب :يعني ما فيني ارتاح شوي هاهه ..وش تبين ي مدام
هناء : فراس صحى من الغيبوبة و ابوي يبيك ضروري وواصله معاه
حمد بفرح :قولي والله فراس صحى
هناء:ايي
رجع حمد اخذ ثوبه و طلع بسرعه لبوه اما هناء كانت تناظره حتى دخل على ابوها كانت بتروح بس وقفها صيااح مرعب من جوت الشقة اقشعر بدنها و ترجعة ورا و شوي تسمع صوت نوف وهي تحاول تمسك قمر بس قمر تصيح بصوت مرعب ، خافت و هربت
اما نوف فكانة تعاني مع بنتها و مو قادر تتحمل معاناتها كل ما حاولت معاها يـ اما تصيح او تهرب و تدخل الحمام و مهند و فيصل مصار يقرب منها ولا حتى ياكلون قريب منها اذا شافوها يحاولان يتجنبونها حتى يبعدون عنها من كثر ما سببت لهم رعب في الليل و بعض الأحيان من كثر خوفهم منها ينامون مع أهلهم
وبسبب حالة قمر تدهور حمد وكل ما حاول يقرب منها تبكي منه وتصيح و اذا مسكها غصب يغمى عليها ولا تاكل الا غصب
..............••...........
في قسم الشرطة
وفي غرفة الشرطي ،كان سعود و امامه الشرطي حسام و معاه الكلبشه و يناظر سعود و راسم على وجهه ابتسامه جانبيه
حسام :ماشاءالله ي سعود ما طولت الغيبه وش سويت ذي المره
سعود : حسام انت تدري و عارف اني ما سويت بس كان عندي حاله طارئة و الطريت اتخطى اشارة وبس
حسام :طيب يمكن انت مسوي شيء برجال و اعطيته شيء
سعود:لا اله الا الله حسام انا داري انك تدور ازاله علي بس الشاهد ربي اني ما سويت شيء
حسام :صح الشاهد ربي بكل شيء الله اعلم الله اعلم بس ما لك فكه حتى يجي الرجال بكبره و يقولي انك مو مسوي شي
سعود:طيب
حسام بتعجرف : طيب انت الحين شلونك مع علاجاتك
سعود : حسام لا تتشمت بالي انا فيه و الي مريت فيه ترا يمكن ربي يسوي فيك أسوا مني عشان كذا حيل عني
حسام: سعود شف مقدر ادخلك الزنزانة اخاف تسوي شيء بالمساجين او تعطيهم شيء بخلي تحت مراقبتي يكون افضل لنا
سعود : وش بسوي يعني هاهه
حسام : يمكن تعطيهـ...
قاطعهم دخول سيف و على طول قام حسام و اعطاه التحية ما أهتم له و وهو يناظر على سعود : حـسـام
حسام برتباك:نعم
سيف : انت وش قاعد تسوي مع الرجال تارك وراك مراقبة و دوريات و تفتيش وجالس هنا على واحد بس قاطع الاشارة
حسام بأحراج :اسف الحين رايح
سيف :يلاا بسرعه و انت ي سعود يمديك تطلع
سعود:مشكور ي سيف
بس مسكه سيف قبل لا يتعداه :سعود بسألك سوأل بسيط
سعود :تفضل
سيف : متى بترجع للبيت
سعود وهو يتنهد بحسره :معد لي مكانً هناك ي سيف خلاص.. انا معد لي الا كرامتي و كبريائي.. أصلًا انا ما لي بيت انا يتيم مالي الا نفسي وعملي
سيف : سعود انا محزمك وسندك وعضيدك شلون تقول انك يتيم ترا والله ي بوي انه نادم أشد ندم وامي تقطع قلبها وهي تبكي و تنادي بسمك
سعود :ابوي يندم ..ابوي ..لا هذي كبيره مرهه ي سيف ابوي لو انه نادم مكان اهانني قدام القبيلة كامله و خلاني مضحكه مكان خرب سمعتي و صيتي بين الله و خلقه مكان خلاني اموت من الجوع وانا اشوفه قدامي يوريني الحنان الي كان يعطيكم اياه و انا بزاوية ي سيف وتقول ابوي نادم لو انه نادم كان ذبحني يوم تفرق هو و امي ولا تركوني بين نارين ي سيف .. ناارين ..لا ام تهتم و تحن على بولدها باعته كذا ولا كان معاها ولد من البدايه ولا اب يهتم بتعليم ولده ولا يعلم أداب لا يشتري لي ملابس للعيد مثلكم كنت بس اشوف من بعيد انتم و عيال الجيران تلعبون بالعابكم وانا ورا البيت ألعب بتراب كانت بس عمتي تعطيني الاكل و شرب بدس عشان لا يضربني تذكر .. و كمان تذكر يوم اتهمني بسرقة كورتك مع اني ما لمستها حتى .. تكفى خلني ساكت عن الباقي مكفيني اني باقي انزف بجروحه الي تركها علي ... عاد انت ما عش الي انا عشته و إن شاء الله ما تعيشه والله يسعدك دنيا و اخره ..استودعتك الله و سلم لي على عمتي وقول لها سعود اليتيم مات خلاص و دفن عسى تهدأ شوي عاد ابوي الحزن و الندم بعيده عنه مثل بعدي انا وهو
" وشلون ابرجع و يرجع وجع الماضي
ذيك الايام مني بناسيها..اسأل عن حالهن
مسائلن عني..الله يغرب حياةً جوها فاضي"
سكت سيف وهو يشوف ان كلامه نابع من قلبه المجروح ، مسح يده على وجهه بندم و حزن على حال اخوه الي ما قدر حتى يساعده بشتفت خبز ، راقبه سيف حتى ركب سيارته بس لحقه و طلعه من منها و حضنه بقوه و نزل دمعة سيف بس مسحها سعود بسرعه :سيف الشرطي ما يكون عاطفي فهمت خلك رجال و عند حقك وانا خوك وانتبه على نفسك وعلى عمتي
بعد سعود سيف و رجع ركب وهو الي مفروض يبكي من كل قلبه على حاله بس باقي صامد حتى ممات ،و فتح الشباك السيارة : يسرها الله ما عليك أيام و ينحل كل شيء
ومشى سعود تارك سيف الي واقف بكل هم على امر امه
.........••........
في المستشفى
وفي غرفة فراس و بعد الفحوصات طلع الدكتور و دق على نايف و قاله ان فراس عنده وانه تعبانه ،شوي و يجيه سعود و دخل على فراس الي كان يناظر السطح بحسره ، راح له سعود و جلس قدامه و قال :توبة اخذك معي و انت مريض زيي كذا تووبة
أبتسم فراس: ليه خفت علي
سعود ببتسامه: فقعت مرارتي خل خفت
فراس وهو يسند راسه يناظر السقف بحسره وحزن : ي سعود كنت ناوي اروح لها بس مقدر
سعود: شف من كل الجهات متقدر تقابلها وهي متزوجة كذا ولا كذا بتكون خسران و طايح بمصايب
فراس:والله انه الشوق ي سعود وش اسويي
سعود: مدام انه واثق انها تحبك فلا تخاف هدأ الحين ترا حالتك مو هينه و ببحث عن زوجها بس اعطني اسمها
فراس وهو يرجع راسه ويناظر سعود بغيره: لا لا ي سعود تعبتك معي ما فيه الكفاية
سعود:متاكد
فراس:ايي
سعود : بكيفك بس تراني جاهز في اي وقت
فراس:سعود وين كنت قبل شوي
سعود :كنت في قسم الشرطة
فراس بستغراب:ليه ؟!!
سعود : ولا شيء بس قطع الاشارة عشانك
فراس: و كم دفعة
سعود: ما عليك من الفلوس أهم شيء انت بخير
فراس : اقول كم دفعة بسرعهه
وعلى طول دخل عليهم نايف وهو يلهث وراح لـ فراس بسرعه يتفقده ليكون صار له شيء ناظر سعود على سريعه ثم فراس: وش صار
فراس بتعب : ولا شيء التهاب بسيط في الرئة
مشى نايف شوي بالغرفة و رجع لـ فراس: انا وش قلت لك ي فراس ي خوي أرتاح و يصير خير بس وكل أمرك لله
فراس: مقدر ي نايف مقدر أتخيل انها مع رجال غيري
دخلت عليهم الممرضه تفحص فراس بس شافت ضغط عنده مرتفع ، وتوجهت لـ فراس :انتااا ليش عصب هاهه انتا لازم راحه هذا كلام دكتور بعدين هذا في موت
فراس وهو يناظر نايف : ابعدها عني
راح لها نايف : خلاص طيب بيرتاح انتي روحي كملي شغلك
الممرضه: لاا الدكتور كلام اجلس هنا
نايف: لاا انا كلام دكتور روح انتا خلاص
الممرضه:كلاص شوي
راحت و رجعت بـ إبرة كبيره شوي انصدم سعود و نايف من شكلها و لفوا لـ فراس الي يناظر السقف ، نايف الي لساته يناظر الإبرة و عنده فوبيا منها : مستحيل يتحمل لها
و سعود الي اخس منه : بيموت
دخلت الممرضه الإبرة في ساق فراس ولا اهتز ولا اعطى رد فعل بس يناظر السقف بهدوء ، نايف : فراس اوجعتك
سعود:يعضاك شيء تحس بشيء
فراس بهدوء و نبرة مكسوره : معد يعضى مقتول طعنه
حس نايف و سعود انهم لازم يتركون شوي لوحده طلعوا و تركُه يرتاح نفسيًا بس ما رف له جفن او ذاق له طعم بس رافع رأسه يناظر السقف مر يومين وهو ما ينطق حرف ولا يأكل بس سرحان يجيون سعود و نايف و حمد و حامد يغصبونه يأكل بس يرفض و يعصب عليهم و يتركون
...........••...........
في الفندق
بعد ما تمت خطبة ياسر و حور بكل حب و عشق مع ان عاليه كانت تسمع عنها كلام بس مهتمة المهم عندها حال فراس و كيف هو ، جهز ياسر اوراق الطلاق بس مجهزين قدامها خطة
و بين ما كانوا يرتبون الشناط عشان رجعته لديره بعد ما غابوا عنها ثلاث شهور ،دق ياسر على جده و قاله يجمع العايله كلها عنده و يسون مناسبه عايلة ، توقع بو متعب من طلب ياسر انهم حاملين اخبار الساره
ياسر: خلاص قلت لجدي يجمع الكل و بنكون عندهم المساء كوني مستعدة
عاليه :ما عليك بس بروح المستشفى و أجي
ياسر: ليه وش عندك بالمستشفى
عاليه:ما لك شغل بروح و برجع
ياسر: بكيفك بس بسرعه دقايق و نمشي
عاليه: طيب ما بطول
طلعت متجهه للمستشفى بسرعه عشان تطمن على فراس ، دخلت وهي رايحه لغرفة فراس وقفت يوم شافت نايف و سعود قريبين من الغرفه
راحت له بعد ما تأكدت انها متستره ، دانت له من بعيد
عاليه: نايف ي نايف
عرف نايف صوتها :هلا
عاليه: شلون فراس اليوم
نايف: فراس صحى من الغيبوبة وهو بخير
بكت عاليه بفرح :في ذمتك
نايف:ايي ايي
عاليه: الحمدلله ي رب لك الحمد و الشكر
دق سعود نايف بخفه وهم صادين : من هاذي
نايف:هاذي حبيبة فراس
و من دون سابق انذار انفتح باب غرفة فراس بقوه و سرعه و يطلع لهم فراس وهو عيون تطالع بـ عاليه ومن صدمته و فرحة بوجودها نسي انها مو محرم له كان بيحضنها بس مسكه نايف و سعود و هم يحاولون يبعدونه
فراس يحاول يمسك نفيه لا يغمى عليه: عـ.. عاليه
عاليه باكي :فراس
من قوة ما يحاول يوصل لها طاح على رجوله وهو يمد يده لها عشان تمسكها بس انها ما تقدر، فراس :عاليه لا تروحين تكفين لا تروحين اقعدي معي
نايف وهو يحاول يدخل فراس يوجة الغرفة بس انه يقاومهم: فراس انت في عقلك ولا لا هي مو محرم لك
حمرت عيون فراس : ابعدوا عني خلوني اتكلم معاها
وصلوت لهم الممرضه وهي تحاول معاهم بس بعد ما ايقنت ان فراس ما ينفع معاه الا المهديات اعطته بس ما نفع باقي يقاومهم
لف نايف لـ عاليه بسرعه : روحي عند الاستقبال بسرعه
فراس بسرعه :لاااا لاااااا
راحت عاليه بسرعه و دخلوه جوا الغرفه وهو يتنفس بسرعه و يناظر نايف بعيون حمراء: ليه ي نايف ليه
و اغمى عليه تساعد سعود و نايف و طلعوه على سرير و اعطته الممرضه اكسجين و طلع نايف متجه للاستقبال و شاف عاليه تبكي على جنب راح له بس من بعيد ، نايف : المعذره و السموحه بس ذيك الحزه يوم شافك معد قدر يمسك نفسه وهو كله شوق يشوفم او حتى يلمحك
عاليه وهي تحاول تخفي بكيتها : لا ..عادي
نايف: تأمرين شيء لاني برجع له
عاليه: ايي تكفى قول له بعد ما يهدأ .. بأن الليله بستلم ورقة طلاقي و برجع لبيت أهلي
نايف بفرح : ابشريي
و راح بسرعه وبكل فرح دخل على فراس وهو يشوف سعود جنبه ،نايف : سعود
سعود قام من مكانه بستغراب من فرحة نايف :وش فيك
نايف: ي سعود حبيبة فراس بترجع لبيت أهلها بورقة طلاقها
سعود بفرح :قول والله
نايف وهو طاير من الفرحه :والله
سعود:ي رب لك الحمدلله بس في مشكلة بسيط بنستلمها انا و انت
نايف:وش
سعود:لازم نقنع أبوه
نايف:والله إنك صادق
سعود:وش رأيك ندق على حمد ما دام انه قريب من هنا يجي هنا و احنا ننزل الديرتكم
نايف:هيي هيي هد البنت تقول الليلة بتستلم الورقه وباقي عليها العده ثلاثة شهور معانا وقت
سعود:صدقت نسيت العده
نايف: تبي شيء لاني بنزل البقالة
سعود: لا سلامتك
نايف: ي رجال قول وش تبي بسرعه
سعود: لا والله ما ابي شيء
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات تابعوني على حسابي بالانستا
nn_wrhh