لالي ذنب ولا انت عاصي

32

في المدينه
الساعة 8:30
كان فراس جالسه ينتظر الشخص اللي متفق مع ابوه بس تأخر و راح الوقت وشخص ما جاء دق عليه سعد و رد
سعد :هاهه ان شاء الله ارتاح
فراس:وعليكم السلام ،لا ما ارتاحت
ضحك سعد لانه نسي ما سلم: افاا ليش
فراس: راح يومي كل انتظر صاحب البضاعة
سعد: ليه ما قالك ابوي انه ما بيجي الا في المغرب
فراس وهو حاط يده على جبهاته :الله يسامحه لا ما قال
سعد:عادي ي رجال راح الحين تغداء وتمشى شوي أصلًا باقي معك ثلاث ساعات
فراس: تمام شلون امي والبنات
سعد: تمام الكل بخير انت شلونك
فراس: كويس و مو كويس
سعد: بتتحسن بس تدري ان ابوي يحبك و ما يبي لك الا كل خير و انت لا تاخذها بخاطر ابوي اذا عصب ما عاد يدري وش يقول
فراس:ادري ي سعد ادري بس أخاف اذا طلبته ما يمشي معي
سعد:لااا ي فراس احنا بنمشي معاك ما عليك ابوي اذا شافك مصمم بيروح معك
فراس ببتسامه:يصير خير يلا انا بروح تأمر شيء
سعد:سلامتك
قفل فراس و راح يتغداء
...........••.........
في المستشفى
كانت الممرضه تعقم جرح عاليه وهي تناظرها مستغربة ليش حالته كذا يدين محروقه ووجهه باين فيه الحزن و شعر مقصوص و ام عاليه واقفه جنبها حزينه على حال بنتها ، خلصت الممرضه و لفت لام عاليه:ي خاله لازم انها ما تلمس شيء حتى يتحسن الجرح ولازم تجي يومياً عشان تعقيم او اذا عندكم مستشفى قريب روحوا هناك عشان تعقيم لانه جداً ضروري
ام عاليه: بس لازم يومياً عادي اذا كان مره بالاسبوع او مرتين
الممرضه:لا لازم
ام عاليه:تمام مشكوره
راحت الممرضه و قامت عاليه وهي تناظره امها وعيونها تلكع دموع :يمه
صد ام عاليه وهي ما تقدر تناظر بنتها عشان لا تبكي معاهاو قالت : يلااا
لبست ام عاليه بنتها عبايتها وطلعت لـ مازن الي ينتظرهم برا،ركبوا و مشوا مسرعين عشان يلحقون يخلصون هذا اليوم المشؤوم للكل و اولهم عاليه الي كل ما مرا دقيقه نزلت دموعها و تدعي ان ربي يرسل معجزه لها من كل قلبها تتمنى يصير لها شيء عشان ما توصل للبيت ما تبي تشوف ابوها و العمال الي يجهزون
............••..........
في السوق كان بو مازن ياخذ اغراض ناقصه و شاف بو فراس طالع من محله راح له و سلم عليه و قال بو مازن: ي بو فراس ان يشرفي اني ادعوك انت و اهلك جميع لزواج بنتي الليلة وفي بيتي
بو فراس ما قدر يبلع ريقه من الصدمه: زواج ..الليلة
بو مازن:ايي الليله و حبيت ادعوكم و تكتمل فرحتنا بوجودكم
بو فراس على طول تذكر ولده مسك نفسه و قال :ابشر ي تركي
راح بو مازن و بقى بو فراس الي شبه فرحان على طول دق على فراس
بو فراس:السلام عليكم
فراس:وعليكم السلام ،هلا يبه تبي شيء
بو فراس: ايي نسيت اقول ان صاحب البضاعة ما بتجي الا في المغرب و انتبه تروح و تخليها
فراس:ابشر يبه ابشر بتجي ان شاء الله وانا ترا انتظر من الظهر
بو فراس:كويس ....متى بتجي
فراس: يمكن بعد يومين او ثلاث ليه يبه بغيت شيء
بو فراس:لا لا سلامتك انتبه لنفسك اهم شيء
فراس:طيب يبه معسلامه
بو فراس: معسلامه
قفل بو فراس بعجله و دخل على حامد بالمحل و راح له و اشره له بصبغه كتحذير :اسمعني زين بو مازن بيزوج بنته
حامد بصدمه:وشووو
بو فراس:زيي ما سمعت ولا احد يعلم فراس او يجيب له طاري
فك حامد الاوراق اللي بيده ومسك وجهه بيدينه: لا حول ولا قوة الا بالله يبه تكفى لا تعذبه
ضرب بو فراس بيده بالطاولة وبقوه:اسكت فهمت ولا افهمك اناا فـــراس لا يدريي
حامد:طيب يبه طيب
طلع بو مازن وهو معصب متجه للباقين عشان يحذرهم
..........••..........
في البيت
كانت هناء منزعجه من صوت الي طالع من بيت بو مازن بس ممانت تدري بالي صاير راحت للمطبخ اخذت لها مويه كانت بترجع لغرفتها بس وقفتها امها :هناء
هناء :سمي
ام فراس: هناء بنتي حبيبتي روحي جيبي لي غرض بســيط من السوق
هناء بتذمر : يــمـه
ان فراس:والله بسيط
هناء :يمه حبيبتي ليش في رجال في البيت عشان يقضون حاجاتنا ليه ما قلتي لـ سعد او حامد اوو لحمد
ام فراس:والله نسيت بس فز جيبي و بسرعه تعالي أصلًا غرض بسيط من البقاله الي وسط الحاره
مدت هناء يدها :ابشري يمه ابشري
اعطت ام فراس الفلوس هناء و قالت لها على الغرض و راحت وهي طالعه من البيت شافت العمال يشتغلون حتى في حوش بيت بو مازن و وقفت سياره مازن و نزلت منها ام عاليه و مازن و عاليه نزلت هناء نظرها لاكمام عباية عاليه شافته اصابعها ملفوف عليها
وهي منزله راسها كانت بتروح لها بس وقفها صوت ابوها :هناء وش فيك واقفه هناا
هناء : ولا شيء يبه بس
بو فراس:بس وش يلا أدخلي ما تشوفين عمال في هنا
هناء :ايي يبه اشوف بس هم ليش هنا
بو فراس: وانتي وش دخلك فيهم
هناء:امي قالت لي اجيب غرض من البقاله
بو فراس :انا بجيب
مسك بو فراس هناء بكتفها و دخلها البيت و سكر الباب اما هناء الي وقفت متصنمه عند الباب راحت بس تمشي وهي تهوجس دخلت البيت و نزلت عبايتها وهي باقي تفكر بمنظر عاليه
هناء:أكيد صاير شيء بس الله اعلم
طلعت ام فراس من المطبخ و شافت هناء واقفه تمسك عبايتها و سرحانه راحت لها و هزتها:بنت وين رز
هناء :ابوي قال بيجيبه
ام فراس:طيب وش فيك ساكته
هناء:يمه عاليه فيها شيء
ام فراس:جوا عايلة بو مازن حسبته بس بو مازن
هناء:ايي جوا بس في شيء عمي بو مازن رايح جاي و مازن و امه و عاليه قبل شوي توهم يجون بس عاليه يوم شفتها شفت اطراف اصابعها ملفوف عليهاا
ام فراس: بسم الله عليها اكيد ما شفت كويس
هناء :لا شفت كويس
ام فراس:اقول أمشي غسلي المواعين وبعدين فكري
دخل عليهم بو فراس و اعطى هناء رز و لف لام فراس :ي ام فراس جهزي حالك و تزيني باحلى لبس عندس الليلة ليلة فرح
أبتسمت ام فراس:ليه ي بو فراس وش المناسبة
طلع لهم هناء و راحت لهم
بو فراس: الليلة زواج عاليه بنت تركي
شهقت ام فراس و هناء بنفس الوقت و قالت ام فراس بصدمه :عاليه بتتزوج الليله
بو فراس:ايي اش فيك أنقلب وجهك
ام فراس ببكى :ولدي ي حسين ولدي بيموت فراس ي حسين بينجلط حبيبته ي حسين لا تخليها تروححح
بو فراس بصرامه :انا وش دخلي اهلها الي زوجوها وش تبيني اسوي وولدك أفضل له هذا الشيء
هناء وهي تميك رجوله وتبكي : تكفى ي يبه تكفى لا تعذب فراس تكفى
بعدها بو فراس و قومها : فراس لا يدري ولا والله ان يصير شي ما يعجبكم لا تعلمونه أبدا حتى ويجي و اقوله انا
حطت ام فراس يدينها على راسها وهي تبكي و راحت هناء له وشوي و تطلع عزيزه و يخبرونها وتحاول ما تنهار معاهم تحاول تهدي امهاا
..........••.........
في بيت بو مازن
كان ابو مازن يناظر عاليه و امها جالسه جنبها قال بو مازن:ذلحين انا وش اسوي لك هاهه تبين تطلعين قدام حريم الديره بذا الشعر يعني تبين تعاندين
ناظرته عاليه بعيون كارهه:ايي بعاند عندك شيء
بو مازن ما أعطاها اي رد فعل الا انه يناظرها بهدوء ، دخل عليهم مازن و قال :يبه انتهوا العمال و كل شيء تم
قامت عـاليه مسرعه لغرفته ما تبي تسمع ان اي شيء جهز ما تبي يكتمل هذا العرس بسلام وقفت عند باب غرفته لف تشوف بعد شوي غرفة امها و بوها تقدمت و دخلت راحت لدولاب و فتحته اخذت كرسي و طلعت عشان تاخذ من رفزعلوي المسدس و رصاص اخذتها بسرعه و اتجهة لغرفتها و سكرت على نفسها الباب
وقفت شوي تاخذ تحاول تتماسك لان يدينها توجعها ، نفخت فيها على اساس بتبرد بس كانت توجعها كثـير ،شدت يدها قبضه و ومن قوة الآلم شدة على سنونها باقي بس كم ساعه و يبدأ زواج دخلت الرصاص في المسدس و خبته ورآ سريرها و شوي وامها تسكع الباب :لولي افتحي لي الباب
فتحت لها الباب وسكرته ام عاليه و اتجهة لـ عاليه و حطت يدينها على خدود عاليه و بدون ما تحس عاليه نزلت دموعها بغزارة حضنتها امها :يماا ..يما تكفينون لا تعذبوني .. يماا والله ما اتحمل ي يما والله أموت
ام عاليه: لا يمه ي حبيبتي انت بس بتقلين كذا لانك ما تعرفون بعض الا و انت صغار اذا تزوجتُ بتعيشين معه و بتعرفينه زين و إن شاء الله إنك ما تندمين
عـاليه ببكى :يماا تكفين حاولي بـ ابوي ي يما ما بسمع الا كلامك تكفين حاولي معه
ام عاليه بتشدد [مجبوره] :انتي وش بلاك رافضة تراك مو صغيره هذا و بتكونين عند عمك باسم و ما بيرضى فيك ابعدي وساوسة شيطان و قومي أجهرك
عاليه ببكى و بيئس:لاا .. يماا لاا
قومتها ام عاليه و لبستها و جهزتها وشوي و دخلت الكوفيره و جهزت الباقي
بس عاليه كل شوي يخرب الميك اب بسبب دموعها ، جهزت خلاص و كانت أتعس عروس بيوم زواجها خلت الكوفيره حتى و طلعت و رجعت للمسدس اخذتها و اخذت لها شريط و ربطته برجلها و فتحت الشباك وهي تناظر بيت بو فراس هااااااادي عرفت عاليه ان فراس مو موجود جلست على كرسي
عاليه ببكى : وينك ي فراس ..وينك
...........••.........
كان نايف راجع للبيت بعد ما انتهى من شغله ،دخل و سلم على امه و ابوه و أستغرب أنهم متشخصين و كاشخين أبتسم و قال:على وين الغاليين
بو نايف:رايحين لعرس
نايف:عرس مين
بو نايف: عرس بنت تركي
انصدم نايف وقالمن قوة صدمته :وشوو الليلة
بو نايف:ايي الليلة وش بلاك انت
نايف:يالله وتوكم تعلموني
ام نايف: عادي بس ترا جهزت ملابسك و كويتها و عطرتها بتروح معانا و نسبقك
نايف وهو جالس وحاط يدينه على رأسه:لاا اسبقوني انا شوي و اجي
طلع نايف من البيت بعييد و اتصل على فراس بس ما يرد رجع اتصل عليه ما رد ما أستسلم تعد يتصل عليه بس فراس كان حاطط جواله على صامت
..........••.........
بعد صلاة المغرب
استلم فراس البضاعة و حطها بسيارته و ركب و كان مصدع و ضايق صدره و مو مرتاح بتاتًا شغل سيارته وتجه عشان يأخذ أغراضه من شقة و بيرجع الديره رفع جواله عشان يتصل على سعد بس تفاجا بعدد مكالمات نايف طاح قلبه و عرف ان في شيء اتصل عليه،
فراس:نايف وش بلاك عسى ما صاير شيء
نايف:فراس انت وينك الحين
فراس:انا توني محرك راجع لديرة ليش
نايف: فراس استهدي بالله ولا تنفجع
فراس بصراخ: تكلم انت وش صايررر
نايف: فراس الليلة زواج عاليه
تجمدت رجول توسعت عيون فراس لاقصى درجة وقال بصوت استهزاء:نايف ترا مو وقت مقالبك وش قاعد تهبد انت ترا هذا موضوع ما ينهبل فيه
نايف : ي فراس والله الي قاعد اقول جد وانا توني ادري الحين
فراس من قوة صدمته طاح الجوال من يده و وهو مو مركز بطريقة
نايف:فراس هيي فراس انت تسمعني
فراس بغضب شديد :والله ما اتركهاا عـاليه ليي
انطلق بكل سرعته و من شدة غضبه على ابوه و أهله ،اما نايف فكان يحاول يرفع صوته عشان يسمعه فراس بس قطع الخط بوجهه
و هو ركض لبوابة الديره عشان ينتظر فراس هنا
اما فراس فما وقف سرعه وهو يزيد من قهره على ابوي الي ما جاب له طاره ولا سعد ما كان متوقع من سعد انه يخبي شيء زيي كذا عليه وهو خلاص داريه انه يحبها و يبيهاا تغطى على عيون فراس من الغبنه والقهر و الحقد ولا كان يشوف قدامه
نزل فراس راسه بعد ما اخذ لمحه عن الطريق ، كان قدامه شاحنة مليانه حديد ،اخذ جواله و فتح المكالمه اتصل عليه نايف و رد :هلا نايف
نايف:وين صرت
فراس:قربت قربت بس انتـ..
رفع فراس يدينه وهو يحطها قدامه عشان يحمي نفسه حديد الي انفك من الشاحنه  بسرعه ضربت الحدايد الكبار سيارة فراس صراخ اول ما حس بجسمه تخدر و السيارة بدات تتقلب و حس بنفسه طاير من فوق الحاجز وارتطم جسمه بقوه بالارض وكان هذا اخر شي يحسه ،بعد ما انلفت خمس لفات فزعوا الناس يطلعونه فراس بس ما قدروا و اتصلوا بالدفاع المدني جوا طلعوا من السيارة
طلعوا فراس بس كان ملياان دم كل جسمه في دم و جروح من الحادث
اما نايف فتوقف قلبه لم أنقطع الخط عرف ان في شيء رجع بيت مسرعه وحافي اخذ المفتاح سيارته و إطلع برا الديره مسرع حتى وقفت على حادث كان شنيع شنيع بمعنى الكلمة طلع من سياره ولا قدر يمشي صح خايف يكون خويه و اخوه و كل شي بنسبه له ،بس تجمد مكانه لما شاف ناس تحول تسوي انعاش لشخص كله دم من راسه لساسه حاول يمشي حتى وصل لهم طاح على ركبه وحمله بين يدينهه و بعد دم عن وجهه الشخص بس ما تنعرف ملامح الشخص ابد كان وجهه مشوهة من القزاز بس عرفة من شامة ببهامه حط راسه بحضنه و صاح بقوى ما عندهه :فــــراسسسسس
فراس قوم فراسس لا تروح وتخلين فراااااس تكفى يخوي لا تروح و تخلينيي
...؛ أسرع وده المستشفى النبض عنده قليل ألحق عليهه
حمله نايف وهو يبكي ويركض به حطه معه بـ انطلق به للمستشفى وهو كل شوي يلف و يحاول يصحيهه بس نافي فايده
وصل المستشفى و دخله مع طوارئ و استلموه بس هذي المره تجمعوا عليه الدكاتره
اما نايف الي كان يرجف وبقوة و يمسح عيون بطرف شماغه و ثيابه كلها دم
طلع واحد من دكاتره الي دخلوا و صاح بقوه: جيبوا جهاااز الإنعاش بســرععه
تجمدت كل جسم نايف وهو يشوف خويه و خوه بين الحياة و الموت
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات تابعوني على حسابي بالانستا
nn_wrhh