لالي ذنب ولا انت عاصي

15

قمر الي هربت وهي تضحك ضحك من قلب دخل بطريقه مفجعه على هناء و عاليه و بشاير الي كانوا على باب المطبخ يراقبون الحريم الي باقي يرقصون مسكت هناء بيدها وهي تنط :رميتهمم رميهتم
ابتسمت هناء وباستها خدها :والله انس بنت رجال
انصدمت بشاير وحطت يدها على راسها :لا اله الا الله ليكون قرب يوم الحساب
عاليه:لـيه اش فيكك
بشاير: هناء باست قمر لا لا اكيد في شيء [مسكت بشاير هناء بـ كتفها ]اسمعي زين ليكون سويتي مصيبه ترا كفت الي سوته ام ناصر
هناء بضحك:ي بنت الحلال ما سويت شيء خطير بس قـ..
دخلت ام ناصر معصبه و تصارخ تجمعوا عليها الحريم و ام فراس و مناير والبنات ،اما قمر الي فخوره بنفسها وقفت جنب هناء الي كانت بنفس حالة قمر
ام ناصر بعصبيه :ميــن ام هذي الجنيه [قصدها قمر]
طلعت لها غدي :انا امها
ام ناصر وهي توجه اصبعه لـ غدي بتهديد:أقسم بالله العظيم ان ما ربيتي بنتك لا اربيها انا
ابتسمت غدي بستهزاء:لا والله معد الا انتي ي ام شوشه تأدبي بنتي اقـــول توكلي على الله
صفرت هناء بصوت عالي لفت لها ساره :خير خير تصفير شايفتنا ايش هاهه
ضحكت هناء :تيوس
ضحكوا نص الحريم عليهم عصبت ساره و تقدمت عشان تكفخ هناء بس مسك يدها عاليه ابتسمت لها بستهزاء: على وين ي ام شوشه
ابعدت يدها و مسكت عاليه و بدت المعركه دخلت فيها زينب و ثريا و هناء و مناير و بشاير اما حمده المسكينه ما تقدر تمد يدها ،عاليه تمسك شعر ساره مره تضربها و مرهه تمسه بها الأرض اما هناء الي استغلت الفرصه وقامت على ثريا نتفت شعرها و تضرب براسها تبي تنتقم للي قالته لـ عزيزه و زينب تحاول تفك و بشاير تحاول تفك بين عاليه و ساره بس مافي فايده و مناير كمان حاولت تدخلوا الحريم يفكون بينهم ،غصبًا قدرو يفكون بينهم ساره الي تصارخ من بعيد :والله لنتف شعرك والله لوريك ي بنت الكلب
عاليه الي طارت عيونه ولا قدرت تنفك نفسها من الحريم الي ماسكينها تحاول تنفك من يد امها و الحريم :تسبين مين هاه تسبين والله قولين بعد بتنتفين شعري والله لوريك نجوم الظهر انا ما وريتك اياها ما اكون بنت تركي
انفكت من يد امها و اخذت كعبه وضربت به في جبهت ساره طاحت ساره من ضربه وتجهت له بضرب طلعت حرتها فيها وسحبتها ام عاليه بـ الفوه منها اما قمر الي كانت ورا ام ناصر ،ومن دون ما يشوفها احد ضربت ام ناصر بـ حجر و هربت لـ عند هناء ،اخذتها هناء خبتها وراها مسكت ام ناصر راسها وارتفع ضغطها من ذا البنت توجهت لها و فـ يدها نعالها بس غدي دفتها شوي ورا :على وين صدقي اني بترك تضربين بنتي
ما اهتمت ام ناصر لكلامها ودفت غدي وطاحت وحاولت تبعد هناء بس هناء بدل ما تبعدها ضربها ام ناصر كف :استحي على وجهك تضربين بنت صغيره عمرها 10سنوات ترا صبرنا لك بس لصبر حدود
شهقوا الحريم من الي شافوه و راحت ام فراس تطلعهم هناء و قمر ، وصل الخبر لرجال و دخل بو فراس و بو ناصر وعيال بو فراس للحوش و نادوا على ام ناصر و ام فراس
بو فراس بعصبيه :وش ذا الاصوات الي وصلت لعندنا هاااه
ام ناصر بتمثيل بكى:شوف ي بو فراس شوف اهلك تعونوا فينا يضربون و يهينونا في بيتك
بو فراس وهو واثق في ام فراس:تخسين ي مره ام فراس و بناتي ما يسوء هذا الشيء
بو ناصر :اهدا ي حسين خلنا نعرف وش سالفه تكلمي ي ام ناصر
ام ناصر ببكي : دخلنا عليهم بوجوه فرحانه و بوجه بشوش بس هم استقبلونا وكانهم يقولون وش جايبكم
فراس في نفسه [ما الومهم ] سلمنا عليهم وباركت للعروس بس هناء وبنت حمد و بنت تركي رفضوا يسلمون علينا قلنا عادي مشيناها بس بعد زفت العروس بنت حمد رمتنا بـ بالونات فيها مويه
لف فراس بهمس لـ حمد :بنتك فخر الأمه
ضحك حمد على فراس ، مرجع لـ سالفه ام ناصر :رحت لـ ام البنت نصحتها بس راحت تنافخ علي وتقول بنتي ما تسوي كذا و كبرت المشكلة وجت بنت تركي و تدخلت في السالفه وراحت على ساره و زينب تضربهم و تسبهم وهناء كفختني قدام الحريم ابي العدل
بو فراس بستغراب :منهي بنت تركي
ام فراس:عاليه بنت تركي
بو فراس:ثامر روح ناد لـ بو مازن بسرعه و انتي ي ام فراس نادي لي عاليه و هناء و قمر
راح ثامر لـ بو مازن و ام فراس نادت البنات و تجمعوا في الحوش كلهم
شوي و جاء بو مازن مستغرب ليش بوفراس يناده دخل ثامر بس بو مازن ما دخل وقف برا لانه شاف حريم
بو فراس:ادخل ي تركي الكل متغطي
دخل بو مازن وقف قريب من بو فراس : تكلمي ي هناء قولي كل شيء صار بدق وتفصيل
ام ناصر:بس انا قلـ..
بو فراس:انا قلت هناء ما قلت لمرتك ي عبدالله تتكلم
انحرجت و توترت ام ناصر من وضعها و ما قصر بو ناصر وترها زيادة
قالت لهم هناء السالفه من يوم جوا الا ان كفخت ام ناصر ناظر بو فراس اخوه ثم رجع نظره لـ عاليه الي كان ورا هناء :عاليه ترا ما اشوفك الا وحده من بناتي ،،الي قالته هناء صدق
كان فراس ينتظره سماع صوتها يبي يسمع الصوت الرنان بقلبه
عاليه بصوت خافت :ايي ي عم
بو فراس:طيب تقول انك سبيتي بناتها وضربتيهم
عاليه:انا ما سبت هم سبُ ابوي و اكيد اني بكسر خشومهم
أبتسم بو فراس و بو مازن على جرأتها ثم ناظر وجه بو فراس نظره لـ بو ناصر : اسمعني ي عبدالله انت تدري اني ما اعطيتك بنت عشان رضاك لا اعطيته ناصر لأنها اول بها ولد عمها صح ي عبدالله و ترا ان صار لها شيءٍ تراها برقبة ولدك
بو ناصر:صح ي حسين وانا طالب منك السموحه ان شاء الله اول مره و اخر مره وبنتك ما لها الا حشمتها
لف بو فراس لـ لأم ناصر : ي ام ناصر انتي فـ عقلك هاهه تروحين تضربين بنت صغيره هاهه
ام ناصر :هي ي بو فراس رمت علي
بو فراس:واذا يعني رمت عليك تردين نفسك لها استحي على وجهه
نزلت ام ناصر راسها بحقد و احراج
بو فراس:وانتي ي هناء و عاليه هذا اول و اخر تحذير لكم الي سويتوها انا قلت ما ابي مشاكل شلون تنطون وتسوون شوشره
هناء :يبه هـ..
بو فراس:ولا حرف خليني اسمع بس همس منكم
قمر تحاول تنسحب بشويش من ورا هناء بس تقشعر جسمها كله لم سمعت صوت بو فراس يناديها : قــمـر على وين
قمر : لأمي
بو فراس ببتسامه:لا لا لا تعالي هناء ابيك
قمر بمزح :هييي لا [وهربت ]
راح بو فراس لـ بو مازن و قاله ليش طلبه بس عرف بو مازن لـيه و ابتسم وراحوا الكل ما بقى الا ام ناصر الي واقفه بقعر الدنيا تاكل اظافيرها من شدة حقدها على بو فراس
..........••..........
عند عزيزه و ناصر
كان الصمت سيد المكان ،عزيزه متوتره و خايفه و ناصر جامده ما يبي حتى يناظرها وصلوا بيتهم ،نزل و راح و ترك عزيزه الي تحاول تنزل بشويش و تناظر ناصر الي نزل البشت بسرعه و دخل البيت بسرعه عرفت من ذيك ألحظه ان مالها نصيب من الفرح قعدت تسحب نفسها الا ان وصلت ودخلت وسكرت الباب شافته جالس فوق الكنب مرتاح ولا كانه مسوي شي وفـ يده جوال يكلم ، تقدمت شوي وقالت بتردد شديد :و..و.وين غرفة النوم
ناظرها ببروده : على اليمين
راحت بسرعه تبي تبعد الفستان متضايقة منه ،دخلت الغرفه و راحت لشنطتها و طلعت لها جلابيه و اغراض و راحت الحمام وسكرت على نفسها ،،خلص ناصر مكالمه و راح المطبخ شرب مويه وهو يهوجس وش يسوي بـ عزيزه طلعت له فكره حك دقنه ببتسامه وراح للغرفه فتحها ما شاف احد نط فوق سرير يستنى بس تطلع عزيزه
آما عزيزه نشفت شعرها ولبست وطلعت شافت ناصر جالس فوق سرير يناظرها تجنبت نظراته وراحت لـ شنطتها حملتها وحطتها بزاوية راحت بتجاه سرير وقف ناصر بوجهها ،خافت ورجعت على ورا،تقدم ما كان فاصل بينهم الا شوي
ناصر :لـيش وافقتي ؟!
استغربت عزيزه كلامه بدات تخاف اكثر
ناصر بصراخ :لــيــش وافقتي ؟؟
خافت عزيزه ونزلت راسها على تحت ونزلت دمعتها بسرعه ،رفع رأسها بـهدوء ورجع على ورا :ناظريني
ناظرته عزيزه برجفه و عيون دامعه استقرت عينها بعيونه وقبل ما تستجمع نفسها كفخها بقوه لدرجة انها طاحت على الأرض وهي ماسكه مكان الكف بـ صدمه من الي سواه اما هو بدون تأنيب ضمير رجع على سرير وهو يضحك وكانه ما سوء شيء ،ما قامت عزيزه استجمعت رجولها و بكت عليها بـ صمت ،شافها تبكي و قام وراح لها جلس قدامها ورفع راسها بس هي رجع لورا حتى وصلت للجدار ،ناظرها ببرود رفع حاجبه تقدم لها وهي يوم شافته جاي قامت بسرعه بس مسك يدها و سحبها له ولف يدها ورا ظهرها صاحت من الألم ،مسك فكها بقوه ولفه له :صدقتي اني بكون فارس احلامك لاااا مستحيل شوفي انا من البدايه ما ابيك ولا أعتبرك شيء ولا شـىء فهمتي انا مجبور فيـك بس اعتبري جحيمك بدء ودفها على الارض وطلع من البيت اما عزيزه المسكينه تركها وسط بكاها حاول تدق على امها بس مو متذكره الرقم و أسوأ شي لقيت جوال الي شراه لها حمد مكسور انهارت تبكي
.........••.......
في بيت بو فراس
الي راحوا الضيوف ما بقي الا بو مازن و اهله مسك بو فراس نايف وقال له :فز رح جيب البلوت وقول لأم فراس اني دسيته ورا دولاب و شاي بنعناع يقعد الراس
نايف:طيب ي خالي
وراح نايف عند الباب الرئيسي وسكع وطلعت له ام فراس:هلا بـ نايف هلا منوره
نايف : بنورك ي خاله بس بو فراس يبي البلوت يقول انه ورا دولاب و شاي بنعناع
ام فراس:ابشر اتنظر شوي جاهز الشاي بس بروح اجيب البلوت
نايف:خذي راحتك
راحت ام فراس للمطبخ الي كانت فيه هناء و بشاير ومناير و حمده و عاليه
ام فراس:هناء جهزي صحن كاسات و شاي بنعناع بسرعهه
هناء بتكاسل وهي ترفع ايديها في سماء :اسأل الله العفو والعافية
ام فراس:قومي لأقوم انا عليك
هناء :ابشري يمه ابشري
قامت هناء تجهز صحن وشاي تحميه بعد ما خلصت حطتها فوق الطاولة وجلست بتعب ، شوي وام فراس تنادي هناء تعطيها الشاي
هناء :ياليـل
قامت بشاير مسرعه عشان تريح هناء شوي :أرتاحي انا بوديه
هناء:الله يوفقك ويسعدك
بشاير ببتسامه:آمين
اخذت الشاي وطلعت لصاله بس ما شافتها :خالتي وينك
ام فراس من برا :ي هناء وين الشاي
اسرعت بشاير كانت متوقعه ان امها و ام حمده و ام عاليه و ام نايف جالسين برا ونطق وي تأخذ نعالها ومنزله راسها :اسفه ي خاله والله اني كنت متوقعه انكم في صاله ورفت رأسها شافت رجال طويل معضل شوي معه شنب و اسمر بس سماره يجذب وحاد الملامح ..توسعت عيونها من صدمه بغت تفك صحن بس تماسكت الا ان دخل وحطته عند المدخل وهرب مسرعه و خايفه ويدها على فمها
اما نايف الي ما توقع ولا واحد بالمية انه بيشوفها مره ثانية لف وجهه بعد هروب بشاير و ام فراس شبه مبتسمه
راحت اخذت الشاي بهدوء و اعطته نايف ،اخذ الشاي وراح مسرع لديوانيه وحط الشاي وجلس جنب فراس بس يده على شنبه ،لاحظ فراس حركته شنبه عرف ان في شيء ،دقه بكتفه : نيووف وش سويت
صد نايف عيونه عن فراس :ابعد عنـي
رجع دقه : نيووف انا خويك و اخوك شلون ما تقولي
نايف :فراس متردد اقولك شي
فراس شاق الابتسامة:وشو
نايف بتمثيل :احـبـك
بدأت تختفي ابتسامة فراس وناظره بنظرات جديه :ورع صاحً انت
نايف وهو يناظر بعيونه: صاحِ اكيد صاحي اجل شايفني نايم وانا قلت الصدق
فراس قطب حواجبه : ولد أرفع علومك
نايف :ي خال
بو فراس هوه يشرب الشاي : هاه
نايف يحاول ما يضحك : بطلبك طلب ولا تردني
بو فراس: قول وان شاء الله ما ردك
رفع نايف حاجبه لـ بو فراس وعرف مقصده
نايف :ي خالك انا ابي اطلب يد ولدك فراس
كان فراس يشرب شاهي وقاطب حواجبه بس حين سمع قول نايف على طول بفف غص بـ شاهي وكح كح و انقتم قعد يكح كح ألا ان حمر وجهه
فز بو فراس يضرب ظهره :بسم الله الرحمن الرحيم ولد فراس
بس فراس محمر وجهه مو قادر يرد لف بو فراس لـ ثامر :فز رح جب مويه بسرعه
قرب نايف من فراس :بسم الله عليك
توجه ثامر للمطبخ راح يجيب مويه لقي هناء موجوده :هـناء تكفين جيبي علبتين مويه بسرعه
اعطته ثامر و مثل صاروخ وصل ثامر لهم اعطوه شرب وهدي شوي حط يده على قلبه حاول يتنفس بس قام من مكانه و طلع برا وفك زرار ثوبه وهو يردد:الحمدلله الحمدلله
طلع له بو فراس و بو مازن و نايف و ثامر
بو مازن:فراس
فراس:هـلا
جلس فراس بالارض راح له بو فراس حط يده قلبه :بسم الله عليك قم قم لا بارك الله فيك ولا في نايف
ضحك فراس بخفه
نايف براحه:الحمدلله ما دام ضحك مافي الا العافية
بو مازن:والله خفت قلت ليكون بيغمى عليه
فراس:بغيت اموت بسببك ي رخمه [يقصد نايف]
ضحك نايف : اقسم بالله حسبتك بتعرف حيلتي قلت لااا مستحيل فراس يصدق
فراس:نيننيني انقلع
ضربه فراس بخفه ودخل الديوانية اما بو مازن استئذان وراح قال لـ فيصل ينادي ام عاليه و عاليه دخل فيصل عشان يناديها بس شاف بشاير واقفه تهرج مع حمده مسك يدها وقال:ي بشاير وين ام عاليه و عاليه
بشاير:حمده بروح شوي و أرجع لك
حمده :تمام
راحت بشاير و معاها فيصل لـ عاليه الي كانت طالعه من الحمام نادت لها و جت فيصل كان لأول مرة يستحي من بنت رجع ورا بشاير شوي بس سحبته بشاير قدامها :تفضل هذي عاليه قول لها
نزلت عاليه لمستواه و ابتسمت له فيصل حمرت اذانه وقال بخجل :جدي تركي يقول يلا
مسكت عاليه خده :طيب قول له احنا جايين
هرب فيصل بسرعه وطلع من البيت لقي بو مازن ينتظر مع ولده برا ويسولف معه بو فراس
اتجه هو لديوانيه شاف ابوه و عمه سعد و حامد و رائد جوا
اتجه لأبوه وجلس جنبه بــهدوء الكل بدون استثناء لحظ و قال فراس بمزح :اش في ورعنا سرحان
فيصل :ي جماعه انا بتزوج
ناظروه كلهم وطاحوا ضحك كل واحد من جهه
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات تابعوني على حسابي الجديد بالانستا
nn_wrhh