لالي ذنب ولا انت عاصي

40

بعد ما تعداو الديره بمسافات و كان سعود متوقع انهم بيمرون عمته بس سيف تعدا الخط الي يعكس لديرتهم و مكمل للمدينه ،جاء سعود سعود فضول يسأله : سيف ما بنمر عمتي
سيف : اولاً بنروح شوي نريح في احد الفنادق ثم بعد صلاة العشاء نروح لها بسر
سعود رجع رأسه على المرتبه ،سيف بتركيز في حالة سعود : سعود قولي وش فيك
سعود رافع راسه و لف لوجه سيف :ما فيني شيء
سيف: لا تحاول تلف و تدور ترا كنت اراقبك طول الليل فيك شيء بس قولي
سعود بنفي: لا ابد ما فيني شيء بس
سيف :بس وش
سعود:ضاق صدري و طلعت أشم هواء
سيف : انا عارف ليه ضاق صدرك من الرجال الي خطب البنت
سعود وهو ساند رأسه على المرتبه: تكفى لا تقول كان بأين بوجهي
سيف :لا بس بنسبه لي واضح ..
سعود: انا هذا أعجاب مو حب... اقدر اتخطاه
سيف : متأكد.. مدري ليه بس أحسك حبيتها
لف سعود وجهه لشباك : لا إحساسك هذي ذا المره خطأ...
سيف : يمكن بس اذا كان حب لا تضيعه من يدك تراك بتعاني صدقني
سعود بنفي :لا لا متاكد مو حب
سيف : طيب...قولي وش سويت و انت بديرتهم
ما رد سعود أستغرب سيف و لف له شافه نايم ، مد يده للمرتبة الي وراه اخذ بطانيه خفيفه و غطاه و كمل طريقه
.........••......
في بيت بو فراس
البنات كانوا يحظرون الفطور وهم يسولفون جاهم رائد مثل الصاروخ ،رائد وهو يلهث : جدي يبي عزيزه و مناير في الديوانية بسرعه
أستغربوا و راحوا تاركين هناء هي طاحت بالكرف من بعدهم و تتحلطم اما في الديوانية فكان بو فراس و ام فراس موجودين ينتظرون البنات ، دخلوا عليهم و يجلسون واحد مع ابوها و احد مع أمها ،بو فراس دخل على طول بصلب الموضوع : ي بناتي أنتم كبرتم توا عيني وماشاءالله صرتم عرايس و تدرون اني كبرت في سن و ان الموت لا بد منه
البنات :بعد عن الشر يبه
أبتسم بو فراس: و انا ابي اقولكم ان ربي فتح نصيبكم ي ثنتين و انا حاب اني اخذ رأيكم و اولاً عزيزه لف بو فراس و مسك يدينها : عزيزه انا غلطت يوم عطيتك ناصر و ما أخذت رأيك بس هذي المره اعطيني قرارك صح عشتي معاه تعاسه وانا ما ابي اكرر غلطتي أبيك انتي المره هذي تقولين لي رئيك مهماً كان اعرفي اني بكون معك و بسندك و انت كمان ي مناير لا تفكرون انكم خلاص اذا رحتم معد بنسألك عنكم لا احنا وراكم وقت محتجتونا فاهمين [هزوا رأوسهم بمعنى الفهم ] ... خطيبك الشرطي سيف
توسعت عيون عزيزه ما توقعت ولا واحد بالمئه انه بيتقدم لها ،كمل بو فراس كلامه :رجال والنعم فيه وانا اعرفه و من يوم كنا معاك بالمستشفى مع انه كان مصاب أكثر بس كان يجي يسألنا اذا اننا محتاجين شيء او نبي شيء و انا جد شاكر له يوم فكك من ..ناصر
عزيزه وهي عندها أحساس غريب :....الي تشوفه يبه
بو فراس بتركيز : انتي قولي لي موافقه ولا لا
عزيزه: موافقه
أبتسم بو فراس وهو يمسح على ظهرها : تمام و اسأل انه يوفقك و يسعدك ويرزقكم الأيام الحلو ... مبروكه و انا بوك هياا روحي عشان بعد الفطور تروحين انت و أمك تاخذون اغراض عشان الملكة قريب
عزيزه: ابشر يبه
راحت عزيزه بس وقف تبي تسمع من الي خطب مناير و عشان تتنظر مناير....، لف بو فراس و قال لـ مناير عشان يخجلها : اهاا معد الا ذا الفاهيه
خجلت مناير ، ام فراس: خلاص ي حسين لا تخجل البنت
ضحك بو فراس: مناير انتي بنتي و روحي وكلكم روحي الي باقي فيني و قرة عيني هذي و اليوم و مثل اختك باخذ رايك برجال جاء و خطبك
توقعت مناير انه سعود حمرات خدودها من بعد الموقف المحرج الي صار لها البارح ضغطت على شفايفها من الخجل ،بو فراس:وهو ولد خالتك ياسر طالبك على سنةً الله و رسوله و تبي رأيك ي بنتي
حست مناير بغرزه في قلبها صح انها ما كانت تشوف سعود كثير بس كانت تنتظره بالدس و بدون محد يدري عنها كانت تراقبه من بعيد تنتظره اذا تاخر و تقلق عليه كانت تكن له بعض المشاعر
بو فراس: هاهه ي مناير وش قلتي
مناير بتردد : يبه
بو فراس:سمي
مناير: في وقت أقدر أفكر
بو فراس :ايي يبه معاك أسبوع بس ابي يوصلني ردك بكره الليل
مناير بوجه شبه شاحب :طيب..ارخص لي بروح للبنات
طلعت بسرعه
ام فراس:ما دام معانا وقت ليه ما اعطيتها وقت كافي شوي
بو فراس:اذا تاخرنا بيقولون احنا ما نبيهم ابيها تقولي بكره و ذكريها
طلعت مناير وهي تفكر بـ سعود وسرحانه ماشيه في امان الله حست بيد تسحبها
.........••........
في بيت حمد في المدينه
زهق حمد من حاله بنته الي كل ما شافته ي تصرخ او تضرب نفسها و زوجته المنهاره قرر انه يروح يقول لواحد من الشيوخ الدين مع انه ما يصدق بتلبس الجان بس مُطر انه يدور ولو على شيء بسيط يساعد في حاله بنته
و حجز موعد و اخذ بنته بالغصب بعد ما ربطوا يدينها و رجولها وفمها
دخلوا بها عن الشيخ و جلسوها قرب الشيخ و قال:الام تمسك الرجول و الاب يمكن الأكتاف ...امسكوها زين حتى و اشر لكم
و بدأ الشيخ يقرأ و على طول صرخت قمر بأقوى ما عندها صراخ يقشعر منه البدن او خلونا النقول الجان يصارخ و يحاول يفك يدينه و رجول مافي فايده جلست تصيح تقريب ساعتين و نص ثم هدأت شوي بس الشيخ ما آشر لهم و جلسوا مايكينها و الاثنين في حالة صدمه ممزوجه برعب من الي شافوا و سمعوه و اخيراً طلع الجانبعد محاولات كثيره و اشر و فكوها و كان طالع من خشم قمر دم و مغمى عليها
و قالهم الشيخ انها كان متلبسها جان بس خلاص راح بس لازم من مراجعات له و راحوا
و على طول اخذوها على المستشفى و تطمنوا اخيراً ان حالتها طبيعية ما عندها اي مرض بس اعطوهم مراهم عشان العلامات الي بجسمها من الضرب
...........••.........
في الديره
كان فراس و نايف جالسين عند نياق في العزبة مكانهم الي كانوا جالسين فيه مع سعود وهم ساكتين يناظرون النياق بهدوء ولا واحد منهم نطق حرف
فراس: تعودت على سعود معنا
نايف: ياليته جلس
فراس: ياليت
دق بو فراس عليهم
بو فراس: فراس
فراس:سم يبه
بو فراس: تعال ابيك بموضوع
فراس:ابشر يبه جايك
قام فراس و قام معاه نايف، فراس:اعذرني ي نايف بس ابوي يبيني
نايف:وقف فراس ابيك قبل لا تروح بموضوع
رجع له فراس:سم
نايف: شوف ي فراس انا عاهدت نفسي قبل لا تقوم من الغيبوبة ان زواجي انا و انتي بيوم واحد اذا تبي
فراس ببتسامه:هذا والله يشرفني
نايف:اشرف لي ي طعس هياا يلاه خالي ينتظرك
ضحك فراس و كمل طريقه و راح نايف بطريقه ،....وصلت فراس عند ابوه و دخل عنده كان جالس بديوانية
فراس: سم يبه
بو فراس:... اسمعني ي فراس خذ امك و اخواتك لسوق و اذا ما لقيوا لوازمهم معاك المدينه روح بهم هناك قريب عرس عزيزه وحنا نبي نخلص لوازمها ذا الاسبوع عشان بعد اسبوعين يكون زواج
فراس:بس يبه ليه ما اجلت الزواج شويي
بو فراس:الرجال يبي يعرس بدري و قالي الملكه بعد يومين تجهزوا من الحين عشان نشوف لمناير اذا وافقت او لا
فراس:ابشر يبه ابشر
و طلع متجه للبيت وهو يفكر متى ابوه يقول لـ بو مازن بس بيلزم الصبر حتى ابوه يقول يلا نروح
دخل البيت مستعجل :يماا
ام فراس وهي تلبس عبايتها و البنات جاهزات :جايين
فراس:خذوا راحتكم
طلع من البيت و سكروه و اعطوا بو فراس المفاتيح و راحوا
........
في السيارة
الكل كان هادي حب فراس يلطف شوي ،فراس:اقول يماا
ام فراس:قول حبيبي
فراس: اتوقع العرايس ثنتين ليش ناخذ هناء
عرفت ام فراس نيته: والله ي وليدي اخذتها قلت يمكن نلقى لها عريس شيء
هناء:ما عليك يمه الرجال واجد و مزيونين
فراس: انتي بس مدي عينك و اختاري
هناء : لاا شكلي بجلس مع امي صراحه حلو القعده معاها يزينك يماا
ام فراس: لاا يما لازم تعرسين و تجيبين لنا عيال
فراس: تكفين يماا لا اقولين هذي بتصير ام بتذبحهم صدقيني
هناء :اصلاً مين قال بصير ام انا ببقى عزباء للأبد
فراس: بنشوف بكره ي العزباء
هناء: على اساس مجهز من بدري
فراس: أصلًا جاهز بس ابوي لسا ما سألك
هناء توسعت عيونها صدقت : امانه تقول تمزح
فراس وهو يناظرها من المرايه :اسالي امي
لف هناء لأمها بشبه بكيه :يماا صادق
ام فراس ببتسامه: لا يماا يطقطق بس
ضربت هناء كتف فراس: ملعون
فراس:خلاص خلاص لا تبكين
هناء وهي تناظره بجديه:هههههه والله يضحك
ضحك فراس على شكلها الي صدق يضحك
فراس : عزيزه مبروكه
عزيزه بخجل :الله يبارك فيك
فراس:وانتي ي مناير هاهه وافقتي ولا لسا
مناير بخيبة امل:لسا أفكر
فراس:افضل لك توافقين ياسروالنعم فيه رجال شجاع و رزين و عند حقه و ولد خاله و اكيد خالتي فاطمة ما بترضى فيك اعطيك نصيحه وافقي
مناير بستسلام :تمام موافقه
ام فراس بفرح :مبروك حبيبتي مبروك
فراس:ايوا هذي البنت السنعه
مناير بغصه : الله يبارك فيك يمه
وصلوا المدينه و نزلوا يشترون بس مناير تمشي وهي تحس بفراغ بقلبها تمنت يكون سعود الي خاطبها
...........••.........
بعد صلاة العشاء
لبس سعود و تجهزوا هو و سيف و مخططين لكل شيء و ركبوا سياره بتجاه ديرتهم
سيف :زيي ما قلت انا بشغل ابوي يرا بسالفه الملكة و انت ادخل مع درج السطح قلت للهندي يحطه هناك ما عليك بس حاول تسرع اذا دقيت عليك فـ اعرف ان ابوي جاي
سعود:طيب
بعد مرور ساعه قربوا من الديره وقفوا السيارة و نزلوا منها و مشوا حتى وصلوا و أثناء المشى كان يتعب سعود بس يتحمل حتى وصلوا لبيت ابوهم راح سعود لمكان الدرج اما سيف فـ راح يتاكد لمكان احتمال يلقى ابوه دايم فيه مكان يجتمع فيه هو و شيبان الديره دق سيف على سعود و فز سعود اوقع ان ابوه جوا البيت
سعود :هلا سيف
سيف : ابوي بيعد عندك فرصه
سعود:تمام
نزل سعود جوا البيت و فتح البيت اول ما التقاه ريحة البخور الي تفتح النفس صكع ، ناظرت ام سيف وهي تتوقع انه بو سعود معاه شيء بس طلع سعود ركضت و احتضنته وهي تبكي
بادلها سعود الحضن بقوة زاد شهقات ام سيف بعدت عنه شوي اخذ تبوس وجهه ثم سعود اخذ يدينها يبوسها بحب كان طول سنين الي يعتبرها امه الي ما جابته على ذا الدنيا
كانت تنزل دموع لأول مره بعد ما تخلت عنه امي كان يبكي بحرقة و قهر بحضن عمته طلع دموع السنين الي عانا فيها من الجوع و التشتت و الألم و ظلم
و ام سيف تمسح على ظهره و تقول :أبك ي وليدي ابك البكى مو عيب
سعود ببكى شديد:معد أقدر اتحمل ي عمه...ليه انا اعاني ولا احد يحن علي ليه انا وش سويت عشان اخذ كذا...انا بس كنت أدور لقمة عيشي .. معد..اقدر اتحمل
.... حاولت اتخطى الي سوا فيني بس مو قادر ..ماني قادر اتخطى اي شيء كل شيء ينعادلي حياتي صار مدمره بسببه ...خلاني لعبه بيدين ناس خلاني اشحذ منهم
..خلاني مضحك بينهم ..على القل كان وداني دار الايتام..ليه يحسسني بشعور اليتيم العاجز مع اني من لحمه و دمه اههههاااا ...ظلموني ...سجنوني ...عذبوني ...صرت مثل اليتيم مع ..أنهم عايشين...امي ما سألن عني..ما قالت ...وينه سعود ..وينه ولدي..ما اخذتني بحضنها ..مثل باقي الامها....نسيتني في ليلة و ضحاها..ليه انا مو مثل الباقين حتى في حياتي انحسد عليهاا..بس يتطمونو..والله معد يشوفونييي..ليالي تشتت و الضياع و الظلم..حتى نفسي ضاقت مني...ليه ابوي يدعي في كل صلاة..والله العظيم [رفع رأسه و كانت وجهه مليان دموع و احمر و عشمه ينزف دم]والله اني كنت اسمع يدعي علي ..انا وش سويت له..اسأل بـ الله وش سويت عشان يدعي علي اهههههههاااااا...انا ولده مثل سيف ليهه..يكرهني..ليه يحرمني..ليه يظلمني..ليه يتركها ياخذوني مع انه داري اني بريئ...
كانت ام سيف تبكى معاه وعلى حالته الي القلب :ي ولدي ابوك ما يكرهك هو بـ..
سعود وهو يرفع نفسه من حضنها بنكسار يقطع القلب : لا تدافعين عنه..انا شفته و سمعته..والله ما أنساها منه ما دمت حي ..كسر كل شيء فيني..والله العظيم انها جمر بقلبي تشتعل و تحرقني ..منساها ..منساها
ام سيف:تكفى سامحه ي سعود تكفى هذا ابوك مهما سوا معاك سامحه
سعود نزلت دموعه وهو يناظر عمته :...اسامحه من جدك..اسامح الشخص الي رماني في نار الجحيم..والله ثم والله ثم والله اني ما تنطق له لساني كلمة سماح
ام سيف وهي تتمسك فيه ببكى :لا ي سعود لاا طلبت..
بأس سعود رأس عمته و مسك يدينها و باسها و حط عيونه بعينها : عمتي اتركينا من هذي السالفه..ولا تهوجسين..ولا تتعبين نفسك ارتاحي و كل شيء بيروح مع الايام كيفك انتي سمعت انك تعبتي ايام راحت
ام سيف:والله اني بخير بس انت هميتني ي سعود ما ودعتني يوم رحت و أشتقت لك ي ولدي اشتقت لوجهك الباسم
سعود:يعمريي ي عمتي ي حياتيي انتي [و باس راسها] اسمعيني ي عمه انا لازم اروح قبل لا يجي ابوي بس ابي منك قبل لا أروح تسامحني على كل شيء
ام سيف ببكى :مسموح ي ولدي مسموح
مسح سعود دمعتها و حضنها للمره الأخير قبل لا يمشي ،طلع سعود فوق السطح ثم نزل مع الدرج و مشى طالع من الديره ثم انهالت دموعه مره ثاني بس هذي المره ما كان يحس بنفسه وصل لسياره و اخذ مويه شرب منها ثم تمضمض و توضى منها و اخذ سجادته صلى ركعتين مع كل ركعه له كانت تنزل دمعه حزنًا على حياته الي عاشها ثم بعد صلاة جلس و تكى على الكفرة السيارة يناظر القمر المكتمل
دقايق و يتصل عليه سيف :سعود وينك ما شفتك عند امي
سعود:سبقتك السيارة
سيف:تمام اجال انتظرني شوي بسلم على امي
سعود:خذ راحتك
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات  تابعوني على حسابي بالانستا
nn_wrhh