لالي ذنب ولا انت عاصي

37

بو سعود بصراخ : سيف..انت وش دخلك بيني و بينه هاهه انثبر عندك ولا اسمع صوتك و انت انقلع برا مجلس انقللللع
حسيت ذيك الحزه اني غريـب مالي مكان ...ابي اموت ضاق صدري من بلاوي قمت وانا مكسور كسر كبــير و مجروح و جرحي للحين ينزف بس حالفً ما تنزل من عيني دمعه  قمت و اخذت ما معي من كرامه و طلعت وانا اسمع الناس تقول لـ ابوي " أعوذ بالله منه دخلته دخلت شر .. والله إنك ي بوسيف ما قصرت .. الولد هاذا ما ينبلع كيف تحملته طول السنين ..والله انك احسنت يوم تبريت منه "
لف و قلت له قبل لا أطلع من الباب : استودعك الله ي يبه و إن شاء الله ما عد تشوفني الا على خير يالغالي
بوسيف :اقول انقلع ي رجال غثيتني الله يغثك
و لفيت وانا ماسك نفسي ما ابي انهار قدامهم ما ابي احد يشوفني و خاصةً الناس الي حولي كنت أطيرح أكثر مما اقوم كنت اشتغل ليل و نهار حتى أشتريت لي بيت و سياره و يسر لي ربي كل شيء بس كل ما زانت أموري يجون ناس من الجماعة و يخربون علي و بعض الأحيان يكذون عند الناس الي اشتغل عندهم و يطردون بسما اقول الا الله يسامحهم
فراس: شلون تسكت لهم ليه ما دافعت عن نفسك
سعود:وش اقول ي فراس ان قلت شيء كبوا عفشي كل لناس وانا والله ثم والله ثم والله اني بريى من هذيك الأمور بس ربي فوق
نايف:سعود امك و ابوك تطلقوق و عمرك كم
سعود:تطلقو و انا عمري ست سنوات
فراس: طيب درست ؟
سعود:لا بس بعد ما تركت ديرتي دخلت في مدارس ليلة كانت بعيده مره عن الحاره الي ساكن فيها بس كنت اخذها رياضيه و الحمدلله اخذت فيها من العلم ما افادني
نايف:طيب الرجال الي كنت تكلمه هو سيف
سعود:ايي
فراس:طيب انت باقي لك نية ترجع لـ ابوك و لديرتك
سعود وهو يناظر الطريق رد عليه ببروده :
" شلون تبيني ارجع و القلب مجروح ولي
ايام ماني بناسيها شلون اناظر بوجيهنا
مسببه الالمِ خلني ساكت معاد بالكلام داعي
إن طاح من عيني عزيز و يكبر عيره بس سراب
والي يطيح من العيون يموت ما يرجع لها "
نايف :احنا أهلك و اخوانك ي سعود
فراس من نية طيبة :ي سعود انا اقولك من الحين بيتي هو بيتك و اخواني هم اخوانك اعتبرنفسك بديت بداية جديده مع ناس وافيه و أمينه صدقني الديرتنا ما تلقى شخص في قلبه حقد على اخوه
سعود: مشكور ي شباب وانعم بمخوتكم والله إنكم اعزم من تعرف عليهم واني اتشرف انكم تعتبرون اخوكم ..
فراس و نايف :الشرف لنا ... سعود طلبتك تقول لـ نايف يخليني اسوق
نايف:وليه اخليك اسوق بايعً نفسي انا اقول انثبرعندك تحلم تسوق حتـى خالي حسين يعطيك ارايه الخضراء
فراس: ي بقره ذيك الحزه كانت لحظه جنونيه ولو كنت مكاني كنت انجنيت اكثر مني
نايف: فال الله ولا فالك الله يخلي لي محبوبتي .. اذا وافق سعود بشوف
لف فراس لسعود:هاهه ي سعود وش قلت
سعود:فراس انت توك طالع من المستشفى و شبه مكسر ارتاح لنا لو مكانك كنت كبرت الوساده
فراس: صادق بس ابي اسوق ياخي لي فتره ما لمست يدي الدركسون
نايف: نينينين قال داكسون قال
فراس:ياخيي وش فيك انت قالب عليي هاهه مد فراس يده من المرتبه الاخره وهو يقرص نايف بكتافه و نايف يتواعد فيه و فراس يضحك اما سعود فـ يناظرهم ببتسامه و يضحك على مجاكرتهم
نايف وهو يبي يصرف فراس عشان يبعد عنه :اقول ي سعود معندك حبيبه
و فعلًا لف فراس لـ سعود و نسي نايف ، سعود:لا ما عندي و الله لا يقولها
فراس و نايف بفس الوقت :ليه !؟
سعود: مدري احس ابتلش بها و أنا أصلًا وضع مناحس اذا لي نفس بالحب بتزوج لي مره واحده بس ..
فراس:بس وش
سعود وهو مكسور :ما اتوقع في احد بيزوجني بنته وانا كذا لا اهل ولا هم يحزنون
سكتوا ثم نطق فراس بغير وعي :ما عليك بعطيك اختي مناير
لف له نايف بقوه و معه سعود ،سعود: فراس متوقع ابوك غبي عشان يعطيني إياه اكيد بيسأل عني و عن سمعتي بين العرب و اصلاً لازم يكونون أهلي موجودين معي وانا اهلي متبرين مني من كل الجهات
نايف: طيب امك لو قلت لها تجي عشان هي تخط لك و تشوف عروستك ما بتجي
ضحك سعود بستهزاء: امي اموت ولا اروح لها في اليوم الي كسر فيه ابوي الجوال كنت اقولها تجي تاخذني توقعت منها الرد الي يبرد قلبي و يرد له الحنان كنت اتوقع منها مثل اي امي حنونه بس ردها صدمني
آم سعود بعصبيه و صراخ :انت مين اعطاك رقمي هاهه مين اعطانك اسمعني زين عذا الرقم لا عاد تتصل عليه تفهم
سعود وهو صغيره :يمه تكفين تعالي .. يمه لا تقفلين بوجهي ..يمااا
ثم صار الي قلت لكم
حضن فراس سعود من ورا المراتب وحاط راسه على المرتبه ،ابتسم سعود وهو يقول :اخخ ي فراس ....
نايف:احمم قربنا استعدوا
...........••........
في بيت بو متعب
كانوا الكل مجهز لجيت ياسر و عاليه بس ابوها كان كل شوي يطالع و يرجع و مره يقول لـ مازن
بو متعب ببتسامه:ي تركي اجلس البنت بتجي ما عليك
بو مازن وهو يفرك اصابع بتوتر:ابشر يبه
مكان موجود بالمجلس الا عيال بو متعب و مازن اما الباقي فكانوا في اعمالهم مو فاضين وسوالفهم تروح و ترجع للمشاريع و الشركات
بس قاطع نقاشهم دخول عاليه و ياسر انصدموا الجميع من دخلتها عليها و بوجه مليان كرهيه و بيدها اوراق قاموا كلهم تقدمت لـ بو متعب متجاهل الحاضرين توقع بو متعب منها انها بتسلم عليه اولهم ثم الحاضرين بس الاوراق الي بيدها رمتها بوجهه و قالت : ثمارك ي بو متعب و اسمعها مني زين انا اذا دقت برأسي شي عصبًا عن الكل أسويه
انصدم بو متعب صدمة عمره وهو يشوف.. بنت تركي تنزل من احترام و هيبته قدام عياله و ترمي بوجهه اوراق و كانه زباله و تبتسم بوجهه رفع بو متعب الاوراق و قرأها
ناظر عاليه و الشياطين تنطنط فوق رأسه وبكل عصبيته نزل عقاله عشان يضربها بس سحبها مازن وراها و قال :تحلم تمد يدك عليها
و بو مازن يمسك ابوه و معه طلال و راشد
بو متعب بعصبيه :انا يالي ما تستحين على وجهك انا تطيحين رأسي بين العرب هاهه والله العظيم ما يفكونك مني ابعدوا ابعدوا عنييي
بو مازن وهو يمسك ابوه :ماازن خذ اختك طلعها من هنا بسرعه
اخذ مازن اخته و طلعها متجده بها لبيتهم بعد ما اخذت اغراضها من سيارة ياسر
فكوا تركي و طلال و راشد ابوهم وهم يتوعد و تحلف في عاليه تذكر ان ياسر موجود توجه له و مسكه بياقته :اقسم بالله انك فاشل تفهم فاااشل كيف تخليها تلعب بعقلك هاااه انت ابداً مو ...
ثم طاح بو متعب على ركبه بس باقي معصب و يتوعد بالاثنين
راشد: طلال وين حبوب ابوي حق الضغط
راح طلال يجيب الحبوب بس اغمى على بو متعب وهو يمسك قلبه رجع طلال وبس فات الاوان ،حملوا بو متعب و ركبوه سيارة ياسر و راح راشد و باسم و طلال مع ابوهم اما بو مازن نادا لزوجته و طلعوا متجهين لبيتهم
ام عاليه: وش صاير ي تركي و وينه مازن ما اخذته و عاليه ما شفناها ولا سلمت عليها
بو مازن:ما عليك بتلقينها قدامك
ام عاليه بستغراب:وش تقصد
بو مازن:بنتك تطلقت من ياسر و لا ازيدك من الشعر بيت اخذت اوراق الطلاق و رمتها بوجه ابوي
سكتت ام عاليه وتناظر على احر من الجمر تشوف بنتها الي قطعتهم ثلاث شهور لا سلام و كلام
..........••........
عند الشباب
وصلوا عند بيت بو فراس بس ما قالوا لأحد حابين يفاجئونهم وهم ياخذون شناطهم وقفت سيارة مازن و نزل و نزلت معه عاليه هنا فراس مشى بدون ما يحس متجه لهم بس لحقه سعود ونايف
نايف:فررراس اركد وانا خوك اركد
سعود: اثقل شوي ياخيي ...الحين اذا رحت عندهم وش بقول هاهه خلنا نرجع
فراس:بس
نايف:والله إنك تشبع فيها بس يلاا يلاه
سحبوه وهو يتأفف ،سعود:لا تتأفف نايف معه حق اصبر فإن الصبر جميل
فراس :ابشروا صبرت هاهه ارتحتوا
نايف:والله ماني مرتاح بس الله يكون بعوني
سعود: تصدق ي نايف
نايف:وش
سعود:ما توقعت فراس خفيف كذا توقته ثقيل و رزين بس ويين
نايف: هذا شيء بسيط انا هنا فقع كبدي
فراس:تصدق اشرهه مو عليك الشرهه على الي يمون معاكم
و راح مسرعه للبيت و سعود و نايف يضحكون
.....
هناء : انا بودي العشاء حقنا و غدي و عزيزه السفره و الفواكه وانت ي مناير خذي عشاء العيال و وديه و قولي لفيصل و مهند يجيون ياخذون سفرتهم و فواكههم
مناير:طيب، اخذت العشاء حق العيال و توجهت به لديوانيه وهي تدندن و نسيت ما اخذت طرحتها
دخلت و هي تقول :العشاء تفضلوا
تجمعوا وهم عليه و مسكت فيصل و مهند :أنتم روحوا جيبوا سفرتكم و الفواكه من المطبخ
بو فراس: تعشي معنا ي مناير
مناير: تسلم يبه بس رايح للبنات
بو فراس:براحتك
و اتجهت عشان تطلع دخل عليهم فراس و سعود و نايف وهم يقولون سلام ألا سعود الي انصدم بالبنت الي قدامه
وهي من فهاوتها ضحكت و ردت السلام بس تذكر فراس ان معه اخوياه اتجه لمناير حضنها و فزوا العيال كلهم يغطونها و يطلعونها و بو فراس اخذا نايف و سعود على جنب حتى تطلع منايراما مناير فنحشرت بين اخوانها حتى طلعوا
فراس:انقلعي لا عاد اشوفك بدون طرحه
أستغربت مناير اسلوبه معاها راحت وهي زعلانه ولا كانت تدري بـ العيال الي مع فراس
.......••......
في بيت بو مازن
كان الصمت سيد المكان لا مازن يتكلم ولا عاليه تتكلم و شوي و يدخل بو مازن و متجه لـ عاليه بس وقف بوجهه مازن الي كان متوقع من ابوه يضربها
بو مازن بهدوء :مازن بعد عن طريقي خلني أتفاهم مع اختك
مازن:اهدأ يبه أهدا
بو مازن : طيب اني هادي وش تشوفني انت
بعد بو مازن ولده و صار قدام عاليه و قال :ليه تسوين كذا
عاليه وهي تناظر ابوها: ليه .. هذا شيء طبيعي اذا مكان بين زوجين راحة او تقبل فشيء عادي انهم يتطلقون
بو مازن: طيب مكان داعي تسوين ذيك المسرحية قدامنا و بعدين انا ما ربيتك تهينين الكبار كذا
عاليه: صح انت ما ربيتني على كذا بس الي يعترض طريقي و يوقف بوجهي هذا شيء بسيط
بو مازن:بس هذا جدي
عاليه بسرعه :وانت ابوي ..انت شفته يوم شتمني و ضربني و اجبرني و انت ما قلت حرف واحد بس انا مستحيل اسكت له وخليها تمشي له و انا عاليه مستحيل اطيح و أنهزم و هذيك المسرحية الي تقول نتيجة ثماره و انا خلاااص صرت مطلقة رسمياً
سكت بو مازن وهو يشوف بنته تنهار دموعها قدامها قرب عشان يحضنها بس وقفته وهي تقول : الحين تبي تحضني الحين ليه ما حضنتني يوم شفتني انزف قدام عيونك
مسك بو مازن يدها و حسبها بحضنه وانهارت أكثر و طلعت دموع الايام الي راحت وهي بعيده عنهم و زعلانه عليهم أبكت من قلبها على ألم الفراق و الحنين الي عاشته طلعت كل شيء بقلبها ثم نامت بحضن أبوها
مازن:عاليه قومي اغسلي وجهك عشان تنامين و ترتاحين
ما ردت عليه
مازن:ليكون زعلان مني
ما ردت عليه
نزل مازن عشان يشوفها بس كانت نايمه بعمق ابتسم بو مازن ثم حملها على سريرها و ام عاليه تلحقه عشان تساعدها بملابسها و ترتب ملابسها
اما مازن اخذ شناطها و دخلها غرفتها و طلع هو و ابوها تاركين ام عاليه الي بعد ما خلصت باست بنتها و نامت جنبها
........••.......
بيت بو فراس
بو فراس: ي مرحبا بكم ي مرحبا نورت الديره و السفرت بجيتكم
العيال: البقى البقى
نايف: أصلا هي منوره بوجودك فيها ي خال
بو فراس وهو يناظر فراس الي هادي ثم ناظر سعود الي وجهه طماطم
أستغرب بو فراس: علامك ي سعود وجهك أحمر
لف العيال كلهم له ، سعود :ولا شئ ي عمي ..
بو فراس وهو مبسوط بجيت فراس: ي ثامر قول لأمك تجهز لنا برادي شاي و تجيبه و انت ي سعد جيب البلوت
فراس:انا بروح اسلم على امي و اخواتي
بو فراس:طيب
راح فراس لامه وعلى طول مع دخلوه الصاله هجمة عليه هناء ثم عزيزه
فراس بمزح :لا اله الا الله كبر وزنك ي هناء
ضربته هناء على كتفه : خسرت دموعي عليك
فراس:ليه بكيتي علي كثير
عزيزه:اخخ طقت طبلتي من كثر الشهيق
ضحك فراس عليهاا ثم باس بخدودهم و جته ام فراس تبكي حتى حضنته :ليه يمه ما قعدت جبي ليهه بغيت تروح ما ترجع ليي ..شلون لو رحت و ما رجع انا بموت اذا ما شفتك ي روح أمك
فراس:خلاص يمه تراا دموعك غاليه لا عا تبكي شوفي الحمدلله طيب ما فيني الا كل خير خلاص لا عاد تبكين
ام فراس:شلون ما أبكي وانت كنت بترح من بين يديني
اخذ فراس يدين امه و باسها ثم باس رأسها و حضنهاا بكل حتيه و حب و البنات بعد
بس مناير كان زعلانه بس يوم شافتهم راحت معاهم بالحضن و نسيت كل شيء
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات  تابعوني على حسابي بالانستا
nn_wrhh