لالي ذنب ولا انت عاصي

25

في بيت بو فراس
كان الكل على الفطور الا فراس كان تعبانه ما يبي فطور ،قام بو فراس بعد ما افطر وقال : سعد و حمد انتم مروا على للعزبه ثم ارجعوا شوفوا اذا في نواقص البيت و انت ي حامد روح للمحل وانت ي ثامر اذا أفطرت الحقني
الكل :ابشر يبه
راح بو فراس متجه لغرفة لـ فراس فتح باب لقيه على فراشه بالأرض راح لا على اساس يقومه يفطر ويتحرك شوي بس وقفه صوت فراس وهو يقول : لاا لا تروحين .. والله اني احبـ..ك ي ..عاليه ..والله
حس بنيران الغضب بجسم ما توقع انه يوصل وضعه انه حتى يشوفها باحلامه كان بو فراس في قمت الغضب و عصبيه كان بيضرب برجله في بطنه بس تذكر وضعه الي هو فيه
حمل نفسه و طلعه وهو واصله معاه حط يده على راسه وهو يقول بنفسه :ي رب ازرع في كرهها في قلبه ربد
و راح وهو يرددها في نفسه ،دخل على العيال في الديوانية وهو يصارخ:ثـامر قم لا قام الله حظك قم يلا نمشي
قام ثامر مسرعه و غسل يده و طلع و العيال في حالة صدمه ابوهم طلع من عندهم مروق و رجع واصله معه
حمد: بسم الله وش فيه ابوي
حامد :مدري بس شكله تخاصم هو فراس
سعد: لا ما اتوقع فراس يالله انه ينطق من الألم
حامد:طيب وش فيه
سعد:الله اعلم بس يلا لا يرجع يفركنا
حامد:انا ما بروح الا 8:00 بس انت افطروا على سيركم ابوي اتوقع انه بيروح لـ عمي عبدالله
سعد :الحمدلله أفطرت بسبقك ي حمد
حمد:وقف ي سعد بروح معك ..فيصل جهزتم شناط
فيصل وفي فمه أكل :اا.ي يبه
ابتسم حمد :طيب لا تروحون مكان خلوكم هنا لا اسمع أنكم رحتم عند عيال الحاره ترا المره الي راح عدت على خير
فيصل ببتسامه:ان .. شاء الله
و قام سعد و حمد و راحوا ما بقى الا فيصل و عمه حامد
حامد : فيصل رائد باقي نايم
فيصل:ايوا ي عم
حامد بفضول :وش سويت انت وهو في الحاره
فيصل ببتسامه عريضة: شوف ي عم في واحد اسمه صالح قام يضاربنا بس شيبان الديره بعدوا بينا مع انه اكبر منا بس يضارب فـ انا و رائد اخذنا غصن صغير مره بس مليان شوك و رحنا ليسارته شفت المقعد الي يجلسون عليه
حامد بصدمه : ايي
فيصل ببتسامه: اخذنا سكين و قطعنا و دخلنا الغصن بحيث ما يلاحظ بس ما دخل ذاك اليوم السياره بس انا و رائد كنا نراقبه لين دخل السيارة و جلس ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه وجلس وصرخ [وهو يمثل شكله ] اقسم بالله ان الحاره كلها حتى الحريم طلعوا من بيوتهم من صوته و راحوا فيه للمستشفى
حامد:ههههههههههههههههههههههههههه حرام عليك انت و هو متعرفون تمقلبون بخفه لازم يكون في ضرر
فيصل:لازم هههههههههههههه
حامد:طيب كيف سلمتم من جدك و ابوك
فيصل وهو يضحك :توسطت لنا جدتي هههههههههههههههههه
حامد:صدقني لو مو هي كنتم ذيك الحزه نايمين في العزبه
ضربه حامد بخفه على كتفه و قام وهو يضحك راح غسل و توجه لغرفتهم شاف نوف متغطيه ببطانيتين قرب منها وحط يده على جبهتها كانت مــره حاره
حامد:نوف ي نوف
نوف بصوت تعبان:سم
حامد:نوف حبيبتي تعبانه اوصلك المستشفى
نوف : لا اخاف أتعبك اصبر شوي يمكن يخف
ساعدها حامد تقوم بس غصباً:شلون تروح و انتي نار هاهه
راح لدولاب اخذ عباتها تذكر ان رند وراه راح لنوف الي تلبست عبايتها و رجعت رأسها على المخده بألم :نوف وين اغراض رند
نوف :شوف في الجهه اليسرى ،اخذها و حمل رند : تجهزي حتى اوصل رند عند امي و أجي
و راح مسرعه لـ ام فراس الي كانت تتقوى بالصاله دخل عليها وهو ينادي :يــمه يمهه
قامت ام فراس مفزوعه :هنا هنا
و راح لها و اعطاها رند :يمه بخلي رند عندس و بروح اوصل نوف المستشفى تعبانه مرهه
ام فراس بقلق: ليه وش فيها
حامد :مدري يمه بس حرارتها مرتفعة
ام فراس : طمني عليها اذا وصلتم
حامد:طيب يمه
و طلع بعجله اخذ نوف و ساعدها تركب سيارة و راح مسرع وهو في الطريق دق على ابوه و قاله ان نوف تعبانه و انه بيوصلها المستشفى
..............••............
في المدينه
عند بو مازن الي يتجهز عشان يروح عمله و مازن لساته نايم بس افزعته العنود وهي داخله عليه بثعبان [لعبه] رمتها عليه ونط من على سريره و انه في الأرض مفزوع و يناظر بصدمه ثم لف عليها بغضب و هربت وهي تضحك الضحكة الشريره:هووووااااا
و قام اخذ له نعال يطردها فيه :والله لوريك
العنود وهي تركض وتضحك :يماااااا
وصلت لامها بس ام العنود ضربتها بخفه على رأسها كان مازن بيضربها بس وقفته ام العنود:بس ضربتها انا
مازن بقهر :بس يمه افزعتني
ام العنود :احسن انت تشوف كم الساعة تأخرت على المدرسة
مازن:ي يمه الله يخليك انا وش قلت لك البارح قلت استأذنت من الاستاذ
العنود : هيي نسيت انك بتوصلني الأحوال
مازن:والله ما اوصلك
العنود: امااا عاد
مازن : انتي ترا لك حساب بس مو الحين
دخل عليهم بو مازن وهو يصلح كبكه : وشو من له حساب
مازن:ولا شي يبه
العنود:الا في شيء
بو مازن:تكلموا
العنود:يبه يقول ما بيوصلني
بو مازن:مـــازن
مازن: بس يبه هي افزعتني
بو مازن:العنــود
ام العنود: أتركهم ي تركي و اسمعني يمديك تخلص اليوم بدري
بو مازن:ايي احتمال إطلع بدري اليوم
ام العنود:تمام
العنود بحماس:وشوعلى وين رايحين
بو مازن برتباك :ولا شيء يبه بس اذا بتروحين انتي و مازن خبروني اعطيكم فلوس
العنود:يبه باخذ صحباتي معاي
مازن:لااااااا مستحيل ومن سابع المستحيلات
العنود:خـيـر
بو مازن:هو صادق ي بنتي انتي و مازن بس
العنود: تكفى يبه تكفى
بو مازن:لاا مفهوم
العنود :ايي مفهوم
اخذ بو مازن قهوته و طلع بس وقفه صوت ام العنود :ي تركي نسيت الملفات
رجع بو مازن مسرع للغرفه و اخذها و هو مار من سيب المطبخ :مشكوره يـ غزاله
ابتسمت ام العنود:العفو
اما العنود جلست تفطر و مازن راح يأخذ له شور ،و بين ما كانت العنود و امها يفطرون تذكرت العنود سالفه حقت ضيق التنفس:يمه ابيك تكونين حاضره من بدري
ام العنود :طيب
العنود:يمه احس في شيء مخبيته عني انتي و أبوي
ام العنود برتباك:لاا يمه مافي شيء
العنود بشك : مدري احس شاكه
ام العنود:على وش الشك بنروح نأخذ اغراض ناقصة في البيت و ونجي
العنود:تمام انتبهُ على نفوسكم
.................••..............
عند بو فراس
كان بو فراس يناظر وهو ساكت وصلوا و نزل بو فراس و وراه ثامر ،شافهم بو ناصر و دخلهم و رحب فيهم وهو يصب لهم قهوه وقفه بو فراس بقوله :ما بنشرب ي عبدالله بس وين ولدك ناصر المفروض يكون موجود
بو ناصر:افاا ي خوي خذا القهوه الحين ونعين من الله خير و ناصر قالي انه بيروحون الريـ...
قطعهم صوت جوال بو ناصر رفعه و استغرب الرقم غريب اعطاه مشغول ثم رجع دق ثم اعطاه مشغول ثم رجع دق بس هذي المره رد بو ناصر
بو ناصر:الوو
الشرطي:الو السلام عليكم
بو ناصر:وعليكم السلام مين معي
الشرطي:معاك قسم الشرطي بـ مدينة الرياض انت الولد عبدالله بن يزيد ال سعود
بو ناصر بستغراب:ايي انا هو
الشرطي:تم الامر بأبلغكم ي بو ناصر ان ولدك ناصر تم القبض عليه بتهم متعدده و بإذن لله سيتم الإعدام شنقًا بعد غدًا و من ضروري أبلغكم بالامر
بو ناصر ما تحمل الصدمه الي سمعها :الاعدام شنق ليهه
الشرطي:لمحاولة الهروب من السجن وقتله اثنين من رجالنا و الاعتداء بضرب زوجته امام العامه و محاولة الاغتيال
طاح جوال بو ناصر من بين يدينه وهو مصدوم ،أستغرب بو فراس تجمده و مسك الجوال و رفعه على اذنه
بو فراس:الوو مين يتكلم
الشرطي: انت بو ناصر
بو فراس:لا اخوه حسين
الشرطي:اهلين فيك ي عم حسين انت اب عزيزه
بو فراس بعقد حاجب:ايي ان ابوها من يتكلم
الشرطي: ي عم حسين بنتك عزيزه في العناية المركزة و حالتها الصحية صعبه أطلق عليها زوجها ناصر عبدالله و قام بضربها امام العامه
بو فراس توسعت عيونه و قام مسرعه :في اي مستشفى هي الحين
الشرطي:في الرياض مستشفى ***
بو فراس: طيب
قام ثامر مع ابوه يوم قام بس مو داري وش السالفه بس يمشي معه ، ركبت بو فراس و ركب معه ثامر ابعد بو فراس شماغه بغضب شديد و شغل السيارة و فحط بسرعه يبي صار كل همه بس يمسك ناصر و يدفنه حي و طول الطريق يتحلف فيه ما حس بـ ثامر معه
ثامر:يــبـه هدا يبه هد في سرعه يبه
بو فراس بدون ما يحس: هذا الخسيس الوا*ي يمد يده على بنتي والله لدفنه حي
ثامر وهو يهدي في ابوه : يبه أدحر الشيطان و هد بسرعتك ترا ذا خط مو بسيط
بو فراس بكل غضب :اســكت انت اسكت انا اعرف احسن منك تــفهم ..خلك سـاكت
سكت ثامر من هيبته ابوه وهو بس يناظر الطريق و يدعي ان ما تطلع لهم سياره ،لانهم ماشين على الاخيـر
..............••............
عند مازن والعنود
تاخرت العنود كثيـر و مازن قليل صبر : عـــاليـه اعجلي ترا اخرتيني
طلعت له العنود وهي مبتسمه : اسفه تأخرت
مازن : لا بدري لو بس اخذتي لك قهوه كان زانت الجلسوه والله
العنود وهي تمشي له :والله انك صادق تبي نرجع ترا باقي بدري
ضربها مازن بخفه على كتفها :اقول أمشي قبل الزحمه
العنود وهي تبي تقهره :اخخخ احب زحماتت يايي
لف لها مازن بنعال ، وهي تراجع بضحكه : ترا والله ي ذا النعال انه ياكل من لحمك
العنود :خلاص خلاص امزح تدري اني متحمل أصلًا الزحمات
مازن:هيأ امشي اخلصي علي
طلعوا من البيت وهي مبسوطه انها عكرت مزاج مازن و مازن بعكس مبسوط ان معه اخت تسليه و تمون معه ركب وهو مبتسم على عفويتها : ايواا ذلحين تتصلين على الوالد يحول لنا الفلوس ي طويله العمر
العنود: هيي بسيط بس تمر على ستاربكس
مازن حط راسه على دركسون ووجه وجهه لـ العنود :شوفي اي شيء الا ستاربكس انتي اذا دخلتي اقسم بالله انك تاخذين من كل نوع رشفه و تخلين الباقي و هذي خساره
العنود: هذا ي حبيبي اسمه تذوق لازم اتذوق كل شيء جديد
مازن:يمكن يصير لك أمساك بسبب تشكيلة
العنود:طيب حلو الامساك ينظف المعده
مازن:قولي والله انتي ما جربتيه عشان تقولين حلو
العنود ببتسامه مكر :يعني انت جربت
ضحك مازن:ايي جربت هههههههههههههههههه
العنود:عوافيي ههههههههههههههههههههههههههههههههههههههههههههههههههههههههه
.............••...........
في بيت بو فراس
ام فراس كان ودها تقوم تسوي شغله عليها بس رند كانت نايمه بحضنه مر من جنبها فيصل وهو يحمل صحن الفطور اعطاه هناء و غسل يده و من عند جدته شافها تحاول تحط رند بسريرها بس كل ما حطتها تبكي راح جلس جنبها و قال :اعطيني اياها ي جده و انت روحي
ام فراس: لا لا بتطيحها
فيصل : لا لا ما بطيحها بس هات عنس
ام فراس: طيب تربع عشان احطها بحضنك
تربع فيصل و حطت ام فراس رند بحضنه و قامت :انتبه عليها ولا تقوم حتى و اجي
فيصل:طيب
و نزل فيصل عينه على رند الصغيره الي كانت تناظره بهدوء مد يده لها مسكتها و ضحكته ببراءة ،أبتسم على لطافتها وهو يمسك خدوها :يعمري ي سنجوبه
اخذت يده و دخلتها فمه تعضها بس مكان في اسنان و فيصل حب يلعب معاها مثل انه يوجعه :ااااييي
ضحكت رند ثم رجعت تعضه وهو يمثل الألم وهي تضحك ،مر رائد من و راه وهو يسمع الضحكات أستغرب ضحكات رند ،لف يشوف مين الي يضحكها شاف فيصل توسعت عيون من الصدمه فيصل فيصل يلعب مع رند من قوة الصدمه نطق :فيــصـل
رفع فيصل راسه وهو كان مبتسم بس حين شاف رائد اختفت ابتسامته ورند تمسك يده و تضحك
كمل رائد المشهد حقهم ونو يصفق : ي بداية المحبة
فيصل:لا تكفى ي رائد لااا
رائد ببتسامه عريضة:لــيه
فيصل:ياخي بس ألعب معاها عشان ما تبكي
رائد:ايي اييي واضح
فيصل:ورعع بلا تشبيك بلا قلة حيا
رائد وهو يغمز :الله قلة حيا هاهه الله يكتبها من نصيبك
فيصل:اقول رح افطر روح والله شكل الجوع مأثر عليك ي بصله
راح رائد وهو يضحك عليه و ما قصر نشر الخبر لأكبر عدو لـ فيصل وهي هناء طلعت له وهي ترقص و تغني : لاخر لحظه من عمري اقلك انت محبوبي ..وحبك في دمي بيجري وطيفك نور في دربي..ياريت العمر يتوقفعلى حالة هناا جنبك
وقطع عليه فراس بدخوله : " نعيش فيها ولا نخفف من الشوق الى مايوصف ونتهادى ورود الحب ونروى فيها نشوة الحب واقلك انت محبـــوبي"
هناء بتصفيق :الله الله عليك ياخيي علمني كيف طار المرض
فراس وهو يمرسك ظهره : ياليت بس والله اني شبه مفروم
هناء:كويس ما دام مفروم ..المهم اجيب لك فطور
فراس:لا ما ابي امي وينها
هناء وهي تناظر فيصل الي يحاول يبعد يده من يد رند : امي راحت لغرفتها بس شوي و تجي
فراس:طيب تعالي سوي لي مسـ..
هناء بصوت عالي شوي : فــيـصل
تجمد فراس مكانه وهو يناظرها وهي رايحه لفيصل الي رحط رند بالارض و هرب من هناء :والله لعلم رائد ي حيوان
فيصل:رائد خويي و ولد عمي مستحيل يقلب علي
هناء وهي تتوعد فيه :انت ما تستحي تبوس بنت عمك مو حلالك تفهم
ناظرها فراس بتعجب ،تقدم و ضربها بخفه على كتفه :هيي ترا عادي بنت صغيره
هناء:لا مو صغيره بس الولد ما يستحي انا اوريك ي فيصل اذا ما أكلت اذانك
فيصل:هههه تأكلين اذاني اتحداك بس
شهقت هناء:اصبرلي حتى واجيك
هرب فيصل و هناء وراه بس وقفها صوت ام فراس تناديها :هـــنـــااء
هناء:هلا يمه
ام فراس:تعالي
هناء وهي رافعه نعال تبي تقذفه على فيصل:شوي يمه
ام فراس:اقولس تعــالي
فراس بضحك :روحي قبل لا تجي امي تتوطى بطنس
هناء تتنهد بقهر:يووه ي فيصل
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات تابعوني على حسابي بالانستا
nn_wrhh