لالي ذنب ولا انت عاصي

38

.
.
جلس سعود في بيت بو فراس شهر و كان يعيش أجمل أيام حياته بكل موده و بدون مجاملات و بمحبه كان يحس انه ببيته بس كان يتمنى إن ابوه يشوف معاملة بو فراس مع عياله يتمنى من صميم قلبه انه يعامله و يحسسه انه ولده مثل ما يعامل بو فراس عيال بصرامه بس بحب .. بشدة عشان يكونون رجال ..بحنيه يحسسهم بأنهم عياله
مكان في الديره فنادق عشان يستاجر كان يحس انه يثقل على فراس مع انهم كانه ولدهم مو ضيف
اعطاه بو فراس شغل في محال و فرح سعود و كان يشتغل بكل قلبه بس كان في عواق كبير يمنع من الشغل بكثره بس كان يتحمل عشان يقدر ياخذ لقمة عيش مع ان بو فراس كان جداً كريم معه و يعتبره مثل فراس بس كان يبي يشتغل و يتعب قبل لا يروح و كان شغله بكل صدق و أمانه وهذا عاجب بو فراس ويقدر يثق فيه لانه شاف فيه الاخلاص
صح سعود كان غريب على الديره بس من اول اسبوع له خلى الكل يحبونه و هذا كان يريحه و لكن كان ياخذله من مقالب رائد و فيصل ويلعب معاهم و تعلم منهم كيف يسوي مقالب و كانت اول تجربه له مع نايف و جلس هو و نايف يتطاردون حتى وصل فراس وتوسط لسعود
و في يوم السبت أتصل سيف بـ سعود
سيف :شلونك ي سعود
سعود ببتسامه:بخير و الحمدلله شلونك انت بشرني بصحتك
سيف حس بأن سعود غير عن سعود القديم أبتسم: والله بخير بس طفشان العقيد اعطاني اجازة شهر بالغصب و انا كان عيني على موظف شاك فيه بس يلا بإجله لبعد الإجازة
سعود ببتسامه:وش رايك تجيني اليوم نسولف عشان تاخذني معك و نروح لـ عمتي
سيف :ابشر بس وينك
سعود: انا ببيت خويي لي بس بلاقيك عند عزبتهم ابيك تتعرف عليهم
سيف :طيب
قاله سعود بتحديد وين هو و ين عزبة بو فراس
سيف بصدمه :بو فراس
سعود:ايي بو فراس
سيف :اسمعني ي سعود صح معاه ولد اسمه حمد و ثامر و حامد
سعود:اي
سيف كان بيشق ملابسه من الفرحة:دقايق و انا عندك بس انتظرني
سعود:تمام
قفل سعود ولا امداه الا و فراس عنده ، فراس : سعوود يلاا
سعود: دقايق اشرب مويه
فراس بستعجال :ي رجال امش معي مويه بارده و قهوه و مفرحات بس امش
ركب سعود معه وهو مكان متوقع الي بيصير له
وهم في طريقهم ما شاف فراس سيارات وهذا عجبه و اعطاه فكره ،فراس: سعود
سعود وهو سرحان : سم
فراس ببتسامه خبث : تمسك
لف له سعود وهو خايف من الي يدور براس فراس اخذ له نفس و على سرعة 360 انطلق فراس وهو يضحك و عاجبه الوضع اما سعود فكان متشنجة من سرعه و فراس يصيح لو له ،فراس:علامك صنمة
سعود : تكفى خفف السرعة
فراس : ليهه
سعود:انا محـ..
قاطعهم صوت بوري سيارة نايف من جنبهم ، فراس:قدها ي نايف اوريك
و صار الطريق حلبة منافسة اما سعود فمسك باب السيارة
و نايف دق على فراس وهو يضحك ، نايف:والله اني مطنوخ
فراس:اقول ترا ضحكت لك و زيادة
نايف: اقول انا مستحيل تتخطاني بس اركد
فراس وهو يحب تحديات :قدهاا
نايف :ايي وش بتسوي يعني
فراس:انا اوريك ي ثور
زاد فراس سرعته و صار هو و نايف جنب بعض وهو يناظرون بعض مع شبابيك بس مسك سعود يد فراس و لف له فراس و كان باين على سعود انه خلاص بيرجع
وقف فراس و نزل سعود بعيد و رجع غدائه كله ثم وقف نايف و نزل يشوف اش فيهم
اخذ فراس المويه و اعطاها سعود ، غسل وجهه ثم تمضمض ثم قام يشم هواء و مشى شوي و لف على فراس و نايف الي واقفين يناظرونه اخذ شوزه و رماه ضربت جبهت فراس و يوم شافوه اخذ الثانيه هربوا وهو وراهم يتحلطم
........••......
في بيت بو مازن
كانت الكل متجمعين على القهوة و رجعت بهجة بيتهم و ضحكات بس خرب عليهم رنين الجوال بو مازن
بو مازن: الوو
ياسر: سلام عليكم ي عم
بو مازن: وعليكم السلام
ياسر: عمي لاقني برا
بو مازن بستغراب : طيب
قام بو مازن و قام معاه مازن و طلعوا بوا تفأجوا بـ عربة حصان و كان فيها وبال حصان عاليه ،بو مازن بتعجب :وش ذا ي ياسر
ياسر :هذا حصان عاليه ي عم و انا وصلت لكم
بو مازن: وانا من وين لي مكان له
ياسر :والله مدري ي عم بس وصلت الامانه و عاد أستودعتك الله
بو مازن : تعال اقلط معنا القهوة جاهزه
ياسر :تسلم ي عم بس عند أشغال و لازم أنهيها
بو مازن: فمان الله سلم لي على ابوك
ياسر: سلمت و يوصل سلامك
و مشى ياسر تاركاً بو مازن في حيره وين يحطه ، دخل البيت وهو يحك دقنه
مازن: يمه ياسر وصل وبال هنا
عاليه بفرح: قول والله.. اصبر عندك عشان نطلع له
مازن: طيب
راحت عاليه غرفتها عشان تاخذ عباتها ، اما بو مازن فكان ساكت و يهوجس وين يحطه
ام عاليه: علامك ي تركي
بو مازن: افكر وين احط الحصان مافي مكان و الحاره ضيقه
ام عاليه: ليه ما تحطه مع عزبة بو مازن و تعطي العامل فلوس عشان يهتم فيه
بو مازن: والله مدري وش اسوي ما ابي انكد على عاليه ..بشوف لـ بو فراس
.........••.......
في العزبة
بعد العصر كان جو مغيم بس هم كانوا ضحُك و مقالب و سوالف تشرح الصدر و نايف الي كان يقول مصايبه هو و نايف فراس وهم صغار و كيف كان ملقوفين و و يعدندون و سعود يسمعهم ولا يمل من سوالفهم حتى فز حط يده عند خشمه عشان الدم لا يلطخ ملابسه
فراس:بسم لله عليك نايف جيب المناديل في درج السيارة
فز نايف يجب المناديل ،جابها و اعطاها سعود اخذ منها و يمسح وجهه و يدينه بعد ما خلص راح يتفقد ملابس بس توصخت دم
سعود:اخخ توصخت ملابسي
فراس:ي رجال ما عليك بنغسلها بعدين
نايف:من يوم شفتك ي سعود خشمك ينزف بكثره و تكح كثير
سعود وهو ينسح ملابسه من الدم رد بهدوء : في مره تهاوشت مع شخص و ضربني على خشمي و من ذاك اليوم خشمي ينزف يقول الدكتور هذا شيء طبيعي اما الكح فـ عندي حساسه
فراس: اخسس ي سعود تضارب
أبتسم سعود:وش اسوي ياخي ظلمني بشيء وانا كانت وأصله معي و دخل الشيطان بينا
نايف: هاهه بشر ضربته زين
سعود بضحك : ههههه والله اني ما قصرت بس بسبب هزالتي و نحفي زايد وهو ماشاءالله مكرش و بخير يحملني فوووق و يهزني بالهوا مثل الريشه هههههه الي يشوف ذيك الحظه يضحك علينا
فراس: ما عليك ي رجال أهم شيء اخذت حقك
سعود أختفت إبتسامه و بصوت شبيه للهمس : ياليت
نايف:والله ملابسك انعدمت
فراس:ما عليه بعطيها واحد من البنات تغسلها لا تشيل همها
تذكر سعود مناير و رجع وجهه يحمر لأنه للمره الأول يشوف بنت بجمالها و بجاذبيتها بس على طول تذكر شيء و انقلب وجهه و اخذ مويه و بللها و مسح ملابسه بقوهه
فراس وهو يناظره بهدوء :..سعود علامك انقلب وجهك
سعود:ولا شيء بس خشمي يوجعني شوي
نايف:ما عليك فراس بيعلم عمتي و إن شاء الله ما ترضى فيك و تعطيك ذيك الحلبة والمر لين اقول آمين
سعود :بس ذا التوقع للنفاس
فراس:يمكن تحسبك من وصفي لك نفاس
ضربه سعود بخفه:هههه مر يضحك
نايف:ياخيي صدقني انك متقلب مزاجياً
سعود : هذا عاده فيني لا تستغرب...شباب في مويه زيادة
نايف لف لكيس جنبه :ايي فراس جاب بس اصبر اشوف
و بين مكان نايف يدور للمويه اخذ سعود كمية كبيرة من المناديل و حطها بجيبه ،اعطاه ناس المويه و فتحها وبين مكان يشرب ذر في حنجرته المويه و كح و الشباب توقعوا انه ذرت المويه في حجرته و ضحكوا عليه بس وقفوا بسرعه يوم شافوا المويه الي تطلع منه لونها أحمر فز فراس و جلس جنبه من الجهه الثاني و نايف راح مكانه فراس و يضربون ظهره و يسمون عليه وقف كح و ضحك
فراس وهو رافع حاجبه و خايف عليه :سعود علامك تضحك هاهه ...ليه المويه طلعت احمر يوم كحيت هااه
سعود وهو مبتسم: ي غبي الدم نزل مع حنجرتي و اختلط بالمويه عشان كذا كحيت
هدأ فراس أعصابه :خوفتنا عليك
نايف وهو رافعً حاجبه :ايي والله
قام سعود:اعذروني بروح اتمشى شوي و أغسل وجهي و أجي
نايف:خذ راحتك
راح سعود بسرعه قبل لا يشكون فيه حتى صار بعيد عنهم شوي و كح طلع مافي قلبه من عله و كل كحه له دم أحمر و نزيف خشمه ما يوقف طلع المناديل الي بجيبه و مسح خشمه و شنبه و تمضمض و غسل وجهه و مشى شوي عشان ياخذ نفس حاس نفسه بضق شديد في التنفس بس ما يبي يكشف حاله قدامهم
بعد مده بسيط رجع لهم سعود وهو مبتسم و جلس ، فراس:هااه ارتاحت شوي
سعود بصوت مبحوح من الكح :الحمدلله
نايف:اعوذ بالله بغيت تموت منها حتى صوت تغير
لف سعود لساعته ثم لـ نايف:والله إنك صادق انا اذا مسكتني ما تنفكني حتى اصير قرصاً
ضحكوا بس قاموا لما سمعوا صوت سياره وقفت و جنب سيارتهم أسرع سعود يشوف و فرح من قلبه يوم شاف سيف ركض له حضن و ترحيب اما سيف الي مصدوم من ملابس سعود الي نصها دم ،بعد حضن مليان شوق و حب الاخوة بعده سيف شوي عشان يشوف ملابسه رفع عينه على فراس و نايف الي يناظرون من بعيد ، سعود بفرح :لا تخاف مافي احد ضاربني بس انا نزف خشمي ..[اشر على فراس ثم نايف] هذا اخويايي هذا فراس وهذا نايف
تقدم سيف و سلم عليهم وهم مسكوه لقهوة معاهم و جلسوه معاهم في البدايه كان بينهم حاجز بس سعود بسلوبه ازال الحاجز و صاروا يمونون مع سيف و يسولفون معاه
ثم قالهم سيف انه يعرف بو فراس و اخوان فراس و كان بنفس الوقت طاير من الفرح لأن الليله بنسبه له حااسمه لازم انه يقول لـ بوها لانه فاق صبره حدوده حتى بأحلامه صاير يشوفها بس ينتظر من فراس العزيمة عشان يستغل الفرصة ولا قصر فراس عزمه و اتجهوا بعد ما اخذ الذبيحة و اتجهوا لليلة الحاسمة
.........••......
في بيت بو فراس
و تحديداً غرفة البنات كانت مناير تدور على لبس تحبه كثير و ما لقته ، مناير:يمه
ام فراس وهي تخيط :اهاا
مناير:يمه وين الجلابية الي شراها ابوي لي
ام فراس:وش دراني انا
مناير :طيب
دخلت عليهم هناء وهي بذيك البس والشعر الي لافتنه كله كعكه على فوق داخله عليهم بـ صحن حلى و جلست على سريرها لف مناير عشان ترجع الملابس الي نثرتها بس قامت بسرعه و بصوت عالي شوي :هـناااء
كانت هناء تهوجس بـ بدر بس فز من صوت مناير ،وهي فمها :هـ.ـااه
مناير بعصبيه :خير ان شاء الله ماخذ جلابيتي الي شراها ابوي لي
هناء وهي تنظر البس الي عليها :وش دراني انه لك..[و بغمزه]
عادي سلفيني اياه ذي المره
مناير:يمهه
ام فراس وهي ماده يدها عشان تاخذ بالملعقة مع هناء: اسمحيها بوجهي ذي المره و تعالي خذي كيد لها
هناء ببتسامه عشان ما تكفخها مناير: حلالك ي مناير
ناظرتها مناير بذيك النظره ثم جلسه تاكل معاهم بس دخلت عليهم عزيزه وهي معاها الجوال و تكلم
عزيزه: .... ايي ي خاله بشوف لها اذا انها موجودة بعطيك اياه ...[حطت يدها على سمعات ]يماا [ام فراس تاشر وهي على صامت ما تبي تكلم و تقول بيدينها "مين "
عزيزه بهمس : جارتنا ام فكس [لقبها ام فكس لانها معرفه بحبها للفكس و كل ما تطلع تتلمس منه و هذي الحرمه معندها عيال]
ام فراس وهي تاشر بيدها و بفمها " قولي لها مو موجوده "
عزيزه:آسفه ي خاله بس امي مو موجوده شكلها راحت السوق ..طيب طيب اذا جت بقول لها ...ابشري
و قفلت و راحت تعطي امها
هناء :ههههههههههههههههههههههههههههه اكيد تسأل معنا فكس
عزيزه بضحك خفيف :ايي
ضحكوا البنات بس سكتتهم امهم ، ام فراس:خلاص بلا شماته هذي جارتنا
هناء : ههههه وربي لايق عليها الاسم بفههههههه
ام فراس بضحك :ههههههههه خلااص
قاطعهم رنين جرال ام فراس بس ردت وهي تضحك : هلـ ههههه هلاا
بو فراس ببتسامه: علامك تضحكين
هناء من ورا امها و بصوت خافت :بنات اص ابوي الحين يتغزل بأمي
ضربتها ام فراس بخفه :ولا شيء
بو فراس: تمامم بس تجهزوا في ضيوف جايين و القهوه و شاي تكون جاهزه و البنات ينتظرون فراس بذبيحة مع الباب الخلفي
ام فراس:كم عددهم
بو فراس:الضيف واحد بس بعزم بو مازن لانهم نزلوا و جيراننا الي حولنا
ام فراس:طيب طيب
قفل بو فراس و وقفت ام فراس وهي تضرب بيدينها عشان يقومون البنات :يلااا يلاا خوذا ملابساً زينه و يلاا جايينا ضيوف
هناء :ياااااا الله
مناير: تكفين يمه اقسم ماني مروقة لريحة اللحم
عزيزه: قوموا الحين و بعدين نتشاور
اقاموا البنات بسرعه قاموا البنات مسرعات عشان يجون الضيوف و يكون كل شيء مرتب و جاهز و كل وحده استلمت شغلها
..........••........
في بيت بو فايز [راشد]
كان الكل متجمعين بس الصمت كان سيد المكان الام على جوالها و الاب على الجرائد يقرأ بس قطع سكوتهم نزول بدر بهيئة مرتبة و فخمة و جلس جنب أبوه
بو فايز:ماشاءالله شايفك مشخص وحراكات على وين طلعتكم اليوم
بدر ببتسامه : لاا ارتاح اليوم مافي كشتات ..يبه صح انا مو مثل فايز ما احب الاعمال و المشاريع و تثقيف و الخ بس انا لي شخصيتي ولي موهبتي و رغم اني ما احب إشتغل بس انا قدمت بوظيفه في شركة فايز و فايز مقصر معي و شغلني معاه و صار لي شهرين اشتغل و أستلم راتبي..يبه اليوم جايك و طالب منك انا ولدك بدر تخطب لي بنت احبها و من عايلة محترمة
بو فايز بفخر حط يده على كتف بدر : بدر يبه انا ابوك و اكيد بكون جنبك و ابشر يبه من عيوني هذي قبل هذي منهي بنت الحلال اللي تبيها
بدر بفرح شديد : اسمها هناء بنت حسين
بو فايز انصدم : بنت حسين
بدر :ايي يبه تعرفه
بو فايز :ايي بالله اني اعرفه
بدر مسك يد ابوه : هاهه يبه بتخطب بنته لي يبه
ناظر بو فايز عيونه ولده و كان فيها الصدق : ابشر يبه بكلمه
نط بدر من الفرحه وهو يقول بنفسه اخيراً اخيراً بقدر اكون جنبها هذيك الشقيه بتكون لي يالله مقدر أصدق و باس يدين ابوه و راسه ثم راح لأمه
بس مسكه ابوه اسأله شلون يعرفها و وين المكان و متى و امه تشجه و تقوله انها بتحطها بعيونها زوجة ولدها المدلل.. ...
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات  تابعوني على حسابي بالانستا
nn_wrhh