لالي ذنب ولا انت عاصي

30

فراس:تسدين حلق مين
هناء :حلقك انت
ثامر: ي فراس أبوي قالي في الصباح تروح لـ حامد بس نسيت اقول لك
نفز فراس :ليش ما قلت لي من بدري الحين أبوي بيخاصمني ،طيب وش يبي به وش اقول له
ابتسم ثامر بورطه:نسيت
فراس:كــيف تنسى ي ورعع لا حول
راح فراس جري وبسرعه ، دخل على حامد وهو معرق و يلهث إما حامد الي كان يأكل شفايفه وهو يناظر ابوه الي جالس ورا الباب و يناظر فراس الي داخل مع الباب ،فراس وهو مبتسم:الحمدلله شكل ابوي لسا ما جاء
و حامد يأشر له بعيونه بس فراس كان يمسح جبيته بثوبه،فراس: لأول مره ابوي يتأخر ههاخخ شكله تعب عاد نعذره ابوي الله يطول بعمره كبر بسنه بس ماشاءالله عليه باقي حاار وفيه قوة الله يعطيه الصحة والعافية اقول اسمع ي حامد
حامد وهو يتاظر ابوه الي واقف ورا فراس :هاهـ..ه
فراس :ابوي شكله بيموت
حامد وهوقلقان ان فراس ينطق بكلمه ابوه بيمتكع راسه من مكانه:ااء فراس شفت قهوه ربيع كيف
بستغرب وهو يشوف حامد يناظر بتحذير و تأشير:عن اي قهوه تتكلم !
حمحم بو فراس و انرعش جسم فراس كله لف ببطء و يدعي انه مو ابوه بس كان ابوه بشحمه و لحمه قدامه و يناظره وكانه فريسه لأسد : يـ ي هلا ببوي ي مرحبا شرفت يبه
بو فراس:ايي مكان متوقع اني اجي
فراس :اء ا كنت داري انك وراي بس كنت امزح عشان اشوف ردة فعلك لا تاخذها بخاطرك ترا مزح
نزل بو فراس عقاله و فراس يمسك يده حتى يقرب من الباب، بو فراس : اهااا انا كبرت بالعمر بس مستحيل اشوف تعقل ي فراس
فتح فراس الباب و هرب بسرعه
و ابوه يناظر حتى ما صار يشوف له أي أثر،راح جلس قريب من حامد الي يضحك على فراس ،بو فراس بصرامه :حـامد
حامد وقف ضحك :سم يبه
بو فراس :اسمعني و حطها حلق بذانك 
حامد:ابشر يبه
بو فراس :انا خطبت زينب لـ فراس و ابيك انت و اخوانك تمسكونه تقنعونه عشان نملك بعد بكره
انصدم حامد صح قاله فراس انه قريب بيخطب بس ما توقع ان ابوه يخطب له بدون آخذ رأيه ولا و كمان بيملك بعد يومين ،حامد بصدمه:بس يبه كيف تخطب له بدون تأخذ رأيه او على الأقل تقوله عشان يستوعب اذا قلنا له
بو فراس:ما يحتاج رأيه انا ابوه و اعرف مصلحته وما له الا بنت عمه حامد:يبه فديتك انت تعرف زين ومجرب اكثر من مره ان كل ما جبت طاري زواج تصير مشكلة اكبرمن المسألة
بو فراس بصرامه : انا ابوه انا الي رباه على طاعة امه و ابوه و يحترم قراراتنا وانت بس وصل ذا الكلام لـ اخوانك بس و الموعد قبل صلاة المغرب
حامد :ابشر يبه
انفتح الباب و لف بو فراس و حامد يشوف من الي دخل  ، كان فراس الي داخل بـ قهوه من حسن نيته يبي يراضي ابوه ،اعطاه كوبه ثم أعطى حامد و باس راسه ثم يده ابوه :يبه حبيبي والله مكان قصدي اقول كذا بس عشان أسلي حامد حسبته طفشانه قلت اضحكه شوي
حط بو فراس يده على كتف فراس:مسموح مسموح بس آجلس
فراس:لا بروح انا و نايف عند السمحه
بو فراس:أنتبه لنفسك
راح فراس و حامد يناظر ابوه ألي ملامحه جاامده ولا اهتز منه شعره
...........••..........
في السيارة
كانت اغاني لأخر شي و الصوت مزعج وريحة خمر خايسههه وكلام مو فاهمم ،دخل عليه بو متعب و سحبه بـ تيشرته ومرا به الأرض و اخذه العصا بس وقفه طلال و باسم :يبه تكفى هذا المره
بو متعب وعيونه تتطاير منها شرر :تبعد انت وهو ولا اقسم بالله العظيم لاني لضربكم أنتم بها [ تراجع طلال بس بقي باسر ،وهو يناظر ياسر بعيون حاده وقهر] انت معرفة تربي ولدك خلني الربيه اناا و اطلعه رجال بكره بيتزوج و بيصير عنده مسؤوليات مو بسيطه
باسم :لا تكفى يبه والله اني اعدله زين قبل الزواج بس اتركه هذي المرهه
بو متعب:من جدك ي باسم من جدك وينك طول الزمان و تجي الحين تربية ي تبعد عن وجهي و أخلص شغلي او ارجع عليك انت
رجع باسم عيونه لـ ياسر الي يكلم الهوى ويتقلب ويضحك بدون سبب
بو باسم:انا يبه الضربني انا عاد ولدي هذي تربيتي له و انا المسؤول عنه
اخذ بو متعب الضرب لـ بو ياسر حتى طاح على رجوله ثم كان بيكمل الا ان طلال مسكه :بس يبه بس كذا تكون عنفته عاد اتركه يتصرف بولده
دفه بو متعب:وانت وش دخلك هاهه هذا كمان ولدي وهو الي اختار اضربه بدل ولده الرخمه الي فضحتا قدام الله و خلقه
حاول بو ياسر يقوم يدافع عن ولده بس خانته رجوله و طاح على وجهه ،ناظره بو متعب بشمئزاز :تستاهل ي باسم تستاهل انت الي دلع ولدك وشوف نهاية الدلع لوين وصله ي حسافهه على الفلوس الي ضيعتها عليه
سمعه ياسر وحاول يقوم حتى أستقر وضع ثم أشر بيده لـ بو متعب: انت اسكت مالك شغل بأبوي تفهم وانا اصلاً مين قالك اني موافق على زواج الي تتكلم عنه فــي احــلامك بسس انا ما بتزوج تفهم ويلااا يلا اذلف
ضحك بو متعب:تقول ما بتتزوج ايي بتقعد داشر في ارض ربي لا وضيفه تسترك ولا هم يحزنون دارين احنا بس ابوك المسكين كانرحاطط أمله الوحيد فيك وطيحت رأسه بالأرض [ احتدت ملامح وجهه] خليته كل من يشوفه يضحك عليه و عليك ي فاشل ي عديم فايدة خليت الناس تتكلم و الحين تقول ما لي دخل الا لي دخل و غصب عن خشمك هذا تفهم و زواج الي تقول انه في احلامي لا حبيبي هذا بيسير بعد خمس أيام بس جهز نفسك
ياسر بترنح يمين يسار:و اذا قلت لا
بو متعب بـ نظرات شر :ذيك الحزه بقتلك انت و ابوك تفهم وانت تدري انه مثل شربي المويه
و راح تارك باسم الي يحاول يقومه طلال و ياسر الي ادرك وضعه المتأخر ناظر ابوه الي متكسر بس خايب أمله راح له و مسم يده و دموعه تنزل :يبه سامحني
حظنه بوياسر و يمسحزعلى راسه و ياسر نزلت دموعه و كانها كانت مكتومة:يبه مقدر أبعد عنها يبه مقدر
بو ياسر:حاول يبه حاول اذا تبي حياتك تتغير حاول و تقرب من ربي و تتسهل الأمور
طلال :حاول ي باسم قبل خطبتك
ناظر ياسرعمه طلال:بس عاليه موافقه
طلال:ايي حسب قول ابوي
.............••..........
قبل صلاة المغرب
كان بو فراس ينتظرعند الباب و جاه فراس يضحك ويضرب بخفه حمد و كان وراه ثامر و حامد بس سكت فراس يوم شاف ابوه و اخوانه يناظرونه و يناظرون ابوه أتجه بو فراس لـ فراس و تجموعه عليه اخوانه على شكل دايرة
فراس بمزح:شفيكم و كأنكم بتتعاونون علي
بو فراس:فراس انت تحترمني و مستحيل تعصيني صح
فراس بستغراب:ايي يبه
بو فراس وهو يناظر تعابيره بهدوء:انا و انت و اخوانك بنروح بعد بكره نملك لك زينب بنت عمك
حسها فراس مزحه بالبداية: تمزح يبه صح
كانت ملامح بو فراس جامدة و عرف فراس انه مافي شيء ينمزح فيه تراجع لورا و بنظره حاده ووحشية:والله ثم والله ثم والله اني متزوجها و اذا غصبتني أقسم بالله اني لنتحر
حمد:فراس هذا زواج تحدد خلاص معد فيها تراجع
لف له فراس بعيون حمراء :لا لا لا هذا مستحيل متوقعها من ابوي صح يبه انت ما راح تسويها بدون رأيي
قرب منه بو فراس و سمك ثوبه قريب من حنجرته: لا سويتها وانا ادرا بمصلحتك
بعد فراس يدين ابوه بقوه :ايــش انت ادرا بمصلحتي يبه انت تدري اني احب بنت و اعشقها و اموت عشان اخذها
كفخه بو فراس بقوه :فراس انت تدري وش تقول انت تدري وش تنطق وش تقول انت على جثتي تاخذها تفهم
فراس بعيون شبه تدمع بس تتطاير منها الغضب: يبه انت ليش تزوج حمد و حامد عن حب وانا وش ذنبي يوم حبيت انا لو لزم الامور بكون عاصي لك تفهم
بو فراس بغضب: تبي تاخذ بنت تركي تبي تعصيني عشانها
فراس بصراخ:اييي اييي بعصيك انا أحبها و اعشقها تفــهم
طلعت ام فراس و بناتها بستغراب من الصراخ ،بو فراس رفع فراس بثيابه: فراس تبي تموت عشان وحده في الف بنت احسن منها وأجمل تبي تكون بوجهي عشانها
فراس:ايي بموت عشانها انا اموت واخذها واذا ما اخذتها انتحر
دفه بو فراس على الارض و ضرب راسه زاوية الجدار ، راحت له ام فراس تبكي و ترفع ولدها كان بيرجع عليه بو فراس بس وقفت بوجهه هناء و عيونها تدمع :بس يبه بس انت ما تشوف وضعه
كان بيكفخها بو فراس بس بعدها حمد ورجع بو فراس لـ فراس : اسمعني زين اذا ما تركت بنت تركي انــا لا ني بـ ابوك ولا انت بولدي و أتبرأ منك ليوم الدين
قام فراس وهو يترنح وعيون مركزه على ابوه بشراسة:احربك و احرب الكل عشانها
و طلع برا يركض بقوه وبسرعه و وراه سعد يركض وراه حتى طلعوا من الديره ومسكه سعد غصبًا ، فراس بصراخ:فــكــنــي ي سعد فــكــنــي
سعد:فراس أهدا وانا اخوك اهد
فراس و عيونه تنزل دموع : شلون ي سعد شلون ما عاد باقي شيء ممكن ينشرح ضاق صدري و من هموهمي بكيت قالها بو فراس اتركها ولا متبري قلت ماني بتارك لو انه الموتاخذه سعد بحضنه :لا ي فراس لا ما بتاخذ الا مكتوبك بس لا تعذب نفسك قم يلا نروح نصلي جماعة
فراس:ما لي خلق اشوف وجه أبوي
سعد: عيب الكلام ذا لا يسمعه غيري قمم يلا
فراس:اقول لك وا ابي بروح لـ نايف بقعد عنده و الملكة الي ابوي مجهزها لي ماني برايح لو تنقلب السماء على الارض
سعد : طيب انتظر اتصل على نايف ياخذك عنده
اتصل سعد على نايف و جاء اخذ فراس الي كان سرحان اما سعد و راح عشان يصلي وبين مكان يمشون قريب من السوق الي كان مقفل  سند راسه على كتف نايف : نايف
نايف:سم
فراس:صارت بعيده عني
نايف: لا ي فراس لا توسوس خلك قوي لا تهزك الضروف ولو أشتدت خلك ماسك حبك ولا تطيح بخطة ابوك
فراس:انا والله ما لي ذنب يوم حبيت
نايف:خلاص وانا اخوك يحلها ربك بس تعال صل و تعش وإن شاء الله تكره تنحل الامور
............••..........
بعد مرور يومين
في بيت بو فراس كان فراس جالس فوق السطح و ساند رأسه على الجدار له يومين ما اكل او شرب و صار كل همه ابوه يوقف بوجهه دقايق و يجيه نايف و سعد و حمد ومعاهم صحن مليان أكل و عصيرجلسوا حوله ،حمد:فراس جبنا لك أكل خذل لك لقمه
فراس:ما لي نفس اكل ي حمد بعده عني
سعد: فراس خلاص أبوي رد بعمي عبدالله معد بيخط لك زينب بس كُل
فراس: ماني ماكل ي سعد بس بعده
نايف: انت مكان مضيق صدرك ان خالي بيخطب البنت
فراس: لا هذا ابدً مكان همي همي ان ابوي وقف بوجهي
سعد:ابوي ذيك الوقت كان في لحظة غضب بس بنحاول فيه
لف فراس له :لاا ابوي مكان في لحظة غضب ابوي حط عينه بعيني و قالها بوجهي
نايف:يمكن خالي قال يجرب فيك بس ترا هو الي دق علي وقال لي أجي
فراس: انا بختصرها لكم ما لي نفس اكل
حمد:حشم وجود نايف و كُل
قام فراس بدون كلام و نزل من السطح وطلع من البيت بكبره شغل سيارته و راح
.............••............
في بيت بو متعب
وصل بو مازن واهله نزلت عاليه وهي تناظر حظيرة الاحصنة ،استقبلهم بو متعب و بو ياسر و طلال و بو فايز سلموا عليه وقربت عاليه سلمت على جدها و قالت :ي جد ترا انا هذي المره بقولها بس لا تردني
بو متعب:قولي ي بنت تركي
عاليه:انا المره الي راح كنت بقول لك اني إبي أركب وبال بس مقدرت عشان اولاد عماني و هذي المره لازم وضروري اني اركبه عليه
بو متعب: ابشري من عيوني هذي قبل هذي يلا بقول للعمل يجهزه لك
بو مازن:بس
مازن: ما عليك بروح معاها
بو مازن:تمام
عاليه الي علطول سمعت الموافقة انطلق مثل الصاروخ للاسطبل و مازن يركض وراها، مازن: بنت وقفييي لا تفشليناا
عاليه وهي تركض: وبــال
دخلت الاسطبل وهي تلهث حطت يدها على ثمها :يالله ي وبال شقد اشتقت لك ي حبيبي
راحت له و حضنته دخل عليها مازن وهي تحضن وبال ،فك زرار ثوبه ويتنفس بصعوبة:الله لا يبلانا بس
مهتمة عاليه لكلامه و بعدت شوي عن وبال و تركت العامل يجهزه عشان تركب عليه وخلص العامل اخذت عاليه وبال ومازن وراها وطلعت على الميدان وركبة وانطلق بسرعه و مازن يصورها و عاليه كان شعرها بتطايره من نسمات الهوى اخذ حريتها لان اخوها معاها ولا كانت تدري بالشخص الي يراقبها
كان ياسر الي يراقبها بتمعن وكان حامل اي مشاعر تجاهها ولا اعجاب بس كان يراقبها و يتأملها ويتذكر يوم كانوا صغار كان يتحداها وتهزمه
بعد عن الشابك و طلع من غرفته متجه لديوانيه بكامل أناقته و متجهز لخطبته بس غيره مكان داري
عاليه الي كانت تضحك و مازن الي ينكت لها ويذب عليها شوي و يغيم الجوا نزلت عن الفرس اخذ يدها مازن وهم يتدافون حتى وصلوا لباب الحريم راحت عاليه و مازن راح لـ ديوانية ،و بين مكان يمشي كان يفكر يقول لبوه انه بيكمل دراسته و دخل الديوانية سلم على الجميع و جلس جنب ابوه شوي و ينطق بو متعب بس جاء مازن اتصال و استئذان و طلع يكلم برا
بو متعب:تركي
بو مازن:سم يبه
بو متعب:انت قلت للبنت
سكت بو مازن وهذا علامه انه مقال لـ عاليه ، بو متعب بـحده :قــلت للبنت ولا لا
بو مازن:لا ما قلت
بو متعب: طيب طيب قام بو متعب و طلع برا متجه لقسم الحريم قام طلال و بو ياسر بسرعه مكان متوقع بو مازن انه بيروح لـ عاليه شخصيًا
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات تابعوني على حسابي بالانستا
nn_wrhh