لالي ذنب ولا انت عاصي

18

ما كان يرد عليهم فراس بدأ الخوف يدخل قلوبهم الدم يزيد والرجال ما يرد بعد نايف بو فراس و قال لـ سعد :سعد أقرب خلنا نحمله نوديه المستشفى بسرعه
تقدم سعد و حملوا فراس و ركبوه سياره و اخذوا اغراضهم و راح مع نايف و سعد و بو فراس و ركبوا السيارة و تحركوا اما الباقي فركبوا بسيارة بو مازن و لحسن الحظ كانت صالون بس تخرب مزاج الكل و اهتموا على فراس
.........••.......
في بيت بو فراس
بعد صلاة المغرب راحوا الحريم الي كانوا عندها ما بقى الا ام عاليه و اخوات ام فراس اما البنات فـ كانوا يساعدون هناء و مناير بالعشاء
هناء :حمده شوفي الكيكه جهزت
حمده:ايي جهزت بس كيف اطلعت لأنها احسها بدأت تحترق
بشاير:استني انا بطلعها ،طلعتها بشاير و كانت الكيكه شكلها يشهي
هناء :لو ما كنت اغسل هذي المواعين كنت اكلتها
حمده:الحمدلله إنك بعيده كنتي اكلتيها زي المره الي فات
مناير:لااا تكفين المره الي راح ما بقت شيء
عاليه بصدمه :امااا أكلت زيي كذا[كانت كيكتهم كبيره شوي ]
نوف بضحك: لا لا كانت صغيره شوي
حمده:اذكر يوم لقمتها مثل الحوت
البنات :هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
هناء:حرامم يخي هذي صارت من الماضي
غدي بمزح :ماضي ولا حاضر هههههههههههههه
هناء:هههه خفيفة دم
بشاير:مناير جهز العشاء
مناير الي كانت تشيك على كبسه :باقي شوي
هناء:شوفوا انا بزينها
عاليه :والله ما تلمسينها
هناء :ليـه
عاليه:انا الي سواها و انا الي بـ زينها
البنات :صح معاها حق
بشاير:انتي بتأكلينها
هناء:تم صدقوني أنكم تندمون
مناير: بنات خذوا الفواكه وسبقوني شوي و اجيكم بـ العشاء
البنات :طيب
واحوا البنات ما بقي الا هناء معاها تساعدها
......
عند الامهات
كانوا مرتاحين يسولفون ومستانسين بس كانت ام فراس مو مرتاحه أبدًا تحس ان صاير شيء ، تبي تتصل على عزيزه بس ما تقدر مستنيه يجي بو فراس و تقول له يدق على ناصر يعزمه عندهم عشان تشوف عزيزه و تتطمن
ام حمده: نوير اتصلتي على عزيزه
ناظرتها ام فراس:لا ماتصلت
ام بشاير:صادق ما ألومك يمكن يكونوا سوا
ام حمده:بس هي ما اتصلت عليك
ام فراس:لا يمكن سافروا او مشغولين تعرفين توهم معرسين
ام حمده:غريبه ما توقعتها منها هي اكثر وحده تحبك
ام بشاير : صدق صراحه كنت متوقعه تتصل عليك في صباح بس يمكن تعبانين
ام فراس بهم :الله أعلم بـ ظروفهم
جوا البنات و حطوا السفره و الفواكه و جلسوا وشوي و جت مناير بـ العشاء و هناء وراها وجلسوا يتعشون وسوالفهم وطقطقتهم على بعض
.............••...........
عند نايف
كانوا يحاولون يصحون فراس بس مافي استجابة وصلوا المستشفى دخلوا مع طوارئ واخذوه الممرضين جلسوا في الانتظار كانت نايف متوتر و خايف و لأنه هو سبب حالته هاذي بس مسكه بو فراس لأنه شافه يرجف مكانه :نـايف هدأ ان شاء الله مافيه الا العافية بس هدأ
نايف بقلق: بـس انا ي خاله سبب حالته هاذي
بو فراس:لا انا داري إنك ما كنت قاصد بس اجلس و ارتاح
جلس نايف بس متوتر  ،مر ساعتين
طلع دكتور و راح له سعد و نايف و بو فراس تجمعوا عليه، بو فراس :هاهه ي دكتور طمنا كيفه
الدكتور:لا الحمد لله طيب جاه جرح فـ رأسه و كسر بـ يده اليسار ويمكنكم تشوفونه
دخلوا لقيوه يناظر السقف راح له نايف و حظنه بقوه ضربه فراس بيده اليمين على ظهره بخفه :نايف فكني تكفى
نايف :سامحني ي فراس والله ماكان قصدي
أبتسم فراس: مسموح ي نايف بس فكني بموت
وخ نايف و تقدم بو فراس الي كانت نظراته لـ فراس حاده : الحمدلله على سلامته
فراس:الله يسلمك
كانوا نايف و سعد ملاحظين ان بو فراس متغير مع فراس بس فراس مبتسم لأبوه تقدم سعد سلم على فراس وتحمد له بسلامته و طلع يجيب له مويه و بو فراس طلع برا ما بقى غير نايف و فراس
ناظر نايف فراس بعد ما طلع بو فراس:فراس أنت غبي و لا مستغبي
فراس :حبيت يعني اوضح شوي لأبوي يخي والله إنه ما تركني كل ما زانت الجلسة جاب طاري ازواج و انا حالف اني متزوجها لو تنقلب الدنيا
نايف رفع شعره على وراه :اسمع اهداء شوي خلنا نشوف الأوضاع ثم لمح ،لا تتهور و تروح من يدك البنت أهد
فراس :أصلًا ابوي ما يدري من هذي البنت اللي اقصدها
نايف إلي هدأ شوي : حتى ولو اصبري ما تدري وش مخبيه لك الدنيا اصبري لين ربي يسرها
فراس:ي نايف والله اني صابر بس ابوي هو الي عينه علي وعلى حياتي
نايف : ي فراس ابوك ما الومه أنت ما ليت تحب الي هاذي
فراس: نايف ترا ابوي و ابوها ما بينهم شيء و يمديني اخطبها بس أبوي بيجبرني على زينب وانا اقسم بالله اني ما اتزوجها لو ما يبقى الا هي
نايف:ادري ي فراس ادري بس ابوه لـ عمي تركي تراه حاقد على خالي حسين ومن كل قلبه و يمديه يتحكم بـ عمي تركي مثل المويه و انت تدري ان عمي تركي بار بأبوه
عدل فراس جلسته و كان بينزل بس الممرضه مسكته و رجعته :نايف لا تحطمني مثل ابوي ترا والله اني تعلقت فيها
نايف:طيب ما كان قصدي احطمك بس اعطيتك تلميح للي حولك و انت فيه و حاول ما تتعلق فيها
و تقدم جلس معاه و مسح على ظهره بخفه و قال ببتسامه:فراس بقول لك بشارة
ناظر له فراس: بشر
نايف:بتزوج قريب
توسعت عيون فراس :قول والله
نايف ببتسامه عريضة:والله بس لحد الان لسا ما خطبت
فراس بفرح حضنه :مبروك مبروك مقدمًا والله انها أسعد بشارة
بادله الحضن نايف:حبيبيي
ثم رجعوا زي ما كانوا ناظر فراس نايف بذيك النظره ، استغرب نايف نظراته ثم قال:اش فيك
فراس:منها العيال ومنك المال
ما فهم في البدايه بس استوعب و قام و وجهه احمر و ماسك على فمه :استح ي ملعون
ضحك فراس ثم أشر له يرجع يجلس :أرجع ي رجال حسستني إنك انت البنت
نايف:الله فراس اسألك بالله كيف تقدر تتكلم و تضحك في وضعك هذا
فراس بضحك :المخدر ونا خوك مأثر علي
نايف بمزح :الله يزدك
فراس:أستغفر الله ،،هاه منهي سعيدة ألحظ
نايف ببتسامه:شف أمي بتدور لي بس انا لقيت نصفي الثاني
فراس بفضول :مــيـن؟!!
نايف:شف والله معرف أسمها كامل بس أعرف اسمها هي
فراس:طيب قول مين؟!
نايف:أسمها " بشاير "
فراس انصدم:ورع هاذي بنت خالتي
نايف بصدمه :قول والله
فراس:والله وين شفتها ي حيوان
رفع نايف حاجبه :هيي انت الحيوان شف لأنك خويي و أخوي الثاني بقولك
فراس:تفضل
قاله نايف السالف كامله من الآلف الي الياء بس دخل عليهم بو فراس وسكتوا ثم دخل بعده الدكتور فحص فراس ثم أعطاه الأذن يطلع
..........••........
في بيت بو فراس
بعد صلاة العشاء كانت قمر مره طفشانه و وحيده اطرت تجلس مع الكبار و تسمع الي اكبر من عمرها قامت من عندها و راحت عند امها الي كانت تسولف مع البنات برا كانوا حاطين فرشه و تكايات و الكيكه و عصيرات و شبسات و الخ ..، انصدمت أنهم مجهزين أشياء وهي ما تدري
قمر :ماشاءالله من متى مجهزينها
هناء:ارجعي وراك لا تخربين الدنيا
قمر:الله و أكبر انا اخرب عليكم
غدي :اكـيد
قمر : حتى انتي ي ماما
غدي :وش اقول الا انها صادقه
جلست قمر بعبوس ،و راحت هناء تنادي امها و خالاتها و ام عاليه عشان يطلعون يتقهون معاهم برا،طلعوا و جلسوا وهم مستغربين من متى مجهزينها
ام عاليه:ماشاءالله ي بنات من متى مجهزين
هناء:والله احنا ي عمه غزاله كنا مخططين من العصر و قطينا والي سوت الكيك طبعًا عاليه الي سويتها و زينتها و كمان قطت معنا ما قصرت و قلت نسوي لنا جلسه حلوا ما دام مافي احد غيرنا ي الحريم
ام حمده:والله فكره حلوه
ام فراس:ماشاءالله ما قصرتم
اخذت نوف توزع القهوه و غدي و بشاير يوزعون شبسات و البسكوت في صحون بلاستيك و حمده توزع العصيرات و عاليه تقطع الكيك و قمر توزعه ، و مر الوقت ما حسوا فيه شوي و دخل بو فراس و العيال راحت ام فراس لهم لقتهم يساعدون فراس يدخل صاحت يوم شافتة فراس ملفوف على راسه فيده جبيره
ام فراس بصياح و خوف :ي ولـيدي
فزت مناير و هناء شوفون وش بأمهم تصيح طالعوا شافوا ام فراس تحضن فراس كان مكسور ركضت هناء لهم ومناير وراها
مناير :اش في وش صار
فراس:ولا شيء انا طحت
ام فراس:ي جعلها في ولا فيك يمه تعال تعال
نادا ياسر بو فراس و قاله ينادي على امه و اخته
بو فراس : مناير نادي على ام بشاير و بنتها يطلعون ياسر ينتظرهم
مناير:ابشر يبه
راحت مناير لـ ام بشاير و بشاير وقالت لهم يطلعون ياسر ينتظرهم ،اخذت ام بشاير عبايتها الي كانت مجهزيتها جنبها من قبل و طلعت بس بشاير تأخرت لأنها كانت تدور على عبايتها ،للتها بس طلعت و قلت نايف قدامها عن الباب رئيسي توترت وهي تبي تمر بسرعه بس لمحها نايف و بعد عن طريقها شوي و طلعت مشى نايف بسرعه وراح عند فراس ومسك تكفه وهمس له :اخخ ي فراس خطفتني
فراس بمزح :اييي اوجعتني ..بس اشوفك هنا
نايف :اسف ...انا اقصدي قلبي المسكين خطفت روحي و أنفاسي
فراس:وتلومني ااخ كيف الأيام معذبتنا
نايف:قسم
ام فراس:فراس حبيبي روح استريح في غرفتك شوي و بجيك أكلتم ولأ اسويك شوربه
فراس:لا يمه لا تتعبين نفسك أكلنا من الصيد الي حصلناه بس بروح استريح
نايف:جال معسلامه اشوفك ان شاء الله باكر
فراس: ان شاء الله
راح نايف و توجه فراس لمقلط و راحت بعده ام حمده و بنتها ما بقي الا ام عاليه و بنتها
ام عاليه:عاليه فزي روحي جيبي عبايتي و عبايتك من الصاله
عاليه:طيب
راحت عاليه مسرعه ولا كانت تدري ان في مويه قدامها و فراس ماشي بس كان يهوجس ولا كان شايف صح وهي مسرعه صدمة بـ فراس و طاح على يده المكسوره وهي كمان طاحت
فراس ما تحمل :اوووه[شاف عاليه كمان طايحه وترجعه صوته]اوهه تدق كل قلبه بسرعه وحس من كثر خفقانه بيطلع من مكانه مسك نفسه و حاول يتنفس بس قلبه رجع يحن بقوه يبي يشوفها ويشبع نظره بشوفتها
ناظرت عاليه الي صدمة فيه بس فزت بسرعه يوم شافت فراس طايح بالارض ويده المجبوره اختبئت وراء جدار كان على يمينها :آسفه مكان قصدي والله كنت مسرعه
نزل فراس راسه:لا لا عاد بس سلمتي
عاليه :ايي و انت
فراس:سلمت
عاليه:عادي توخر شوي بأخذ عبايتي
فراس:ابشر بس بقولك شيء
عاليه بفضول :تفضل
فراس: " أخاف انحرم من شوفتك والذكى خواف
اطيع الزمن لو كان ماودي اطيعه أحبك وتباً لتقاليد
والاعراف مابي أضيعك من يدي و يضيع قلبي معاك انا شعب وبصدري قبايل و جمع اطراف يحبونك السنه و يغلونك الشيعه وصلتك بما فيني من ارهاق و استنزاف اقدم لك قلبي و جدد حبي"
سكت عاليه من قاله لها فراس من متى كان يحبها وكيف بدآ هذا الحب ي
بس كسر سكوتها قوله لها:ماني مستعجل على جوابك بس انا حبيتك من يوم شفتك كان بس إحساس بس بعد  رحيلك شفت معنى الاحساس بشوق و انا بروح بس احتريك
و راح فراس على الي تقدمت و اخذت عبايتها و عبايت امها و طلعت لها وراحوا بس هي ابد وما نامت مع الخلق تفكر بالي هي تحس به تجاه فراس ،اما فراس ما نام يهوجس و يتأملها قدامه تضحك له ونطق وهو يتأمل ويضحك معاها
"أنتي أجمل من تفاصيل الجمال
ضحتك اجمل ما عيني شافته
اشعر اني مع عيونك في نزل
لذة النظرات نظرة صامته "
وختمها ببتسامه عريضه ونزل راسه على مخدته
............••..........
في الصباح عند عزيزه
الي قامت وهي كلها دم و أثار تعذيب الي صارت ندبات على يدها و رجولها و جمسها و كمان نايمه بالأرض و لفت شافت ناصر نايم فوق السرير بكل راحه قامت وهي متكسره وتندمه على اليوم الي انجبرت فيه على ناصر راحت تستحم بس مع كل نزل مويه على تبكي بشده بكت حتى صارت عيونها من كثرت البكاء محمره مثل الدم طلعت شافت ناصر يكلم و يخاصم قفل و رمى جواله على سرير و لف شافها طالعه مشى و دفها على الأرض صراخ بوجهها :روحي جهزي الفطور بسرعه بنسافر بســرعه
و دخل الحمام وسكر عليه راحت وهي منزله راسها بحزن شديد و سوت فطور و جهزته و راحت عشان تناديه يفطر
عزيزه بخوف شديد و رجفه :ج.....جهز الفـ..طور
ناصر:طيب
ما كان لها نيه تفطر ابدا بس هو بكل روقان راح افطر ولف لها :بسرعه اغسلي الموعينك ويلا نمشي لا تخليني استناك ولا تعرفين وش بيصير
عزيزه بخوف : طـ..يب
غسلت الموعين بسرعه و راحت تلبس عباتها و اخذت الشناط و طلعت له برا لقته فـ سيارة ، ركبت الشناط و كانت بتركب معاه قدام بس صرخ بوجهها بكل حقاره :على وين اركبي ولا ما ابي احد يشوفك معي قدام
ركبت وراء بهدوء و مشى
يتبع 🩶...
فضلًا وليس امراً ضع ⭐️
للفعاليات وقصص صغيره وتذكير بـ موعد نزول البارتات تابعوني على حسابي الجديد بالانستا
nn_wrhh