(Unicode)
"ဝုန်း"
"အ"
"မင်း...ဘာကိစ္စလိုက်လာတာလဲ"
ဂျီမင်သည် အိမ်ထဲရောက်ရောက်ချင်း ထယ်ယောင်းအင်္ကျီရင်ဘက်စကိုဆွဲကာနံရံနှင့်ဖိကပ်မေးလာသည်။ဒေါသထွက်နေပုံက မျက်လုံးများနီရဲနေ၏။ထယ်ယောင်း ဘာကစပြောရမှန်းမသိ စိတ်ပျက်လက်ပျက်ဖြင့် ဆောင်းထားသောဉီးထုပ်နှင့်maskကိုချွတ်ကာ တနေရာပစ်ထုတ်လိုက်သည်။
"မင်း...ငါ့စကားကိုနားထောင်လိုက်လို့မရဘူးလား...ဟမ်
ငါရေးထားတဲ့စာကိုမင်းနားမလည်ဘူးလား ကင်ထယ်ယောင်း!!""နားလည်တယ်...အရမ်းကိုနားလည်တယ် ဒါပေမဲ့ ဘာလို့လဲ...မင်းရောဘာလို့ ခုလိုလုပ်ရတာလဲ!!"
ဒေါသတကြီးအော်လာသော ဂျီမင်ကို ထယ်ယောင်းစိတ်ပေါက်ပေါက်ဖြင့်ပြန်အော်မေးလိုက်သည်။
"ဂျွန်ကြောင့်လား...ဟမ် ငါက အာ့လူတဝက်တောင် စောက်ရေးမပါဘူးလား!!"
ထယ်ယောင်းဝမ်းနည်းဒေါသထွက်ကာ ဂျွန်ဆိုသောလူကိုမနာလိုစိတ်တွေ တဖွားဖွားတိုးဝင်လာရသည်။ထို့ကြောင့် သူ့ရှေ့တွေရှိနေသော ဂျီမင်ကို လက်မောင်းကနေဆွဲကာမေးမိသည်။
"မင်းသူ့ကို အရမ်းပဲချစ်သလား"
ဂျီမင်သူ့အား အဓိပ္ပါယ်ဖော်မရသော အကြည့်တမျိုးဖြင့်ကြည့်လာကာ သူ့လက်များကိုဖြည်ချ၍ ဆိုဖာထက် ခေါင်းငိုက်စိုက်ချ၍ သွားထိုင်လေသည်။
"ဂျွန်ကိုငါ ချစ်လားမချစ်လား မသိပေမဲ့ ဂျွန်ကိုအမြဲငါ့လူအဖြစ် သတ်မှတ်ထားခဲ့တာ မင်းသိလား"
ဂျီမင်ပြောလာသောစကားများကို ထယ်ယောင်းတုံ့ပြန်သံမပေး ငေးကြည့်ရင်းသာနားထောင်နေမိသည်။ဂျီမင်စိတ့ထဲမှာ သူ့အတွက်နေရာရောရှိပါ့မလား။
"ငါ ငါခုနေတဲ့ တိုက်ခန်းက ဂျွန်ငှားပေးထားတာ...ဘာကရီရလဲ မင်းသိလား ခုအာ့တိုက်ခန်းကို ငါ့နာမည်နဲ့ဝယ်ပေးမလို့တဲ့လေ"
"ဟင်"
ဂျီမင်စကားကြောင့် ထယ်ယောင်းအံ့သြသွားရသည်။ဒါဆို စောစောကလူက အရောင်းအဝယ်အတွက်ရောက်နေတာပေါ့။ ဂျွန်က ဘာသဘောလဲ။စိတ်ဖြတ်ရန်ခက်နေတဲ့ဂျီမင်ကို ဒီလူဘာတွေလုပ်ဖို့ကြံနေတာလဲ။
YOU ARE READING
FLASHBACK
Fanfictionဆုပ်ကိုင်ထားမိဆဲအတိတ်တွေထဲကနေ ကျနော်တို့မသိတဲ့ အမှန်တရားတွေက ရှိနေပါတယ်။ ဘာဖြစ်နိုင်မယ်လို့ထင်ပါသလဲ?