ရှုစစ်နျန်ရဲ့ဦးခေါင်းခွံက ရှော့ခ်ရမှုကြောင့် ထုံထိုင်းသွားသည်။ ထို့နောက် သဲလွန်စတို့စွန်းထင်းနေတဲ့နေရာဆီသို့ ပျာပျာသလဲ အကြည့်ရောက်သွားလေသည်။ အဖိုးကြီးက ဒီလောက်အစောကြီး နိုးနေလိမ့်မယ်လို့ ချွီချန် မမျှော်လင့်ခဲ့ဘူး။ သူ့လက်ထဲက စောင်ကို သိမ်းလို့မပြီးသေးဘူး။ ပြီးတော့ ဘယ်နေရာထားရမယ်မှန်း မသိတော့ဘူး။
(စောင်မှာ သူတို့ရဲ့အရည်တွေစွန်းကျန်နေခဲ့တာပါ: XD)
" ဘာလို့ ဘာသံမှမကြားရတာပါလိမ့်? ကလေးတို့ နိုးကြပြီလား?"
တံခါးအပြင်ဘက်ကနေ အဖိုးကြီးရဲ့အသံက ထပ်ထွက်လာခဲ့ပြန်သည်။ အဲ့ဒီအချိန်မှာ တံခါးခေါက်သံက အကြိမ်ကြိမ်ထွက်ပေါ်လာခဲ့သည်။ ရှုစစ်နျန်လည်း ဆံပင်တွေကို ထိုးဖွလိုက်ရင်း တံခါးကို အပြေးအလွှားသွားဖွင့်ရသည်။
" ထပါပြီ..ကျွန်တော်တို့ထပြီရယ် စကားပြောနေကြလို့ အဖိုးခေါ်သံ မကြားလိုက်မိဘူး...အဖိုး တကယ်အစောကြီးနိုးနေတာပဲ"
တံခါးပွင့်သွားတော့ အဖိုးအိုက မျက်နှာပေါ်အပြုံးပန်းတို့ဝေဆာလျက် ဆန်ပြုတ်ခွက်နဲ့ဟင်းလျာတစ်ချို့ကို သယ်၍ ဝင်လာခဲ့သည်။ သူက ချွီချန်နဲ့ရှုစစ်နျန်ကို ကြည့်လိုက်ပြီး
" မနက်စာတွေလေ.. မင်းတို့လူငယ်လေးတွေ စောစောစားလို့ရအောင်...မနေ့ညက ဘယ်လိုလဲ ကောင်းကောင်းအိပ်ပျော်ကြရဲ့လား?"
မနေ့ညက ဖြစ်ပျက်ခဲ့တာတွေကို တွေးမိတော့ ရှုစစ်နျန် ရှက်ရွံ့သွားရသည်။ ခဏလောက်ကြာသည်အထိ သူ အဖိုအိုကို ဘယ်လိုတုန့်ပြန်ရမယ်မှန်းမသိတော့ဘူး။
မနေ့ညက အဖေကြီးသားရဲ့အိမ်အသစ်စက်စက်လေးရဲ့ဗီဒိုထဲမှာ ကျွန်တော်တို့ အလုပ်ကောင်းကောင်းလေး လုပ်ခဲ့ကြပါတယ် ..တောင်းပန်ပါတယ် စိတ်မရှိဘူးမလားဟင်?
အဲ့ဒီလိုအမှန်အတိုင်းဖွင့်ပြောလိုက်လို့ရော ဖြစ်နိုင်လို့လား?
တွေးကြည့်တာနဲ့တင် တအားအရှက်မမဲ့လွန်းဘူးလား?
သူ့ရဲ့နီတစ်လှည့်၊ ဖြူတစ်လှည့်မျက်နှာလေးကိုမြင်တော့ ချွီချန်က လျန်မြန်စွာပဲ ဖြေလိုက်၏။
ESTÁS LEYENDO
တန်ပြန် ( MM Translation) UNICODE
Romanceမျက်နှာ နှစ်ဖက်ရှိတဲ့ ခွေးမတစ်ကောင်နဲ့ အချစ်ပြိုင်ဘက်ဖြစ်ရတာက ကြောက်စရာ မကောင်းပါဘူး။ ကြောက်စရာကောင်းတာက အဲ့ခွေးမက သူ့ညီငယ်လေး အဖြစ် လူဝင်စား ဖြစ်နေတာပဲ ။ အဲ့ဒီ 'ညီငယ်လေး ' ဆိုသူကြောင့်ပဲ ချစ်သူကို ဆုံးရှုံးရတယ်။ အဖိုးကလည်း ကြောက်စရာ အသေဆိုးနဲ့ ကြုံ...
