Amidst The Vying Psyches

Kabanata 21

Serenity Hiraya

"Happy araw ng mga puso mga bebe ko!" Bati ni Violet bago nagkalat ng petals ng mga rosas sa classroom.

Tumabi ito sa amin.

"Happy Valentine's, bff ko!" Sumigaw pa siya na akala niya ay sobrang layo ko sa kanya.

She gave me a mini bouquet. But, instead of flowers or chocolates, the bouquet is full of matcha sweets.

Binigyan niya rin sila Cassandra na tuwang-tuwa naman sa mga chocolates.

"Bakit kay Hiraya bouquet tapos sa amin isa lang? Bias ka gano'n?"

"Hoy! May source kasi ako ng funds, omg kayo. Matcha KitKat nga lang ambag ko diyan sa bouquet ni Raya, hmp!" Tanggol ni Vi sa sarili.

"Huh? Edi kanino galing?" Nagtataka kong tanong.

Bumungisngis siya sabay sabing, "secret."

I rolled my eyes at her before she told us to go to the quadrangle. Sumama naman kaming tatlo sa kanya. Hinayaan namin siyang dalhin kami sa iba't ibang booth.

"What the hell?" I muttered when I saw a huge booth. Maraming babae ang nakapili rito.

"Fifty pesos, 1 kiss?" Basa ni Cassandra sa karatula nila.

Hinila kami roon ni Violet at nagulat kami nang makita ang Dynamics na nasa loob ng booth. Si Antonette lang ang nag-aayos ng mga bayad habang 'yung apat ay nakatayo sa gilid na maraming lipstick stains sa mukha.

Anong pakulo ng banda na 'to?

Ang pinakamaraming kiss stain sa mukha ay si Cameron na sinundan ni Iñigo. Si Alvarez ay tumatawa lang sa gilid habang pinapanood ang mga kasama.

"OMG, all this time akala ko sa akside ako mamamatay, sa selos pala," monologue ni Violet nang makita niyang hinalikan ng isang babae si Iñigo sa mukha.

Sinundan ito ng tilian ng mga babae kada may makakahalik sa pisngi ng isang member.

Lumapit kami roon at narinig ang pagrereklamo ng isang lalaki.

"Bakit hindi kasama si Antonette sa i-kikiss?"

Nandilim ang paningin ni Cameron bago nito inangat ang kanyang kamao.

"Baka ito gusto mong kamao ko ang humalik sa'yo, par?"

Tumawa lang si Ann sa sagot niya bago ito hinampas.

"Sorry, guys. Laway conscious ako, e. Ayaw kong naki-kiss ng ibang tao."

Nagulat na lang kami nang biglang pumila si Violet sa line kung nasaan si Iñigo bago nagbigay ng isang libo kay Antonette.

"One thousand, unlimited kisses. Bawal may ibang pumila kay Iñigo!"

I saw Iñigo smirked before wiping the lipstick marks on his cheeks.

"Okay lang sa akin."

Kasama kaming magkakaibigan sa tumili dahil sa sagot ni Iñigo. Mas lalo pang umingay ang paligid nang si Iñigo ang humalik sa pisngi ni Violet.

Nagmukhang kamatis ang kaibigan ko at nanghihinang napaupo sa gilid.

"OMG, mamamatay na ba ako?" She asked. Pati ang tainga niya ay namumula na rin. "Nasa heaven na ba ako?"

Iñigo just chuckled because of her actions before sitting beside her.

Nawala ang atensyon ko sa kanila nang nakarinig ako ng pamilyar na boses.

"Go, beh! Abot kamay mo na ang pangarap mo."

Napalingon ako sa kaibigan ni Angelica na inaayos ang buhok nito. Nakapila pala ang babae sa tapat ni Alvarez.