ဆောင်းနှင်းဓါးထက်ချယ်ရီဝေ

Chapter 19

နဂါးကနဂါးကိုသတ်ခြင်း[၁]

ဝမ်ထန်းက ထိုသို့ပြောသော်ငြား လင်းပျန့်ယွီကစိတ်မဆိုးချေ။

သူသည်တည်ငြိမ်စွာဖြင့် : "မနေ့က မင်းပဲ ခွန်းလွန်တောင်ပေါ်ကစွမ်းအားအကြီးဆုံးသိုင်းသမားနဲ့ ပြိုင်ချင်တယ်လို့ပြောခဲ့တယ်လေ မင်းကငါ့ရဲ့ဓားကိုတောင်မှ မတားနိုင်ရင် ဘယ်လိုအရည်အချင်းနဲ့ရုဖေးကိုပြိုင်မှာလဲ"

ဝမ်ထန်းက လင်းရုဖေးကချုချာပြီးအားနည်းသည်ကိုသိပြီး သူအမည်ကောင်းရရန် အနှီသူကိုအသုံးချရုံဟုထင်ခဲ့မိသည် သူ လင်းပျန့်ယွီ၏ဓားချက်အောက်တွင်သေခဲ့ရလျှင်ပင် မမျှတဟုဆို၍ရမည်မဟုတ်။

သို့သော် မနေ့က သူ၏အင်အားကိုလင်းပျန့်ယွီ၏ရှေ့မှောက်တွင်သက်သေထူခဲ့ပြီးပြီဖြစ်၏။

ဝမ်ထန်းကအမှန်တကယ်စွမ်းအားကြီးပြီး သိုင်းကွက်အမျိုးမျိုးတတ်ကျွမ်းသည်။ ပွင့်လင်းမြင်သာ၍ရိုးသားဖြောင့်မတ်စွာတိုက်ခိုက်ရသည့် သိုင်းပြိုင်ပွဲထက် ချုံခိုတိုက်ရသည့်ချောင်းမြောင်းလုပ်ကြံသူများနှင့် ပိုသင့်တော်သည်။ ဓားသိုင်းပြိုင်ဆိုင်မည့်စင်မြင့်ကျယ်ထက်တွင်ယှဉ်ပြိုင်ရမည်ဆိုပါက လင်းပျန့်ယွီတွင်အနိုင်ရရန်၇ရာခိုင်နူန်းခန့်ရှိသည်၊ သို့သော် ညအမှောင်ထဲရှုပ်ထွေးသောမြေပြင်အနေအထား၌ သူ့ထံတွင်အနိုင်ရရန်သုံးရာခိုင်းနူန်းသာရှိလေသည်။

ဤသည်မှာ မနေ့ညကဖြစ်ပျက်ခဲ့ပုံပင်။

လင်းပျန့်ယွီ ရှုံးခဲ့သည်။

ဝမ်ထန်းကာ အချိန်ထပ်မဖြုန်းလိုတော့ပေ။ သူသည်လင်းရုဖေးကိုလှည့်ကြည့်ကာ ဓားကိုဓားအိမ်မှဆွဲထုတ်ရန် လက်ကိုမြှောက်လိုက်သည်။

ထိုဓားကို မနေ့ညက လင်းပျန့်ယွီမြင်ခဲ့ရသည်။ ၎င်းကသုံးလက်မရှည်ပြီး နှစ်ပေကျယ်သည်။ ဓားရိုးကအပြာရောင်ဖြစ်ကာ အနက်ရောင်ဒဏ္ဏာရီလာသတ္တဝါတစ်ကောင်ပုံရှိသည်။ သူ၏လက်ထဲတွင် ယင်းက ပျော့ပျောင်းသည့်အစိမ်းရောင်မြွေတစ်ကောင်အဖြစ် လူတစ်ယောက်၏ဇီဝိန်ကို အသာလေးနှုတ်ယူသွားနိုင်သယောင်ရှိ၏။