Chapter 131
Imperial MeowAugust 12, 2023
Chapter 131ယဲ့မော့
တောက်ဓမ္မကိုယ်တော်က အချိန်အတော်ကြာရပ်နေသည်ကိုကြည်ခြင်းအားဖြင့် သူ အမှန်တကယ်စိုးရိမ်တကြီးဖြစ်နေသည့်ပုံပင်။နေ့ခင်းနာရီတို့ ကုန်လွန်လာသလို နေ့လည်စာစားချိန်သို့ရောက်လာပြန်ချေပြီ။ ဤဟယ့်ကျိထျန်းက မကောင်းဆိုးဝါး အပြုအမူတစ်ခု လုပ်လိုက်ချေ၏။ ယင်းမှာ သူက ထိုသူအား စားသောက်ရန်မဖိတ်ခေါ်ဘဲ စားပြီးသွားသည်အထိ ဘေးမှရပ်စောင့်ကြည့်စေသည်။ ပြီးမှသာ သူက ထိုသူအားအထဲဝင်ရန်ခေါ်လေသည်။တောက်ဓမ္မကိုယ်တော်ချန်က ဒေါသထွက်နေသော်ငြား ဟယ့်ကျိထျန်းအား အပြစ်မပြုရဲချေ။
သူက အံကြိတ်၍သာ ပြောလာပေ၏။
"ဟယ့်မိသားစုခေါင်းဆောင်က လုံလုံလောက်လောက်မစားရသေးဘူးလား...ထပ်ပြီးနှစ်ကိုက်လောက် စားချင်သေးတာများပါလား"
ဟယ့်ကျိထျန်း : "မင်းမှန်တယ်...ငါတကယ်ကို လုံလုံလောက်လောက်မစားခဲ့ရဘူး...ငါအခုချက်ချင်းပဲ နှစ်ကိုက်လောက်ထပ်သွားစားလိုက်ဦးမယ်"
ထိုသို့ပြောပြီးသည်နှင့် သူကလှည့်ကာထွက်သွားတော့၏။ဤသည်က တောက်ဓမ္မကိုယ်တော်ချန်အား မျက်လုံးများပြူးသွားသည်ထိ အလွန်စိတ်ဆိုးသွားစေသည်။
လင်းရုဖေးက ဘေးမှ ပြဇာတ်အားကြည့်နေရင်း အလွန်ရယ်စရာကောင်းသည်ဟု ခံစားလိုက်ရသည်။ဟယ့်ကျိထျန်း၏ အနိုင်ကျင့်နေသည့် ပုံစံမှာ အလွန်ရယ်စရာကောင်းနေသည်။သို့သော်လည်း သူက တောက်ဓမ္မကိုယ်တော်ချန်အား မျက်နှာကောင်းမရစေချင်သည်က သိပ်တော့ အံသြစရာမရှိချေ...ထိုပြင်းပြင်းထန်ထန်ထိခိုက်သွားသည့် ဟယ့်မိသားစုတပည့်များမှာ အိပ်ရာထဲတွင်လှဲနေဆဲဖြစ်ကာ ထပင်ထမနိုင်သေး၍ပင်။
တောက်ဓမ္မကိုယ်တော်ချန်က ဒေါသထွက်ကာ သွေးအန်လုနီးနီးဖြစ်နေသော်ငြား သူက မည်သို့ပင်ဖြစ်စေ အကူအညီတောင်းခံရမည့်သူသာဖြစ်နေသည်။ထို့ကြောင့် တစ်ခါထပ်၍ သူက နေပြင်းပြင်းအောက်တွင် တစ်ခဏမျှရပ်နေရပြန်၏။လင်းရုဖေးက ထိုသူမေ့လဲကျသွားတော့မည်လားဟု တွေးမိသည့်အချိန်မှသာ ဟယ့်ကျိထျန်းက ထိုသူ့အား အထဲသို့ခေါ်လိုက်သည်။သူက ကြင်နာသည့်ပုံဖြင့် အစေခံအား မတ်ပဲစေ့စွပ်ပြုတ်အေးတစ်ပန်းကန်ယူလာခိုင်းပြီး ဒါက ငါတို့တောက်ဓမ္မကိုယ်တော်ရဲ့ အပူတွေဖယ်ထုတ်ဖို့ စေတနာပါ အားနာစရာမလိုဘူးဟု ပြောလေသည်။
ESTÁS LEYENDO
ဆောင်းနှင်းဓါးထက်ချယ်ရီဝေ
No Ficción💥New BL Coming Soon Title- Cherry Blossoms Upon a Wintry Sword Type - Web Novel(CN) Genre - Adventure, Comedy, Shounen Ai ,Xuanhuan Yaoi Author - XĪ Zîxù E-Translator - N/A Year -2019 Status- 92 +7 (extras) MM Translator - IQ Team ဆောင်းနှင်းဓားထ...