Chapter 139
Imperial MeowAugust 12, 2023
Chapter 139
ကုရွှမ်းတုက လင်းရုဖေးခြေထောက်အား ခြောက်ရန်လုပ်ပေးပြီးနောက် ခြေအိတ်များဝတ်ပေးလိုက်သည်။နှစ်ဦးကြား လေထုက အတော်လေးထူးဆန်းနေကာ လင်းရုဖေးမှာ မူလကအိပ်ပျော်နေသည့် ယဲ့မော့၏မျက်လုံးများက ဖျတ်ခနဲပွင့်လာကာ လက်ရှိ၌ သူ့ဆီသို့ တွေးတွေးဆဆကြည့်နေသည်အား သတိမထားမိလိုက်ချေ။
“မင်းကနံလိုက်တာ"
ယခုလေးတင်မှ ဖိနပ်စီးကာ ခြေအိတ်ဝတ်လိုက်သည့် လင်းရုဖေးက ချီယွီထံမှ ရွံရှာနေသည့်အသံအား ကြားလိုက်ရသည်။
"အဲ့ဒါ ငါးညှီနံ့လိုပဲ"
လင်းရုဖေးက မေးလိုက်မိ၏။
"ငါးညှီနံ့လား...ကြောင်တွေက ငါးကြိုက်တယ် မဟုတ်ဘူးလား"
ချီယွီက ဤစကားများကြောင့် ချက်ချင်းပင် သူ့ခြေသည်းများအား ကုတ်လိုက်ကာ:"မင်းဘယ်သူ့ကို ကြောင်လို့ခေါ်နေတာလဲ"
လင်းရုဖေး : "ကျွန်တော် တောင်းပန်ပါတယ်"
ချီယွီ : "ဟမ့်...."
သူက စားပွဲပေါ်မှ ခုန်ဆင်းလာကာ လင်းရုဖေးအား သေသေချာချာ လေ့လာနေ၏။သူက လင်းရုဖေး၏အဝတ်ထောင့်များအား တရှုံ့ရှုံ့နမ်းနေရင်းမှ သူ့မျက်လုံးတွေကို တဖြေးဖြေးကျဥ်းမြောင်းလိုက်ပြီး:"မင်း အပြင်မှာ တစ်ခုခုကြုံခဲ့ရတာလား"
လင်းရုဖေးမှာ လမ်းကြားထဲတွင် ဆုံခဲ့သည့် လူအား ရုတ်တရက်အမှတ်ရသွားကာ ထိုအကြောင်းအား တွန့်ဆုတ်တွန့်ဆုတ်ဖြင့်ပြောပြလိုက်သည်။
“အို့...."
ချီယွီက အသံထွက်လှောင်ရယ်လိုက်ပြီး:"ဒါဆို အဲ့ဒါက ဒီမှာပေါ့"
သူက တစ်ဖက်သို့လှည့်ကာ စားပွဲပေါ်သို့ပြန်ခုန်တက်လိုက်ပြီးသူ၏ကိုယ်အား ပျင်းပျင်းရိရိကုတ်လျက်ဖြင့် "မင်း ဒီနေ့ ခရီးအမြန်ထွက်တော့မှာလား"
လင်းရုဖေးက ပြန်ဖြေလိုက်သည်။
"ကျွန်တော် ဒီမိုးနဲ့ မြန်မြန်သွားလို့မရမှာ စိုးတယ်"
YOU ARE READING
ဆောင်းနှင်းဓါးထက်ချယ်ရီဝေ
Non-Fiction💥New BL Coming Soon Title- Cherry Blossoms Upon a Wintry Sword Type - Web Novel(CN) Genre - Adventure, Comedy, Shounen Ai ,Xuanhuan Yaoi Author - XĪ Zîxù E-Translator - N/A Year -2019 Status- 92 +7 (extras) MM Translator - IQ Team ဆောင်းနှင်းဓားထ...
