Chapter 30
အဆုံးတွင် ထိုမိစ္ဆာမှာ ရွေးချယ်စရာမရှိတော့၍ ရဲဖမ်းခံလိုက်ရပြီး နှစ်ရှည်လများထောင်ကျသွားတော့သည်။ ယခုအချိန်ထိ ထိုမိစ္ဆာက လူသားများ၏ အကျဉ်းထောင်တွင် ရှိနေဆဲဖြစ်သည်။
" သူ့ကို ရန်စရဲတဲ့သူ ရှိသေးတာလား..."
ဘေးနားတွင်ရပ်နေသော ချောင်းယွင်၏မျက်နှာထက်တွင် သိချင်စိတ်တို့ ဖြစ်ပေါ်လာသည်။
" ငါကတော့ အဲ့လူကို တရားမျှတမှုရှိလို့ လေးစားသွားပြီ... အဲလောက် အကြောက်အလန့်မရှိတာ ဘယ်သူတဲ့လဲ..."
" စာဖြေသူနံပါတ် ၁၃၅၆..."
အလုပ်သမားက အသံတိုးတိုးဖြင့် ပြောလိုက်သည်။
" ကပ္ပတိန်ချူးယွီပြောတာတော့ စာဖြေသူနံပါတ် ၁၃၅၆က သူ့အသက်ကို ကယ်ခဲ့တာတဲ့..."
" ဒါဆိုရင် မသိချင်ယောင်ဆောင်နေလိုက်တော့... ဒီနှစ်တွေအတွင်း ခရုစုပ်ငှက်က "နိုင်ငံ့ရတနာ" ဆိုတဲ့ခေါင်းစဉ်ကိုသုံးပြီးတော့ မိစ္ဆာတွေကို ဒေါသထွက်စေမယ့်ကိစ္စတွေ အများကြီးလုပ်ထားတာ... ပြိုင်ပွဲဝင်သူတွေ သူတို့ဘာသာ ကြည့်လုပ်ကြပါစေ ငါတို့ ဂရုစိုက်မနေတော့ဘူး... သူ့အကျင့်နဲ့ဆိုရင် အနှေးနဲ့အမြန်တော့ အဲ့လိုဖြစ်လာမှာပဲ..."
ချောင်းယွင်က ရေတစ်ငုံသောက်လိုက်သည်။
စိတ်သဘောထားသေးခြင်း၊ မနာလိုဖြစ်လွယ်ကာ ရန်ညှိုးထားတတ်သော ဤခရုစုပ်ငှက်များက ကျင့်ကြံရေးလောက၏ အရက်စက်ဆုံးသော သတ္တဝါများဖြစ်သည်။
ခရုစုပ်ငှက်က နိုင်ငံရတနာတစ်မျိုးဖြစ်သော ပန်ဒါက သူ့ထက်ပို၍ လူအများထံမှ မျက်နှာသာပေးမှု ရရှိထားသည်ကို တွေ့လိုက်သည်။ သို့ဖြစ်၍ ပန်ဒါကဲ့သို့ စစ်ချွမ်းဒေသသံပေါက်အောင် လိုက်ပြောပြီး သူ့ကိုယ်သူ ပိုမြင့်မြတ်ဟန်ဆောင်နေသည်။
လူသားတွေရဲ့ မျက်နှာသာပေးခံရတာက စစ်ချွမ်းဒေသသံကြောင့်မဟုတ်ပဲ တခြားဟာကြောင့်ဆိုတာ သူ မတွေးမိဘူးလား...
လူသားတွေ ပန်ဒါတွေကိုကြိုက်တယ်ဆိုတာ သူတို့ အရမ်းဝလို့လေ... ပန်ဒါတွေက ပိုဝလေ လူတွေက ပိုချစ်လေပဲ... လူသားတွေက ပန်ဒါဘာလုပ်လုပ် ချစ်စရာကောင်းနေကြတယ်ဆိုတော့ လူသားတွေဘာဖြစ်နေကြမှန်း ဘယ်သူမှ မသိကြပါဘူး...
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
