Chapter 47
သွေးထိုးစကား
" ပိုင်ဇယ်နဲ့ချီလင် ဘယ်မှာလဲ..."
ခွန်းဖမ်က သူတို့ကို မေးခွန်းများစွာ မေးချင်နေခဲ့သည်။
ပိုင်ဇယ်က ကောင်းကင်ဘုံရဲ့အောက်က အရာအားလုံးကို သိတယ်မလား... သူက အတိတ်ကိုတင် မကဘူး လက်ရှိကိုပါ သိမြင်ထားတာပဲ သူ့ကိုမေးမယ်ဆိုရင် အမှန်တရားတွေ ပေါ်လာမှာပဲ...
ဖူလီ ခေါင်းခါလိုက်သည်။
" လူကြီးမင်းခွန်းဖမ်... ကျွန်တော်မွေးလာချိန်တည်းက ဒီလူကြီးမင်းနှစ်ယောက်ရဲ့နာမည်ကို ကြားဖူးပေမယ့် တစ်ခါမှ မမြင်ဖူးပါဘူး..."
" ဒါဆိုရင် တန့်ကန်းနဲ့ ရှင်းရှင်းရော..."
ခွန်းဖမ်က နတ်ဘုရားတောင်ဝှေးကိုကိုင်ထားသည့် လက်ကို အားလျှော့လိုက်သည်။
" တန့်ကန်းနဲ့ ရှင်းရှင်းတဲ့လား..."
ဖူလီ မျက်ခုံးပင့်လိုက်သည်။ မျောက်ဝံဖြူကြီးက ထိုယောင်သားရဲနှစ်ကောင်အကြောင်းပြောပြသည်ကို မကြားဖူးသောကြောင့် သူခေါင်းခါလိုက်သည်။
" တောင်းပန်ပါတယ် ကျွန်တော် အဲဒီလူကြီးမင်းတွေအကြောင်းကိုလည်း မကြားဖူးပါဘူး..."
သူတို့အားလုံးပျောက်သွားတာများလား...
ခွန်းဖမ်က ပင်လယ်ကြမ်းပြင်တွင် နှစ်လေးထောင်ခန့် နေခဲ့ရစဉ်က သူတို့အားလုံးကို အညှိုးအတေးထားခဲ့ခြင်းဖြစ်သည်။ သူ ချိတ်စည်းမှ လွတ်မြောက်လာပြီးချိန်တွင်မူ သူတို့အားလုံးပျောက်ဆုံးနေမည်ဟု မမျှော်လင့်ထားခဲ့ပေ။ သူ ခေါင်းမော့ပြီး ဖူလီ့ကို ကြည့်လိုက်သည်။
" မင်း ငါ့ကို လိမ်နေတာမလား..."
" ကျွန်တော့်ရဲ့ ကျင့်ကြံဆင့်တွေကို ကျိန်ဆိုပြီး ပြောရဲပါတယ်..."
ခွန်းဖမ်က ဆက်လက်တိုက်ခိုက်လိုစိတ်မရှိသည်ကို မြင်လိုက်ရသောအခါ သူ့ကြာပွတ်ကို ဦးစွာပြန်သိမ်းထားလိုက်ပြီး နောက်တစ်လှမ်းဆုတ်ကာ ဦးညွတ်လိုက်သည်။
" တကယ်လို့ လူကြီးမင်းခွန်းဖမ် စိတ်မရှိဘူးဆိုရင် နိမ့်ကျတဲ့ ကျွန်တော်နဲ့အတူတူ လူသားလောကရဲ့ စားကောင်းသောက်ဖွယ်တွေကို ကျေးဇူးပြုပြီး မြည်းစမ်းကြည့်ပါလား..."
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
