Chapter 139
Imperial MeowAugust 25, 2023
🐰Chapter 139🐉
ဦးလေး
ယုန်က လှေကားပေါ် ခုန်ဆွဆွဖြင့်တက်သွားပြီး တံခါးနားမှ တွင်းထဲကို တိုးဝင်နေသည်ကိုကြည့်နေမိသည်။ သူ့အမြီးကို ခဏတာ လှုပ်ယမ်းနေပြီးနောက် တွင်းထဲ ဝင်ရောက်ပျောက်ကွယ်သွားသည်။
" ဖူကော ကျွန်တော်တို့ အထဲဝင်ကြမလား..."
ချင်ရှုက ဖူလီ့ဘက်လှည့်ပြီး သူ့ထင်မြင်ချက်ကို ပြောလိုက်သည်။ ဖူလီ၏ ရုပ်ရည်သွင်ပြင်က ငယ်ရွယ်ပုံပေါ်သော်လည်း ချင်ရှုနှင့် ဝေ့စန်းက နေရာတွင် မည်သူက ဆုံးဖြတ်ချက်ချရသူဖြစ်ကြောင်း ရှင်းရှင်းလင်းလင်းသိထားသည်။
" အထဲဝင်ကြည့်တာပေါ့... ငါ့နောက်ကပဲ လိုက်လာကြ ဘာသံကြားကြား သတိလက်လွတ်နဲ့ လျှောက်မသွားလိုက်နဲ့... တကယ်လို့ တစ်ယောက်ယောက်ကခေါ်ရင်လည်း ပြန်မဖြေနဲ့..."
ယောင်လောကတွင် မှော်လက်နက်မျိုးစုံရှိပြီး တစ်ခုစီတွင် ခြားနားသောစွမ်းရည်များ ရှိကြသည်။ သုံးကြိမ်ခန့်ပွတ်သပ်ပြီးမှ ပျံသန်းနိုင်သည့် ပျံသန်းရေးမှော်လက်နက်များ၊ နေရောင်နှင့်ထိပြီးမှ မီးမှုတ်နိုင်သည့် ဘူးသီးခြောက်များ၊ နာမည်မှန်အောင် ခေါ်လိုက်သည်နှင့် တစ်ဖက်လူ၏ ဝိညာဉ်နှင့် ခန္ဓာကိုယ်ကိုပါ စုပ်ယူနိုင်သည့် သိုလှောင်လက်နက်များလည်းရှိသည်။
ဂျူနီယာနှစ်ယောက်က ယောင်လောက၏ မှော်လက်နက်များအကြောင်း ဗဟုဟုတများများ မရှိသောကြောင့် ဒုက္ခရောက်မည်ကို ဖူလီစိုးရိမ်နေမိသည်။ ဂျုနီယာနှစ်ယောက်လုံး နာခံစွာ ခေါင်းညိတ်လိုက်မှသာ ဖူလီက သူ၏ကြာပွတ်နီကိုထုတ်ပြီး ကျောက်တုံးလှေကားထစ်များပေါ် တက်သွားသည်။
တစ်ချိန်က ပန်းပွင့်ပုံစံဆေးနီများဖြင့် ဖုံးလွှမ်းနေခဲ့သည့် အိမ်တံခါးက လေနှင့်မိုးဒဏ်များကြောင့် တဖြည်းဖြည်း ဆွေးမြေ့လာခဲ့သည်။ ယခင်က ခမ်းနားထည်ဝါခဲ့သည်ဟု ပြောနိုင်သည့်တစ်ခုတည်းသော သက်သေမှာ ဆွေးမြေ့သွားသည့် ပန်းဒီဇိုင်းများသာဖြစ်သည်။ ဖူလီက တံခါးကို တိုက်ရိုက်သွားမဖွင့်ဘဲ နှစ်ကြိမ်ခန့် တံခါးအသာခေါက်၍ လက်နှစ်ဖက်ကိုအုပ်ကာ ပြောလိုက်သည်။
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
