Chapter 127
Imperial MeowAugust 15, 2023
🐰Chapter 127🐉
ကြောက်ရွံ့ခြင်း
"အမြီးက ၂ခုရှိတယ်... မကောင်းဆိုးဝါး မြွေ ၂ကောင်ပဲ..."
အဖော်လိုက်လာသည့် အလုပ်သမားများ၏ မျက်နှာများက ကြောက်လန့်မှုကြောင့် ဖြူဖျော့သွားကြသည်။ သူတို့က ကျင့်ကြံခြင်းအနည်းငယ်ကို သိထားသော်လည်း သူတို့၏ အရည်အချင်း ချို့တဲ့မှုကြောင့် ကျင့်ကြံခြင်း၏ မဟာလမ်းစဉ်ကို အမှန်တကယ် မလျှောက်နိုင်ပါပေ။ သို့ဖြစ်၍ သူတို့က လုံခြုံရေး ဌာနနှင့် ပူးပေါင်းခဲ့ပေသည်။ အမှန်တကယ်တွင် သူတို့က စီရင်စုအမျိုးမျိုး၌ တပ်ချထားသည့် လူထုလုံခြုံရေး ဝန်ထမ်းများဖြစ်သည်။
"တာအိုပညာရှင်ချင်ရှု... အခု ဘာလုပ်ကြမလဲ..."
"ဘာလုပ်ရမလဲဆိုတော့..."
ချင်ရှုက အံကြိတ်လိုက်သည်။ သူ့၏ မှော်လက်နက်တစ်ဝိုက်တွင် ဖြူဖွေးသော လက်ချောင်းများကို တင်းတင်း ဆုပ်ထားသည်။ သူက အရာအားလုံးကို ပြောင်းလဲ၊ နောက်လှည့်ကာ ထွက်ပြေး၍ ရရန် ပြုလုပ်ထားသည်။
"ဘာလုပ်ရဦးမှာလဲ... သေချာပေါက် ဘော့စ်ကို ခေါ်ရမှာပေါ့... အားးးး..."
သူ့အသံက တောင်ကြားကိုဖြတ်ကာ ထွက်ပေါ်လာပြီး အဝေးသို့ ပဲ့တင်ထပ်သွားလေသည်။ ဧရာမမြွေကြီးနှစ်ကောင်က သူတို့၏ အမြီးများကို ထုတ်ဖော်ကာ အမြန်အဆန် အမြီးများကို ဆွဲလိုက်ပြီး တောင်ထဲသို့ ဝင်ရောက်ပျောက်ကွယ်သွားလေသည်။
သူ့ဖုန်းမြည်လာသောအခါ ကျွမ်းချင်က ဗျူရို၏ ဝန်ထမ်းများနှင့် အစည်းအဝေးလုပ်နေသည်ဖြစ်သည်။ သူက ခေါ်ဆိုသူ အမည်ကို ငုံ့ကြည့်လိုက်ပြီး ဝန်ထမ်းများကို ပြောလိုက်သည်။
"ချင်ရှုဆီကပဲ..."
လူတိုင်းက အနည်းငယ် မထင်မှတ်ထားပါပေ။
ချင်ရှုက ရုံးအလုပ်ကိစ္စအတွက် ထွက်သွားတာမလား... သူက ဘာလို့ သူတို့ကိုခေါ်ဖို့တွေးမိတာလဲ...
ဖုန်းကိုင်လိုက်သည့်အချိန်တွင် ချင်ရှု၏ သနားစဖွယ် အော်သံများ ထွက်ပေါ်လာသည်။
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
