Chapter 81
Imperial MeowJuly 20, 2023
Chapter 81
သစ်ပင်ကိုသယ်ခြင်း
" ဘော့စ်..."
အားလုံးက ခြောက်ကပ်စွာရယ်လိုက်သည်။
" ကျွန်တော်တို့ သစ်သီးခူးချင်နေတာ ဒါပေမဲ့ ဒီသစ်ပင်က ခွင့်မပြုလို့..."
ကျွမ်းချင်က ဖူလီသူ့အိမ်ကို လွန်ခဲ့သော ရက်အနည်းငယ်ခန့်က ယူလာသည့်အသီးများကို သတိရသွားသည်။ သူ့မျက်ခုံးထိပ်များပင် လှုပ်ခါသွားရသည်။ ဖူလီက ထိုအသီးများကို ဗျူရိုမှ ခူးလာခဲ့သည်ဟု ဆိုသော်လည်း ဤသစ်ပင်မှ ခူးလာခဲ့ကြောင်း မသိပေ။
ကျွမ်းချင်က သစ်ပင်နားကိုလျှောက်လာပြီး ဘေးပတ်ပတ်လည်ကို ကြည့်လိုက်သည်။
" ဖူလီ ဘယ်မှာလဲ..."
ရှုယွမ်က ဖူလီ မည်သည့်နေရာတွင်ရှိကြောင်း ပြောပြလိုက်သည်။ ကျွမ်းချင် သူ့နောက်မှသစ်ပင်ကို လှမ်းကြည့်လိုက်သည်။
ဒါက လန့်ကန်းသစ်ပင်ဆိုတာလား...
အိမ်တွင်ရှိသော ကျူးယွီသစ်သီးများမှာ မစားရသေးသောကြောင့် အနည်းငယ်ခြောက်ကပ်လာသည်ကို တွေးမိသွား၍ အိမ်ပြန်ရောက်မှ အရောင်တင်ရန် ဆုံးဖြတ်လိုက်သည်။
" ဘော့စ်ရော ဘာလို့ မစမ်းကြည့်တာလဲ..."
ချူးယွီက အရေထူစွာဖြင့် ပြောလိုက်သည်။
" ကျွန်တော်တို့အားလုံး စမ်းကြည့်ပြီးပြီ ဒါပေမဲ့ ဒီသစ်ပင်က အရမ်းကပ်စေးနဲလွန်းတယ် ဘာနဲ့တူလဲဆိုတော့..."
အားလုံးက သူ့ကိုမျက်စောင်းထိုးကြည့်ကြသည်။ ချူးယွီ၏ စကားလမ်းကြောင်းက ချက်ချင်းပြောင်းသွားပေသည်။
" ဘာနဲ့တူလဲဆိုတော့ အဖိုးကြီးလိုပဲ..."
ကျွမ်းချင် သူ့ကိုလှမ်းကြည့်လိုက်သည်။ သူ မလှုပ်ရှားရခြင်းမှာ ယခင်က သူကိုယ်တိုင် ထိုအသီးကိုခူးရန် ကြိုးစားခဲ့ခြင်းကြောင့်ဖြစ်သည်။ သို့ရာတွင် ဤသစ်ပင်က အလွန်ခေါင်းမာလွန်းသောကြောင့် သူ ထပ်မံမပြုလုပ်ခဲ့ခြင်းဖြစ်သည်။ ယခုအခါတွင်မူ သူ့ဝန်ထမ်းများက ပြောလာ၍ အဝတ်အစားများပင် ပြဲထွက်သွားသည့် စုန့်ယွီကိုကြည့်ကာ သူ ငြိမ်သက်နေမိသည်။
ВЫ ЧИТАЕТЕ
မျိုးကွဲများနှင့်ယှဥ်တွဲနေထိုင်ခြင်း
Художественная проза💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
