Chapter 65
Imperial MeowJuly 16, 2023
Chapter 65
သူက လက်ကို ခပ်ဖွဖွ မြှောက်လိုက်သည်။ လေမုန်တိုင်းက ပတ်ဝန်းကျင်မှ နံရံများကို သက်ရှိနဂါးတစ်ကောင်သဖွယ် ထိုးဖောက်သွားပြီး ဘေးနားရှိ ရွှေနဂါးကို တိုက်ရိုက်ပိတ်လှောင်လိုက်သည်။
ဝေါင်း...
ဖူလီက ကောင်းကင်ဆီသို့ ပျံသွားပြီး သူ့၏ လူသားပုံစံအဖြစ် ပြောင်းလဲသွားလေသည်။ သူက မှော်လက်နက်တစ်ခုကို အိုးကျန်းဆီသို့ ပစ်လွှတ်လိုက်သည်။
ဖူလီ မျောက်ဝံဖြူကြီးထံမှ ကြားခဲ့သည်မှာ အိုးကျန်း၏ အားအင် ပင်ရင်းမှာ ရေဖြစ်သည်ဟုပင်။ သူက မီးကို အကြောက်ဆုံးဖြစ်သည်။ သို့ဖြစ်၍ သူအပေါ်တွင် မီးနှင့်သက်ဆိုင်သော မှော်လက်နက်တစ်ခုကိုသာ အသုံးပြုနိုင်သည်။ သူ့ကို ဒဏ်ရာမရစေနိုင်သော်လည်း အနည်းဆုံးတွင် သူ့၏ အပြုအမူများကို ဟန့်တားနိုင်ပေသည်။
ကျွမ်းချင်နှင့် ဝေ့စန်းက လေမုန်တိုင်းက သူတို့ဆီသို့ စိမ့်ဝင်လာသည်ကို မြင်လိုက်သည်။ ဝေ့စန်း၏ ခန္ဓာကိုယ်က တစ်ကြိမ်ထပ်မံ ကျယ်ပြန့်လာပြီး သူက လေမုန်တိုင်းဆီသို့ အရှိန်ပြင်းပြင်းနှင့် အပြေးသွားလိုက်ပြီး သူ့ခေါင်းကိုသုံးကာ လေမုန်တိုင်း၏ တိုးပွားလာခြင်းကို တားဆီးရန် ရည်ရွယ်လိုက်သည်။ တစ်ခြားတစ်ဖက်တွင် ကျွမ်းချင်က တိုက်ရိုက် နှာမှုတ်လိုက်သည်။ သူက ပါးစပ်ကိုဖွင့်လိုက်ပြီး မရေမတွက်နိုင်သော ပင်လယ်ရေစက်များ ထွေးထုတ်လိုက်သည်။ ပင်လယ်ရေက လေမုန်တိုင်းနှင့် ထိသွားသည့်အခိုက်တွင် ရေခဲအဖြစ်သို့ ပြောင်းသွားလေသည်။ ဤအခွင့်အရေးကို အမြတ်ထုတ်ကာ ကျွမ်းချင်က ရှေ့သို့လျှောက်သွားပြီး လေမုန်တိုင်းနှင့် ရောယှက်ရန် သူ့ခန္ဓာကိုယ်အား ရစ်ပတ်လိုက်သည်။
"အများသုံး ဆက်သွယ်ရေး အဆောက်အအုံတွေရဲ့ ကျေးဇူးနဲ့ တောင်နက်ကြီးထဲမှာတောင် လိုင်းတစ်တုံးမိတယ်..."
ကျန်းခယ့်က သူ့ဖုန်းကို ထုတ်လိုက်ကာ လုံခြုံရေးဌာနနှင့် ဆက်သွယ်ပြီး ဒေသဆိုင်ရာ မိုးလေဝသဌာနကို ဆက်သွယ်လိုက်သည်။ သို့ဖြစ်၍ မိုးလေဝသဌာနက လေမုန်တိုင်းသတင်းပြန်ကြားပြီး လူတိုင်းကို အိမ်ထဲတွင်သာ နေထိုင်ရန် သတိပေးခိုင်းလိုက်ပေသည်။ သူတို့က ကျန်းမာရေး ဌာနကိုလည်း ပုလိပ်ရောဂါအတွက် ဆေးဝါးများပြင်ဆင်ထားရန် အသိပေးရပေသည်။
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
