၀ဿန်ကာလ ဖြစ်ပေသည့်အတိုင်း တိမ်တိုက် မှိုင်းမှိုင်း နက်နက်တို့က နေမင်းကြီးကို ရောင်ခြည်ဖွင့်ရန် နေရာဖယ်မပေးခဲ့ ။ အုံမှိုင်းညိုရီလျက်သာ တဖြောက်ဖြောက်ရွာနေသည့်မိုးကလည်း စနေမိုးဖွဲ တစဲစဲဟုသာ ဆိုလိုက်ချင်ပါတော့သည်။
စနေနေ့မှ ရွာလာသည့်မိုးမှာ ယနေ့ အင်္ဂါနေ့သို့ပင်ရောက်လေပြီ ခေတ္တမျှ ရပ်သွားလိုက် မကျတကျမည်သော အရှိန်ဖြင့် ရွာလိုက်နှင့်ဖြစ်နေသည်မှာ လေးရက်မြောက်သို့ပင် ရောက်လာလေပြီ။
" ဒီ ပုံအတိုင်းဆို ကျောင်းတောင်မသွားချင်တော့ဘူး စောင်ခြုံထဲမှာဘဲ နှပ်နေလိုက်ချင်တော့တယ် "
ဖန်သားပြင်အလွှာတစ်ထပ်ခြားနေသည့် အခန်းပြတင်း၀မှ တဖွဲဖွဲရွာနေသည့် မိုးစက်ကလေးများကိုကြည့်ရင်း စိတ်ထဲဖြစ်ချင်နေသည့် အရာကို တစ်ယောက်တည်း တီးတိုးပြောလိုက်မိခြင်း။
"အဲ့လိုလုပ်လို့လည်း မဖြစ်သေးပါဘူး "
ကိုယ့်စကားနှင့်ကိုယ်ပြန်လည် ငြင်းဆန်လိုက်သည်က ခေါင်းတရမ်းရမ်းဖြင့်သာ။ မည်သည်ဟူ၍ မတိကျသည့် တစ်စုံတစ်ရာသော အကြောင်းအရာကပျင်းသည့်စိတ်ကို သွေဖယ်ကာ ကျောင်းသို့လာရသည့် အဓိကအကြောင်းအရင်း။
ကားပြင်သို့ထွက်ရန် ခြေဆန့်ချလိုက်သည်နှင့် ထီးတစ်ချောင်းကလည်း မိမိကိုယ်ထက်သို့ အုပ်မိုးလျက်သား။ကျောင်းဆောင်အတွင်းသို့ ခပ်သွက်သွက်ပင်လျှောက်လှမ်းသွားလိုက်သည်။ ပုံမှန်ထက် ပိုမြန်နေသည့် ခြေလှမ်းများက ရာသီလိုက်မိုးကြောင့်တော့မဟုတ် မိမိ့ကိုစောင့်ကြိုနေသည့် သက်ဝန်းညီညာ မျက်ဝန်းအစုံတို့ကြောင့်သာဖြစ်ပေလိမ့်မည်။
" Nik မိုးစိုလာသေးလား"
" ခန္ဓာကိုယ်တော့မစိုဘူး ဘောင်းဘီအောက်နားလေး ဘဲ နည်းနည်းစိုသွားတာ"
" အောက်နားကို ခေါက်ထားလိုက် ခြေထောက်ကို စိုစိစိနဲ့ ပစ်မထားနဲ့ "
" ထားပါကွာ ငါက ကလေးလည်းမဟုတ်တော့တာကို "
" ကျစ် ပြောရကပ် ဆိုရကပ်နဲ့ ငြိမ်ငြိမ်နေ"
DU LÄSER
နားခိုရာမှားတဲ့ လိပ်ပြာငယ်
Övernaturligtစာရေးသူ၏စိတ်ကူးသက်သက် ဖန်တီးထားတာဖြစ်လို့ အပြင်လောကနှင့် အချိုးမကျနိုင်ပါ