"ONE, two, three!" Bilang ni Steven at iniangat na nila ang takip ng kabaong ni Olivia. Hindi sila makapaniwala na walang laman ang kabaong na iyon!
"Hindi ito maaari..." Hindi makapaniwalang bulalas ni Bridgette. "Tamang puntod ba ang hinukay niyo? Baka naman nagkamali lang kayo!" aniya.
"No. Eto pa nga iyong binasag nating lapida oh," sabay turo ni Ford sa lapida.
Nakagat ni Bridgette ang kanyang mga daliri sa sobrang tense. Bakit nawala roon ang bangkay ni Olivia? Buhay pa ba ito? Pero imposibleng mangyari iyon!
NAPANGITI si Teacher Noah ng makita niyang nakaupo sa sofa ang kanyang nobya. Umupo siya sa tabi nito at pinagmasdan ang mukha nito. "Mahal na mahal kita," puno ng pagmamahal na sabi niya dito at ginawaran niya ng halik ang pisngi nito.
"B-BUHAY si Olivia? Pero papaano?" Tanong ni Emma.
"Bakit wala ng laman iyong coffin niya? Naging zombie kaya siya?" Naka-pout pa na singit ni Charina.
"Umalis na tayo dito!" Yakag ni Bridgette.
"Hindi naman kaya babalikan tayo ni Olivia dahil sa ginawa natin sa kanya?" Natigilan si Bridgette sa pagpasok sa kotse sa sinabing iyon ni Steven. "Hindi kaya iniisa-isa na niya tayo?"
Naniningkit na tumingin siya sa nobyo. "Hindi...Patay na siya! Paano niya tayo maiisa-isa?"
"Iyong nangyari kay Matthew! Hindi kaya multo ni Olivia ang may gawa noon?"
"Hindi ako naniniwala sa multo!" giit niya.
Lumapit sa kanya si Steven. "Kahit ako Bridgette, hindi ako naniniwala! Pero sa mga nangyayari ngayon parang gusto ko ng maniwala."
"This insane..." Umiiling na turan ni Bridgette. Pero parang gusto na niyang maniwala sa sinasabi ni Steven. Hindi nga kaya naghihiganti sa kanila si Olivia?
Hanggang sa makauwi sila ay palaisipan pa rin sa kanila ang pagkawala ng bangkay ni Olivia.
NAPAKAINGAY ng klase ni Teacher Noah ng pumasok siya. Inilapag niya ang mga dalang gamit sa lamesa niya sa unahan. "Class, good morning!" Malakas niyang bati.
"Good morning Teacher Noah!" Sabay-sabay na ganting bati ng mga estudyante niya habang umaayos ang mga ito ng upo.
Nang naging tahimik na ang lahat ay saka lang siya muling nagsalita. "May ibabalita nga pala ako sa inyo. Magkakaroon tayo ng school trip next week."
Masayang nagsigawan ang lahat sa sinabi niyang iyon. "Class quiet! Hindi tayo magkakaintindihan kung ganyan kayo kaingay." Bahagya naman na tumahimik ang lahat at nagpatuloy siya sa pagsasalita. "Ayun nga, next week ay magkakaroon tayo ng school tour pero kakaiba ang tour na ito sa mga nakaraang school tour dahil magiging makabuluhan ang gagawin natin dito."
"Teacher, saan po ba tayo magfifield trip?" tanong ng isang estudyante.
"Sa Quezon Province. Marami tayong activities na gagawin doon like tree planting, coastal cleaning at kung anu-ano pang makakatulong sa kalikasan-"
BINABASA MO ANG
School Trip
HorrorA PUBLISHED BOOK UNDER LIB (Life Is Beautiful) Biktima ng bullying at nag-suicide. Iyan ang nangyari kay Olivia. Ang pangyayaring iyon ay nakalimutan na ng lahat...Pero ang kaluluwa ni Olivia, nakalimutan na rin kaya iyon? Sasama ka ba sa isang kaka...
