မာကျူရီမီးသီး မီးလုံးတို့ထွန်းလင်းထားသောကြောင့်ညဘက်တွင်လည်း ပုံစံတစ်မျိုးဖြင့် ထည်ဝါနေသော ရဲတိုက်အဆောက်အဦးဝန်းထဲသို့ခြေ ချလိုက်သည့်အခါ သူ၏ဆုံးဖြတ်ချက်များ မှားသွားလေပြီသလားဟုတွေဝေမိသွားသည်။ ပခုံးပေါ်သို့ထိတွေ့လာသောအေးစက်စက်လက်တစ်ဖက်ကြောင့် သတိပြန်ကပ်လာသည်။
"အထဲကိုဝင်ရအောင်လေ Easton...... အအေးပက်လိမ့်မယ်"
Ian ၏စကားအားခေါင်းညိတ်ရုံသာထောက်ခံလိုက်ကာ ကျယ်ဝန်းသောခြံအကျယ်ကြီးအား ဖြတ်ကျော်၍အဆောက်အဦးအတွင်းသို့ဝင်လာသည့်အခါ ဖဲကြိုးအဝါနုရောင်လေးဖြင့်မဟော်ဂနီရောင် ဆံသားတို့အား ခပ်ပွပွစည်းနှောင်ထား၍ နှင်းဆီပန်းအဖြူနှစ်ပွင့််အားနားတစ်ဖက်စီတွင်ပန်ဆင်ထားသောသူမ၏မူပုံစံအတိုင်း ဖိနပ်စီးထားခြင်းမရှိပဲ ရွှံနွံများပေပွနေသော ခြေထောက်ဖြင့်ပြေးလွှားကာရောက်လာသော Camillaက
"ညစာစားဖို့ အကြီးအကဲ၊သခင်မလေးနဲ့ ဧည့်သည်တို့ စောင့်နေတယ်"
တစ်ယောက်ခံစားချက်တစ်ယောက်ဖွင့်ဟပြီးသည့် အချိန်တွင်ရင်ခုန်သံချင်းထပ်တူကျသွားခဲ့ကြပြီး နှုတ်ခမ်း နှစ်စုံဟာလည်း မကြာခနဆိုသလိုထပ်တူကျ ခဲ့သည်။ မြစ်ရေပြင်အားငေးကာ မည်သည့်စကားမှမဆိုပဲဘေးချင်းယှဥ်ထိုင်နေခဲ့သည်မှာ Ianထံမှ နှာချေသံကြားခါမှသာ အိမ်သို့ပြန်ရန် သတိရခဲ့ကြသည်။
"ဪ...... ကိုယ်တို့မြန်မြန်ပြင်ဆင်ပြီးဆင်းလာခဲ့မယ်လို့ သတင်းပါးထားပေးပါ"
Camillaသည် Easton အားတစ်လှည့် Ianအားတစ်လှည့်ကြည့်ကာခေါင်းညိတ်ပြ၍ပြန်ပြေးထွက်သွားသည်။ သူတို့နှစ်ဦးသည်လည်း သက်ဆိုင်ရာအခန်းစီတွင် အဝတ်အစားလဲ၍ကိုယ်လက်သန့်စင်ကာ အောက်သို့ပြန်ဆင်းလာကြသည်။ ထမင်းစားပွဲအရှည်တွင် ထိပ်ဆုံးခုံ၌အကြီးအကဲNicholasကနေရာယူထားပြီး ညာဘက်တွင်Easton.....Easton၏ဘေးတွင်ဇနီးသည် Catherine..... Eastonနှင့်မျက်နှာချင်းဆိုင်တွင် Alfertဖြစ်ပြီး Alfert၏ဘေးတွင် Jeon Ianဖြစ်သည်။
"နှစ်ယောက်သားဘယ်ကိုပျောက်သွားကြတာလဲ....."
အကြီးအကဲNicholas က စားသောက်နေရင်းမှအမေးစကားဆိုလိုက်သည်။ Nicholas သည် သဘောရိုးဖြင့်မေးလိုက်သော်လည်း မရိုးသားတော့သည့်သူတို့နှစ်ဦးသည် ရုတ်တရက်မေးခွန်းအားဖြေစရာအဖြေပျောက်နေကြသည်။
YOU ARE READING
မှားခဲ့လေသော ကံကြမ္မာ (Completed )
Short Story"ဒီတံတားကိုသာကျော်ဖြတ်နိုင်ရင် ကိုယ်တို့ထာဝရပေါင်းဖက်လို့ရပြီ Easton Park " "ငါ....မလုပ်နိုင်ဘူး Jeon Ian.....မဖြစ်နိုင်ဘူး....ငါတို့နှစ်ယောက်ကမဖြစ်နိုင်ဘူး" "မဖြစ်နိုင်တာမရှိပါဘူး.....မဖြစ်သေးတာပဲရှိတာပါ.....ကိုယ့်ကိုယုံကြည်ပြီး ကိုယ့်လက်ကိုဆွဲလို...
