Unicode
Episode _ 1
ကျုပ်နာမည်က တေလွန်း။ အမေ့ဗိုက်ထဲမှာကတည်းက ဆိုးလွန်း၊ ပေလွန်း၊ တေလွန်းလို့ အမေက ကျုပ်ကိုမွေးတော့ တေလွန်းလို့မှည့်ပေးလိုက်တာပဲ။ လူကလည်း စနေသား၊ နေတက်..ရေတက်အချိန်မှာမွေးတော့ ဇနဲ့ဗျ။ ကျုပ်တို့က မောင်နှမနှစ်ယောက်၊ ကျုပ်မှာ အစ်မတစ်ယောက်ရှိနေတယ်။ သူက အင်္ဂါသမီး၊ နာမည်က ငွေကျော့။ ကျုပ်နဲ့တော့ အမြဲတကျတ်ကျတ်ပဲ၊ နေ့နံပဲစီးလွန်းတာလား..၊ အရင်ဘဝကပဲ ရန်သူတွေတော်ခဲ့သလားတော့မသိ၊ မြင်လိုက်တာနဲ့ နှစ်ယောက်သားကိုက်တော့တာပဲ။ ကျုပ်တို့နှစ်ယောက်တည့်တဲ့အချိန်ဆိုတာ တော်တော်ရှားတယ်။ အဘ(အဖေ)နဲ့အမေက အမြဲပြောတယ်။ ကျုပ်က သက်ဦးမဟုတ်တာတော်တော်ကံကောင်းတယ်တဲ့၊ မဟုတ်ရင် သူတို့ကိုပါ ရောင်းစားမဲ့ကောင်တဲ့ဗျာ။ ဒါက မနာလိုလို့ပြောတဲ့စကားဆိုတာ သိပြီးသား။ ကျုပ်မွေးမှပဲ အဘရဲ့လယ်တွေ၊ ယာတွေကအထွက်တိုးပြီး ရွာမှာအလှူကြီးပေးနိုင်တာလေ....။ ကျုပ်ကို ဘဘုန်းကဟောထားပြီးသား၊ ဘုန်းကံအရမ်းမြင့်တဲ့ကောင်၊ မြင့်ဆို တော်ရုံတန်ရုံမဟုတ်ဘူးလေ။ ဟိုတလောက ရွာမှာ အကြော်သည်အဒေါ်ကြီးကိုသရဲဝင်ပူးတယ်ဆိုပြီး အပနှင်ဆရာတွေတောင် ထုတ်ပေးလို့မရဘူး၊ ကျုပ်က ကလေးပီပီဟန်ချီချီ သွားစပ်စုတာပေါ့။ အဲ့မှာဗျာ အဲ့သရဲဝင်ပူးနေတဲ့ဒေါ်ကြီးက ကျုပ်လည်းမြင်ရော ကြောက်ပါပြီ..နောက်မလုပ်တော့ပါဘူး.. ကြောက်ပါပြီလို့အော်ပြီး သရဲက တန်းထွက်သွားတာပဲဗျာ။ အဲ့ကတည်းက ရွာထဲကလူတွေ ကျုပ်ဆို ရှိန်ကုန်ကြတာပဲဗျာ။ ဒါတင်မကသေးဘူး၊ ရွာမှာ ကျွဲပျောက်၊နွားပျောက်၊ဆိတ်ပျောက်ရင် ဘယ်သူမှရှာမတွေ့ရင် ကျုပ်ကိုပဲ လာခေါ်ကြတာဗျ၊ အဲ့ပျောက်တဲ့နေရာတစ်ဝိုက်မှာ ပျောက်တဲ့အကောင်က ကျုပ်ရောက်ရင် အရင်ရောက်နေပြီးသား၊ ဘဘုန်းပြောတာတော့ ကျုပ်က တောစောင့်နတ်၊ တောင်စောင့်နတ်တွေထက် ဘုန်းတန်ခိုးပိုကြီးတယ်လို့ ပြောတာပဲ။
" ဟေ့ကောင် ငတေ!!.. မင်း ခုချိန်ထိ မထသေးဘူးလား.. "
ဟော ကြားရပါပြီ.. ကျုပ်အိပ်တဲ့ခေါင်းရင်းအခန်းပြတင်းပေါက်ကနေဝင်လာတဲ့နေရောင်နဲ့အတူတူ အဘရဲ့အသံကျယ်ကျယ်ကို။
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Randomunicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
