Unicode
Episode _ 25
ဒီနေ့ ကျုပ်တို့မြို့တက်မဲ့နေ့မို့ အစောကြီးထပြီး ကျုပ်ရော.. ဆင်ပေါက်ရော ပြင်ဆင်ရသည်။ ကျုပ်တို့နဲ့အတူတူ ဆရာအောင်ထူးမော်တို့ပါအတူတူလိုက်မှာဆိုတော့ ဆင်ပေါက်အတွက် မပျင်းရတော့ဘူးပေါ့။ ဘာလို့ဆို ကျုပ်က အဘရဲ့မိတ်ဆွေဆိုတဲ့ပွဲစားနဲ့သွားတွေ့ရမှာလေ..။ ပြီးတော့ ထော်လာဂျီလည်း သွားဝယ်ရအုံးမှာ။ ပွဲစားအလုပ်က ပုံမှန်ဝင်ငွေမရှိတော့ ထော်လာဂျီလေးတစ်စီးဝယ်ပြီး အငှားလိုက်တာက အဆင်ပြေတယ်လို့ ကျုပ်တွေးထားတယ်။ ထော်လာဂျီမောင်းတတ်လားဆိုရင်တော့ ကျုပ်က ဘယ်သူမို့လဲ။ အေးဆေးပါ။ ကျုပ်တို့မြို့ကိုလာတော့ ကားကြုံနဲ့သွားရမယ်ဆိုပေမဲ့ အပြန်ကျရင်တော့ ကျုပ်ရဲ့ထော်လာဂျီနဲ့ပြန်မယ်ပေါ့ဗျာ။
" တေလွန်း... ငါ မလိုက်လို့မရဘူးလားဟင် "
" ဘာဖြစ်လို့လဲ.. မောင်က မင်းနဲ့အတူတူပဲ သွားချင်တာ "
" ဟိုရောက်ရင် မင်းကလည်း မင်းကိစ္စနဲ့မင်းအလုပ်ရှုပ်မှာလေ..၊ ငါ မပါလည်း ဘာမှမဖြစ်ပါဘူး... ပြီးတော့ ငါ အခုထိမသက်သာသေးဘူး "
" မောင့်ဆင်ပေါက်လေးက အကြမ်းမခံလိုက်တာ...၊ အကြမ်းခံအောင် မောင်သေချာလေ့ကျင့်ပေးရမဲ့ပုံပဲ.. "
" တေလွန်း.!! ခွေးကောင်၊ ငါ စကားအကောင်းပြောနေတာကို ထမဖောက်နဲ့ "
" ဟား... ရှက်သွားတာလား "
" ဘာလို့ရှက်ရမှာလဲ... ငါ ယောက်ျားကွ၊ မင်း ထပ်စရင်.. ဒီမှာ ငါ့လက်သီးကိုကြည့်ထား "
ကျုပ်ကို လက်သီးရွယ်ပြတဲ့ဆင်ပေါက်ကြောင့် ကျုပ်မှာ တဟားဟားရယ်မိသည်။
" မောင့်ဆင်ပေါက်လေးက မောင့်ကို ထိုးရက်လို့လား...ဟင် "
" ဘာလို့ မထိုးရက်ရမှာလဲ၊ ထိုးရက်လွန်းလို့ လာစမ်းပါ.. ထိုးပြမယ် "
အိမ်တံခါးတွေကိုလိုက်ပိတ်နေတဲ့ဆင်ပေါက်က ကျုပ်ကိုလက်သီးလက်မောင်းတန်းကာ စိန်ခေါ်သည်။
" လာပါပြီဗျာ... တစ်ယောက်တစ်ချက်နော်၊ ဆင်ပေါက်အရင်ထိုး... ဆင်ပေါက်ပြီးရင် မောင့်အလှည့်၊ ဒါပေမဲ့ မောင်က မင်းလို လက်သီးနဲ့မထိုးဘူး...၊ အခြားတစ်ခုနဲ့ မောင်ထိုးချင်တဲ့နေရာကို ထိုးမှာ... "
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Randomunicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
