Unicode
Episode _ 27
" အရီးလေး... "
" ဟော... ရောက်လာပြီလား၊ အိမ်ပေါ်မှာပါတော်.. "
" ဟုတ် အရီးလေး "
" နှစ်ယောက်သား အေးအေးဆေးဆေးဖြေရှင်းကြနော်...၊ အရီးလေးရဲ့သားအကြောင်းလည်း သိနေတာပဲ.. "
" ဟုတ် စိတ်ချပါ... အရီးလေး "
ကျုပ်လည်း အရီးလေးကိုနှုတ်ဆက်ပြီး အရီးလေးတို့အိမ်ပေါ်တက်သွားလိုက်တယ်။
" ဆင်ပေါက်... တံခါးဖွင့်အုံး "
" ..... "
" ဆင်ပေါက် ပြောနေတာကြားလား..၊ တံခါးလာဖွင့်လှည့်လို့ ငါပြောနေတယ်လေ "
အခန်းတံခါးကလန့်ချထားတဲ့ဆင်ပေါက်က ကျုပ်ကိုဒေါသထွက်အောင် လာလုပ်နေတာပဲ။ အိမ်အောက်မှာရှိတဲ့အရီးလေးကြောင့် ကျုပ်သည်းခံနေတာကို၊ ဒီကောင်က ရောင့်တက်နေတာ။ မိဘအိမ်ပြန်ရောက်နေတော့ တော်တော်အာခံရဲနေတာပေါ့လေ။
" ဆင်ပေါက်... ငါခေါ်နေတုန်း တံခါးလာဖွင့်နော်၊ အေး.. မဟုတ်ရင် ငါ တံခါးကိုရိုက်ချိုးပြီးဝင်လာမယ်.. မင်း ငါ့အကြောင်းသိတယ်နော် "
အိမ်အောက်ထပ်က ဒေါ်နန်းမှုံမှာတော့ အိမ်ပေါ်က သမက်ဖြစ်သူနဲ့သားဖြစ်သူကြောင့် စိုးရိမ်ဗျာများနေရသည်။ ယောက်ျားဖြစ်သူကလည်း ဒီနေ့မှအလုပ်ကိစ္စနဲ့မြို့ပေါ်တက်သွားတာကြောင့် သူတစ်ယောက်တည်းအိမ်မှာကျန်နေခဲ့တာ။ ဒါကို ရုတ်တရက်ကြီး အိမ်ကို မျက်နှာကြီးဆူပုတ်ကာ ရုတ်တရက်ရောက်လာတဲ့သားဖြစ်သူကြောင့် ဘာများဖြစ်တာလဲလို့စိတ်ပူပြီးမေးကြည့်တော့ သားမက်ဖြစ်သူအော်ငေါက်လို့ဆိုပြီး အိမ်ပေါ်ကဆင်းလာတာတဲ့လေ။ ဘာကိစ္စလဲဆိုတာကိုတော့ မပြောဘဲ ကိုယ့်အိမ်ကိုယ်မပြန်တော့ဘူးဆိုပြီး အရင်နေတဲ့အခန်းထဲဝင်သွားတာပဲ။ မကြာဘူး.. ခဏနေတော့ သားမက်ဖြစ်သူရောက်လာတော့သည်။
" ဆင်ပေါက်.. ငါ တံခါးဖွင့်လို့ပြောနေတယ်လေ!!.. "
တေလွန်းရဲ့အသံက တော်တော်ကျယ်လာတာမို့ အိမ်အောက်ထပ်က ဒေါ်နန်းမှုံမှာ အိမ်အပေါ်ထပ်ကိုပြေးပဲတက်ရမလိုလို၊ ရှောင်ပဲရှောင်ပေးရမလိုဖြစ် ဗျာများနေသည်။ သားမက်ဖြစ်သူက မိမိသားကိုကိုယ်ထိလက်ရောက်အနိုင်မကျင့်မှန်းသိပေမဲ့ တစ်ဖက်ကကိုယ့်ဝမ်းနဲ့လွယ်မွေးထားတဲ့သားဖြစ်နေတာကြောင့် စိတ်ပူရသည်။
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Randomunicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
