စနေသားရဲ့ ဆင်ပေါက် / စေနသားရဲ့ ဆင္ေပါက္

Episode _ 32 ( Final episode )

Unicode
Episode _ 32 { Final episode }

" မြလွန်းရှင်!! "

တိတ်ဆိတ်နေတဲ့ခြံဝိုင်းကြီးထဲမှာ ဒေါသတကြီးအော်သံတစ်ခုက ကျယ်လောင်စွာထွင်ပေါ်လာသည်။ ထိုအသံဟာ အခြားသူ၏အသံတော့မဟုတ်၊ ရှင်မွှေးခေါ် စနေသားရဲ့ဆင်ပေါက်အသံသာဖြစ်သည်။

ကျုပ် အိမ်အောက်မှာ နေ့လည်စာအတွက်ထမင်းပွဲပြင်နေတုန်း ခြံထဲကိုဒေါသတကြီးဝင်လာတဲ့အဖြူအစိမ်းနဲ့ကျောင်းဆရာ​ပေါက်စလေး​။ အခြားသူတော့မဟုတ်၊ ကျုပ်ရဲ့နှစ်ယောက်မရှိတဲ့ဆင်ပေါက်ပေါ့ဗျာ။ အခုဆို ဆင်ပေါင်က ကျောင်းပြီးလို့ ရွာကစာသင်ကျောင်းလေးမှာ မူလတန်းပြကျောင်းဆရာဝင်လုပ်နေပြီလေ။ ထိုနည်းတူ ကျွန်တော်လည်း ဘွဲ့ရပြီးဖြစ်သည်။ ဆင်ပေါက်ကတော့ သူသင်ထားတဲ့ကျောင်းပညာနဲ့ သူဝါသနာပါတဲ့အလုပ်ကိုရွေးချယ်သည်။ ကျုပ်ကတော့ လယ်ယာလုပ်ငန်းကိုအရင်ကသာ စိတ်ဝင်စားခဲ့တာ၊ အခုတော့ ကုန်စိမ်းနဲ့သစ်သီးရောင်းဝယ်ဖောက်ကားရေးလုပ်ငန်းကိုအတည်တကျလုပ်နေသလို တခါတလေ ပွဲစားအလုပ်ကိုလည်းသဘောကျတော့ ပွဲစားလည်း ဆက်လုပ်နေတယ်။ လယ်ယာတွေကတော့ အရင်အတိုင်းပဲ စာရင်းငှားချထားရတာပေါ့။ ကျုပ် ဒိုင်လုပ်ရတဲ့အကြောင်းက လွန်ခဲ့တဲ့ခြောက်နှစ်က ကျုပ်နဲ့ဆင်ပေါက်ရဲ့ဘဝထဲကိုရောက်လာတဲ့အနှီထုပ်နဲ့ကလေးကြောင့်ပင်။ ကျုပ်နဲ့ဆင်ပေါက် ကလေးကိုရွာအထိခေါ်လာပြီး ရွာကလူကြီးတွေနဲ့ကျုပ်တို့မိဘတွေကိုအသိပေးကာ ကျုပ်တို့ပဲတရားဝင်မွေးစားခဲ့တယ်။ ကလေးက မိန်းကလေးဖြစ်ပြီး ကလေးရဲ့မွေးနေ့မွေးရက်၊ ခုနှစ်သက္ကရာဇ်ကိုသိနေတော့ ဘဘုန်းဆီမှာ ကလေးအတွက်နာမည်ရွေးခဲ့တယ်။ ဒါပေမဲ့ ဘဘုန်းပေးတဲ့နာမည်တွေကို ကျုပ် မကြိုက်ဘူး၊ နောက်ဆုံး ကျုပ်လည်း ကျုပ်နာမည်လည်းပါရတယ်၊ ဆင်ပေါက်နာမည်လည်းပါရမယ်ဆိုပြီးစဥ်းစားလိုက်တာ " မြလွန်းရှင် " ဆိုတဲ့နာမည်ထွက်လာတော့တာပဲ။ ဘာလို့ဆို ကလေးက ကျုပ်နဲ့ဆင်ပေါက်ရဲ့ကလေးဖြစ်သွားပြီဆိုတော့ ကျုပ်တို့နာမည်တော့ပါသင့်တယ်မလား။ ကျုပ်ပေးတဲ့နာမည်ကို ဘဘုန်းကလည်း အဆင်ပြေတယ်တဲ့၊ ဒါပေမဲ့ ပြဿနာက တစ်ခုလေးပဲ....။ ကလေးက ကျုပ်ပေးတဲ့နာမည်ကြောင့် နည်းနည်းတော့ထိန်းရခက်လိမ့်မယ်တဲ့လေ။ ကျုပ် မမှုပါဘူး။ အဓိကက ကျုပ်နဲ့ဆင်ပေါက်ရဲ့နာမည်ပါရင် ပြီးတာပဲ။ ဒီနာမည်ကို ဆင်ပေါက်လည်း သဘောကျတယ်လေ။